امي مريضه بمرض نادر

السلام عليكم ورحمة الله وبركاته
صلى الله عليه وسلم

اخواني خواتي ابناء المنتدى

امي جاها مرض نادر بعدي عنكم

اسمه جونسن جونس

بدايه القصه

ماكان فيها شي عاديه

بس جاتها حمى قوه وراحت الصيدليه

وخد بندول وعلبه فيتامينات

وشربت حبتين بندول مثل ماهي متعوده وخدت حبه فيتامين

لكن للاسف اهي ماقرت انه الفيتامين يحتوي على انسولين

وهي عندها حساسيه منها

وعينها ماشافت خير من بعد ديك الليله

تعبت كثير وماقدرت تنام ليلتها

وراحت المستشفى

والله يامحهم بالغلط عطوها مغدي في كمه من الانسولين بالغلط

وبدون مايفتحوا ملفها ويشوفوه

وتعبت كثير وحطوها في العنايه المركزه

كان مافي امل انها تعيش بس ربي ستر:confused:

وبدا يطلع لها حبوب في كلللل جسمها حتى داخل عيونها:confused:

وبعد ماطلعوها من العنايه بيومين كبرت الحبوب وصارت كانها فيها جدري

بعيد عنكم:confused:

تكسر الخاطر

هديل الحبوب اللي صارلها كانت رده فعل قويه من الجسم بسب الحساسيه

المهم الحبوب اللي داخل عينها سببت لها تقرحات وتشقق في القرنيه

وصارت ما تقدر تشوف الا الشي البسيط

ولا تقدر تاكل

لان فمها بعد التهب

اقولكم مابقى مكان وما اتادى:confused:

المهم تمت في المستشفى حالتها حرجه مده 3 شهور

ووبعده وديناها الخارج ولعبوا بعينها لعب

المهم اهي خف حلجها بعد ماكانت حتى الماي تقدر تشربه

وكل جسمها خف الحمد لله بعد معاناه

بس العيون مو راضي الالتهاب يخف ولا الشقوق اللي في القرنيه تروح

وقالولها مافي امل انك تشوفي من عينك اليسار

مع العلم ان الدمعه عندها واقفه يعني تستخدم دموع صناعيه

وقبل شهر رمضان بيومين دخلوها المستشفى

وسولها عمليه عشان يشوفوا الغضروف هل هو سليم ولالا

وبعد العمليه

صارت ماتشوف من العين اليمين اللي كانت تشوف منها شوي وتعتمد عليها

والحين ماتشوف الا من اليسار بس على خفيف

حالتها النفسيه كلش مترديه

صار هالشي لها فجاة

بعد ماكان مافيها شي وتروح الدوام وتمارس حياتها

لكن يالله قضاء وقدر

رجائي االلي يعرف شي يشفيها والشافي الله يقولي

ولاتنسوها من الدعاء في هالشهر الفضل

ومشكورين مالي غيركم......حياكم