السلام عليكم ورحمة الله وبركاته
الله يحيك اختي في جده ..
بالنسبه للمطاعم :شارع الاندلس كله مطاعم روعه افضلها بالنسبه لي تشيليز,فرايديز,فدركرز,ابل بيز,شيزان الهندي مايجيك على الشارع العام يجي في دخله من الدخلات في شارع الاندلس اسالوا اي احد ومارح تضيعوا ان شاء الله وفي بارتشن والمطاعم اللي ذكرتها قبل مافيها بارتشن ,في كمان مطعم بشارع الاندلس اسمه مطعم النجوم يلدزلار رووووووووووووعه وفيه بارتشن كمان,وفي عندك مطعمين وفي نفس الوقت كافيهات بشارع الحمراء في مركز الحمراء الاول نكهة القهوه والتاني لوست ستي روعه وفيها بارتشنات,واذا تحبي الماكولات البحريه في مطعه انا اموت عليه تايلندي اسمه مطعم الشرق ومكانه شارع صاري تدخلي اللفه اللي في الركن يكون سوبرماركت مرحبا وتطولي لي الاشاره تلاقيه على يسارك .وفي مطعم شيزان بشارع صاري كمان على الشارع العام وفي مطعم الدنتي روعه ..وكنز ابحر كمان حلو وفيه برتشينات والمرسى ..وشارع التحليه كله مطاعم وكفيهات على كيف كيفك...هذا كل اللي في بالي حاليا اذا افتكرت شي بقولك وبالتوفيق..