,,,,حـــــــــــــــــركات رومانسيـــــــــــــــــه,,,,

انا مخطوبة وبعده وقت لحد ما اتزوج
أنتظر لحد ما اتخرج بالأول ...:pain:
مرة هديته خاتم فضة ايطالية
واخترت الحجر ياقوت ازرق لسببين
الأول أن الياقوت الأزرق يرمز للحب العميق إلي عمره ما راح ينتهي
والثاني أن القدامى كانوا يؤمنون ان الياقوت الأزرق يحمي لابسه من كل سوء ومن كل شر، زود فوق هاي هو يموت في اللون الأزرق :smile:

ومرة هديته مجموعة سيديهات منوعة لأغاني يحبها واناشيد اسلامية يحبها أو انا احبها ، بس المميز في هالسيديهات أني بروحي مصصمة البرنت إلي عليها وكاتبه عليها اسمه واهداء خاص ليه.

ومرة صممت له مجموعة بطاقات شعرية لقصايد احبها كثير واحسها تعكس كل حاجة بقلبي ليه ورسلتها له من دون اي مناسبة بالبريد الألكتروني

ومرة الفت له خاطرة وسجلتها بصوتي على خلفية موسيقية ورسلت الملف ليه ... عجبته كثير .. حتى استانست من خاطري لما عجبته.

ومرة هديته صندوق خشب صغير محفور عليه اسمه وخطت بروحي مخدة حرير حمرة صغيرة ولفيتها بشرايط ساتان وحطيت في الصندوق مصحف صغير وهديته اياها.

في هدايا عادية طبعا .... عطر ..... اقلام ...... هالسوالف
اخر هدية هديته اياها كانت ميدالية لمفتاح سيارته من الفضة الايطالية...... وعليها قلب ازرق نازل من مقدمة القلادة. وقلت له هاي قلبي تكفى حافظ عليه :D2

بس للاسف ما اقدر اسوي مثل حركات البنات
إن شاء الله بعد ما نتزوج

فاتت عن بالي هدية عملتها ليه مرة
جمعت اصداف حلوة من البحر وشريت لها صندوق صغير حلو
وكتبت على كل صدفة كلمة حلوة وحطيتها بالصندوق
طبعا هذا بعد ما نظفت الصدف ولمعته واستخدمت حاجات ثانية عشان تضبط
بس تعبت لحد ما كتبت على كل الأصداف
شغلانة ما كل صدفة يصلح الواحد يكتب عليها :pain:

والله الموضوع وايد عجبني
وخذت أفكار حلوة
وآنه بعد عندي أفكار

مرة شريت قلم هدية من ماركة جفنشي ووضعت القلم في بدلته مالت الشغل ولما شافه وايد أستانس

ومرة شريت له هدية وطبعاً منالهدايا اللي تعجبة وخليت المحل يتصلون على رقمة ويخبرونه أنه لازم يروح لهم ويستلم هدية من شخص لما راح حصلها مني وبعد عجبته

ويلا عطونا أفكاركم
:smile:

salaam
teslamoooon 3ala hathe alafkar al7elwa
ane 3nde afkar 7elwa bas ma athen etfedkom l2anha afkar europya <<< (3aysha fi sweden ) men hathe alfkar<<<< mathalan ,,,,, shlon etsawen layla romansya bas bel thalj kol she lazem yekon abyath
1000 shoker el afkarkom aljamela
okhtkom NARDEEN

مشكورين خواتي على أفكاركم الحلوة
ممكن أضيف لكم هذه الفكرة ان شاءالله تعجبكم



في مناسبه لفيت نفسي بشريط وورد وحطيت بطاقة على نفسي وكتبت فيها اهداء وقلت له فيها ماأظن في حد اهدى لك هذه الهدية من قبل ...الصراحة وااايد عجبته..


ان شاء الله تعجبكم...

مرحباااااا انا عندي بعد جم فكره حلوه نشالله تعجبكم
صج اني للحين مومتزوجه بس وايد اقعد مع زوجة اخوي وانفكر وانخطط:cool2:


بعيد ميلاد اخوي الي اهو زوجها





اول خطوه وعلشان يحس بطعم المفاجاه وخاصه انه عيد ميلاده او اي مناسبه حسسيه انج كلش مو متزهبه او ناسييته

طبعا اول شي شرت له هديه وكانت يومها مريضه يعني مالها خلق المهم ماكشخت ولا شي بملابسها البيت ورابطه شعرها ولابسه نفس الشيله وقالتله انه محنيه شعرها علشان لا يسالها ليش لابسه الشيله ىيعني وحده كلش مالها خلق طلبتله عشا يعني هذي هديته طبعا اهوا اكتأب :D2 وقال بقلبها شكلها مو معبرتني

مرحباااااا انا عندي بعد جم فكره حلوه نشالله تعجبكم
صج اني للحين مومتزوجه بس وايد اقعد مع زوجة اخوي وانفكر وانخطط:


بعيد ميلاد اخوي الي اهو زوجها





اول خطوه وعلشان يحس بطعم المفاجاه وخاصه انه عيد ميلاده او اي مناسبه حسسيه انج كلش مو متزهبه او ناسييته ::

طبعا اول شي شرت له هديه وكانت يومها مريضه يعني مالها خلق المهم ماكشخت ولا شي بملابسها البيت ورابطه شعرها ولابسه نفس الشيله وقالتله انه محنيه شعرها علشان لا يسالها ليش لابسه الشيله ىيعني وحده كلش مالها خلق طلبتله عشا يعني هذي هديته طبعا اهوا اكتأب : وقال بقلبها شكلها مو معبرتني

المهم تعشا وقالتله يتروح اتغسل الصحون مسكيييييين صكة فييييييييييه الديا :

دش اهوا الدار واهيا خاشه العدة بالمطبخ
طبعا كانت قاصه شعرها وصابغته ولبسة لبس حلو احمر وعلا طول افرشة بالصاله شرشف احمر علا الطالوله وحطة ملة ( باديه ) من الزجاج كبييييييييييييره ونثرت داخلها كراستالات لونهم احمر واوراق ورد احمر واترسته مااااااااااااااااي وحطة الشموع الي يطفحون لونهم احمر وحطة علا الطاوله وايد شموع حمر وكانت مسويه عصير فراوله وحلو وكيكة عيد ميلاده وخاشه تحت الطاوله هدية عيد ديلاده وقالتله روح الصاله وييب لي باجي الصحون واهيا كانت بالصاله طبعا اهوااا تفاجئ حيييييييييييييييييييييييييييييييييييييل وانصدم يمكن ضل مصدوم طول الوقت من الونااااااااااااااااااااااااسه
انشالله ماطولت علييكم

:shy:

ياعيني عليكم والله خطيرات

السلام عليكم ..

اولا الموضوع واااايد حلو .. والاحلى ان قاعدين نستقيد منه :)


بقولكم عن تجاربي الاخيره ::)

مره قعدت الصبح بدري .. يعني الساعه 5 الفجر .. وكنت شاريه صينيه خشب اللي تستخدم حق

السرير .. وطبعا رحت المطبخ وسويت كلوب ساندويش ( مكوناتها .. مرتديلا + جبن+خس+طمامط

+توست وقصيتها مثلث .. بعدين عندي مقلاه على اشكال .. سويت بيضه على شكل قلب الحب

وزينت الصحن طبعا بالخيار والطماط .. وسويت عصير برتقال فرش .. وكوب شاي .. طبعا عندي

فوط صغار وحده خليها حاره على البخار .. والثانيه ناشفه .. علشان بس اصحيه من النوم اقدمله

الفوطه الحاره يغسل وجهه فيه .. وبعدين ينشف وجهه بالفوطه الثانيه .. طبعا قبلها بيوم رايحه

محل ورد يجهزلي باقه صغيره جدا تنحط على الطاوله تتكوت من وردتين جوريتين وبعض الورود الصغيره ..

طبعا قبلها كنت بالمطبعه سويت جريده .. فيها صوره وتحت بعض الاخبار اللي تخصنا وتخصه ..

علشان اقدمها الصبح مع لريوق .. وسويت فاتوره فيها كل الفطور الي مقدر مع الاسعار طبعا :)

اي نسيت شغله طبعا كنت مسويه حلوو بعد :))) وبالفاتوره كتبت قبله حاره .. وسعرها لاتقدر بثمن

وكنت شاريه قميص نوم .. مثل الجارسونات الي بالمطاعم .. تاج للراس .. وصدريه تنلف على الخصر مكتوب عليها .. tea coffe or me .. عجيييب ..

طبعا جهزت موسيقى سلو بغرفة النوم .. ودخلت عليه وصحيته قبل لايروح الدوام .. وقدمته له ..

كاني room service ,, اللي بالفناادق .. عجبته الفكره حيـــــــــــــــــــل .. وطبعا زين الصينيه بالبوكيه لصغير مع شمووع .. وحطيت الصينيه على لفرااش .. مع كرت عليه كلمات رقيقه وحلوه ..

طبعا بالاخير دفعلي لحساااب الي بالفاتوره مع التوقيع :)))))))

------------------------------------------------------------------------------------------------------------

والفكره الثانيه .. كانت يوم عيد ميلاده .. اجرتله سياره اللي كان خاطره فيها من مكتب .. "بعا اخوي اللي تتفاهم مع المكتب .. وترستها تفافيخ .. مع ورد .. والمفتاح بصندوق صغير ..

بس كانت الصناديق مرتبه من لكبير ليه لصغير .. يعني صندوق في بطن الثااني ..

استانس الصرااحه وماتوقعها بالمره ..

واايد اشياء في بالي راح اكتبها لكم .. بس انشاءالله تعجبكم هالافكار ..

مع الســـــــــــــــــــلامه ..

وتحياتي لكم :)

[CENTER]نايس اختي جمييله موضوعج وايييد حلو :shy:

الصراحة حمستونا للعرس

الله يحفظكم يالغاليات :smile:

رووووووووووووووووووووعة كل الحركات

انا من اشتركت في المنتدى توي اشارك

انا للحين مخطوبة وزواجي قريب ان شاء الله

لكني راح استفيد من كل حركاتكم

بسوي هالحركة كل يوم علشان يدفع الفاتورة
ضمنت مصروفي ههههههههههههههههههههههههههههههههه

هي الفكرة حلوة هسويها في عيد خطوبتنا كمان كام شهر هي باقة ورد كبيرة وكلها ورد احمر وعليها كارت كبير على شكل قلب ومعها الهدية في صندوق احمر هرسل هذا كله في الشغل ويروح الصبح يلقيها على المكتب

مرحبا بناااات...
أنا مالجة.. و خطيبي دايما يسافر مع الشغل.. آخر مرة سافر فيها كان ساير العمرة مع ربيعه.. و لأنه بيسكن وياه في نفس الغرفة كان يستحي يكلمني جدامه! ههههه فديته خجووول!! :o
المهم عاد أنا شو سويييييت؟؟؟ رحت تهاني الخليج و يبتله دبدوبين صغار عروسة و عريس فيهم وردي و أبيض و بيج و فضي.. و يبت القش البيج اللي يبيعونه هناك و اشتريت علبة فضية مناسبة و جلاد هدايا أبيض و فيه قلوب حمراء و وردية...
حطيت القش في العلبة و خليت الدبدوبين متقابلين في العلبة كأنهم يبوسون بعض!! (})({)و حطيت بينهم وردة شليتها من المسكة اللي شليتها يوم الملجة.. و نثرت عليهم أوراق ورد بس مب طبيعي.. الأوراق اللي مصنوعة من قماش و فيها ريحة.. و رشيت علهم عطر جيفنشي Very Irresistable.. تخبل على الريحة!! :up: و سكرت العلبة و جلديتها بالجلاد وزينتها..
كنت شارية علبة صغيرة باتشي و جلديتها بنفس الجلاد و غلفيتها و زينيتها..
و اشتريت ثلاث بطاقات.. كتبت في كل وحدة كلام حلو.. و يبت كلينكس و بسته عشان أحط فيه طبعة من الgloss اللي يعجبه :o و رشيت عليه من العطر من بعيد عشان ما يبقع و حطيته في البطاقة بعد ما جف.. سكرت البطاقات الثلاث و حطيت على كل وحدة من برع وردة كاملة جافة من باقات الملجة و رشيت عليهم العطر.. و كتبت على كل وحدة تاريخ يوم من الأيام اللي بيكون فيها مسافر بحيث انه كل يوم يفتح كرت!
واااااااااااااااااااااايد استانس على هاي الحركة خاااااصة الكلينكس!! :o

و مرة ثانية يوم كملنا شهر رحت اشتريت من الرصاصي طقم هدية مبخر يجنننننننن مع العود.. و تولة دهن عود.. و من باريس غاليري بزم ديور.. و حطيت بطاقة تبين كيف ممكن تكون حياتنا مع بعض ان شاء الله بعد ما نكبر و نستوي أجداد!! ههههههه... و أهم شيء يبت هدية بسيطة لأمه دخون و بخاخ بريحة دهن العود
أعرف ان هاي المرة ما سويت حركة لكن أحس ان الهدية لأمه كانت أحلى حركة :)

عندي وايد أفكار و ان شاء الله كل ما ألاقي وقت بكتب اللي أروم عليه.. :)

هااااااااااااااااااااااااااااااااااااالو حبايبي انا عندي فكره جهنميه مع شويه مغامره على رومانسيه: يوم عيد زواجنا حبيت احضرله شي مختلف وغريب وهووووووووووووووووووووو:
حجزت في فندق الريتز كارلتون غرفه مطله على البحر وجهزت الغرفه من ورود حمراااا وشموع وعطرت الغرفه وبخرتها وكانت ريحتها اتطير العقل شي جداااااااااااا رومانسي ولبستله شي يحبه وكتبتله له رساله في البيت انك بتلقاني في الفندق وعطيته رقم الغرفه مع رساله جدااااا غرااااااااااااااااميه وعجبته الفكرررررررررررررررررررررره واااااااااااااااااااااااااااااااااااااااايد:smile::smile::smile: وماخلا حد ماقاااااااااااااله جربوها والتجربه خير برهاااااااااااااااااااااااااااااان وادعولي ............................::up:

صباح الورد بنات.. شو أخباركم..؟
بقول لكم شو سويت يوم الخميس يوم كان زوج المستقبل بيزورني.. عرفت منه أنه يحب يقرأ الكتب المترجمة في مكتبة جرير.. فرحت اشتريتله كتاب "Men are from Mars, Women are from Venus" مترجم.. و فيه كتب ثانية وااااااااااااااااايد حلوة عندي اياها بالانجليزي "Why men lie, and women cry" و "why men don't listen and women can't read maps".. فاشتريتله الأول لأني ما لقيت الثاني مترجم!! :(
و يبت له كتيب صغير من اللي يبيعونهم في محطة بترول الامارات "To my husband".. و علاقة صغيرة مكتوب فيها كلام رومانسي و وردة حمراء.. لفيت الكتب الثلاثة بشريط هدايا بس بدون ورق هدايا.. و في عقدة الشريط في النص ربطت العلاقة و لفلفت الشريطة (قصيتها شرايح بالطول و استخدمت مقص عشان ألفلفها!).. و حطيت الوردة بين الكتب و الشريطة.. طلع شكل الهدية حلو :) و هذا كله سويته و أنا في السيارة رادة البيت! :)

طبعا هذي الهدية كانت من غير مناسبة.. لو بغيتوا زيدو عليها كم شريط عن الزواج اذا أزواجكم يحبون هاي الأشياء.. و حطوها بين الهدايا اللي بتقدمونها لأزواجكم اذا كانت عندكم مناسبة تحتفلون فيها :)