,,,,حـــــــــــــــــركات رومانسيـــــــــــــــــه,,,,

السلام عليكم ورحمة الله وبركاته

شلونكم بنات وشخباركم .. الصراحه أخجلتوني من إطرائكم ومديحكم .. شوفوا .. بصراحه بصراحه .. أنا أأيد الزواج بشكل كللللللللللللللي و عندي يقين في مبدأ واحد .. أهو إن :-

سعـــــــــــــــــــــــادة الحياة الزوجيه في يـــــــــــــد الـــــــــــــــــــــــــــمرأة

إنتي بنفسج عزيزتي الغاليه تقدرين تخلين مملكتج جنه .. بلمساتج السارحه وتقديم بعض التنازلات .. إنتي تنازلي بالبدايه .. أولا علشان مركب حياتج مع زوجج يمشي .. ثانيا علشان يتعلم التنازل منج .. لما يشوف إنت بنت زينه و ماتبين شي من الدنيا غير رضاه عنج .. صدقيني مهما يكون سيء راح يتغير .. وإنشالله إنشالله مافي وحده فينا هني زوجها سيء معاها

وأتمنالكم حياة موفقه من كل قلبي


والسلام خير ختام:)

أحلى بنات .....بنات منتدى العروس اشلونكم؟؟؟؟
والله الله يعطيكم الف عافية على هالافكار الحلوة
بصراحة افكاركم اتينن وتطير العقل
وودي اشارككم بشوية أفكار انشالله تعجبكم
أول فكرة ....ليش نسمي الليلة ليلة رومانسية ....ليش ما نسميها ليلة سعيدة
وترى انا متزوجة قديمة من حوالي 9 سنوات بس اموت على الأفكار الحلوة لانها اهيا اللي تعطي حق حياتنا الزوجية رونق وحيوية
المهم
من أفكاري اذكر فعيد زواجنا الثالث تدرون شنو سويت بنات انا أقولكم
أول شي رحت وجبت شبكتي مالت العرس وحطيتها بعلبتها القديمة مالت يوم العرس اهيا مع الدبل ,اخذت كلاسات العرس وزينتهم وحطيت فيهم عصير وسويت لي مثل كوشة صغيرونه من كراسي الشقة وطبعا لبست فستان عرسي صج انهوا غصب دخل فيني الفستان وقعدنا ساعة هواش انا والفستان علما قدرت اغلبه وخليته يتسكر علي بس بالنهاية انا انتصرت ولبسته وسويت شعري بتسريحة بسيطة وومكياج ناعم وحطيت له شريط يامعيريس عين الله تراك وطبعا غير جو الشموع اللي سويته بالشقة وأول ما دخل شغلت الشريط وخليته يلبسني شبكتي مرة ثانية وقعدت ايبب له وشربنا العصير وقصينا الكيكة من صج كانت ليلة روعة لي يومكم نذكرها انا معاه.....:D سووها وصدقوني راح تستانسون وراح تحسين جنج لي لحينج عروس وطبعا بعدين لبست قميص نوم ليلة الدخلة آآآآآآآآآخ كان وناسة ذاك اليوم
واذكر في السنة السابعة هم بعيد زواجنا طرت على بالي فكرة واهوا هم استانس عليها وايد
وانا كله كنت اقوله انا قارية اذا عدينا سبع سنوات زواج معناتها ان احنا وصلنا لي بر الأمان المهم بذاك اليوم زوجي كان عازمني على عشا برة البيت ولمن رجعنا قلت له زوجي حبيبي انا ودي بليلة مختلفة قال لي يعني اشلون انا مو فاهم قلت له هالليلة نخصصها حق رب العالمين نعبدة فيها ونحييها مع بعض شكر لله تعالى على السعادة اللي معطينا اياها وهم كنت تارسة البيت شموع وقعدنا انا معاه على ضوء الشموع وعطر اللافندر اللي انا واهوا نموت عليه صلينا صلاة الليل مع بعض وقرى لي قرآن بصوته وانا كنت يمه وصلينا ركعتين شكر لله ماتدرون اشكثر بجينا انا معاه حسينا بخشوع وامتنان حق رب العباد بشكل فظيييييييييع:confused: :confused: :confused: كانت ايام حلوة واتمنى اني مااكون طولت عليكم ولاني حاسة اني طولت احب اسمع رايكم بهالفكرتين واذا اعجبوكم راح اقولكم باجي مغامراتي:D
وتذكري دائما ان الزوج يحب الزوجة المتجددة المتالقة وبالتوفيق يا احلى بنات

يا مجير

تستاهلين وسام الزوجة المبدعة :clap:

السلام عليكم ورحمة الله وبركاته

ماشاء الله عليك يا Black Rose
ربنا يسعدك ويهديك فكرة رائعة وخشوع رائع

لسلام عليكم ورحمة الله وبركاته

الصراحة الفكرة دي انا قرتها في موقع اجنبي وهي لقضاء ليلة رومانسية في Hawaii لكن هاواي بتنا

وهي عبارة عن اذا كان عندك اشجار صناعية او طبيعية في المنزل تملاين بها غرفة النوم وتحضري بعض من الفواكه الجميلة مثل الأناناس - التفاح - وتوزعينها بشكل جميل في الغرفة وكذلك جمعي الشموع على شكل فواكه كبيرة ووزعي ورد بطريقة جميلة لكن عى الأرض وممكن كمان تعليق بوستر عن هاواي او مناظر طبيعية

بس دخلنا على الحمام املي البانيو بماء ساخن ووزعي الورود بشكل جميل على الماء و لو عند طفلك ضفادع واسماك بلاستيك ضعيها ايضا والصقي بوستر عن شكل مائي بجانب البانيو كبير والإضاءة تكون على اخضر وهناك اشياء حول الماء الى ازرق ضعيها وضعي شريط لصوت ماء وضعي شموع على شكل اوراق شجر وورد تطفوا على سطح الماء بالبانيو واخيرا عروسة هاواي مرتدية تاج من الورد على راسها وبكيني عليه ورود وشكراا
;) ;) ;)

maraa 7loaa bs a7s eny momken a7'oof zojy:p

الله يوفقكم انشاء الله

افكاركم عسسسسل .......... تجننننننن

بس ما في وقت

:down: 9era7a youm ana en5a6abt ana kent 3arfah he doesnt like and he still or not i dont know i never talked to him in my life i wanna ask if he like me or but i dont know how to ask wallah i dont even know when the wedding is wallah please help me girlz he is like my husband coz they didnt only made the engagment even the 3e5d thats what we say in arabic soooooo plzzzzzzz help me its nearly one and half year now i still waiting the good news or the bad news if there is anything i can do plz tell me i do love him plz

ما شاء الله عليش اختي black rose

و اذا عندش افكار لا تبخلي علينا

ننتظر

افكاركم روووووووووووووووووووعه اخواتي
لاكن انا شايفه ان بعض الافكار تحتاج لمناسبات مثلا اذا زوجك يسافر كثير بتلقين مناسبات كثيره اذا رد من السفر تسوين له هالحركات
............
لاكن اذا 24ساعه وجهك بوجهه !!!!!!!!!!
بصراحه انا اعاني من هالمشكله ودي اسوي شي جديد ذبحني الروتين زوجي دوامه الصبح والعصر الين العشا ويجي تعبان ويبي ايتعشى وينام واذا سويت اي حركه رومنسيه :shy:يجاملني شوي وبعدين (ايتمغغغغغغغغغغغغغغغط )وينام ..
وش الحل فيدوني تكفون :

و أنا مشكلتي بولد جريب يمكن بعد أسبوعين أو ثلاثة :eek2:
وبعدها بأسبوع بيكون يوم زواجنا .... و أنا في النفاس
وأنا أتمنى أسوي حفلة يوم ذكرى زواجنا معقولة تمر السنة بس جيه مرور الكرام :confused:





يا مبدعات :D2
قولولي شو أسوي؟؟

بسم الله الرحمن الرحيم .... السلام عليكم ورحمة الله وبركاااااتوووو

إشتأتلّكم رفيآتي كتير كتيييييييييييير :) وسوري على القطيعه

أولا : أختي الغالية دموع الحب .. اللي فهمته من رسالتج إنج منتي عارفة إذا زوجج يحبج والا لأ .. عدل ؟

شوفي عزيزتي .. أولا يا عمري هذا إحساس إنتي تحسينه بداخلج .. وإنتي تقدرين ( بإحساس المرأة وذكائها ) إنج تعرفين إذا زوجج يحبج والا لأ من كلامه .. وإذا ما يحب يتكلم لأن في واحد ريايل مايحبون يتكلمون من تصرفاته .. يعني مثلا إذا تشوفينه أحيانا يسوي تصرفات بسسييييطه جدا بالنسبه لج لكن إهي مو بطبعه يسويها أحيانا عفويه عرفي إنه يحبج .. وإن التصرفات البسيطه بعينج هذي أهو قاعد يبذل مجهود فيها . وإذا هم ما يبين من تصرفاته ممكن تره جدا جدا تلاحظين مقدار حبه لج من نظرات عيونه .. لو كنتي عندي جان مثلتلج :p تره سهل جدا إنج تعرفين إذا زوجج يحبج أو لأ .. لكن شغغغغغغغغغغغغغلي ذكائج .. وذكائج ثم ذكائج ثم ذكائج ثم ملاحظتج القويه :)

وبعدين الله يسلمج إذا تبين تعرفين إنه يحبج والا لأ .. إبتدي إنتي .. أدري إن وايد وايد صعب عليج .. لكن كلما عودتيه إنج تقعدين معاه في خلوه وتتكلمين معاه عن مشاعرج .. حبه حبه أهو راح يتعود أنه يتكلم معاج عن مشاعره .. ومو شرط تبتدينها بالكلام على طول .. لأ إبتديها بالرسايل أو المسجات على الموبايل .. غازليه شويه .. حسسيه إنج حبيبه .. مو زوجة .. تره إحساس الرجل بأنه تزوج وعليه مسؤليات والمره تطلب منه مثلا يسويلها شغلها وبس هالإحساس هذا يقتله .. يقتل فيه حب زوجته .. يخليه يحس إنه خلاص هذي الحياة الزوجيه الممله وهذي طبيعتها .. ومثل ما قلتلج .. إنتي إبتدي .. لا تنطرين منه إنه يبدي لأنها صعبه عليه وايد.

كتبيله مثلا رساله أو مو شرط رساله .. شايفه الكروت الملونين الصغار كلش ويفضل اللون الأحمر .. كتبي عليه جمله وحده وبس ( يا نظر عيني) (ياعديل الروح) أو ( أحبك يامن سكنت فؤادي) عاد كيفج إنتي اختاري كلام غزل المناسب وكتبيه.

أو إذا ماتحبين مثلا .. الطريقه اليايه يبيلها شوية شجاعة عاد ;) لمن تبون تنامون مثلا .. إنتي توكلي على ومسكي إيده وفرديها وحطيها تحت راسج غصبا عليه مو طيب منه :p وهالحركه هذي ما تكون دعوه للجماع بالعكس .. هالحركه هذي تدعو الزوج للرومانسيه . وبعدين عاد الكلام حيجر بعضو :)

والغاليه ويستر WESTER شلونج وعساج بخير .. تره أحللللللللى شي إنج تسوين حركه جديده لزوجج وبدون مناسبه .. راح يحس إنج مسوية هالحركات هذي له أهو مو ناطرة المناسبة إتيي علشان تفرحينه .. فشوفي حبيبتي ..

إذا أهو دوامه العصر عندج فرصه حيل كبيرة إنج تتحركين وتسوين اللي تبينه بالبيت على راحتج .. أو مثلا سويله إللي تبين من أفكار بنهاية الإسبوع مثلا .. قبل ما يرجع من دوام العصر .. إشتري قميص نوم جديد .. وروحي الصالون .. سوي شعرج وحطي ميك أب أو كشخي كأنج بتروحين عرس تمام .. أو لبسي قمصان النوم اللي فيهم حركات .. عندنا منهم بالكويت واااااااايد .. عاد مادري إذا إنتي من الكويت والا لأ :) مثلا مثلا .. في أزياء تنكريه بس مغرية تقدرين تبدعين فيها .. مثل لبس الجرسونه والممرضه والشرطيه ولبس الأطفال لونه وردي .. هذا فعلا عجيب .. وياه دلاغ بو كشكش .. لبسيه وسوي عنقوصتين بشعرج وحطيلج شرايط ومكياج وردي خفييييييييييف .. شحلاتج تصيرين .. وفي وفي وفي عدي وخربطي .. ومثلا .. سويله أشياء جديده بالبيت مثل أفكار البنات اللي كتبوها مشالله ما قصروا دشي وشوفي .. قصصي شعرج مثلا قصه غريبه .. صبغيه .. غيري شكلج ولبسج اللي تعود عليه .. تقدرين تسوين وااااااااايد شغلات غير معتاده .. اللي ما تعودتي إنج تسوينه .. سويه .:)

وأختي الغاليه ( أليكه ) شوفي .. إذا بتكونين في فترة النفاس .. إتفقي مع وحده من أهلج .. أمج .. أختج .. أي أحد .. طبعا في فترة النفاس راح تكونين قاعده في غرفة وأهلج دار مدارج .. وأهو ساعات إيي ويروح صح ؟ يوم عيد زواجكم شوفي متى يكون مو موجود .. خلي أهلج يشترون زينة وتفافيخ مثلا ويزينون غرفة نفاسج قبل ما أهو إيي .. وعطيهم صورة فيها إنتوا أثنينكم مع بعض وبيوم عيد الزواج طلعيها واحتفلي بعيد زواجكم مع أهلج مثلا وعزمي أهله بعد من وراه خليه يتفاجأ فيهم مثل ما أنا سويت :)

وبسسسسسسسسسسسسسسسسس

أتمنى إني فدتكم يا بنات يا حلوات

وآسفه جدا جدا جدا جدا جدا جدا جدا جدا على الإطاله


بــــــــــــــــــــــــــــــــــــــــــــــــــــــــــــــــــــــــــــــــــــــــــــــــاي

صراحة الحركات والافكار أكثر من روووووووووووووووووووووعة ;)

بس عندي طلب:o
انتوا عارفين ان الزوج مايشوف زوجته قبل العرس بشهر ..يعني انا عرسي بشهر 7 بنهايته...واخر مرة راح اشوف زوجي فيها الشهر الجاي 6....
فاللي ابغيه اني اسويله حركة في هاليوم ..علشان اغير من الروتين..لان كل مرة تكون القعدة عادية بدون شي يذكر..وخصوصاً انها راح تكون أخر مرة اشوفه فيها..

:o :o :o :o :o

الله على افكاركم والله انها وايد حلوة
زيدونا منها
وشكر خاص لبلاك روز والله يسعد كل المتزوجات ويوفق كل المخطوبات اللي مثلي ويرزق كل العازبات بعيال الحلال
اااااااااااااااااااميـــــــــــــــــــــــــــــــــــــــــــــــن يارب العالمين


تحياتي

(*)

الاخت الغاليه
............(يامجير)............الله يسعدك ما احلى افكارك,,والله ان كلامك يفتح النفس
وانتي شكلك شخصيه محبوبه ماشاالله عليك
وانشاء الله بحاول اسوي مثل مانصحتيني ويارب يمشي الحال لان زوجي مو برومانسي وانا غلبت معاه ,, الله يعيني

يامجير
:z_thanks:

السلام عليكم ورحمة الله وبركاته ...

الغاليه WESTER حاولي .. وصدقيني راح تنجحين وتشوفين النتيجه بإذن واحد أحد ( لا يأس مع الحــــياة ولا حياة مع اليــــــــأس ) ;)

العفو حبوبه أليكه :)


بس يا بنات قولولي النتايج أوكيك :)



مع السلامه

:shy:السلام عليكم يا بنات .. هذي صورة صالتي بادليلة عرسي اللي حطيت فيها التفافيخ والبالونه الكبيره اللي فيها الزينة المقصقصة :)

أخواتي العزيزات والله ونستوني وشجعتوني وعطيتوني دافع اني اقولكم باجي أفكاري.......

هالفكرة انا سويتها بالشتا اللي طاف

نطرت زوجي لمن رجع من الدوام وكان دوامه ليل ذاك اليوم لان زوجي دوامه شفتات المهم انا كنت مجهزة بالصالة دوة صغيرونه تعرفون يعني شنو دوة ؟؟؟؟؟احنا نسميها بالكويتي دوة الحين اقولكم ....اممممم هذي اللي نحط فيها الفحم والله ماادري شنو يسمونها:D

المهم انا عبيتها بالفحم وحطيت يمي جاي وسويت له شاي دوة مع كنكة القهوة التركية وزهبت فنجانين وزينهم حق الشاي والقهوة وحطيت يمنا شوية يسكويت

وبعدين لبست أحلى قميص نوم ناعم عندي

وسويت له شوية سندويشات توست وجبن وبيض

ونطرته

تخيلوا القعدة اشلون صارت

الغرفة ظلمة بس على ضوء الجمر اللي اهوا الفحم ومع موسيقى كلاسيك

وشاي الدوة وقهوة تركية على الفحم وبهالبرد

افيييييييييييييييييييييه شنو كانت ليلة حلوة

وبعدين صار لمن ينامون اليهال اهوا قام يشعل الفحم وصارت بالفعل ليلة مميزة:D

وانا ناطرة تعليقاتكم يالبنات

و الله خوتي صرااااااااحة ما قصرتو

كلكم ما شاء الله عليكم

افكار و لا احلى

و الله يوفقكم دنيا و آخرة ان شاء الله