قصة رحلتي الشهرين ( لمن يهمها أمري )

لوز و سكر

والله ان عيني دمعت يوم اني اقرأ ردك لي والحمد لله على كل حال وبالفعل زرت طبيب مختص في اليابان اليوم وان شاء الله القى اشفا من الله ثم من الطب لحالتنا

في بعض الاحيان اشعر ان لابد اني ما استعجل على الحمل وساعات اخرى اقول لاء ليش انتظر خل احاول جاهده انا وزوجي من اجل طفل

والله احس في حيره من امري ولكن الله يوفقنا وجميع المسلمين يارب ويرزق كل محروم

كلماتك يا اخت لوز وسكر مثل العسل والله شاهد وان شاء الله ربنا يوفقك ويحفظك من كل مكروه

اللهم لا تذرنا فردا وانت خير الوارثين

الله يصبرج ويرزقك الذريه الصالحه
آميييييييين يا رب:up::up:

ربي لاتذرنا فردا وأنت خير الوارثيـــــــــــــــــــــــــن ...

مشكورين وما قصرتوا على المروور والله يرزقنا ويرزق الجميع الذريه الصالحه ولا يحرمنا يارب انك انت السميع العليم

اقروا معاي هذا الدعاء وخلونا نتصبر ونحتسب الاجر

اللهم اني اسألك ايمانا دائما
وعلما نافعا
ودينا قيما
والعافيه في كل بليه
ودوام العافيه
وتمام العافيه
والشكر على العافيه
والغنى عن الناس
والذريه الصالحه المباركه
اللهم اقطعي سؤالي عن من سواك واجعلي اقرب اليك يارب ياكريم

اللهم لا تذرنا فردا وانت خير الوارثين

الله يرزقك انشالله بالذرية الصالحه

هلا بست العرايس (غرابة)
والله وبأذنة حاسة انك بتحملين قريب
بس انتي لا توقفين دعاء وخلي ايمانك كبير بالله
الله ما ينسى عباااااادة الصالحين
الحمد الله
حبيبتي توكلي على الله وسوي طفل الانابيب
احس انها فيها خير
بأذن الله
والله ما بنساك وقت الولادة وبدعي لك بتوأم يملون حياتك
:smile:
يا رب

فديتني والله

ِDarkStar

مشكورين وما تقصرون عسى ربي ما يحرمنا من هالتواجد

والله يسمع منج يا DarkStar واحمل باذن العزيز القدير يااارب


حياكم الله


اللهم لاتذرنا فردا وانت خير الواريثين

احمدي الله يا اختي

و انا اعلم كثير كثير من القصص و الله جد مب بس كلام

عانوا اكثر ما عانيتي بس بعدين الله سبحانه فرجها عليهم و صاروا بأحسن حال و حملوا و جابوا يهال

و فرصة اليابان أكثر ن ممتازة شدي حيلج .... و طفل الانابيب مب عيب و لا حرام ما فيه شي


و الله كريم


الله يرزقج اني و احنا و كل إللي تبا بالذرية الصالحة بالقريب العاجل


اللهم آمين

ريم81
مشكوره اختي والف شكر لكلامج والله يرزقني وياج وكل البنات
بس اتصدقون انا استغربت من شي يوم زرت الطبيب في اليابان قبل جم يوم صدمني في شي بعدما عرف نسبه زوجي انها ضعيفه تدرون شنو قال ؟؟ بغيت اذبحه

يقول ما عندنا علاج للرجل واصلا بما ان نسبته ضعيفه بتظل ضعيفه على طول وماراح تزيد :mad2: ويوم قلت له عن الاعشاب والعسل قال ما عندنادراسات تثبت ان مع الاعشاب والعسل احد تشافى :angry: قهرني الخايس وقال في هالحاله مالج غير التلقيح الصناعي اكثر من مره واطفال الانابيب وقبل كل هذيل لازم تسوين اشعه الصبغه والمنظار الداخلي عشان لا قدر الله في انسداد يروح و ما تخسرين شي وهذي اول خطوه لازم تسوينها


والله عجبني الطبيب رغم ان العياده اللي رحت لها من اكبر العيادات المتخصصه في تاخر الانجاب واللي حملوا بعد الله ثم هالعياده بمده قصيره 3000 امراءه سبحان الله

بس طبعا لان الطبيب هذا غبي وغير مسلم فمايعرف في قدره الله سبحانه في لاشفاء وان العسل مذكور في القران ان فيه شفاء للناس:yes:

وامري لله بسوي اشعه الصبغه ونشوف

ادعولي تكفون

عيوني غرابة

الله يا رب يرزقك ذرية صالحة تقر بها عينك و يملون حياتك فرحة قولي يا رب

و تقرأي سورة مريم ( ذكر رحمة ربك عبده زكريا ) و سورة الواقعة و أقرأي دعاء ( اللهم جنبنا و جنب الشيطان ما رزقتنا ) مع بداية الشروع باللقاء الزوجي و على الله إن شاء

و هو قريب مجيب

و أيضا نصيحة ( مارسي رياضة مع زوجك لأن الرباضة تقوي خلايا الإخصاب عند الرجل و المرأة و كذلك ستقرب بينكما )

دعواتي لك

سكر نباته
شكرا جزيلا وعسى الله يوفقك ويحقظك في كل خطوره ويرزقك من طيباته


الف شكر على دعواتك

اللهم لاتذرنا فردا وانت خير الوارثين

هلا وغلاء اختي الغالية غرابة

اولا كل عام وانتي بخير ... ومبارك عليس الشهر ..

حبيبتي قصتك مثل قصتي باظبط .. انا كنت مثلك اعالج واعالج واكتشفنا ان السبب في زوجي ..

واكل علاج وسوينا تلقيح صناعي .. وبرضو ما جابت نتيجة .. وقررنا بعد العيد نسوي اطفال انابيب
خلينا نتوكل على الله انا وياك ونسويها وندعي ربنا انة يرزقنا انشاء الله وتوكلي على الحي القيوم ....

والله اني حاسة فيك وفي التعب الى تتعبينة ... مثل حالتي لكن ثقي با الله انة ما راح يضيع اجر لنا .. والله يرزقنا ..

الله يرزقـــــــــــــــــج بالذريـــــــــــــه الصالحه وقريبا ان شاءالله ..


الاخوات ما قصوا وما بزيد عليهم ..



اللهم لاتذرنا فردا وانت خير الوارثين



بنت ديره

قماشه زري

يا قلبي اهلا وسهلا وعاش من شافك والله اني فرحت يوم قريت اسمك

شفتي شلون طلعني مثل بعض والله اني كنت متوقعه التاخير مني مو من زوجي وفي الاخير الحمد لله على كل حال طلع منه بس هذي حكمه رب العالمين اللهم لا اعتراض

انا افكر في التلقيح الصناعي مره ثانيه وثالثه وبعدين في الاخير اطفال الانابيب على طلام الطبيب يقول لازم 3 مرات تلقيح صناعي واذا الله ما كتب بعدين اطفال الانابيب والله يسهل

وما في غير الصبر والدعاء وربنا يوفقنا يااارب


Deira

تسلمين حبيبتي وكفايه دعائج لي احلى شي والله يرزقنا جميعا يارب
اللهم لا تذرنا فردا وانت خير الوارثين

السلام عليكم ورحمة الله وبركاته....الحمد لله عالسلامه والله اتولهنا عليج وايد....وبعدين بعد ما قريت قصتج ارد واقولج صدقيني ما في شي بعيد علي رب العالمين وخلي في بالج شي واحد انه الله علي كل شئ قدير وانا امره اذا اراد يقول له كن فيكون سبحان الله والحمد لله واللهم لك الحمد كما ينبغي لجلال وجهك وعظيم سلطانك ...اختي انا ولله الحمد الله انعم علي بالحمل والله يتتمملي علي خير يا رب يختي انا وصلت لحالت ياس من كلام الدكاتره ووصلت فيهم انها كانو وايد حايفين من انه يكون عندي لاقدر الله ورم فراسي ومن جي الهرمون العالي ..... والله وكلت امري لله سبحانه وتعالي وحطيت فبالي انه الله ما ينسى عبده وحجزت تذكره انا وريلي وسرت العمره والله سبحان الله شفائي كان علي ماء زمزم وكنت ادعي من قلبي والله حسيت اني جدام رب العالمين وان الله ما بخيب ظني مع انه علي كلام الدكتوره مستحيل تحملين وقت الاباضه فات والهرمون وايد عالي والبويضه اصغيره بس والله احسنت الظن بالله سبحانه وتعالي وقلت اكيد ما بخيب ظني وحملت هاك الشهر بقدرته سبحانه وبعد ما عرفت اتصلت بالدكتوره وقلتلها اني حامل استغربت بس سبحان الله مافي شي ابعيد علي رب العالمين والله كريم وصدقيني انتي في فترة اختبار ومالج غير رب العالمين بالرقيه الشرعيه وماء زمزم وسورتي البقره ومريم وانشالله الله بيسر امرج وكلنا ندعيلج وانشالله جريب اتبشرينا واسمحيلي انا ما جفت مشاركتج الا اليوم واسمحيلي كتبتلج بالمختصر لاني فالمستشفي من شهر تقريبا وما زلت ولا تنسين تدعيلي انه الله ايسر امري ويتمم حملي علي خير وسلمي علي كل الاعضاء والله متوله عليكم بس شو اسوي الحمد لله علي كل حال وانشالله اقوم بالسلامه .....و اجوفكم علي خير

السلام عليكم ورحمة الله وبركاته

ماشالله عليج اختي غرابه يعجبني فيج قوة إيمانج :shy:

وحالتك مب مستعصية بالعكس :no: أملك بالله كبييييير ان شاء الله

والحمدلله اهم شي عرفتو سبب التأخير وهذا نص العلاج :up:

في ناس يقولون لهم مافيكم شي !! اهني بطت الجبد :eek2:... استغفر الله

اعرف وحده مافيها شي ولا زوجها فيه شي كلهم سليمين صدقيني ان اكثر من 10 سنين ليحين الله مارزقهم وماشالله عليها المره صابرة ومتقبلة

مابي افاول عليج ان شاء الله ماراح اطولين وبإذن الله بدامج في اليابان هذي فرصة الصراحة لا تعوضينها..

وصدقيني قلوبنا معاج وندعي لج الله يبارك لنا في هالمنتدى اللي جمع بينا وخلانا ندعي لخواتنا في الله لو مانعرفهم ...

اختي ام حمدان

ياهلاو غلا وعاش من شافج

شلونج وعساج بخير ومبروك على الحمل والله يتمم عليج ان شاء الله بالصحه والعافيه ويروقج باللي تتمنينه يارب ياكريم وصدقيني فرحت لج مثل ما افرح حق وحده من اهلي او حق نفسي وعيى ربي يثبته لج ويكون من خير الصلاح ياااااااااااااااااااااارب

والحمد لله على كل ومثل ما قلتي ما في شي بعيد عن رب العالمين والله يرزقنا ويفرح قلوبنا اللهم امين
وصدقيني فقدتج حيـــــــــــــل وكنت اسال عنج الاخت فوانيس

مكانج كبير والله وصدقيني احنا عاذرينج دام انتي الحمد لله بخير وعافيه هذا اهم شي والله يوفقج ويتمم عليج اللهم امين


اختي الغاليه نوره

عاش من شافج في موضوعي

وصدقيني انا راضيه في قسمتي والحمد لله وانتظر فضل الله وخيره بس تدرين الانتظار في هالموضوع صعب وخاصه اذا كان السبب مو في يدج

والحمد لله على كل حال والله يصبرنا وباقي المحرومين


وحياكم الله

الله يرزقج بالذرية الصالحة يااااا رب:smile:


تفاءلي بالخير وان شاء الله لما تجربين الخلطة .. تنفع ويتم الحمل على خير.... او تقدرين تسوين اطفال انابيب .. كثري من الدعاء والخلطات

الف شكر لج يا اختي witch وان شاء الله رحلتي في العلاجات وطرق المساعده للحمل في أولها ان شاء الله اخرها خير

ومشكوره

الله يفرجها عليكي ويرزقك الذرية الصالحة يا رب