:: هذي استعداداتي للعرس ::

بسم الله الرحمن الرحيم
السلام عليكم ورحمة الله وبركاته..

أهلين بنات,, شحالكم ان شاءالله بخير

بما انه عرسي قرب.. والحين اتجهز له.. راح افيدكم باللي اسويه يمكن فيه اشياء نسيتوا تسوونها او راح تعجبكم وتسوونها ان شاء الله.. واذا شفتوا اني لازم ازيد شي قولولي عشان اتجهز عدل .. بارك الله فيكم..

فراح احط لكم الحين جدولي,,

من الحين ورايح حمام زيت اسبوعياً... اشتركت في صالون لحمام الزيت..

حمام مغربي بالبيت مرة بالاسبوع او مرتين بالاسبوع.. وراح اسوي في الصالون مرتين قبل العرس..

اتعالج عند اخصائية جلدية بمعدل مرتين بالشهر تنظيف بشرة وتقشير.. وتبييض المناطق الداكنة..

الأكل صحي والإكثار من شرب الماي.. :clap:
ازيد من الحركة والرياضة قد ما اقدر يعني مثلا بدل ما اركب اللفت اركب الدرج اكثر الطرق الأطول للمشي.. وبعد الاكل امشي عالبيت ..

مرتين ادهن رجلي بكريم هيمالايا للقدم .. والله يا بنات انه هالكريم روووعة مب على قيمتة.. يعني قيمتة ما تتجاوز 15 درهم.. اول شي ينظف الرجل.. وتحسينها نااعمة وبيضا .. احطها الصبح وبالليل.. ومرات استعمل الفازلين العادي وادهن الركب والكوعين فيه بعد.. والشفايف.. على فكرة اللي تعاني من تشقق في شفايفها .. داومي على الفازلين لمدة اسبوعين أي وقت تحشين انه الفازلين نشف حطي وصدقيني راح تعجبج النتايج.:smile:

ادهن شعري اسبوعيا بزيت اشتريته من وحدة.. وهو على ما أظن زيت جوز الهند الأصلي مع الثوم.. بس لا تخافون ما فيه ريحة ثوم.. وفي نفس الوقت احط زيت الخروع+أثمد على رموشي

هذي تجهيزات الجسم طبعاً..
اما عن تجهيزات الملابس وغيره..

خذت مكياج وعطور ولوشنات... وبعد العيد راح اكمل ان شاء الله لأنه موضة جديدة تنزل بعد العيد والاسعار ترخص فالبنات اللي يتزهبون الحين انصحهم انهم يوقفون لأنه الاسعار تغلى والموضة قديمة..:up:

ان شاءالله أكون أفدتكم وانتظر إفادتكم لي..
ولكم مني التحية
أختكم في الله
عروس الجنة(a)