مصاريفXمصاريف Xمصاريف...من المسئول؟؟؟؟

:smile: موضوعج حلو احب اعطيج راي

اولا جلوسك فى بيت امك فترة من الزمن لازم تساهمين بمصروف البيت معاهم او حتى تساهمى مشتريات اشياء حتى لو كانت رمزية واذا اهلج ما يحبون تكلفين على نفسج اشترى حق الوالدة شئ حتى لو جبران خاطر لها:shy:

اما بنسبة الى المساهمة مع الزوج انصحج بأنج تساهمى بمصاريف اطفالج ومصاريف انتى اما الباقى من مصروف بيت واكل وكهرباء هو ملزوم فيها.

اتمنى اكون افتج

اقبلى تحياتى

أنا بالنسبة لي اشارك بأغراض الأطفال و أغراضي وساهم مع زوجي في مصاريف البيت واحنا قاعدين في بيت اهله وهو عليه مصاريف البيت ويعطيني اذا احتجت شيئ ما يقصر .يعني احنا متساعدين اهو يعطيني وانا نفس الشيئ يعنى فلوسنا واحد الكل يأخذ من الثاني والحمدلله مرتاحين من هالشيئ.

المشكلة أنه التركيز كله على زوجي وحتى أنا بعد أساهم بالكثير...لكن مافي تعاون كل شي على راسنا من الألف إلى الياء...ومصاريف البيت مب هينه...طلبات ما تخلص..صراحه تعبنا من المصاريف..وفوق هذا بدينا بمشرع البناء والله العالم بمصاريفه:confused::confused::confused:
وفوق هذا علينا التزامات كثيرة غير مصاريف البيت من سيارات وغيره...

واحنا حاطين في بالنا أنه لو كنا عايشين بروحنا بتكون بعد علينا مسئوليات ومصاريف بس مب بهذي الطريقة...:

واللي زاد الطينة بله...هي أخت زوجي قررت تسكن عندنا مع بنتها وخدامتها لتقريبًا 3 سنوات لأنه زوجها فكر يدرس ...وكملت عندنا تقريبًا أكثر من شهر...بدون ما تحط درهم واحد في البيت:down::down: والمصاريف زادت أكثر وأكثر علينا....وللعلم هي تشتغل وححالتهم المادية :up: بس ما دري ليش ما في احساس بالمسئولية:eek2:؟؟؟؟؟؟

زوجي وايد منزعج من السالفة هذي وبالأخص من أخته بس مب عارفين كيف انصارحها.....وأم زوجي من النوع اللي وايد يستحي....وما تحب تجرح مشاعر حد...وهي بعد مستاءة من وضع بنتها بس ما تقدر تصارحها وأحنا ما نبغي ندخل أي حد في مشاكلنا الاخصة بالبيت لو حتى خوات زوجي الباقيات...ياترى ما الحل؟؟؟ أرشدوني بارك الله فيكم:confused::confused:

السلام عليكم ورحمة الله وبركاته

صلى الله عليه وسلم


هلا بيك أختي .. بصراحة خليت يدك على جرحي وألمي.. انا أعاني من نفس المشكلة ..

هونيها اختي وتهون وراح أخبرك عن تجربتي وشلون تغلبت عليها...

بس ألحين أنا في الدوام وراح أرد عليك بعد ما كمل شغلي..

نور المدينة ..انتظر ردج بفاااااااااااااااارغ الصبر...

اتمنى إني أجد حل..

السلام عليكم ورحمة الله وبركاته


:pain:

موضوع حلو

أنافي راي ان الزوجة لازم تساعد ريلها بالمصرووووووف خاصة اذا كان مديون ومادام هي عندها ليش ما تساعده


واذا كنت يالسة في بيت الاهل لااااااااااااااااز أتساعد في المصروف

ا اني أشتري أي شيء ناقص في البيت اعطي اليهال أشتريلهم أي شيء يبونه يعني أشياء بسيطة ونحن نعرف الاهل ان دوووووووووووووم

ما يرضون بنتهم تعطيهم أي شيء

السلام عليكم ورحمة الله وبركاته....


اللهم صل وسلم على محمد وآل محمد..

بنت السلطان..

[ALIGN=JUSTIFY]مثل ما تعرفين الحياة صعبة جداً ومن شيمة الزوجة إنها تساعد زوجها وتلمه وما تخليه يدين و يروح ماي وجه على هذا وذاك.. أي والله ما تسوى.. خصوصاً اللي بأول الطريق يعني وراهم مستقبل وبناء و اولاد لازم يأمنون مستقبلهم... وإلا هو مو واجب على الزوجة تساعد زوجها بس مثل ما ذكرت من شيمة الزوجة وحبها لزوجها تصير فلوسها فلوسه وما تحسسه ابدا و تعيره أنا أعطيك وأعطيك...

وطلعت الزوجة للشغل مو هينه على الزوج .. خصوصاً وإنه يتنازل عن كثير من الأمور في سبيل الحياة .. يعني الزوجة اللي بالبيت قاعدة تلبي طلبات الزوج وأولادها تكون متفرغة أكثر ومرتاحة أكثر من الزوجة العاملة.. بس الرجل يتحمل زوجته التعبانة من العمل لأنها تعينه وتحبه وتخاف عليه وما تبيه يدين ...

بالنسبة لتجربتي...

أنا ساكنة مع أهل زوجي..

و زوجي عنده أخو متزوج وبعد معانا بنفس البيت ..

كل واحد له شقة مستقلة عن الثاني..

أنا بعد تخرجي مباشرة تزوجت بنفس الشهر.. وظليت شهرين في البيت بدون شغل وخلال هذي الشهرين كنت أطبخ لي ولزوجي يعني كنا بروحنا وكان زوجي يساعد بيتهم بمبلغ زين ...

واخوه كانت زوجته حامل وقاعدة ببيت أهلها لأن ما تقدر على الدرج ( السلم) ... لحد الحين الأمور طبيعية وعادي....

بس بعد ما الله يسر لي واشتغلت .. قال لي زوجي (هذي فلوسك وتعبك وخليها لك.. أنا أمور البيت واجب على ومستعد لها)....

قلت له لا حشا ما خليك بروحك ....

و تعاونا مع بعض.. صدق يعني أنا أخذت أهلي وأهله على مطعم فخم وعشيتهم بمناسبة الشغل.. وإني عطيت أهلي وأهلة كل واحد فيهم على مبلغ.. هذا بالإضافة إلى إني خصصت مبلغ كل شهر لأمي وأبوي ومبلغ لأمه وأبوه...

و بما أني اشتغل فقلت له خلنا ناكل وجبة الغداء مع بيتكم ونعطيهم مبلغ إضافي عن وجبة الغداء .. ووافق..

زوجة أخوه ولدت وردت البيت بالسلامة وصاروا اهل زوجي لها خدم .. البنت على طول عندهم والطباخ (ثلاث الوجبات) يوصلها لسريرها.. لا وتعيب على الطباخ وتقول أمي تطبخ احسن.. وما يدفعون ولا 100 فلس .. ويرفع صوته على أمة وأبوه يقول لهم ما جهز الغداء أو وين العشاء ومرته فوق نايمة والبنت تحت عندهم..

زين مرت الأيام وأخوه على نفس الحالة ما تحرك ولا تغير .. يعاملهم معاملة سيئة..
ما يساعدهم..
ما يساهم معاهم بالبيت سواء بأغراض أو فلوس لدرجة إنه ما يطلع (100 فلس)للخبز ...
بنته على طول تحت عند أهله على الرغم إنها رضيعة..
زوجته تقول له شفت أخوك الصغير مسوي كدا وينزل له يضربه ..
غيارات بنتها ما تحطها بالزبالة تخليها في الحمام تنتظر عمتي أم زوجي تجي تشيلها..

بنتها ما تحملها تقول ثقيلة .. وعلى طول زوجها اللي يحملها..
بنتها ما تلبسها شئ حلو ولا تمشط شعرها.. يعني حتى مرة من المرات كان عندهم بالمجلس رجال ضيوف وبنتها بلباس رايح لونه و كشتها قايمة (شعرها منفوش) ولا تشمين فيها ريحة عطر أبدا ... أو وين بوسط الضيوف..

يعني إذا بنتهم ما يهتمون لها ولا يشترون لها شئ .. بساعدون أبوهم ..

تقول عنا كلام إن احنا قلناه..

يعني البنية راعية مشاكل وفتنة ووقدارة...

زين..

مرت الأيام وأنا زوجي حسينا إن في أحد من الاهل يستغلنا.. يعني أنا فصلت لك شكثر كنا نعطيهم مبالغ .. يعني مبلغ شهري لكل واحد فيهم .. ولو احد احتاج لمبلغ نعطيه طبعاً يقول دين وبعدين ما يرده..

حضرة الهانم زوجة أخوه .. ناذرين على بنتهم .. ولمن جوا بينفذون النذر قالت .. لا زوجي ما عنده.. وإلا نور المدينة وزوجها قالوا اهم بيسون... تصوري تقول احنا قايلين بنسوي لانذر عنهم ..

أنا اقول وين يودون الفلوس ..

زوجي يدفع الكهرباء..

والتيلفون..

طبعاً مشاوير الأهل كلها على زوجي أقصد من الطرفين لأن أنا ما عندي إلا أخ واحد ومسافر وأبوي مشغول بالبناء .. فزوجي كان يساعد أبوي وأبوه ..

واهل زوجي واييييييييد طيبين .. ومتديينين .. ويحبونا انا وزجي أكثر...

بس لمن نحتاج شئ نتعطل .. يعني أقول له نبي هذي الحاجة وإنت بالشغل قول لأخوك .. ويقول لأخوه ( لأن زوجي يساعده في كل شئ ظن إنه بيستحي وبيسوي ) يقعد يتهاوش ويقول اهو مشغول .. وزوجته تبيه وما أدري شنو...

يقول لي أخوي ما رضى أقول له أي مشغول.. وهذا أخوك واتحمل ...

يعني يا بنت السلطان...

حسينا بالاستغلال من جميع النواحي .. هي مساعدة الأهل ما فيها شئ .. بالعكس يؤجر عليها الإنسان.. بس لمن محد يقدر اللي تسويه و يقدر تعبك و تفانيك عشانه.. بلاها ..


مرت ستة شهور من اشتغلت..

ما قدرت اتحمل قلت له يا عمري ترى حنا وايد مستغلينا أهلنا.. يعني مسوينا لهم.....

صراف إنساني..

سايق..

خدام..

جرسون..

وهذا كله على حسابنا..

يعني نرد من الدوام ونجابل طلبات الأهل و حاجاتهم...

قلت له يا بطل عمرنا راح واحنا ما سوينا لنا شئ.. مقصرين بكل شئ ..
عبادة ربنا مقصرين فيها..

راحتنا ..

ما نطلع محل ترفيهي في سبيل نلبي اللي يبون..

رصيد ماكو بالبنك..

خلال ستة شهور كم استلمنا وما استفدنا شئ..

تدرين ليش بنت السلطان.. ليش ما استفدنا لأن ما يقدرون تعبنا ولا كأنا سوينا لهم شئ... صراحة قهر ..

البر بالوالدين رضا الله بس لمن الأهل ما يقدرون خلنه نتفرغ لنفسنا.. احنا عرسان خلنا نفرح ونروح ونجي مو كدا.. وووووو

اقتنع حبيبي وقال أي والله ترى احنا لازم نتغير وشوي شوي.. وما نحسسهم..

ولازم نقنع الوالده تكلم اخوي يخف عن أهله شوي مو يخلي هل البخل يسيطر عليه ..

و ولازم لو أحد قال يبي شى واحنا مشغولين نقول له مشغولين مو نهد شغلنا ونروح له..

واتفقنا..

ولله الحمد اتفقنا نشوف روحنا ونشوف أنفسنا ..

و نخلي أخوه يشارك معاه........ في حاجات البيت..

وبالفعل طبقنا ولله الحمد أحس شوي قدرنا نتقرب من الله ونلتفت لأنفسنا..

بنت السلطان.. لأزم تقنعوا أم زوجك تكلم بنتها..

ولازم تفهموا أهل زوجك إن المصاريف الزايدة ما لها داعي..

ولازم تفهموهم إنكم مو دامين لهم مو الدايم إلا الله عز وجل..


ولازم ولازم ..

بنت السلطان الله يكون بعونك..

أنا حاسة فيك أكثر من غيري لأني واجهت هذي المشكلة..
بس اتوكلي على الله والله بيوفقكم..

يعني حتى لو رحت للشرع أقصد في الاسلام ما يجوز للإنسان يعطي غيره واهو محتاج

أو يتدين..

بنت السلطان ..

حاولي تجمعون لكم مبلغ وتطلعون من بيت اهل زوجك.. لأن كل ما ابتعدت عن الأهل كلما ارتحت وقلت مشاكلك وصرتي عندهم عزيزة..

انتبهي لحلالكم ورزقكم و شوي شوي على زوجك وراح تحصلي بإذن الله السعادة في الدنيا والأخرة..

السلام عليكم ورحمة الله وبركاته

اختي نور المدينة..يزاج الله كل خير على نصيحتج...فعلاً ارتحت لأني حسيت إني مب بس أنا الوحيدة الي تعاني من هذا النوع من المشاكل...

بالنسبة إننا نستقل في بيت بروحنا أو نطلع من البيت هذا شي وااايد مستبعد لأنه أمه أرمله ومعتمدة عليه في معظم تسيير أمورها واحتياجاتها...وهي حاليًا تبني بيت جديد وأحنا تونا في أول خطوه...يعني لازم كلا الطرفين يراعي ظروف الثاني واحنا نقدر وضعها بحكم إنها أرملة ودايمًا أقول لزوجي كله ولا أمك لا تقصر فيها...وهو بالفعل يحبها ويحترمها ومب مقصر معاها في شي...وبالنسبة لي بعد ما أقصر معاها..وبدون مجاملة بارتنها (وبالأخص ماديًا) أكثر من بناتها...لأني بالفعل أعتبرها أمي الثانية ..وللعلم هي حالتها المادية ميسورة وعندها مدخول محترم...ولو حالتها صعبيه كان ما فكرت تبني بيت ما شاء الله كبير ومكلف!!!

بالنسبة لموضوع بنتها...هذي مشكلتها حتى قبل ما تتزوج...يعني دايمًا تقول لامها ماعندي شي...مع أنه راتبها عالي وهي جامعية ...وفي نفس الوقت تشوفين لبسها وهداياها وعطاياها لصديقاتها وق المستو العادي وكله من الغالي:s2
استغرب يا ناس ليش الواحد يكون كريم مع الناس ويبين لهم سخاءه ولأهله أبد مافي شي من هذا؟؟؟
زوجي جلس مع الوالدة وكلمها بس باختصار وسألها علشان يتأكد إذا أخته تحط شي في البيت...قالت:لا أبد...:down: كل ما تسألها تقول ماعندي الحين شي..:no:
واللي يقهر فالسالفة حتى زوجها يوم يمر عليها نهاية الأسبوع يتغدا عندنا وما قط مره يفكر يجيب معاه شي ولو حتى رمزي ...يعني باختصار لا منها ولا منه:mad:

من ذاك اليوم والموضوع مثل ما هو على حطت يدج.....والحين كملت تقريبا قراب الشهرين...ياربي شو نسوي في هالمشكلة:sad: :sad: :sad: :think: :think: :think:

السلام عليكم ورحمة الله وبركاته

الله يعينكم

ويهديهم

مرحبا يا بنت سلطان

السلام عليكم

أنا تراني عضوة يديده... أول شي رحبي فيني:smile:


أول شي الله يعطيج العافية انت وزوجج ولمه وعيالج.. وبارك الله فيج على هالصبر وقمة الاحترام والذوق...

بعدين الشيخة يا بنت سلطان... أبا أقولج شي واحد... كل انسان في هالدنيا عنده مسؤلية تجاه شخص او شي معين.. وموضوعج طبيعي 100% واحسن عن غيرج.

فانتي عليج حقوق الزوج والأطفال... ولأم زوجج لآنها أرملة مثل ماتقولين احتراما إلها لأنها حسبة أمج وتعرفين حقوق الوالدين.. وهالشي بيخليج أكبر وأكبر في عين زوجج..

غير هالشي .أنت مش مسؤولة عن أخت زوجج دام إنها متزوجة وتشتغل لا وعندها حد يصرف عليها. كفاية ديونكم ( السيارة والبيت اللي تبنونه وغيره وغيره..)


مابطول عليج الشيخة... بس لا تنسين بعد إن الله سبحانه وتعالى سوف يسهل أمورج باذنالله إذا أخلصتي له بالدعاء ورمضان في الطريق)

واتمنىلج من كل خاطري التوفيق

واذا تبين تكلميني عالخاص حاضرين

البنات ما قصروا
والله معك
بس حبيت اشاركك :o

اشكركن على تفاعلكن الطيب ويايه..
بس للأسف لحد الحين ما وصلتوني لحل جذري لمشكلتي؟:cry:

انتى ليش معقدة الامور وضحى الوضع حق ام زوجك وراح تنحل المسألة يا اختى لا تعوين قلبج:o

خصصي وقت لطرح المشكلة مع الزوج وأمه يا بنت سلطان

وناقشو الموضوع بتأني وتفكير وفهميهم وعطيهم الحلول البديلة طبعا باسلوب واضح ومايزعل الطرفين

مافي غير هالحل.... والكلام مافيه زعل اعتبري نفسج تقترحين مقترحات وشاوري الأم والزوج فيهن

حبيبتي اذا تميتي ساكتة عن حقج مابتعيشين...

والمشاكل مابتخلص اذا كانت اليوم مشكلة او ثنتين باكر بيصيرين ثلاث وعشر

توكلي على الله وكلميهم الشيخة

والسموحة

الاصل في الشرع ان النفقة على الرجل لكن من باب الاحسان ان كنت تريدين الثواب فتساعديه ويساعدك
فانت تكوني قد احسنت اليه ابتغاء مرضاة الله فتكوني اخذت من الثواب
الشي الكثير