لذكريات جميله تدوم مع طفلك

السلام عليكم قريت هالموضوع وعجبني وايد وقلت اكتبه لكم عشان تستفيدون من هالنقاط اللي يمكن ماتخطر عالبال لكن اذا فكرتي فيها بعد فتره تندمين انج ماسويتيها.:confused:
1-حاولي تحتفظين ابأجنده او دايري بوك مع قلم عشان تسجلين يوميات البيبي المميزه عشان لما يكبر يستمتع لما يقراها معاج.
2-حاولي تحطين سلتين في غرفة البيبي وحده عشان الملابس المتسخه والثانيه عشان الملابس النظيفه عشان تكون دايما قريبه بدل ماتحطينها في خزانة الملابس طبعا هذي في اول الشهور.
3- تخصصين علبه تحتفظين فيها بأغراض البيبي التذكاريه مثل سوار اليد مال المستشفى الهدايا الغاليه وخصله من شعر البيبي اذا كانت بنوته و كروت اعياد ميلاده واشياء ثانيه واكتبي اسم البيبي عليه.
4-لازم يكون في كرسي مريح (arm Chair) في غرفة البيبي تجلسين عليه وقت الرضاعه او اذا كنتي تنومين البيبي .
5-اذا كبر البيبي شويه وكان عنده دبدوب يحبه(a) او بطانيه يحبها حاولي تشترين منها قطعتين عشان مايسبب له مشاكل اذا اخذتيها وغسلتيها عشان يكون البديل موجود.
6- حاولي تعطين البيبي اشياء من البيت يلعب فيها مثل كوب بلاستك او كره بلاستك راح تكون عنده مثل اي لعبه لان الطفل مايستوعب الالعاب في بداية عمره.
7-احتفظي بكاميرا فيديو او كاميرا عاديه في غرفته عشان تصورين اجمل لحظاته مثل اول خطوه او اول مره صار ياكل بنفسه او اول سن يطلع له اول كلمه نطقها راح تكون ذكرى مميزه لما يكبر.
8-عطي نفسج بريك مره في الاسبوع وحاولي تخلين البيبي عند احد مثل امج او بيبي سيتر ثلاث او اربع ساعات وحاولي تسوين شي انتي تبينه بدون ماتفكرين بقيود البيبي عشان نفسيتج ترتاح.
9-حاولي تسوين قروب او مجموعه انتي وكم وحده من صديقاتج او خواتج اللي عندهم بيبيات او اطفال وتتجمعون مره في الاسبوع اما في بيت احد او في حديقه وحاولو تناقشون مشكلاتم وهمومكم مع اطفالكم عشان ماتحس الوحده انها الوحيده اللي ماتنام الليل وحاسه انها تعبانه من البيبي وعشان تستفيد كل وحده من خبرات الثانيه.
10-اهم نقطهتسألين طبيب البيبي الخاص عن الاسعافات الاوليه اذا حدث اي طارئ لاسمح الله وحاولي تاخذين رقم الطبيب برى المستشفى يعني رقمه الخاص عشان ماترتبكين اذا صار شي بنص الليل او وقت الاجازه.
نصيحه اخيره اذا كبر البيبي شوي وحملتي مره ثانيه حاولي تعودين البيبي الاول على النوم لوحده بغرفته وحاولي انه يكون معتمد على نفسه ومهديله موضوع البيبي الجديد عشان مايصير غيره اذا وصل البيبي الجديد ويحس الطفل انه وحيد وامه مشغوله عنه وتخليه دايماً يساعدها في البيبي الجديد ويهتم فيه معاهاعشان تقوى شخصيته.
اتمنى يعجبكم الموضوع
واسمحولي ما اعرف اترجم لغه عربيه فصحى وانشالله فهمتوني بالعاميه(a)
المرجع
www.msn.com/motherand child