تكفوون بنات ساعدووني والي يخليكم !!!!

انصحك انك تجلسين معاها وتقولين لها عن المعامله اللي تعاملك فيها

احسن من اتخلين اخوك او اي شخص يكلمها و يدخل مابينكم و

صدقيني مافي ام في هادنياتكره اولادها انا معاك يمكن تكون شديده

او تكون مشغوله كثير بس ا نتي تقربي منها وان شاء الله تكون علاقك

فيها احسن بكثير من قبل :smile::smile::smile::smile::smile:

الله يعين على هالدنيا بخير ..


جورية يالغالية ..

لازم تقعدين معاها وتكلمينها بهدوء .. جيبي لها هديه بسيطة ..

وإجلسي معاها .. حبيبي راسها وقولي لها : ودي أتكلم معك ..

قولي كل اللي بخاطرك .. بس بهدوووووووء , ما يمنع إنك تبكين قدامها

لو حسيتي إن ودك تبكين ..

وأول كلمة إبدي فيها هي .. يمى .. إيه إبدي بكلمة يمى وقولي :

يمى أنا أحبك .. وودي أعرف ليه أحيانا ً أحس إنك متضايقة مني !

إيش اللي مضايقك , وش اللي ودك أغيره عشان ترضين ؟؟!

أنا محتاجة لك .. ومحتاجة نصايحك الغالية يالغالية ..................


وإنتبهي لإسلوبك بالكلام ......... لايكون أسلوب هجومي !

يعني لاتقولين لها : إنتي وش اللي موعاجبك فيني لا لا ..

لأنك بهالشكل توصلين لها رسالة : إنها هي المشكلة وهي اللي لازم تتغير..


إنا عارفة إنك بتقولين طبعاً هي المشكلة .. أو تصرفها هو المشكلة ..

بس بقولك .. لازم تسايرينها بالكلام عشان تفهمين موقفها , وسبب تصرفاتها..


جربي وخبريني بالنتيجة .. :smile:
والله يحفظك .. وطمنيني عنك :smile:

قلبي معك راي البنات صح المهم اتقي الله في معاملتها وبريها مهما كان

علشان بكره عيالك يبروك


والله معك

واضح انك وايد حساسه

الظاهر انها تحبك مرة وماتبغاك تفارقينها الله يهديها ويحنن قلبها عليكي

ويرزقك بابن الحلال ياارب:cool2:

هلا فيكم خواتي

شاكره لكم نصايحكم
وان شاءالله اسوووي الي
قلتوووه واشوووف مع اني متاكده
مافي شي بيتغير بس الله قادر على
كل شي ..


الف شكر ..

اختي الغاليه


هاذي امج مهما فعلت و مهما قالت راح تظل هي احن وحده عليج


برايي انج تقعدين و ياهة بجلسة صراحة و تفتحين قلبج و تقوليم كل اللي فخاطرج


بس هالله هالله بالتوقيت السنع...يعني اختاري وقت يكون مزاجها راااايق :cool2:


و الله يعينج اختي الغالية


تحياتي


سارونة

اللي قالوه البنات صح

جربي ما راح تخسري

و خبرينا بالنتايج

لا تنسين تقولين لنا وش صار معك .. يالجورية :smile:

هلا اختي الجورية بعض الامهات تعبر عن حبها لبنتها
بفعل مضاد لما يكنه قلبها من حب وعطف لعدة اسباب
ممكن انها ماتعرف تعبر عن حبها لك بالكلام
وكوني على ثقة ان امك تحبك ولكن فيه امور ممكن مضايقتها
منك وبعض التصرفات حتى لو كانت تصرفات عفوية منك
فبعض الامهات تكون حساسة وممكن انها تتضايق لما تشوفك
متضايقة منها وتحس انه مافيه فايدة فتعكنن عليك زيادة
او تحس انه زوجة اخوك مقربة لك اكثر منها وتشعر انك تقولين لها
اسرارك وهذا بعد يزعلها
صدقيني الاهل وخاصة الام لما تكبر تكون جدا حساسة وتزعلها امور
يمكن حنا تكون غافله عنا
لذلك اجلسي معها وقيلها وش اللي مضيقها او اللي مزعلها منك
اذا قالت مافيه شيء حاولي انك تتقربين منها
وبدل ماتشتكين منها لزوجة اخوك لا كل ماضايقك شيئ صارحيها
خليها تحس بمقدار الالم اللي تحسين فيه
واكيد هي بتخفف عليك كثر الانتقادات
وصدقيني الام كل ماحبت بنتها انتقدتها اكثر عشان تحسن سلوكها وهذا من فرط الحب ومسيرك بتصيرين ام ان شاء الله وبتعرفين ها الاحساس
وهونيها تهون

السلام عليكم ورحمة الله وبركاته
اختى الكريمة....

هذة مجرد حساسية منك بعض الشي...

فكل ام تحب ابنائها سواسية ولا يوجد فرق بينهم...

ويمكن في شي زعلها منك او في رواسب من قبل في نفسها عليك...

اجلسي معها وخاصة انك الصغيرة من بين البنات وطبعا يسمونك اخر العنقود...

تفاهمى معها ولا تكنى في نفسك شيا عليها.. فهي امك...

تمنياتى لك بالتوفيق:shy:

السلام عليكم ورحمة الله وبركاته

ما شاء الله البنات ما قصروا...

أتمنى تكوني استفدتي من نصائحهم أختي جورية...

طمنينا عليكي....

صدقيني قلبي معك طمنينااااااااا

اهم شي انك ماتعصينها حتى لو كنتي معصبه عشان عيالك بعدين يبرون فيك

وتراا فيه حريم لما يكبرون بالعمر تصير معاملتهم لبناتهم كانهم جاراتهم الله يعينك اقعدي معهااا دايم وسولفي بكل شي اهذري عاااادي خليها تحس انك تحبيها وماعندك اعز منها واوصيك بصلاه الليل والدعااء لها

اشكركم خواتي جميع


وان شاءالله اسوووي الي قلتو لي
وانا الخميس بسافر ولما ارجع بجيب
لها معي هديه وبراضيها ان شاءالله
لان والله لما اعصب عليها قلبي يعوورني
ويانبني ضميري اني عصبت بوجهها ..

يعطيكم ربي العافيه ويسعدكم ..