بنــــات البحريــــن أبيــــكم( الجزء الثاني )..

بنات انا بروح السعوديه هالسبوع ان شاء الله بشتري اثياب العيد حقي وحق اعيالي:shy:
احد راح فيكم؟؟ يعني نزلوا بضاعه العيد مالتهم ولا لا؟؟
انتظر ردكم عنوني:up:

وانا بعد اضم صوووتي لعسوووووله



وين ممكن انلاقي ملابس للعيد من السعوديه ؟؟؟؟؟



يلاااااااااا قبل لا نروح .... دلونا ....

يسلمووو عزيزتي campoocha
مشكووورة يا غالية على مساعدتج لي

في وين بالضبط تصير هاذي الصالة
اللي في مدينة عيسى .. صالة الافراح؟؟؟
وين مكانها بالضبط؟؟


اختج مجبورة :smile:

campoocha

مشكورة اختي بس حبيت اقولج انه مب انا اللي طلبت صالات الافراح وحده ثانيه جيكي من تكون اشدعوه انا اسوي عرسي في صاله افا والله مب قدري
:down::down:

عسوووووووله :shy:

انا بعد ابي اروح السعودية اشتري ثياب العيد الباقي اذا احد دلج على محلات سنعة لاتبخلين علينا خبرينا اوكيك الغاليه :smile:

بالامانة اقولكم

ان السعودية مب داك الزود بالملابس الي خاصة بالاعياد والقرقيعان :down:

يعني بالفساتين درجة اولى :up: :up: وضمان 1,000,000%

ولكن انا لاحظت اماكن جريبة من مجمع الجمعة ( الخبر ) تبيع ملابس حلوة .. وباين عليها ماركات عالمية .. وكمان هو جريب من مجمع الراشد.
وإن شاء الله تلاقون الي يعجبكم.

بس بالامانة اكثر
الكويت هي افضل في ملابس العيد واسعارهم ولا اروع
ومانجو اهني الي نشترية بـ 100 دينار هناك بـ 50 دينار النص تماماً

وتحياتي

:up:

حبيبتي مجبورة

صالة الأفراح عند كراج التويوتا واللكزس اللي بشارع الخدمات

لفة مفروشات بغداد اللفة اللي بعد فخر البحرين

أو لما تدخلين اللفة بتلاقين الصالة بويهج على يدج اليسار مدخلها

بنات رحت مشوار :eek2:

ويالهول مارأيت :pain:


بصراحة عندهم بجامات روعة وكواليتي :up:

وعندهم بجامات :down:

بس اسعارهم حلوة :shy:

عموما المحل يستاهل انكم تزورونه:cool2:

صج تعبت وانا ادور عليكم ما بقيت الاقيكم :down: على العموم وحشتوني وما ادري من وين ابتدي


الطبخ في رمضان فظيع و الأفظع النوم في الدوام عيوني صارت :eek2:

القرقاعون انا سويت ربابة وفيها قرقاعون وايد حلوة

ثياب العيد خذيت من الأردن وسوريا

بقيت انا وبنتي

سويت لي جلابية زينب العسكري لأول يوم


عباية خيطت لي و :up: بس عن العين ما بقول اخاف من عينكم


بنات من جربت قرص طابي وضبط معاها تعطيني المقادير يعني لا تفشلوني مع زوجي



ابي ثياب لبنتي 7 سنوات حلوين ومستورين بس مو من السيف لاعت جبدي

واشوفكم بعدين وتحيااااااااااااااااااتي للجميع

نوراء الحلوه

شموخ البحرين

اناااااااااا اعرف المحلات اللي بالسعوديه عدللللل وانا على طوول اروح

اشتري اثياب العيد من هناك:up:

سؤالي كاااااااان للي راحوا السعوديه هــــــــــل نزلوا بضاعه العيد ولا لا؟؟:o:o

عندكم محل اسمه السعر المنافس رووووووووووووووعه اثياب

كشششخه لليهال والكبار واسعارهم يا سلااااااام:clap:

انا زبونه دائمه عندهم:shy:

عسووووووولة حبيبتي وين يصير هذا المحل السعر المنافس؟؟؟

:shy: عسووووووووله

ثياب لليهال في زينه في السيف وادمز في مجمع البحرين

للكبار للحين مادورت بس شفت ثياب عيال اخواني فديتهم كل بدلة احلى من الثانية

سلااااااااااااااام



حبيبـــــاتي بنااااات ديرتــــــــى ..... بغيت اسألكم عن احسن دكتورة حمل وولاده ....



يعني بغيت اتابع حالتي من بداية الحمل لغاية ولادتي بالسلامه ..... ما ابي يتكرر اللي صار لي وانا انتظر مواعيد مستشفياتنا .... خبركم الواحد يمووووووت تالي يفكرون يعالجونه ......


سمعت عن وحده في مستشفى الزهراء بس ناسيه اسمها ياليت ادلوني .........



يالله بنااااااااات انتظر ردكم ....

نوراء الحلوة


دكتورتي هي زينب الجفيري في السلمانية وااااايد طيبه وزينه واسعارهم اوكي:up: والكل يمدحها:smile:




نسيم البرايح هلا تو الناس

شنو جلابية زينب العسكري وفي وين فصلتيها وبجم واذا عندج صورتها نزليها((((تحقيق))))))):D2:D2:D2:D2

ثياب حق بنتج ما في احسن من السيف:shy:روحي محل ريست في الطابق الاول وهو محل اسباني ثيابه حلوه ومستره:up:



والله يا بنات سويتو دعاية حلوه حق مشوااااااار خوفي عاطنكم عموله:D2:D2:D2:D2

ام البنات2

شدراج عطانا عمووووووولة على هالدعاية

احسن من الدعاية بالوسيط والايام :D2:D2

والله ما كنت اتوقع ان الكلام عن مشوار بحمس البنات وبخليهم يتحمسون للشراء بس بصراحة المحل يستاهل بس قولوا له يعطيني عموله لأنه اول من اعلن عنه :D2 .

بنات بسألكم وين ممكن اسوي تنظيف للوجه ويكون نتيجة حلوة ياريت اكون في الرفاع او سوق واقف وشكراً.

انا اعرف صالون ممتاز للتنظيف بس ناسية اسمه وهو بشارع البديع جنب فلل على رضا بس شغلهم للتنظيف والماسكات رهيب واسعارهم تبتدي من 15 دينار ..انا الليلة بسال اختي عن رقمهم لاني ابي احجز للعيد ...بنات وين احسن مكان اصبغ فيه شعري بس بدون مايخترب يعني صبغتهم تكون كواليتي :shy:

وحدة غير

أنا أعرف وحدة هي رفيجة أمي
رهيبة بشغلات الشعر ( قص وصبغ وغيره )
بس تشتغل ببيتها في مدينة حمد
إذا تبين رقمها طرشي لي ع الخاص وإن شاء الله أعطيج إياه

همس الخفوق

السعر المناسب بالدمام صاير بالشارع اللي قبلللللل رامز انتي سالي عنه وبدلونج عليه مشهوووور وايد:clap::clap: