بنــــات البحريــــن أبيــــكم( الجزء الثاني )..

اميرة العرب


انا بقول لج الملجه لا اذا بالبيت ما نصحج بوفييه بصير لعوازة ويهال


صحون من مكان حلو يكفى لان ملجه ،،،،


اما بخصوص التحف انتى روحى مكان تغلييف واختارى ديزاين وسوى


كميه وكل ما كان الشى ابسط ترى بكون احلى لان كثرت التفكير والربكه



يخرب كل شى فى واحد فى المدينه اسمه نارين او نادين شفت عنده


شغلات حلوة وسعرها مناسب،،،،

فاطمة العلي

عظـّم الله أجركم ورحمه برحمته الواسعه وغفر له

شكرا اختي ريم البحرين

بروح اليوم العصر نرين وبعطيه باقي التحف يسويه

الملجة بتكون في مزرعتنا

ومتحيرة ناس تقول بوفيه وناس تقول عادي اوفر

هي بتكون عائلية ... ما ادري لازم اقرر للعصر

قولو ليي شرااااااااايكم

بنات ساعدوني




بليز...............

بنات ابي ارقام دي جي يكون شغلهم مظبوط جدا ويون عندهم سبوت لايت واسعاره معقوله........


من اللي سمعت عن ليالي دي جي او فايف ستار دي جي اللي تعرفهم تقولي او تدز اي ارقامهم ضروري



بنات من الللي تعرف مطعم يوزع اكل حفلات في صحون يكون في حدود 500 فلس

أميرة العرب

انا اجوف البوفيه احلى واكشخ (وجهة نظر بس)

بس مثل ما قالوا لج العادي اوفر

اختاري اللي يناسبج بالنهاية وانشاءالله البنات يساعدونج بعد :smile:

وبالنسبة لنرين عنده افكار حلوة وهم تعاملهم حلو :up:

شكراً اختي شوق على الرد
أنا بعد اشوف البوفيه اكشخ بس العادي اكشخ وشكلي بسوي بوفيه لأنه من متفرغ لي يطبخ ذاك اليوم

اختي شموخ البحرين
عندج أكثر من مكان يسوون الصحون ب500 فلس واقل بعد
في مخبز المنار حلو
مؤسسة بو علي للتموين
المخابز كلها
مخبز المرزوق والفلاح
سندويشات الجميع في الدراز بعد حلو

وبالنسبة للديجي
احسن ديجي في رايي اسمه محمد الرياش للديجي
انا شفته في اكثر من فندق
وبعد راح أجيبه في خطوبتي
اذا تبين معلومات اكثر انا حاضرة

السلااام عليكم بنات.... أشكركم أولا على هالموضوع الحلو.....
و ثانيا الي تبي دروس خصوصية للمرحلة الابتدائية في اللغة الانجليزية تراسلني على الخاص....

بنات

شخباركم .... شفيه الموضوع صار له يومين محد يشارك فيه شالسالفة ..............

بغيت أسأل شريت لي جلابية فخمة لأول يوم خطوبة

بس ما ادري شنو أشتري ومن وين لأول يوم بعد الملجة خصوصاً انه محد من عائلة الخطيب شافني ... يعني أول مرة يشوفوني وابي لبس شي حلو وكشخة ومستر عشان عنده اكثر من أخو

وين أروح أشتري

دورت في مانجو وزارا ما حصلت شي عدل
وقالو لي روحي مدينة حمد في سوق واقف ما حصلت شي كشخة

ايييييييييييي

وأبغي بدلة حلوة لليلة رأس السنة لأنها بتكون أول ليلة أكون فيها مع خطيبي في مكان عام

أبغي البس بدلة أنيقة وحلوة بدون عباية

أدري نفخت راسكم :pain:

بس شسوي ما عندي الا انتو اسألكم

انتظر ردودكم

اميرة العرب الله يكمل لج على خير وما قلتي لنا من وين خذيتي الجلابية وبكم لان انا بعد ادور لي لاول يوم زواج والاستقبال :shy: ايه والله وزننا بينقص من كثر ما نجهز ونتعب والله يستر ....



مشكورييييين حبيباتي اللي قالوا لي عن الباقة واخر كلام فهمت انها حلوة ... ويوم نفختوا في الباقة قررت خلاص اخذ مثلها بس ورد ابيض ووردي ناعمة وحلوة راح تكون :cool2:


[ALIGN=RIGHT]بنات ادعواااااااا لييييييي بكرة ترايي حق تدريب السواقة

اعتقد في جلابيات حلوه بتحصلونها في سوق المحرق:up:

انا أخذت الجلابية من السعودية

كاتب الرسالة الأصلية : أميرة العرب
بنات

شخباركم

بغيت أسأل شريت لي جلابية فخمة لأول يوم خطوبة

بس ما ادري شنو أشتري ومن وين لأول يوم بعد الملجة خصوصاً انه محد من عائلة الخطيب شافني ... يعني أول مرة يشوفوني وابي لبس شي حلو وكشخة ومستر عشان عنده اكثر من أخو

وين أروح أشتري

دورت في مانجو وزارا ما حصلت شي عدل
وقالو لي روحي مدينة حمد في سوق واقف ما حصلت شي كشخة

ايييييييييييي

وأبغي بدلة حلوة لليلة رأس السنة لأنها بتكون أول ليلة أكون فيها مع خطيبي في مكان عام

أبغي البس بدلة أنيقة وحلوة بدون عباية

أدري نفخت راسكم :pain:

بس شسوي ما عندي الا انتو اسألكم

انتظر ردودكم

الف مبروك حبيبتي فيه جلابيات كشخه في اماسي في سوق واقف

مرحباااا بنات

شخباركم مع البرد ؟؟؟

عموما انه بنت عمي خطوبتها على عيد الحج بس قاعدة تجهز من الان عشان يكون عندها وقت ترتاح فيه قبل الخطوبة:up:

عندي كم سؤال وياليت تساعدوني فيهم ...

احلى مكان لفساتين العرس غير السعفة وين .؟؟؟ وياليت المحل يكون عنده نظام انه هي تختار الموديل وتلبسه اول وحدة وبعدين ترده للمحل ؟؟ والاهم انه المصمم او المصممة تراعي قبل الموديل الجسم لان بنت عمي بيبي سايز يعني حجمها صغير يعني نبي واحد يختار او يساعدها انها تختار شئ يناسب جسمها ويحسن مظهرها :up:

ابي وحدة لمكياج ليلة الخطوبة وياليت وحدة تسوي تجربة قبل ليلة الخطوبة..والشعر بعد ..

وبعد الحنا ابي صالون او وحدة حناها حلوووو نبي نغير عن روشنا..

وبالنسية لدي جي وحدة من البنات سألت انا رحت عرس فيه دي جي ميلودي بصراحة روعة :cool2: كانه فرقة مو دي جي .. وحنا بنحجزهم لخطوبة بنت عمي ...

هلا وحده غير

اذا تبين محل يكون عنده نظام انه هي تختار الموديل وتلبسه اول وحدة وبعدين ترده للمحل ؟؟

عندج رومان دزاين رفيجتي مسويه فستان خطوبتها من هناك كاو وايد وايد حلووووو .... انتي تختارين الموديل و القماش و اهوه يصممه و السعر يكون اذا تبين تاخذينه لج او ترجعينه و يكون السعر اقل .

و هذي المحل بعد ايييب القعط مالته من لبنان و حتى الشغلات اللي في الفستان بعد من لبنان بس وايد :up:

بنت العز حبيبتي انا رحترومان دزاين اكثر من مرة ويوم رحت سألته من وين ييبون القماش قالوا لي من السعودية ومن شارع السويكت بالتحديد واسم المحل بازار وبالفعل رحنا المحل ورب الكعبة يينن لكن عاد تعالي الى اسعااارهم اففففففف اقل شي جفته المتر ب 150 ديناااااار نوط ينطح نووط:D2 لكن عاد شغل عدل موديلات حق ايليا صعب :eek2: مثثثثثثثثثثل القمااااااش ضبط والموديل جاااااااهز من المجلة يعطيج اياه لكن عاد اللي قاعده على بنك اهي اللي تقدر تاخذ من هالمحل :cool2: او المحلات مثل رومان ديزاين لان بيأجرون الفستان ب 250 لو 300 يعني يطلعون قيمته ونص
:smile:

وحشتووووووووووووووووووني بنات يومين ما دشيت ما شفت السوالف

حبيبتي فاطمة العلي عظم الله أجرك في أخوج (طبعاً هاي أخوش ألي توفى في حادث مرور من فترة قصيرة صح)
بنات بس بغيت أشارككم ألي تبغي باقة حلوة تروح ريفيرا صج حلو

أنا في خطوبتي وديت ريفيرا بس فكرتي طبعاً (باقة روز أبيض مع تور خشن ذهبي مع خيش)
وعرسي خذيت من ودفلورز ألي بالرفاع لأنها هي مسويه تجهيزات المسرح وتعديلات الطاولات والأستقبال ألي بالقاعة

وسويت نفس الباقة طبعاً الموجودة بالصورة روز أبيض دائري بس بإضافات بسيطة يعني فيها أكسسوارات وكرستالات أبيض وبنفسجي لآني مسويه أكسسوارات القاعة والكندل ألي بالطولات بالقاعة بالبنفسجي والأبيض والألوان الدارجة مال البنفسجي الفاتح

لو أقدر أخلي الصور جان أستفدتوا بصراحة روعة صار ترتيب القاعة وتنظيم الأستقبال وطبعاً فستاني من تصميمي وسويت فيه لمسات وكرستالات بنفسجية طبعاً عشان أنكمل طقم القاعة أوه لا أنسى سويت بالطريقة الرومانيه تاج صغير ناعم من بيبي فلور الأبيض ألي أصغر من الصغير ودخلت عليه الكرستالات البنفسجية والورد الصغير بنفجي بس مو طبيعي مع أشوي من الأكسسوارات منثر على الشعر روعة والمكياج طبعاً كمل كشختي طبعاً ما أنسى زوجي ألي صار مكمل حقنا بالتاي مالة بالبنفسجي والقميص الأبيض والبدلة السودة تميل حق الرصاصي شوي
والكل في هذه الليله يمدحني ويمدح التنسيق للحين الكل يقول لي أني آنا كنت في للية عرسي أجنن وكلش حلوة ووجهي منور يعني صج كنت عروس طبعاً بفضل الله ودعا الوالدين وأن شاء الله أعرس بنتي وأسوي ألي في خاطرها وخاطري بعد أوه لا أنسى حتى الكيكة مالت عرسي سويتها طبعاً بيضة بس لمسات والورود ألي فيها بنفسجي

ما أنسى زفتي ألي كانت روعة بعدين بقول لكم عشان لا تتمللون

بغيت أقول ألي تسأل عن ليدي مون في البديع أنا مسويه عندهم فستان خطوبتي وفستان عرسي خياطهم مرتب ومظبوط بس أسعارهم ضو في الخياط بس الأجار نفس معظم المحلات

شوفي مسكتي بس ما أعتقد تبين واااضحة

نسيت بنات ما خبرتكم عن بطاقات الدعوة بعد ترى كانت مكملة حقي

كانت بالأبيض والبنفسجي صدق طلعت روحي وآنا أنسق وأفكر في كل شي أفكر في الصغيرة قبل لكبيره

حتى زفتي من باب القاعة إلى المسرح لآ أنسى تنسيق الشموع وسلات المشموم ألي يودوهم اليهال ألي سويتهم طقم مع بعض عشان زفتي وثيابهم اللون المتدارج طبعاً صاير على الوردي والبنفسجي أقدر أقول الفوتشي الفاتح عشان أشوي أكسر الألوان فيهم ومشو قدامي ست يهال من هلي لأن كانت الحفلة ممنوع أصطحاب الأطفال ثنتين صغار من قدام وحده شايلة قرآن على موسدة بيضة والثانية ألي بصفها شايلة مبخر فيه شبه وحرمل (عن العين والحسد) وألي وراهم شايلين سلتين مشموم وألي وراهم شايلين شموع كبار وطوال طبعا كانوا متدرجين في الطول وآنا بمسافة متر ونصف أمشي وراهم وشوي لين ركبو البنات على لستيج الطويل ركبت آنا وراهم وهم كل وحدة وقفت على جنب يعني كل وحدة قبال وحده وآنا أمشي وسطهم لين وصلنا المسرح ألي كان مربوط بتور طويل من البنفسجي ألي موصل بين الديزاين يعني كأن شريط معرض بيفتحونه زوجي هد يدي وقام فتح التور بيده ودعاني بالدخول إلى الكوشة

طبعاً الغرض من هاي الحركة أن محد يقرب ويقعد على الكوشة ولأن فيه حركات في المسرح وشموع وطبعاً فيه هدايا التورزع لملبس

وأن شاء الله نفعتكم

ألي يبغون بيتزوجون ألحين هذه يمكن حركات قديمة مالت 2003 تقدرون تسوون أفكار جديده بس حبيت أراويكم شسويت آنا عشان تحطون في بالكم يمكن في أشيا نسيتونها في الحسبان

ولأني آنا معقده وكلشي ما يعجبني ألا بالعزر :confused:

هلااااا بكل البنات منورين ماشاء الله عليكم اكثر ناس تهذر في المنتدى بنات البحرين :D2 عيني عليكم باااردة

بنات وين بتروحون في العيد الوطني والله كل وحدة بتندعس في الكولت وهاك يا نوووم


يا الله قوموا فزوااااا خلاص نوووم


المهم انا بردانة اللحين باروح عنكم؟؟؟

بنات البحرين الحلوات طالبتكم طلبة و يا ريت ما تردوني لأن إختي المسكينه متوهقة و ما عندها وقت تدرس عيالها بحكم شغلها اللي ماخذ كل وقتها ....

المطلوب:

مدرس أو مدرسة خصوصية إيون البيت تدرس أو يدرس عيالها "واحد في الصف الرابع و الثاني في الصف الثاني" و أهمه في مدرسة خاصة"عبدالرحمن كانو" يعني لازم المدرس أو المدرسة تدرسهم كل المواد إللي تُدَرَس باللغة العربية و الإنجليزية معاً لأن العلوم و الرياضيات بالانجليزي .... المشكلة يعطونهم واجبات وااااااااااااااااااااايد و المسكينة ساعات تقعد معاهم لما نص الليل تدرسهم و لكن طبيعة عملها شفتات مو كل مره تقدر تقعد معاهم فالمساكين يروحون فيها ....

أرجوكم طرشوا لي و بأسرع وقت ممكن أرقام مدرسين أكفاء و شكراً مقدما ...

لا تطنشوووووووووووووووووووووووون بليييييييييييييييز