بنــــات البحريــــن أبيــــكم( الجزء الثاني )..

نسيم البرايح

اختش شنو تخصصها ؟ والوظيفة اللي حصلتها تناسب مؤهلاتها او لاا ؟!




يالله بنات حددوا متى بتروحون تقدمون للوظايف عشان اروح قبلكم بيوم ويوظفوني قبلكم :D2 ====> صدق شريرة

اللي تسأل عن الوظائف تقدم بمجلس النواب الشئون الادارية يا الله لحقواااااااااااااااااا


اللي تسأل عن أختي تخصص محاسبة خذوها التربية لمدرسة محاسبة بمدرسة الحورة بس البنات يننوها خبركم هي نتووووفة ضاعت من بينهم ودايم يغنون عليها رمانة يا رمانة:D2 فشردت

قدمت للنواب وخذوها محاسب أول

يا الله توفقها وترزقها زوج صالح ويعطيها على نياتها:up:


بنات عندي خووووش بنت بس كبيرة في السن (32) عندكم ريل لها ( اشتغلت خطبة على آخر عمرها)

نسيم البرايح
ويعني للحين ما قلتي لينا وين نقدم

لكن لو انا مو اختج
اطلع لهم الحين الحمرا واخليهم ينسون الرمانة والبطيخة بعد
بس يمكن اختج وايد هادئة وقصوا عليها

انا بعد عندي خوش بنت عمرها 22 ياريت القى لها ريل ودي ازوجها
لأنها بنت عجيب كشخة وستايل و طيبة وتشتغل شغلة رهيب وتدرس مسائي واخلاق بس نصيبها ما ادري شلون
والزين غنها للحين ما سوت علاقة ولا هالخرابيط
ها دوروا لها ريل الله يوفقجم
شرايج نفتح لها مكتب ها نسيم؟؟؟؟؟؟؟!!!!!!!!!!!!!


فلة
ههههههههههههههه
ضحكتيني
تبين تسوين فينا حركة نذالة وتروحين قبلنا ها
لكن احنا بنقول لج بعد ما نقدم بيوم علشان نتوظف قبلج ههههههههههه

لا همس الخوق

مو تعزمينهم كلهم وانا لا
ترى كلنا ننتظر عزمتج على نار
اخاف في الاخير تكشتين فينا ولا تعزمينا ولا شي :D2

انزين حبيبتي كمبوجة ما قلتين لي وين يصير مودا كالاري وشلون اسعاره وهل كيف عندهم موديلات حلوة ؟؟؟ :cool2::cool2:

افااا عليكم بنااات اعزمكم وحده وحده انتوا بس تامرون لكن لو سويته في البيت فشلة :D2:D2 انتوا وكيفكم :pain:



ما في احد هني اسولف معاه يرد وارد بسرعه؟؟؟:smile: يالله عاااد تعالوا:s2

هلا همس الخفوق حبيبتي انا اقرا المواضيع دائما بس قليل اشارك جفتش وحيدة قلت اسليش امري تدللي وش بغيتي تسالين

http://www.3roos.com/forums/showthread.php?s=&threadid=110255

just have aloook on it

هلا نور العين بعد جبدي حسافة ردييتين يوم اني طلعت والحين رديت دخلت وانتين اوف لاين لكن بروح ويا الوصلة اللي حطتها شابه بحرينية هناك شات يالله تيك كير:up:

يالله عاااد بنات وينكم محد وصل يجاوبني عن الفستان؟؟؟ اكييد رايحين المعرض وخلصتوه عنا..:cool2:

همس حبيبتى


انتى رحتى كيدى؟؟؟


محتارة ومتعبه نفسسج روحى كيدى والتزامن وشوفى



بدل ما يمر علييج الوقت وانتى محلج ما سويتى شى



ولى طلب اخر ممكن؟؟


صراحه لان تكتبين بالوان تبط العين صاير كلامج صعب ينقرء كله هههههههههه

بنات



من راحت المعرض اتخبرنه:cool2::cool2:

همس الخفوق
موداكليري
هذا في الرفاع في شارع بو كوارة
هناك لبناني
يصمم لج على شنو انتي في خاطرج
يسوي حركات مثل تصاميم اللبنانين
يعني يقدل
صج بطيئ في الرسم بي الشغل مضبوط
سويت عندة علشان خطوبة اخوي زوجي
سوى لي بنطلون لو ويست خبرج البطن شوي طالع ونازل كلش
والتوب مشكوك وفيه اشياء متلية على جنب
صرت احتى حتى من العروس>>>الاخت وايد واثقة في روحها زيادة عن اللزوم :D2

ما دورتي تتمللين إلا لما كنت مو قاعدة
كل يوم انا قاعدة 24 ساعه محد يكلمني واليوم لما طلعت قلتي تبين تسولفين
يالله خيرها في غيرها

نور العين
حياتي ليش ما تشاركينا بس تقرينشاركينا وفيدينا وستفيدي منا
وخلينا نتعرف عليج اكثر

شابة بحرينية
حاولت افتح الوصلة اللي حطيتيها
ما رضى ينفتح الموضوع
يمكن سكروة
الله اعلم
على العموم حياج معانا

ام البنات2
اني رحت

كامبوجا

خبرينااااااااااا عن المعرض :shy:

شنووووووووو شريتي؟؟

واشلون كانت اسعارهم؟؟ يقولون عنه غاااااااااالي :down::down:

صج :s2

بات من وين اقدر احصل مفارش حلوه للسرير مثل اللي في المنتديات

وكم اسعارهم

شخباركم بنات؟؟
انا كل يوم معاكم على الخط ...بس اتجسس عليكم...........لان سوالفكم روعه..ووايد استفيد منكم..

ااقول ما تدرون متى اخر يوم للمعرض؟

وكمبوجا حبيبتي مدامج رحتي المعرض خبرينا عنه؟؟

اخر يوم للمعرض اعتقد تاريخ سبعه:eek2:

حبيبتي عسولة ما قلتينا طلعتي حامل والله لا.

اهلين حبيباتي
المعرض اخر يوم تاريح 7 يعني في وقت للحين
انا اعتبر نفسي ما رحت المعرض
لأنة راحت معاي صديقتي حامل وفي الشهر9 وشوي بس مشينا إلا تقول اخ بس تعبت وي ما اقدر
خلنا نرد البيت
اقول لها شرينا شي للحين
تقول يوم ثاني بنرد

المهم شرت لها صديقتي بجامات بنطلون مع الفانيلة قطن مثل الفوطة على 2.500 تقريبا سعرهم زين

وفي بدلات الى الجهال يعني للبيت حلوين وقطن شغل عدل على دينارين الوانهم حلوة

وانا شريت لي قلم كحل بس ابيض بدينار

ولوز بودر علشان تحت العين لمن احط شدو ب دينار

وخذيت لي قلوس قامج لونة حلو 3 بدينار ف انا خذيت قامج ورفيجتي شفاف فيه قلتر والثالثة شفاف عادي بس حلو

وشريت لي شوارما دجاج على الصاج
وسوسج ايراني
مو كاني راحية الى الاكل اكثر من الاشياء الثانية :D2

وشفت بعد شالات في المعرض حلوين
بس الكل كان يشتري وسألتة عن سعرهم قال لي 7 دينار
يعني ما في فايدة كل الناس بكون عندهم

وشريت لي بجامه نوم حلوة ب 4 دينار

بس ما شريت شي بعد
بس لي روحة مرة ثانية

بس الصالة الثانية ما رحتها


الوردة الحلوة
عمري المعرض فية شارشف تحنن
وسعارهم حلوة على الاقل مقارنتا مع دبنهامز و BHS و هوم سنتر
وايد ارخص اللي عندهم وحلوين
سألتة امس عن شرشف 5 قطع ووايد حلو قال لي 17 بعد لو اتقصاصص معاه بنزل لي السعر ازيد
واخر الايام اقل واقل بعد

بس هذا اللي عندي

لمن اروح مرة ثانية بكمل لكم
بس اللي راحت غيري تقول لنا شنو شافت

ما شوكلت عمري
بسم الله الرحمن الرحيم
ولا تجسسوا .....................

علشان تشاركين مو بس تتجسسين
احنا بعد نبي نستفيد منج

يالله حبيباتي
بروح اتغذى ميتة جوع

او صج تذكرت

اليوم رحت السيف
MANGO مسوي 30%
ورحت دبنهامز مسوي على الملابس الدخلية 50% شي عجيب
ما قدر اتطلع
ودي اخذ من كل شي
يعني مثلا ماركةchantelle يجننون عليهم نص السعر صالو تقريا 8 وفي اقل بعد
شي رهيب
بروح اتغذى بعدين بكلم لكم
باي