هل ممكن اكون ،،،

الله يرزقك الزرية الصالحة و يرزقنا جميعا و ماشي شيء من دون إرادة الله

لاتقولين جذي..خلي ايمانج بالله كبير.............وبعدين انتي يعني هالنتيجه اللي قلتيها بعد ماسويتي تحليل؟؟؟؟؟؟؟ شلون جاتج الدوره 28/8----3/9 صح؟؟ يعني 4و5و6 مافيهم حمل بس من 7 وطالع تكون في خصوبه منخفضه يعني فرصه للحمل ببنت على ما اظن واذا تاريخ 11 يعني فرصه للحمل بولد اذا كانت دروتج منتظمه بس حتى ولو..ال..اللي يحمل صفات البنت يعيش مده اطول والبويضه في الوقت اللي قلتيه كانت جاهزه فيعني من قال ماصار حمل؟؟!! انزين لاتحرقين اعصابج..بس تأكدي واذا ماصار حمل عادي لان انتي توج متعدل عندج هرمون الحليب يعني عطي روحج فرصه شهرين او اربع شهوور ولاااااااااتحرقين اعصابج لان القلق والتوتر لهم دور في تأخر الحمل..والله يعطيج ان شاء الله ماتتمنينه ويرزقج الذريه الصالحه..طمنينا عليج

حبيبتى جورية انا سويت تحليل يوم 21 من الدورة بشهر اغسطس بعد كم يوم نزلت الدورة بتاريخ 28/اغسطس/ وبعدين أخذت العلاج بعد نزول الدورة ، وصار الجماع يوم 5، 6، 7 سبتمبر يعنى كنت يوم 9،10،11 من الدورة يعنى لسة الوقت مبكر لفترة الخصوبة ، صج ما في شي بعيدمن الله سبحانه وتعالى لكن بعد الله عطانا عقل وانا ما اخذت الكلوميد بأخر دورة فكيف يصير حمل.

الله يرزقك حبيبتي ندو

والحين اهتمي في بنتك ومتى ما جا زوجك اعيدي المحاوله وان شاء الله تضبط معك :shy::shy:

بإذن الله حامل يا نودو:smile:

و إحتمال تكون بنت إن شاء الله:smile:

اسفه حبيبتي اذا مافهمتج صح بس فعلا في ناس ممكن يحملون من اليوم التاسع للدوره وغالبا تكون بنت:) واذا كان اليوم 9 و 10 احتمال ضعيف لكن اليوم 11 يكون في خصوبه خفيفه ومش مرتفعه وقابله انها تكون بنت:) ومافي شي بعيد عند رب العالمين بس انتي كثري الدعاء

خواتي فوانيس وورده جوريه ،،،،


عندي استفسار ..... كيف تكون الاخت nodoo حامل ببنت ووقت التبويض ربما باقي له 5 أيام على الاقل وربما يكون أكثر ...

انتوا ما قلتوا انه التبويض يستمر ليوم واااحد فقط اذا ما تلقحت البويضه ما يصير حمل ...

اختي عجيبه اذا بتدخلين صفحاات الحمل اللي في المنتدى بتلقين كم وحده كتبت انها حملت في اليوم التاسع وانا اقرى وايد في بعض المواقع الطبيه ان اللي يعتمد على طريقه العد لازم يوقف الجماع من اليوم التاسع لان في ناس يصير عندهم تبويض قبل ناس ..الا اذا كنتي متأكده ان مافيه تبويض في هالفتره عن طريق السونار ..هني اقدر اقول ان مافي فرصه للحمل اما اذا ماتأكدتي بالسونار فالتبويض والحمل ممكن.. والاخت نودو صار عندها الجماع في اليوم 9 و 10 و11 من الدوره يعني في حال نزول البويضه في اليوم 12 بيكون ممكن تلقيحها وبتكون بنت بإذن الله ..نظرا لان البنت يبلها وقت لين ماتوصل للبويضه ..

اني اقدر احمل وبالذات حق زوجي لآن يقول لي انت في ايام الخصوبة ما تحملين بعد يوم 9 و10 11 هو يقول لي كذه عشان ما ابكي ، ما يريدني اتضايق اذا نزلت الدورة ، فانا الحمدالله راضية بكتبة رب العالمين واعرف كل تأخيره فيها خيره ، ما صار الحين انشاءالله الله بيكتب لي بإذن الله ، اهم شي هرمون الحليب عندي صار اوكي... والباقي على رب العالمين ، وبعدين انا انتظر نزولها بفارغ الصبر بتاريخ 28/9/ عشان اخذ الكلوميد وارتب مرة ثانية للحمل ، والله كريم يعطي كل محروم يا رب العالمين.

الله كريم يا اختى و ان شاء الله تحملين قريب و اتفرحينا معاج الله يكتب لج اللي فيه الخير يا اختي:smile:

انشاء الله اختي تحملين قريب
يا رب
:up:

ان شاء الله....ولاتحاتين ابدا اذا تأخر الحمل..انتي الحين خلج واثقه من رب العالمين انه بيعطيج اللي تتمنينه وكثري الدعاء وخلج هاديه جدا لان كل شي صار طبيعي الحين والتوتر ماراح يفيددج..والله يرزقج ان شاء الله بالذريه الصالحه:)

كنت بس بخبركم ان الدورة الشهرية الله يزولها نزلت اليوم جدمت 4 ايام ، وانا الحين متضايقة وايد وفيني الصيحة أنتظر بس زوجي يتصل فيني من الخارج هو مسافر عشان افضفض له وابكي عليه شوي ، انا الحين بالدوام انشاءالله بس ما يتصل الحين لأن راح اسوي فلم ، والكل بيسأل شفيها هاي تصيح من قلب ، هو بيعرف اكيد ليش انا اصيح ومتضايقة عشان نزلت الدورة ، يالله الحمدالله نبدي ناخذ الكلوميد باجر.

السلام عليكم و رحمة الله و بركاته
أختي nodoo
أعرف ما تشعري به من ألم و إحباط ... و لا أجد ما أواسيك به
لأني مررت بمثل تلك اللحظات التي أتمنى أن أكون حامل
و دون سابق إنذار تأتي الدورة لتسخر من كل الأماني و الأحلام
و لكن عندما شاء الله و أراد حملت ... لا تنسي يا أختي أن لكل أجل كتاب
و عندما يحين الموعد ستحملين بإذن الله
إصبري يا أختي و أحتسبي الأجر عند الله و قولي اللهم أجرني في مصيبتي و أخلفلي خيرا منها ...
وعليك بالدعاء و الإستغفار ... و قيام الليل فله مفعول سحري
مع الأخذ بالأسباب و أخذ الكلوميد
و إن شاء الله نسمع خبر حملك الشهر الجاي
اللهم يا حنان يا منان يا بديع السموات و الأرض يا ذا الجلال و الإكرام أسألك أن تصلي و تسلم على نبينا محمد و أن ترزق أختي nodoo و كل بنات المنتدى الذرية الصالحة ... اللهم إجعلها تحمل عاجلا غير أجل

الله يرزقك اختي :shy:

دعوتك لي ، دمعت عيني وقاعدة اصيح حتى يعنى ما خليتني الله يهداك اصبر لين زوجي يتصل ، خليتينى اصيح واطلع اللي بجبدي وانا بالدوام ، يعنى الحين لين زوجي بيتصل فينى ما بيكون في بكاء وصياح ، المشكلة يا حبيبتى فشيلتى ألحين جدام زوجي كل مرة كلامه يكون صحيح ، بس انشاءالله (الله يعوضنى خير بالقريب العاجل ) يا رب ، والله أنت تعرفين يا عزيزتي بحرقة قلبي أشلون يصير لين تنزل الدورة واتفشل جدام زوجي ، وهو منى عينه يشوفنى حامل ، لكن انا ما أهتم لكلامه اللي يقول لي ، لأن انا اقول كل تأخيره فيها خيره ، انا اعرف ان الله يكتب لي الصلاح بهذا التأخير ، وتعرفين أنا ىخذ الحبوب والكلوميد والأبر وحبوب السكر (دايالون) ألف م غ باليوم بس ما في فائدة.
الحين بعد باشوف هالشهر اذا ما صار حمل بس راح أسافر عشان أنشاءالله لمدة شهر بعد العيد بإذن الله تعالى عشان أغير جو واريح أعصابي من التفكير.

السلام عليكم و رحمة الله و بركاته
أختي nodoo
لا تبكي و لا تزعلي ... لأن البكاء ما بيفيد و مابيغير بالنتيجة شي
قولي الحمد لله على كل حال و إدعي الله ... ما لك إلا الدعاء
و لازم نفستيك تكون مرتاحة ...لأن النفسية بتأثر وايد على الحمل و بتأخره
و إنت قلتي كنت تعاني من هرمون الحليب ... ما في داعي تخليه يرتفع مرة ثانية من القلق و التفكير
توكلي على الله ... و إن شاء الله يارب نحمل أنا و إنت هذا الشهر مع بعض
اللهم أسألك بأني أشهد أنك أنت الله الواحد الأحد الفرد الصمد الذي لم يلد و لم يولد و لم يكن له كفوا أحد أن ترزقني و nodoo و كل بنات المنتدى الذرية الصالحة ... اللهم إجعلنا نحمل هذا الشهر ... اللهم إستجب ... أمين

مشاعرك اتجاهي ، بالأمس بعد الدوام اتصلت بزوجي بالخارج من رفع السماعة وانا ابكي وابكي حتى هو خاف على باله صار شي فينا ، قلت جاتني الدورة اليوم وابكي الدورة جاتني اليوم ، وهو غضبان من اللي اعمله بروحي يقول لي اسكتى احسن لج طبعاً بتنزل تعرفين انها بتنزل ، يقول ليش تعملين بروحك كذه انت مجنونة ، اليوم انشاءالله راح ابتدى الكلوميد وعلى الله ،