زواج البنت بشاب يصغرها باعوام

عادي حبيبتي ما دام قادر يتحمل المسؤلية ويكون سندك وظهرك وشخصيته قوية لانه الحين فاهمين غير عن أول كثار متزوجين حريم أكبر منهم عشر سنوان ما اربع سنوات.. توكلي على اللع إذا لك نصيب.. يمكن الصغير احسن من الكبير في العمر....:shy:

من وجهة نظري ارفض هالشي لاسباب عده منها:
البنت او المرأه تنضج قبل الرجل في طريقة تفكيرها وتصرفاتها يعني مو حلوه ان الزوجه تصلح حق زوجها اللي اصغر منها سواء معلومه او راي ابداه او حتى تصرف يمكن يكون موقف حساس بالنسبه له .
واعتقد انه شعور مو حلو اذا كانت الوحده تستصغر طريقة تفكير زوجها ومايصير تسكت وتجامله لانه زوجها ولازم تصارحه او يمكن يحس الزوج بان زوجته انضج منه في امور واايد وهذا الشي يمكن يحسسه بالنقص وضعف الشخصيه . ومن رايي انسب وقت او فارق عمر بين الزوج والزوجه اقل شي 5 سنوات واكثر شي 10 سنوات. والمسأله في الاخير نصيب.(a)

أشترك وي الخوات في الراي



الناس مستحيل ترضى عليك لو شنو سويتي وبيتكلمون حتى لو خذتي زوج كبرك بالضبط مولود معاك بنفس اليوم والساعة لا اكبر ولا اصغر

فعلا لكن ما أدري أحس ان بعد الزواج بييلس يعايرج انه هو أشب منج

وانج العيوز

أخوي ما خذ وحده أكبر منه بشهر وكل ما تضاربوا ييلس يعايرها بها 30 يوم

ما أدري شو أقولج بس الله المستعان

اعارض:down:

بصراحة انا ضد الشئ هذا

لأنه ماراح يسلم الواحد من كلام الناس وبيكونون محط الأنظار هذا اولا


ثانبا الرجال مايبين علية الكبر والسن تلقين الواحد عمرة 35 وتعطينة 27


مومثل المرة الولادة والعيال يشيبون في راسها

هذا غير انه احيانا بعد فترة من الزواج الزوج يقول ابغى اتزوج وحدة صغيرة


فمن البداية الوحدة تريح راسها وتاخذ واحد اكبر منها بفرق

وسلامتكم

كل الشكر لكم وعلى آرائكم

بس هذا الموضوع كتبته لاجل النقاش وبس وهو مب مشكلة بالنسبة لي لاني مخطوبة لواحد اكبر مني ....بس هذا مايمنع اني اخذ واحد اصغر مني خاصة اذا كان عنده اخلاق ومخه كبير

وكلامكم على العين والراس واختلاف الراي لايختلف في الود قضية.

:up: :up: :up: