OoO لـلــي تمكيج نفسها بنفسها OoO

والله يااخت الشيخه السالفة طويلة وتعتمد على حسب ذوق كل شخص بس تقدرين تبحثين في المنتدى الحبيب وبالذات في ركن المكياج انا من فترة حصلت فية طريقة وضع المكياج و انشاء اكون خدمتك:shy:
وانا اسفة على التقصير:o:o:o

حبيبتي .... شوفي موضوع خبيره المكياج وبتلقين اللي تبينه انشاء الله

شوفي موضوع الاخت سلطانه

هلا حبيبتي
انا ماعرف اذا اقدر انفعك
بس ممكن اعطيك نقاط مهم في وضع مكياج السهرة

1.اذا كان مكياج العيون غامق الازم يكون الون شفايف فاتح

2.تحديد العين بالون الاسود اذا كانت عيونك وسعه حديدمن داخل بالاسود
اما اذا صغيره حديده من داخل بل ابيض

3.

4.

5.
6.

7.

اتمنا اكون

انا اقترح انج تاخذين دورات في فن المكياج احسن لانج مابتعرفين اتسوين بدون ما حد يراوييج نظري

هلا اختي الشيخه

بحاول اعطيج اللي عندي وان شاء الله تستفيدين،، وبعدين مثل ما قالوا الخوات كل واحد وحسب ذوقه

اولا: مكياج العمل

بالنسبة لي ما احط شئ مول في العمل اللهم الصبح كريم اويل اوف يولاي وكحل في العين لا أقل ولا أكثر وذلك بسبب طبيعة عملي حيث اني اعمل مع رجال واضع النقاب!! فما في وايد مجال اسوي شئ

بس بالنسبة لخواتي وبحكم ان طبيعة عملهم ويا بنات وحريم فهم يحطون شوية كريم اويل اوف يولاي (او اي كريم مرطب انتي تستخدمينه) ويخلطونه مع كم نقطه من كريم الأساس وبلشر خفيف وجلوس وشوية شدوي واللي وايد متفيجه تحط ايلينر واللي بسرعه كحل على الطاير وماسكرا



ثانيا مكياج الجامعة

لا يختلف كثيرا عن مكياج العمل الا في فترة الدوام،، اذا كانت طويله فتشيلين وياج فالشنطه بودره خفيفه تصلحين فيها المكياج اذا وجلوس وكحل.

ثالثا مكياج السهرة

هذا عاد سالفته طويله،، لأنه يباله تأني وذوق وتفنن،، فأنا بخبرج عن نفسي بالخطوات:

1) اقشر ويهي بكريم مقشر + احط عليه اي ماسك سواء طبيعي (روب+عسل) او ماسك تشترينه جاهز وميزة الجاهز ان نتايجه تظهر اسرع فعندج البودي شوب شوفي شو نوع بشرتج واللي يناسبها من ماسكات

2) ابدأ بتوزيع الكريم المرطب واتركه تتشربه البشره 5 دقايق (في هالوقت اجهز الأغراض اللي اريد استخدمهم)

3) ابدأ بوضع الكونسيلر على اسفل العين (ولأن عيوني شوية داخل الجفن العلوي للداخل احد على كامل العين حطي بكمية مناسبه ما عليج اذا شفتي انه زايد او غطي المنطقه ،، اتذكر اول ما استخدمت الكونسيلر كان على بالي ان البشره لازم تشربه مثل الكريم المرطب ويختفي بس ها مب صحيح حطيه يكون واضح ويغطي المنطقه بس اياني واياج تفركينه او تمسحينه لازم بالتربيت وحطي بعد على كل المناطق اللي تين تخفينها يعني لو عندج اثار حبوب او حبوب او مناطق اغمج عن مناطق يعني غطي كل الغير مرغوب فيه.

4) حطي على راحت يدج كمية من كريم الأساس + مستحضر الإشراق واخلطيهم مع بعض زين بطرف اصبعج بعدين وبواسطة اسفنجه وزعيه على كامل الوجه ولا تنسين الرقبه وبعد ما ننسى بالتربين والا بيسيح الكونسيلر اللي حطيتيه ،، لاحظي الأسفنجه بتتشربه بس لو تغطين عليها بالخفيف وانتي توزعين بتطلع اللي شربته،، ما عليج من الكميه المهم توزعينه بالتساوي و تغطين كل المنطقه.

5) بواسطه فرشاه كبيره غمسيها في البودره الحره ووزعيها في منتصف الجبهه والأنف والذقن وبعدين ابدي وزعيها على كل الوجه.

6) حطي بلشر على الخدود وراعي كيف تبينها يعني اذا تبين ويهج ينحف حطيها فالمنتصف بالضبط بس اذا تبين يطلع مليان خليها اسفل تفاحة الخد وانتي تبتسمين ووزعي شوي اسفل الذقن وعلى اطراف الأنف لتصغيره.

7) مكياج العيون وهذا يرجع لج انتي وذوقج والبنات فالمنتدى ما قصروا ما شاء الله كفوا ووفوا من هذي الناحيه انا شخصيا ما احب شكل معين يعني كل ما يعجبني شكل وحده من اللي محطيلها مكياج عيون ايلس اقلده لين اتقنه ( وبصراحه احب اشكر البنات فالمنتدى لأني فعلا وايد استفدت من الصور اللي ينزلونها).

8) ما تنسين الماسكرا و تحديد الحواجب،، وانا افضل التحديد البودر عن القلم لأنه يعطيها شكل ارق.

9) قلم تحديد الشفايف و روج مناسب وفوقه لمعة قلوس.


خلاص انتهينا،، انا جربتها كذا مره فالبدايه كانوا يقولولي في اي صالون حاطه مكياج،، وبعدين صاروا كلهم اذا صارت مناسبه يحجزون بالدور اسويلهم،، ويحليلي اكون آخر وحده!!! :shy:


اتمنى اني اكون افدتج واي سؤال انا فالخدمه..

كاتو مشكووورة

حسون .. مرسي عالمرور بس انا حابة اعرف طريقتك انتي الخاصة

ثوب نشل .. كذلك مرسي خيوة .. حبيت اعرف طريقتك انت الخاصة

جـويـل.. يهمني رأيك وخبرتك.

soosoos.. مررررررررسي عالذوق وتحياتس لش.

loona.. شدعوووووة اختي بفتح صالون !! .. كنت حابين نستفيد من بعض من خلال تجاربنا ..فقط لا غير ..

كاتو .. ووووووووة فديتش عيوووووووووني والله .. وما قصرتي .. الف شكر لش .. ولمجهود :smile: .. كريمة .. ونحنا نستاهل :cool2:

تحياتي

الشيخة

مافي احلى من المكياج الطبيعي حطي شوية بلاشر وكحل وايشدو خفيييف مع كلوس شفاف وبسسسسسسسسسس..


:shy: :shy: :shy: :shy:

:smile:

:smile: افضل انتج تسوين تنظيف حق البشرة وتحطين الواقى عن الشمس لانة الجو وايد حار وبعد كذا حطى الكحل والقلوس والماسكرا وبلشر يا بنى او وردى من ماركة ميكب فور افر ترى وايد زينة الماركة هذى

الشيخـــــــــــــه


مكياج العمل يعتمد علي البساطه ...


راح تستخدمين للاساس البودرهـ المائيه " اذا بشرتك دهنيه " او

تستخدمي مرطب ملون تلقينه في ماركة كلينك وهالكريم الملون يرطب

البشره ويعمل كــ كريم اساس " ويمنع سيلان المكياج في الصيف بسبب

الرطوبه والحر وممتاز جدااا وفيه كذا درجه .



ثاني شي العين" راح تحطين درجات الشدو الفاتح اذا عينك وساع وكبيره

وراح تغمقينها عند نهاية العين وتحطين خط رفيع من الكحل السائل

وتكحلين عينك بقلم بني غامق او رمادي غامق عشان يبرز العين ويبين

لونها وممكن تضعين شدو لونه غامق علي الخط السفلي للعين .


وتحطين المسكره وانصحك بمسكره تركيبتها خفيفه مثل ماكس فاكتور

او لوريال .. واخيرا روج خفيف بدرجه فاتحه ولاتنسين تمشطين الحاجب

وتكثفينه في الاماكن الفارغه .


تحياتي لك.

تقدرين تبحثين في المنتدى:up:

مشكورين خواتي على معلوماتكم
وافادتكم

وكنت ابي شرح خاص فيكم

يعني كل يوم صبح قبل الدوام شلون تبتدون في العناية ببشرتكم.؟؟
وكم الوقت الي تستغرقة منكم؟؟

والافادة للجميع :shy:

:clap:

السلام عليكم ..

انا بصرااحه في الجاامعه ماحط مكياااج ابد ..

وينعدو المراات بس داايما مرطب وخلاص

واذا حطيت مرره مرره يكون كحله وجلووس وردي

لان ماالي خلق ..


خلني زي ما انااا احم احم:cool2:


واذا رحت لصااحباتي احط الي ميك اب خفيف مرره مرره ونااعم

ما احب الثقـــــيل ..

مشكوره

تحياتي ..

:clap::clap::clap::clap::clap::clap::clap::clap:

ماقصرتوا يابنااااااااااااااااات

اشكر ردودكم ومروركم

بصراحة يا بنات

في بنات تقوم الصبح في ربع ساعة تجهز كامل .. شلون ما دري ؟؟ يا عجب الله :eek2:

وفي بنات تقوم الصبح تقعد ساعة او ساعتين قبال المنظرة بس عشان وجهها. وكمان سبحان الله :eek2:

وفي بنات في 10 دقايق للوجة، يغسلون وجههم ويستخدمون مرطب وقلوز خفيف .. يعني لمسات خفيفة تكاد تكون معدومة.

صراحتاً ..
أنا اشوف بنات في الجامعة .. يجون حاطين مكياج سهر ؟؟
سؤالي ليش يعني ؟؟ مع انة ما شا الله عليهم يبدعون في رسم لعيون .. وبصراحة هنيالهم .. بس اعتقد لكل وقت ومناسبة استيلها الخاص.

والله يوفق الجميع

نحب نعرف ردودكم الصريحة.. وكل وحدة تقول اهي تحط شلون .. ولية؟

ورجاءٍ انا امشي على مبدأ الديمقراطية
وكل وحدة لها حريتها الشخصية
ونحنا اهني نستمع ونستفيد
فقط
تحياتي :smile:

كاتب الرسالة الأصلية : loona
انا اقترح انج تاخذين دورات في فن المكياج احسن لانج مابتعرفين اتسوين بدون ما حد يراوييج نظري