السلام عليكم ورحمة الله وبركاته
:down:
يحزنني الحال في هذه الايـــــــــــــــام
لا صديق لا قريب ولا حتى اخ تستند عليه لا ضاقت بك الايام
تضيـــــــــيق احيان الدنيا ولا نلقى (صديـق) يواسينا نعيش دايم بغربه قليل الهنا فيها
هكذا اصبحت حال دنيا في هذه الايام
موحشـــــــه ،، ناس تاكل بعضها ،،، الانفس ضاقت ماعاد احد يتحمل احد
حتى البيوت ضاقت بعد ماكانت تتحمل العشر عوائل صارت يالله يالله تشيل اهل البيت ولا يقولون ضيق بعد
اذكر لما كنت صغيره اجي من المدرسه البيت كله جيران ماتصير دقايق الا كلهم متفرقين اللي راحت تقدم غذا رجلها والي تشوف عيالها
ويلهون
ومايجي العصر الا وهم مجتمعين مره ثانيه في بيت احد
حت الشاااااااااارع كان كله ناس
اولاااااد يلعبون كره حنا نلعب مع بنات الجيران في هذيك الحديقه على المرجيحه
وهذه جارتناام عبدالله هذه هي طالعه مع بنتها الصغيره رايحه لام عمر معها الشاي والقهوه
وجارتنا الامريكيه طالعه مع كلبها عند الباب
الله اياااااااااااام كانت حلوه
كبرت ،،،، وكبرت الانفس
نقلنا من ديرتنا ،،،، دخلت مدرسه جديده كنت زي الوحش اللي داخل عليهم
كلهم يطالعون بنص عين ،،،،خلوا المدرسه مافيه جيران
حتى خوالي مايبعد بيتنا عنهم الا شارعين مانشوفهم الا بشهر مره
واذا رحنا مرتين قالوا شعندكم ؟؟؟؟؟ حال اصبحت غريبه
وشاءت الاقدار وتزوجت ورجعت لنفس ديرتي اول
بس ماهي اللي عشت فيها وانا صغيره
تخيلوا اقعد ايام واسابيع مافيه جيران حتى صديقاتي اللي اول
كلا مشغول ؟؟؟؟؟ اطالع مع الشباك مافيه اطفال يلعبون بالشارع مافيه
حياة
كاني بدنيا لحالي مافيها احد \
تضيق احيان الدنيا ولا نلقى مين يواسينا نعيش دايم بغربه قليل الهنا فيها
ومو حالي وبس كثيييييييير ناس في هالدنيا حالهم مثل حالي
الناس تغيرت ؟؟؟؟
ليه تتوقعووووووووون ،،، ليه مافيه صلة لا بجار ولا باهل ؟؟؟؟
ليه المشاكل كثرت والانفس نفسها تغيرت
وين زمن جدتي ؟؟؟ وين جيران اول ؟؟؟؟
وين الاخ اللي يسال عن اخته ؟؟؟
قولوووووا وين راح كل هذا ولى مع المولين ؟؟؟؟
ياااااااااا سبحان الله
وين زمان اول ؟؟
ا
18-09-2004 | 03:07 PM
ش
18-09-2004 | 06:31 PM
موضوعك رائع اختى البقره الوحشيه
زمان اول كان فية بساطة واشغالهم ومسؤولياتهم
على قدهم مو مثل الحين دايماً مشغولين ولا يخلص شغلهم ولا هين
بالستلايت والنت وما خذ وقتهم كله وينسون معاه
نفسهم و صلة رحمهم ...
صدقينىاختى مازال فية ناس فيهم خير ويعرفون ربهم وواجباتهم
تجاه صلة رحمهم وحقوق جارهم ....
بإختصار الدنيا اختى بخير وما تغير بس احنا اللى نتغير ونغيرها ...
لك منى اطيب التحايا
زمان اول كان فية بساطة واشغالهم ومسؤولياتهم
على قدهم مو مثل الحين دايماً مشغولين ولا يخلص شغلهم ولا هين
بالستلايت والنت وما خذ وقتهم كله وينسون معاه
نفسهم و صلة رحمهم ...
صدقينىاختى مازال فية ناس فيهم خير ويعرفون ربهم وواجباتهم
تجاه صلة رحمهم وحقوق جارهم ....
بإختصار الدنيا اختى بخير وما تغير بس احنا اللى نتغير ونغيرها ...
لك منى اطيب التحايا
ح
18-09-2004 | 06:49 PM
السلام عليكم ورحمة الله وبركاته
هــلا أخـتــي البقره الوحشيه
وييين زمــاااااااااان أول
ولا بـدُّ مـن شـكــوى الـى ذي قـرابـِة يـواسيـك أو يُسـلـيك أو يـتوجــّعُ
وانـتِ الــصــادقــة كـل شــيء تـغــيّــر
حـتـــى أجـمــل شــي بالـوجــود وهـي الـمــشـاعـر
الانـــسـانــيــة تـغــيّــرت,,
ولـكـــن مــازال هــنــاك فــئـة قــلـيـلـة حــافــظــت عــلـى
مــبــادىء وجــمــال زمـــاااااااااان أول..ومــا زال هـنــاك خـيـراً قـائـمــاً
مـشــاركـة رائــعـــة عــزيــزتـــي وتـقـبــلــي شـكــري
وأرق الـتـــحــايــا
ا
18-09-2004 | 07:12 PM
تصدقي اختي ييتي عالجرح .....وانا في الغربه ما اشتاق لبلادي وهي على هالوضع....والله اشتاق لايام زمان...احس حتى الهوا الللي كنت اتنفسه للحين في صدري....مرات يوم اشتاق واحس بالغربه واحس نفسي بصيح اقول على شو تصيحي بتروحي والكل بيتيمع معج اول يوم وباقي الايام اذا شفتي حد منهم صدفه زين
مرات غصب عني احس صوتنا واحنا يهال نلعب ونعافر في التراب في اذني ويلسة امي وياراتها قدام البيت يراقبونا واحنا نلعب...فطور رمضان مع بعض والسحور....ما كان شي موبايلات لكن لو مرض الواحد يلقى اللي باخر البلاد يعرف ويزوره
بقول شي ويمكن تضحكي علي...الحين يوم تييني الحمى اصيح من قلب تحسبي حد ميت علي بعيد الشر....ما اصيح من الالم لا اصيح من الوحده...اول يوم الياهل تييه حمى تلاقيه مرقد على فرشته والكل يالس حواليه يدخلو الناس ويطلعوا الكل يروده ويراعيه...اهله والجيران...والحين الكل يقول خلوها في غرفتها ترتاح....اموت يوم يقفلوا علي الباب ويطلعوا عشان ارتاح...اصيح ابا اقولهم لا لا تطلعوا تموا عندي دخيلكم...ابا احس مثل اول..شعور بالامان والفرحه
الناس اول اشغالهم ما تخلص الساعه ثنتين ونص...شغلهم الصبح والعصر ويرقدوا من وقت ويبدوا شغلهم عقب صلاه الفجر ورغم هذا يلقوا وقت لبعض....الحين الشغل من سبع ونص لين ثنتين ونص والرقاد نص الليل ويقولولك ماشي وقت...الشغالات يقومن بكل شي ويقولولك ماشي وقت....الوقت وايد بس مستكثرينه على بعض
انا انفتح لي باب لو بقول كل اللي في خاطري بقوم اصيح الحين.....مرات اقول لربايعي ادفع نص عمري بس ارد مثل اول...اعيش بسلام مع اهلنا وجيراننا من غير هموم يوم بيوم...لليوم لما اسمع يدتي تقول ايلس في الحوي وتخطف الساعات ولا حد يمر علي ولا اشوف مخلوق يتحرك يعورني قلبي وايد احس المها من الوحده اكثر من المها من الامراض رغم انه بيتها متروس بس كلن في حجرته ما يدري عن الثاني
انا اسوي كل شي عشان نرد مثل اول....بس الناس نفوسهم صارت غيراول ...الحين لو بطلع اليهال يلعبوا قدام البيت وايلس اطالعهم بيقولوا ما تستحي يالسه عند الباب....اكره السوق والكوفي شوب اللي نجتمع فيه مع ربايعي.
شو بقول بعد بس ماقدر احس بغصه والله....كل ما تذكرت ردتي لبلادي قريب اتذكر انه فرحه رحوعي تخلص في يوم....لاني راجعه للناس بس الناس وينهم
الله يعين وعسى الزمن يرد مثل اول
تحياتي لج اختي البقره الوحشيه...والله فيي صيحه من الخاطر
:confused:
مرات غصب عني احس صوتنا واحنا يهال نلعب ونعافر في التراب في اذني ويلسة امي وياراتها قدام البيت يراقبونا واحنا نلعب...فطور رمضان مع بعض والسحور....ما كان شي موبايلات لكن لو مرض الواحد يلقى اللي باخر البلاد يعرف ويزوره
بقول شي ويمكن تضحكي علي...الحين يوم تييني الحمى اصيح من قلب تحسبي حد ميت علي بعيد الشر....ما اصيح من الالم لا اصيح من الوحده...اول يوم الياهل تييه حمى تلاقيه مرقد على فرشته والكل يالس حواليه يدخلو الناس ويطلعوا الكل يروده ويراعيه...اهله والجيران...والحين الكل يقول خلوها في غرفتها ترتاح....اموت يوم يقفلوا علي الباب ويطلعوا عشان ارتاح...اصيح ابا اقولهم لا لا تطلعوا تموا عندي دخيلكم...ابا احس مثل اول..شعور بالامان والفرحه
الناس اول اشغالهم ما تخلص الساعه ثنتين ونص...شغلهم الصبح والعصر ويرقدوا من وقت ويبدوا شغلهم عقب صلاه الفجر ورغم هذا يلقوا وقت لبعض....الحين الشغل من سبع ونص لين ثنتين ونص والرقاد نص الليل ويقولولك ماشي وقت...الشغالات يقومن بكل شي ويقولولك ماشي وقت....الوقت وايد بس مستكثرينه على بعض
انا انفتح لي باب لو بقول كل اللي في خاطري بقوم اصيح الحين.....مرات اقول لربايعي ادفع نص عمري بس ارد مثل اول...اعيش بسلام مع اهلنا وجيراننا من غير هموم يوم بيوم...لليوم لما اسمع يدتي تقول ايلس في الحوي وتخطف الساعات ولا حد يمر علي ولا اشوف مخلوق يتحرك يعورني قلبي وايد احس المها من الوحده اكثر من المها من الامراض رغم انه بيتها متروس بس كلن في حجرته ما يدري عن الثاني
انا اسوي كل شي عشان نرد مثل اول....بس الناس نفوسهم صارت غيراول ...الحين لو بطلع اليهال يلعبوا قدام البيت وايلس اطالعهم بيقولوا ما تستحي يالسه عند الباب....اكره السوق والكوفي شوب اللي نجتمع فيه مع ربايعي.
شو بقول بعد بس ماقدر احس بغصه والله....كل ما تذكرت ردتي لبلادي قريب اتذكر انه فرحه رحوعي تخلص في يوم....لاني راجعه للناس بس الناس وينهم
الله يعين وعسى الزمن يرد مثل اول
تحياتي لج اختي البقره الوحشيه...والله فيي صيحه من الخاطر
:confused:
أ
18-09-2004 | 07:57 PM
صراحة خواتي إحساسي نفس إحساسكم،دائما أقول قبل غير،الحياة
غير،لها طعم ثاني،طعم مميز للأسف إختفى الحين...
أستااااانس لما أيلس مع يدتي وتخبرنا سوالف أوّل رغم إنّ السوالف
اللي أسمعها منها سمعتها واااايد لكن أستمتع في كل مرة تقولها لنا
وأقوم أسألها عن أيامهم،صراحة كانت أيام جميلة،النفوس الحلوة،نفوس
طاهرة ما غيرتها الفلوس، نفوس شفافة والقلوب صافية والحياة بسيطة
حتى براءة الأطفال،فيه فرق بين الحين وقبل،قبل الطفل كان بريئ،يعيش
طفولته بمعنى الكلمة،يمشي ويلعب مع أقرانه،حياتهم كلها حركة بحركة
ونشاط بنشاط لكن الحين تلفزيون وكمبيوتر والألعاب الألكترونية،أصبح
الطفل سلبي بس يتلقى ويسمع بدون حركة وتفاعل ونشاط، وحتى
براءة الأطفال في هالزمن إنخدشت بسبب الأنفتاح بكل أنواع ووسائل
الإعلام ،اللي خلت الطفل في هالزمن يعرف أشياء ما عرفتها أنا إلا من
عدة سنوات....للأسف كل شي تغير..
هل الحياة تغيرت والنفوس تغيرت والقلوب تبدلت بسبب ضريبة حياة
الرفاهية والتكنلوجيا....سبحان الله..
لما أشوف ألبوم صور الذكريات،أشعر بالحنين،أشعر بالرغبة في الرجوع
الى هذي الأيام الحلوة...
لو أتكلم لين باجر،الكلام عن الماضي ما ينتهي ومشاعر الحنين تظل
موجودة....
وين أيامنا وين اللي قضيناها...........راحت بغمضة عين وشلون أنا أنساها
في أمان الله أختي..
م
18-09-2004 | 08:45 PM

السلام عليكم ورحمة الله وبركاته
زمــــان أول تحول
وكل شئ تغير ومافي شئ يبقى على حاله حتى النفوس تغيرت
وكل ساعه تمر من حياتنا مستحيل ترجع
ولكم مني كل التقدير والأحترام

مملكـــة القلوب

ر
18-09-2004 | 11:53 PM
:confused::confused::confused:(u)
وين زمان اول؟؟
وين زمان اول؟؟