((ليه الخيانه؟؟؟؟))

@ خيااااااااااااااااااااااااااانه....



ماكتبـت الشعـر عاشـق للجنـون
أصلاً المجنون مـن يسمـع جنانـه



شخص عادي أمتلك قلـبً حنـون
أكتـب الأشعـار وترجـم حنانـه



أجمع شتات الفكر مـن كـل لـون
ثم أصيح لهاجسـي وطلـق عنانـه



أكتـب أنفـاس القوايـل للمـزون
وأشتكي للشمس ظـل الخيزرانـه



أكتـب القمـرا عيونـن يسهـرون
في رجا الموعد يجي هـذا مكانـه



وأكتب ان الحـب سهـمً بالعيـون
وأعرف ان القلب هو مصدر ضمانه



شي غامض يدخل الخافـق بهـون
ولا تمكـن مـنـه زوّد بخفقـانـه



وأكتب ان الصـدق للـي يكتبـون
هـي أمانـه للقـلـم والله أمـانـه



وان سمحتو لي أبكتب لي شجـون
هاض به قلب المعنى فـي زمانـه



كل شي سهل عنـد اللـي يخـون
دام أعز الناس في رجـواه خانـه



كنت أعده لي اخـو لـو يعتـزون
صحت بسم فـلان ضنيتـه تكانـه



كـل شـي أتوقعـه إلا الطـعـون
ومن يمينه سـدد الخنجـر جبانـه



نعنبـو قلبـه علـى شانـه يمـون
يغـدر بقلبـي علـى بالـه ميانـه



أسكت أحسن قبل مايصبـح جنـون
عندها المجنون من يسمـع جنانـه