ابغي قاعات أعراس قي بوظبي او رأس الخيمة.ساعدوني

السلام عليكم ... اشحالج همممممم بس بغيت اقولج ان القاعة اللس عدال ad mall حلوة وكبيرة واحييد انها يديدة شي بيتش ما اذكر شو اسمها زانشاء الله ايفيدونج بسالج حد من الربع .........

السلام عليكم ورحمة الله وبركاته

أختي في بوظبي

فيه قاعة الظفرة في الميناء ( حلوة )

فيه قاعة المشرف في المشرف يديدة ( بعد وايد حلوة )

فيه صالة زايد للأفراح الكبرى وطبعا هذي مجانية ( بعد حلوة )

فيه قاعات الفنادق مثل الانتر وايد حلوة _ المرديان بالنادي السياحي

ان شاء الله افدتج

العتب

إختي بالنسبة لقاعات راس الخيمة:

في قاعة الكورنيش(قاعة جديدة ،كملت سنة وشوي من فتحوها)

القاعة حلوة، وخدمتهم جيدة..

وفي قاعة الكريستال،وكذلك قاعة المها(قاعة المها خدمتهم جيدة لكن

للأمانة الأكل مش طيب، فلو كانت مسألة الأكل مهمة عندكم تقدرين

تطلبين أكل العرس من مكان ثاني)

واللي أعرفه إن قاعة المها أغلى القاعات أجرا..لكن ما أعرف بالضبط الأجر


مبروك مقدما على العرس:smile:


في أمان الله

مشكورين خواتي على ردودكم اللي بالفعل احتاجها......
اختي b6b6 مشكورة.....واتمنى تلقيلي معلومات اكثر عنها لأني من دبي وماأعرف.....

اختي العتب مشكورة.......بس كيف خدماتهم؟
لان في بعض القاعات خدمتهم بالمرة مب حلوة.....يعني من الاشياء اللي يسوونها انهم اييبون الاكل كله ويجمعونه كله عالطاوله.....عشان جي ابا مساعدتكم.......

اختي أميرة البجع مشكورة عالرد.........ابا اعرف اي وحده احسن شيء ووين مكانها؟وكم سعرها تقريبا؟

اتمنى ان خواتي الباقيات يساعدوني لاني من دبي ومااعرف قاعات راس الخيمه وبوظبي......اكيد اللي في بوظبي وراس الخيمة يسيرون أعراس ويعرفون اي قاعه احلى...........لاتبخلون عليه

مبروك عليك اول شي عرس أخوك

وبالنسبة للقاعات الي في رأس الخيمة

والتي يقبل عليها الناس كثيرا :

المركز الأول :

( صالة جلفار )

( قاعة الكريستال للنساء+ قاعة شمل للرجال )

والصراحة مميزاتها كثيرة وهي ,,

1) وجود غرف في الطابق الأرضي لوضع
الأغراض : دخون , عطور , هدايا للمعازيم .... الخ

2) وجود غرفة للعروس مع حمامه أكرمكم الله تعالى
مع حمام خارجي .

3 ) غرفة للتصوير .:cool2:

4 ) غرفة معدة لوضع المكياج وتسريحة للعروس أو
أهل العروس في حالة إحضار الكوافيرة للصالة .:shy:

5 ) عند دخول العروس على الحضور ,,توجد طريقتين :

الأولى : وهي الأجمل من الدرج الذي يطل من
الطابق الأول والذي يميزه طوله بحيث يستطيع الجميع
رؤية العروس .

الثانية : أن تمشي على الأرض إلى أن تصل إلى اللوح
الخشبي الي سيراها منها الناس .

6 ) اللوح الخشبي الذي تمشي عليه العروس طويل
ولذلك فإن المعازيم يكحلون أعينهم بها جيدا لشوفة
العروس.:shy:

7 ) مساحة الصالة بالنسبة للطول والعرض ممتازة بحيث
أن الجميع يمكن رؤية العروس .:up:

8 ) خدمة مجانية للتصوير بالفيديو وعرضه على شاشة كبيرة
ليتسنى للجميع ملاحظة العروس,, ويمكن استلام فلم الفيديو
مباشرة بعد العرس كذلك بالنسبة للمعرس كذلك .:cool2:

9) على الفترة الأخيرة أدخلوا خدمة الفقاقيع .

10) بالنسبة للفرقة يوجد لها حاجز إذا كانت رجالية.

11 ) أكلهم طبعا لا يعلا عليه ,, لذيذ .:up::D2

ما أدري بس هذي أحب قاعة لنفسي وأرتاح فيها أكثر يمكن
لأنها أقرب قاعة لنا .

(u)(u)(u)

المركز الثاني :
( صالة الكورنيش )
وهي تقريبا أجدد صالة في رأس الخيمة
وأبوابها تعمل بالبطاقات لفتحها
ويمكن كذلك اختيار ألوان الكراسي حتى
يتناسق مثلا مع لون الورود مثلا ,,
وقد ذهبت إليها مرتين تقريبا .

(u)(u)(u)

المركز الثالث :

( صالة رأس الخيمة للأفراح )

خلف البيتزا إن

وهي المركز الرئيسي لإجراء الحجوزات

واختيار الأيام التي تتوافق مع رغبت

المعرس والعروس .


وبس انا بقتصر على هؤلاء الصالات

لأنهم أكثر الصالات اللاتي أذهب إليها

عسى نكون أفدناك وافدنا الجميع .

إختي الغالية سامحيني ما أعرف الأسعار

يارب يخدمونج البنات بهالشي


في أمان الله

من احلى صالات راس الخيمه والي صعب تحصلي فبها حجوزات
هي صالة الكورنيش لانها بصراحه احلى صاله وفيها اصنصير ( لفت او مصعد) من زجاج وايد رهيب اول شيء العروس تمشي فوق على داير الصاله بعدين تنزل بالاصنصير وتمشي للكوشه واكلهم لذييييييييذ

وفيه بعد صالة البوم

وصالة الملوك

مشكورة أختي رومانسية للأبد على المعلومات على الوقت اللي عطيتيني اياه......يزاج الله الف خير ان شاء الله....

مشكورة اختي أميرة البجع ........انتي ماقصرتي

مشكورة اختي SeCret LoVe على ردج..........بس ابا أعرف وين مكان صالة الكورنيش؟يعني في بداية رأس الخيمة ولا داخل؟وكم سغر الMenu?

واتمنى ان خواتي الباقيات يساعدوني؟اكيد تسيرون اعراس وتعرفون اي قاعة أحلى

بنتات عجـــــمـــــان والــــشارجة.........لو عندكم معلومات عن القاعات الاحلى في الشارجة وعجمان ساعدوني.

انا فانتظار ردكم........ان شاء الله ماتخذلوني

اختيSeCret LoVe نسيت أسألج صالة الملوك والبوم والملوك شو الحلو فيهم.......وياريت اعرف مكانهم؟

حبيبتي :

في رأيي لو عقدتي مقارنة بين

صالة البوم والملوك والكورنيش

فالأفضل :

1 ) الكورنيش : موجود على شارع الكورنيش
يعني مطلة على الكورنيش ,, قريبة من جسر
رأس الخيمة.

2) البوم : في بداية رأس الخيمة ,, أعتقد عند البوابة
وممكن تشوفيها وإنتي على الشارع الرئيسي .

3 ) الملوك : ما حبيتها ما ادري ليش ؟!!!

أتمتى أل تكوني قد احترتي:smile:

السلام عليكم ....

أنا مع أختي رومانسيه للأبد ...

أنا عرست في قاعة الكريستال ...

وأبد ما بالغت في شرحها للقاعه لأنها فعلا مميزه ...

قاعة الكورنيش أجدد و أوسع ولكنها أغلى وبعدين نزلت العروس تكون باللفت أما بصالة الكريستال النزله تكون من درج طويل نوعا ما يعني كل حد يشوفج وانتي تنزلين ..

بالنسبه للأسعار احنا حجزنا للرياييل 800 كرسي والحريم 800 وعطونا 100 كرسي مجانا ظفناها للحريم يعني صاروا 900 وحطو ا لنا بالاحتياط 100 كرسي بعد ....

والمبلغ الي خذوه عن ريلي فديته 45000 درهم للحريم والرياييل ...


أتمنى إني أفدتج ... وبالتوفيق ان شاء الله

مشكورة اختي عجيبة عالرد ويزاج الله ألف خير

مشكورة اختي عجيبة عالرد ويزاج الله ألف خير

انصحج بقاعة الثريا اللي في روتانا بيش خدمتهم ماعليها كلام والقاعه بعد حلوه عن تجربه

ما أدري اختي بس أحص صالات راس الخيمة وايد بعيدة عنكم مثلا قاعة الكرستال وايد بعيدة شوفوا قاعة البوم و الجوهرة اللي هم في بداية راس الخيمة ..

في عيمان بعد فاعة فندق كمبنسكي وايد حلوة و ام المؤمنين.. و عقبال أختي تعرس و نحجز لها :D2

مشكورين خواتي يزاكم الله ألف خير ان شاء الله

مرحبا اختي بصراحه انا واايد أييد صاله الكورنيش
اولا لأنها صاله راقيه جدا
ثانيا اكلهم وااايد حلوووو
ثالثا يديده وطريقه نزلت العروس بعد حلوه
وديكوراتها أروع
احنا حاجزين في صاله الكورنيش حق عرس اخوي