تخيلوا صديقتي 4 سنوات تحط لي بطاقه عرسها بسوبر ماركت عطوني الحل شنو ارد عليها قههههر

مشكورين بنات ماقصرتوا وهذا اللي بسويه عشان تحتر يمكن هي تحسب ان اول ماتسالني بموت من قهر وبقولها كلام :down:

بالعكس بحرق قلبها :up:

هذا اللي بقول لها :D2:D2
"كان ودي أجي مثل ما تدرين بس لو انتي معطتيني خبر من قبل عشان أستعد.. بس على العموم ألف مبروك:up:

حتي اختي قالتلي قوليها هالكلام مع ان اختي محتره من معاملتها لي لانها تعرفه وتعرف شنو كنا وشنو كنت لها :down:

حتي امي هاوشتني :pain:وقالتلي تستاهلين لانك عطيتهم وجه زياده معاهم تسوين لهم كل شي بدون حساب وهم لو طلبتي مساعدتهم ماتنزلولك وهذي النتيجه :down:

مشكورين بنات :clap::clap::clap:

فديت قلبج والله عورني قلبي من سبت هالربع اللي مايشرفون الواحد
على العموم اهما اللي مايستاهلون رفاقتج لانج اعلى منهم وهذا اللي يبين ويكفي انج مدينه يعني تنحطين على العين والراس والله بدون مجامله وبعدين اذا قالت لج ليش ماجيتي عرسي قولي ماقدرت راسي كان يعورني ونصيحتي عطيها عذر مو مقبول بس بطريقه حلوة ولاتهتمين فيهم حتى لو كنتي معاهم بنفس المكتب طنشيهم ولاتعورين قلبج عشان شي مايسوا لانهم اصلا مايسون لان ياحبيبتي اللي مايحترمني مايستاهل اني احترمه لكن اذا احترموج شبر احترميهم ذراع عاملين الناس مثل مايعاملونج محد احسن من حد وخليهم عنج اهما اللي ايستاهلونج وكلنا يشرفنا انج تكونين صديقه لاي وحده بالمنتدى وانا اولهم

يالله اختي ماابي اطول عليج الله يحفظج

اااااااااااااه اختي عروس الله يعينك
عورتي قلبي صحيح مايبين الربع اللي يستاهلون الصداقه الا في وقت الضيق ومن خلال معاملتهم في المناسبات :up:

نصيحتي لك من كلامك شكلك حساسه اتركيهم نهائيا واذا تقدرين نقلي من القسم لان صدقيني بيقعدون على راسك اذا هذي سوالفها قبل الزواج اشلون اللحين بعد ماتزوجت :down:

لاتعورين قلبك حبيبتي الواحد موناقص هم كفايه مشاغله وهمومه :pain:

اذا سئلتك سوي مثل ماقلتي قوليلها كنت مشغوله :up:
احسن حقريها :D2:D2
لاتبينين لها انك مقتره منها يمكن هذا اللي تقصده :down:

مشكورين خواتي على كلامك الطيب

تخيلواا قالت حق بنات اني تركتها عشان محترة ان هي تزوجت حمدالله وشكر

ولما تشوفني تسد وجها وتمشي

صج انسانه مريضه نفسيا

الصراحه انا اللحين مرتاحه ارجع من دوام واروح جامعه وخذت محاضراتي كلها بروحي عشان مااشاهدهم

لكن ماخلت وحده بجامعه وقالت لها اني تركتها لاني محترة عشان انها تزوجت ولا اهتميت بكلامها اللي يسلم علي اسلم عليه واللي مايسلم ولا اعبره وجه

هي تحسبني نفسها خافت اقول للبنات على معاملتها زفته واشلون طرشتلي كرت دعوة لكن انا اكبر من جذي دوم لما يسالوني اقولهم لانها تخصص وانا تخصص

مع اني اقدر مااخلي وحده من اللي يعرفونا واقولهم على اللي سوته فيني

بس هي ماتهمني

انا شايفه انك حساسة زيادة عن اللزوم
الموضوع دة كله مش مستاهل وانتى اساسا بتحبي صحباتك وكرامتك بتوجعك لما تفكري تروحي تتكلمي معاهم
وبعدين حتلاقي ان صاحبتك لو مش بتحبك وزعلانه منك ما تبعتلكيش دعوة اصلا ولا تسأل فيكي
بس هي بتحبك ومخاصماكي وبالتالى المفروض منك تجيبي هدية حلوة وتروحي تباركي لها وتصفي النفوس بينكم
والله الموفق

حبيبتي ولا يهمج
رفيجه بدالها عشر
المهم راحة بالج
وعلى فكره هالموقف يتكرر في كل مكان مو بس في الدوام
والله يسامحهم

مشكورين عزيزاتي على مروركم وكلامكم الطيب

والله من وجهه نظري
ولا جنه شي حصل ولا هم يحزنون
سلمي عليها وبوسيها وقوليلها الف مبروك بس اعذريني مامداني اتجهز للحفله ولاتبيني انج معصبه وزعلانه لان والله العظيم ماعاد ينفع التشرهه على خلق الله والزعل وصفي قلبج منهم وبتشوفين شلون الله بيوفقج :)

هالصديقة هذي ما اتعب روحي معاها و لا اعتبرها صديقة و خلاص الباب اللي يجيك منه الريح سده و استريح و دام ياج منها قهر و تصرفات مو زينه خلاااااااااص انسيهااااا انا صديقتي بعد 9 سنين سوت فيني حركات ادهى من جذي شي يشيب الراس والله ... بس نسأل الله ينصفنا و يعطينا على قد نياتنا اللهم آمين
بعدين في نقطة للأسف بهالزمن هذا العامل الزمن و العشرة ماقام يبين بعين الناس للأسف الا القلة القليلة الأصيلين بس

عروس الدوحة

حياتي يمكن رايي يختلف عن راي معظم اللي ردوا قبلي

المفروض الانسان يلتمس لاخوه 70 عذر

يعني لو ما تبي انج تحضرين عرسها ليش حطتج في حسابها وخصصت لج بطاقة

يمكن صج مثل ما قالوا الاخوات الصديقة اللي دزت لج المسج هي اللي خزنت البطاقه عندها وبعثتها لج في اخر لحظة فتكونين ظلمتي العروس .

بعدين انتي قلتي ما تدل بيتكم وفي اخر لحظة قالت احط الكرت عند مكان معروف اسهل لج ولها ..ادري مب حلوة انا معاج لكن عذرها أن ما في وقت.

الشيء الثاني تقولين ما اتصلت لج او دزت مسج يوم العرس .. هي عروووووووووووووووس يعني مشغولة واااااااااااااايد

تقولين عن رفيقتكم الثانية انها تكلم واحد .. هذا حراااااااااااااااااااااااااااااااااااااااام حتى لو كانت تطول .. لا تحطين في ذمتج مب زين ..انتي سمعتي صوته وتاكدتي من هالشيء .. حتى لو كنتي متأكدة ما يجوز لج تظنين ظن السوء وتبنين على ظنج ذي كل احكامج عليها .. سبحانك هذا بهتان عظيم

استغفري ربج وتوبي اليه .. ما تبين تعاشرينهم انتي حره هذا رايج وقرارج لكن لا تظنين بالناس سوءً فإن بعض الظن اثم

وسامحيني على صراحتي معاج لاني ما قلت هالكلام الا لاني اعزج.

مشكورررين بنات على كلامكم وماازعل من اي رايي واتقبل كل كلمه كتبتوها

وسالفه خلاص صار لها شهور ونسيتها بس الحمدالله تعلمت منها كثير