الرؤؤس السوداء

:confused:
أنا نفس المشكلة حتى خدودي عليها رؤوس سوده بس ما اعرف كيف اشيلهم
اخاف اسوي فيشل يقولون يحفر الويه ويخترب
والضغط عليهم مو زين


حد يعطينا ويه يا جماعة الخير :D2

حبيبتي اذا على الرؤوس السود كنت اعاني من هالمشكله وكنت اضغط عليهم ويطلعون بس بعد عناء

بس يبيعون شي مخصص لهم وانا اكتشفته لما سافرت دبي مثل هذا

:pain:

تحطينه تبللين الانف اشويه ماي وبعدين تحطين هاللصقه ولما تنشف تشيلينها بسرعه

بس ما ااعرف اسم هالعلبه مع اني كل مره اشتري منها

خليني اروح الصيدلية واسـأل عنها واكيد راح تلاقينها عندكم

وبلا بخار ولا هم يحزنون :shy:

هلا اختى
انا بعد اعانى من هالمشكله
واللصقات استخدمتها اللى قالت عليها اختى بس ترجع الرؤؤس والعن من قبل
يعنى تكثر وندمت انى استخدمتها
سمعت عن خلطه وانا تونىاجربها يعنى ما بعد طلعت لى النتائج
وهى عصير بصل زيت زيتون تخلطينهم وتدهنين فيها المنطقه
وما ادرى كم المده وكم ساعه
لكن انا ادهن بها وانام ويمكن تستبدلين البصل بعسل
بس اتوقع ان البصل احسن

جربى وماراح تخسرين على الاقل يمكن نتخلص منها نهائى

تحياتى لك

عصير بصل عاد أموت ولا احط
بالنسبة للصقات مامنهن فايدة مع إني جربت أكثر من ماركة بدون فايدة لانهم مثل ماقالت اختي يرجعوا العن من قبل:o

السلام عليكم ورحمة الله وبركاته
اللصاقات ما تنفع تزيد المسامات :down: :down:
ما انصحج فيها

انصحكم بمنتجات نيتروجينا لأني كنت اعاني من الحبوب و الرؤوس السوداء و الحمدلله الحين بشرتي وايد احسن :shy:

بعطيكم فكرة عن المنتجات اللي استخدمها من نيتروجينا :

غسول oil-free acne wash لونه برتقالي و تستخدمينه يوميا
جربت ايضا الصابون العادي اللي يكون على شكل قوالب و في منه انواع حسب نوع البشرة لكنه جفف بشرتي وايد و ايضا استخدمت deep clean و هو غسول سائل و استخدامه اسبوعي او مرتين بالاسبوع

استخدم ايضا الكريم المرطب و فيه منه انواع حسب نوع البشرة و حاجتها للحماية من الشمس

استخدم حماية الشمس و بعد منها انواع حسب القوة و نوع البشرة

ماسك الطين وايد حلو تحطينه مره بالاسبوع يسحب الدهون و الاوساخ و انتي بعينج تشوفين بشرتج شلون نظيفة من اول استعمال


اممم شنو بعد :think:

المهم انصحكم بمنتجات نيتروجينا وايد حلوة و ان شالله بترتاحون عليها :up:

و على فكرة انا ما استخدم نيتروجينا كعلاج لأ .. انا معتمده عليه للإستخدام اليومي مثل اي نوع ثاني من الماركات :smile:

والله انا يا بنات انفعت معااااي اللصقات وخففت من الرؤووس السوداء وايد

هلا حبيبتي

جربي هذي الخلطة على الوجة كلها تزيل الخلايا الميتة وتزيل الروؤس السوداء اول شي تبللين وجهك بموية ولا تمسحيتة بمنديل بعد حطي الملح قبل لاينشف الماي وافركي على مساااج دائري وحلية خمس دقايق بعدين اغسليية :cool2:
تحيااتي

السلام عليكم ..اللهم صلي على محمد وال محمد ..

غسلي وجهش دايم بالماء الورد ..

او قناع فيه الليمون ..

لانه يزيلهم ..
داومي عليهم .. وشوفي .. بتقوولي بسووم قالت ..:smile::smile:

اخواتي بصراحه كنت اعاني منها اللين قبل 5 اشهر طرحت مشكلتي

في منتداناوالبنات ماقصروا فزعولي:salam:

بوصفه الله يجزاهم بالف خير

وهو عباره عن قناع الانف بزيت شجرة الشاي من البودي شوب

بصراحه يابنات روعه استخدمه على الانف والخدود

وانشاء الله اكون افدتكم

واضافه كمان ترى مب غالي القناع ب30 ريال

بنات لصاقات الوجه مو زينه ولا تنظف عدل :pain:

وبالنسبه لمنتجات نيتروجينا :up: استخدموا ((المقشر اليومي)) وااايد زين للاستخدام اليومي بس مو اهو الحل :down:



تبووون تعرفون شنو الحل؟!!
























Facial ومعناه تنظيف البشره .....................في وين وبكم وشنو طريقته؟!!




















بالبحرين الحواج يسون الFacial وفي منه نوعيين كل واحد طريقته غير وانا مجربتهم :up:

اللي بـ 10 دينار =====> اول شي البس الروب بغرفه خاصه للتنظيف وانوار الغرفه حيييل هاديه وعلى انغام الموسيقى الهادئه تبتدي الخبيره ((ركزوا على خبيره)) لانها دارسه ومتخصصه بتنظيف الوجه واهي بحرينيه بعد.....المهم اول شي تنظف الوجه من الشوائب والدهون ومدري شنو تحط بوجهي بس الكريمات حدها بارده وتحسين باسترخاء مع المساج اللي تسويه.......المهم بعدين تحط بخار على الوجه ((مو حار ولا تحسين فيه)) وتقعد تنظف الوجه كله من الحبوب السوداء وبعدها تنظف البشره مره ثانيه وتحط ماسك ((قناع)) وتخليج تسترخين لحد الشعور بالنوم.....اشلون؟! تخفض الإضاءه وااايد وتاخذ كريم وتقعد تسوي مساج لليدين ((والله الشعور روعه)) وبعدها تنظف الوجه من الماسك وتحط مرطب على البشره وتقولج يلا قومي...........وراح تحسين صج بالفرق ((الوجه ابيض ومنور ويشع نظافه)) :up:

العمليه تقريباً تاخذ ساعه وحده :shy:




اللي بـ 15 دينار ====> نفس الطريقه كريمات وغيرها بس الفرق اهني مافي بخار ................. لا في ماكينه خاصه تطلع موجات مدري شنو نوعها ............... المهم هذي المكينه فيها طرفين بنهايتهم اسفنج تقعد ((اهني خبيره فلبينيه)) تحطهم على الوجه وتحركهم دائرياً على البشره........... وهم تستغرق العمليه ساعه وحده










شنو الافضل بينهم؟!








أثنينهم بس انا افضل الاولى :up: ليش؟! لانج تشوفين النتايج على طول...........اما الطريقه الثانيه تشوفين الرؤس السوده تطيح بروحها بعد فتره




وعلى فكره كل نوع من ال Facial له ماركه معينه

الاولى جوفينا مدري جوفيتا (( ما اذكر الاسم))
الثانيه كاريتا ((هم ما اذكر الاسم عدل))






وبنات هذا التنظيف ضروري للبشره على الاقل مره بالشهر تسوينه.........وتقدرين تستخدمين المنتجات الثانيه للاستخدام اليومي فقط

انا بعد عندي هالمشكله بس انا كل شهر احف ويهي بشمع واشيل خشمي بشمع وجذي اتخلص من الرؤس السود ويصير خشمي نظيف وناااااااااعم:D2