هام للبنات المصريات..الجزء الثاني ...

يييييييي نسيت اقولكو على المحل ...

اسمو: ماتشينج

عنوانو: اركاديا مول _كورنيش النيل _الدور الثاني محل رقم c30


ولو روحتو لاركيديا مول لاي غرض ...عدوا ع المحل ده واتفرجوا على مفارش السرير واطقم الملايات

وكمان اطقم المناشف روووووووووعة

نسيت اقولكو ان اختي اخدت من طاقمين مناشف روعة خامة متينة ورسمة بوكية ورد مشغولة بالسلك رووووعة
في منو الوان ...روز....بيج ....لبني....نبيتي....اصفر ليموني...وهكزا

اختي اخدت البيج

ايه الحلاوة دي يا كلاسي :clap:

مش ممكن انت موسوعة شوبنج متنقلة :smile:

شوفي يا ستي انا فعلا كنت هأطلب من محل في أمريكا فستان وأعرف ناس هناك كانوا هيساعدوني في الاختيار لكن انا بصراحة دلوقت مقاطعة وما أنصحكيش انك تجيبي منهم ولو ان زوجة زميلي في العمل طلبته من هناك وكان :up: تحفة جميل وراقي جدا (لكن ولو والله هأفضل مقاطعة لحد آخر العمر لو لزم الأمر :smile:)

بالنسبة للمفارش

انا جبت بتاعي من عند شركة صبحان وهو فعلا رائع وتحفة في المعرض وسعره كان 350 جنيه بعد الفصال

وسام

انا فصلت فستاني عند خياطة في وسط البلد لكن طلعت روحي وقاطعتها نهائيا ـ انصحك بخياطة ايمان ما شاء الله عليها :up:

انا فستاني جبت القماش من برة ولاقيته في مصر بسعر 450 جنيه للمتر في الوكالة بعد ما لفيت وطلعت روحي لأني كنت محتاجة كمالة ولاقيته عند محل واحد بس هو دانتيلا وانتي عارفة انه غالي مووووووووووت

ما علينا الفستان اتكلف بعد كده بطرحته والستان والتل 3000 متهيألي معقول لكن لو جبتي القماش من مصر نفس القماشة متهيألي كان ممكن يدخله في 5000

المهم الطرح برافو عليك علشان هتتحجبي يوم الفرح ان شاء الله، انا جبت الطرحة التل قماش وفصلتها (عادي هاتي التطريز جاهز من عند النمرسي ، ركبت على طرفها شريط بيلمع اسمه جالون من نفس شغل الفستان، وركبت عليها الماظ وكان طولها 3.5 متر وكنت طايرة بها ، والباندانا جبتها من معرض العروسة في ماريوط من اتيليه اسمه مايسة أفتكر مش متأكده لكن محلها في مدينة نصر

وانا فصلت الطرحة علشان ما لاقيتش طرح حلوة بصراحة وانتي طبعا ممكن تخلي الخياطة تعمل لك الطرحة من نفس شغل الفستان

اما يا ستي محل ويف ممكن أضف حاجة على كلاسي هتلاقيه موجود كمان في رمسيس هيلتون في الأرضي امام الكافيه، وفي فرع في عمارات العبور

بالنسبة لروجادا أنا زبونة مستديمة لفرع الحرية مول في روكسي لأنه اقرب فرع لي وهتلاقيه على ايديك اليمين وانتي داخلة في الأرضي

الماكييرة لو عاوزة ممكن ابعث لك نمرة الماكييرة بتاعتي لأنها والله عملت شغل :D2 كل اللي يشوفني يعلق عليه :D2

مرسى جدا علىلا المعلومات القيمة دى و يا ريت يا برايد لو تبعتيلى على الخاص رقم و تليفون خياطة ايمان و عنوانها و برضه عنوان الماكيييرة بتاعتك و ازاى اجيب فستان من على النت و ايه الموقع حتى علشان اجيب الموديلات و ايه الاماكن التانية اللى فيها فساتين افراح كويسة و اسعارها مناسبة و يا ترى جربتى خياطة ايمان و اسعارها ايه وووو معلش ايه الرغى ده دا انا عايزالى قلمين :D2:D2:D2ومعلش تاعباكى علشان نفسى ابقى حلوة و اشرفكم فى الفرح و طبعا انتى و كلاسىىى و كل البنات معزومين

انتي يا كلاسي:up:
وكل البنات هون بيجننوا صراحة:cool2:

ياسيما

وسام

الحق انا ما اعرفش نمرة خياطة ايمان انا بس شفت صورها وعجبني شغلها وايمي شكرت فيها فانتي ممكن تسأليها

الماكييرة كانت من كوافير مجدي وسيد وهى جت لي على الدار كنت حجزت غرفة هناك

مواقع على النت

اعملي سيرش على فساتين العرايس برايدالز يعني

من هنا مش عارفة هي ولا لأة و انا مش عارفة ايمان أو ايمى بس يمكن مش بيدخلوا المنتدى و معلش الماكييرة اسمها ايه و يا ترى بتاخد كام على ميك اب العروسة و يا ترى عملتلك شعرك هاى لايت أو صبغة معلش استحملينى

ازيكوا يا بنات عاملين ايه

معلش انا هارد على وسام بسرعه

بصي يا سيتي انا الخياطه بتاعتي اسمها مدام حنان وهي تخصص فساتين فرح وسواريهات بس

وهي في مدينة نصر واسعارها تحفه بصراحه هي عملتلي فستان الفرح بالديل المنفصل وكمان الطرحه ب2250 بس ماحدش اداله سعره ده ابدا وكل اللي شافه اتهبل عليه

تخيلي في ناس كانت فاكره الفستان بخمسة او سته الاف جنيه

عموما انا هادور على الكارت وابعتلك على الخاص التليفون والعنوان بالتفصيل

ونصيحه اخيره لازم تحجزي الفرح من دلوقتي لو فعلا هتتجوزي في الصيف انا فرحي كان في نص يوليو وحجزت اول فبراير بالعافيه علشان الاقي مكان كويس ومناسب

اما بالنسبه للجهاز والفرش طبعا لازم تبداي فورا لانها بتاخد وقت جامد وانتي لازم تسيبي لنفسك وقت قبل الفرح علشان تريحي وتاخدي بالك من نفسك ده هو الاهم فعلا وربنا معاكي ويوفقك

وسومة

جليلة تبقى خياطة مصراوية، وخياطة ايمان اعتقد ان هالة هى اللي دلتها عليها لكن مش عارفة نمرتها

الماكييرة اسمها حنان وسعرها 350 جنيه ميك اب بس وربطت لي الطرحة وانا عطيتها تبس وده لأنه كان يوم خميس وكان لازم تخرج تبع الكوافير لكن هى ممكن تيجي لك لو يوم تاني اعتقد

انا ما عملتش لا صبغة ولا هاى لايتس وده تتفقي معهم عليه لأنه حسب طول الشعر متهيألي

ايمي

وحشتينا ايه اخبارك واخبار النونو ايه طمنينا عليكي

بصى صحيح ايه رأيك فى موضوع التأجير و هل من الأفضل ان الواحدة تجيب فستان و تحتفظ بيه و يبقى ذكرى حلوة و لا ملهاش لازمة

يا وي وي
حسب انتي ايش حابة
بس لو لقيتي فستان تاجير وراقي وناعم وتاجير ومش عايزة زحمة اجريه
لو بدك تحتفظي فيه وتلاقي انه ممكن يعنيلك شي احتفظي فيه
حسب مانتي بترتاحي

شكرا حبيباتي على الكلام الحلو ...ده كلو:shy::shy:

اخجلتموني :o:o:o

ويارب يارب يا وي وي ربنا يوفقك ويكون يوم فرحك يوم روووووووووووعة يحمل اجواء تجنن تفضل ذكرى حلوة في قلبك وعقلك ياااااااااااارب

لانك بجد تستاهلي كل خير ...

وصدقيني والله والله الحاجات دي بالنوايا ...يا ما افراح مكلفة وفخمة ...وتحسي انها باردة مافيش اجواء وحب وفرح من القلب من الجميع ...

عشان كده اتطمني ودايما تفائلي بالخير هتلاقيه ...و تملي ادعي ربنا وربنا هيكون معاكي ...

وعن نفسي يشرفني اني اجي فرحك وافرح بيكي يا قمر ...

تحياتي للجميع

والله يا وسام الحكاية دي ترجع لك انتي ، شوفي في الموسكي في محلات ساعات بيكون عندها فساتين لقطة واسعارها حلوة ، انا عن نفسي طول عمري كنت باحلم بالفستان والطرحة علشان كده كنت حريصة اني اشتري كل حاجة وما أجرش حاجة علشان تفضل عندي ذكرى حتى ابسط الحاجات اشترتها ومش نادمة ابدا ، في اصحاب لي ندموا وفكروا يأجروا فساتينهم اللي اشتروها للمحلات او يبيعوها ودي حاجة ترجع لهم :smile:

لو عاوزة تأجري في محلات فساتينها روعة وتأجيرها بسيط وما ينفعش الواحد يشتريها لأنها بتكون غالية جدا وبيني وبينك حرام الواحد يدفع المبالغ دي كلها في فستان لمدة ساعتين تلاتة

نسيت اقوللك استمتعي بكل حاجة

تعرفي بعد الفرح فضلت مشتاقة البس الفستان تاني وفعلا لبسته من كم يوم لأني حسيت انه انضحك عليا يوم الفرح وما استمتعتش بكل حاجة :D2

كنت متاخدة وتايهة :D2

:smile:برايد البسيه عالعيد
وكل ذكرى فرحكم البسيه واعمي ميك اب وشعر
وكل مرة غيري اللوك

ايمان يا ريت تبعتيلى تفاصيل الخياطة بتاعتك على الخاص
برايد انت و ايمان يا ريت تقولولى انتم عملتوا فرحكم فين و كان مقدم الحجز قد ايه و تكلفته قد ايه و يا ترى كنتم مزودين فى امكانيات البوفيه و الفرح ولا كانت امكانيات عادية يعنى يا ريت تفيدونى بشوية تفاصيل حلوة و أسعارها معقولة علشان انت يا ايمان نبهتينى لحاجة مهمة ان المفروض علشان اتجوز فى الصيف ابتدى حجز من دلوقتى و اية رايكم فى دار المركبات انات قريت عنه فى ملخص ايمان الرررررررائع جدا يا ريت لو حد حضر فرح فيه أو يعرف تفاصيل أكثر يفيدنى و ربنا يخلى كل بنات المنتدى ليا

اذيك يا كلاسى و شكرا على متابعتك لينا و يا ريت لو تعرفى اماكن حلوة للافراح اسعارها معقولة تفيدينى انت و ياسيما :s2

مش باينة ليه
و شكرا يا ايمان مع انك مشغووولة رديتى عليا لما سالت برايد عن الخياطة و مستنية التفاصيل يا سكر

ياسمينا

انا فعلا ناوية ان شاء الله اعمل كده (اهه تغيير برضه :smile:)

وسام

دار المركبات عملت فيها اخت زوجي لكن الأكل ما عجبهمش

وانا حضرت فرح هناك كان جميل في قاعة الف ليلة وليلة وحكيت لكم عنه ، العروسة دخلت القاعة محمولة على محمل زى بتاع الف ليلة وليلة وعزفوا اغنية الف ليلة وليلة والكوشة كانت نجوم دهبي ونخلتين من الجنب وكانت فعلا جميلة والفرد بيبدأ اعتقد من 18 جنيه وكل حاجة لها تمنها

انا عملت في دار الاشارة في قاعة أندلسية وكانت صغيرة لأننا كنا عاملين حاجة عائلية ، وطبعا البوفيه زى ما تكوني عاوزة يعني اعتقد اغلى حاجة كان الفرد 35 جنيه

وانا عجبني الفرح لأنهم حطوا فقرات ماكنتش متوقعاها بالنسبة للي دفعناه لكن الكوشة غيروها بواحدة اقل من اللي طلبتها وما كنتش مبسوطة منها والحقيقة يومها اخذت حقي كله في الزفة:D2 كانت زفة دمياطي طويلة من أول الأوتيل تقريبا لحد القاعة والحمد لله الزفة كانت عجباني جدا

برايد معلش كنت عايزة اعرف ايجار القاعة بتاعتك قد ايه و يا ترى ايه الفقرات اللى عجبتك الللى كانت فيه نفسى فى فرحى تكون فى فقرة فيها اخراج و حجزتى قبل الفرح باد ايه و مقدم الحجز يكون كام مثلاً و احنا يعنى فى الفرح مش هيزيدوا المعازيم عن 100 و ممكن نقلل عن كده يعنى عازين حاجة متزيدشى عن 7000 بالكتير بس ا ترى ممكن ألاقى حاجة شيك بالسعر ده يعنى مثلاً قريت فى ملخص ايمان ان فى دار المركبات ممكن الفرح يتكلف 5000 حتى ممكن نخلى البوفيه عادى مش شك أوى هنخليهم يتعشوا قبل ما ييجوا و خلاص هم جايين ياكلوا و لا يحضروا الفرح مش كده و لا ايه بس اكيد مش قاعة الف ليلة اللى عملت فيها قريبتك طب ودار المدرعات تعرفى عنها حاجة انا متوترة و متضايقة جدا من موضوع مكان الفرح ده خصوصا ان كل الأماكن الشيك غالية جداً يعنى نفسى فى حاجة اكون مبسوطة منها
و يا ريت البنات كمان يفيدونى