أبغى خبرات صاحبات الذوق لتحويل غرفة تسد النفس الى غرفة الواحد ما يبغى يطلع منها

السلام عليكم ورحمة الله وبركاته

أختي ملاك

من ناحية الاضاءه ... هذي مسئولية الحكومه أو الوزاره التابعه لها المدرسه لابد أنكم ترفعون طلب للتزود بالاضاءه الكافيه

ومن ناحية التنسيق للصف

بما أن صف التدريس يخص طلاب صغار فختاري لهم الالوان الزاهيه والجذابه

حاولي حتى تضعين بعض الوسائل الجذابه تكون على الحائط وهذا راح يسد الشكل الغير مرغوب به في الحائط

وماتكثري من الالوان في الصف وأقصد بيها الستائر والمفارش لانها راح تجعل الطالب يشرد في عالم الالوان حاولي تختارين ألوان متناسقه ولامانع من أختيار كذا لون متناسق من دون إفراط

مثلاً علقي بالسقفيه بشكل متدلي لبعض الاشكال مثلا مكعب أو مربع أو مثلث ومكتوب عليها رمز للحروف والارقام الانجليزيه

أو شريط من قصاصات الورق المكتوب عليها جمل بالأنجليزي

أتمنى أكون أفدتك بصراحه لان ماعندي فكره عن نظامكم بالضبط

ولكم مني كل التقدير والأحترام


مملكـــة القلوب

أعتقد يبيعون لحروف باللغة الانجليزية على شكل مكعبات ..

أو اسفتج يتعلق .. حلو اذا بتزينين فيه الصف ..

وأهم شي الإضاءة .. :smile:

عزيزتي الغالية
ملاك اول شي احب اقول لك
الف الف مبروك يا استاذتنا الغالية
استلامك وظيفتك الاولى ان شاء الله بالتوفيق

عزيزتي
كثير حلو اهتمامك بالجو والمناج الدراسي للطلاب
لانه من شأنه التغير الكبير في مستوى استيعاب الطالب
وحدة للمادة وللمعلمة وللتعلم



والان مع بعض الافكار

* مسألة الظلام احنا ممكن نحلها كألاتي اضافة انوار (لمبات) قوية شوية

اختيار لون فاتح للخلفية وللستائر
وانا عن نفسي اعطيكي فكرة جداً اشوفها مناسبة وهي انك تأخذي ستارة بيضاء سادة او الي لون فاتح بحيث انه يعكس الاضاءة
وبعدين
* تقصي اوراق مقوى ملون على اشكال فراشات بأحجام مختلفة (كبيرة،صغير، متوسط) واللوان فاتحة ومختلفة





وتلصقيها او تخيطيها مع الستائر
وتربطي البعض منها بخيوط طويلة بحيث تتعلق من فوق السطح (ترى الاطفال يحبو مثل هذه الاشياء ) وعلشان تتوضح لك الفكرة اكثر شوفي هذه الصورة





2) او ممكن تعملي نفس الفكرة بستخدام فكرة الورود مختلف الالوان والاشكال والاحجام مثل الستارة اللي خلف البنت






وحلو كثير انك تجيبي مفارش لكل مجموعة وتختاري لون معين لكل مجموعة بحيث ان اللون يكون من الألوان اللي في الستائر وتعملي لكل مجموعة سله مهملات مع المفرش وبنفس اللون

اعتقد هذا يناسب مجموعة الفراشات كثير وهذه بعض الافكار
تزين الكراسي والطاولة بالورود

كراسي وماسات ملصق عليها الفراشات




كراسي ملصق عليها بعض الصور الكرتونية


وهذه بعض التشكيلات الأخرى















وممكن تعمل هذه الحركة عند الزوايا بدل الدنتيل اعتقد انها مرة حلوة
اقصد سلاسل الورود كل سلسلة بالون







وممكن اذا تحبي تحتفظي ببعض الكتب او الكراسات او تعملي لهم رف يحتفظو بأشيأهم فيه هذه فكرة جداً جميلة انتي ممكن تعمليهم من غير أي تكليف يعني ممكن تعملي رف عادي جداً وتلصقي بالوح الخشب من الجونب الاشكال اللي سبق وقصيتيها

هذه للفراشات



وهذه للورود





* واذا ارضية الصف لونها فاتح ممكن تلصقي بالأرض الورود والفراشات
مثل الفكرة اللي في الصورة





واذا عندك ساعة وتبغي تحطيها في الصف
ممكن تزينيها بالطريقة التالية




واذا تحبي غطي باب الف من
الداخل بالاشكال الل يقصينيها
راح يكون منظرة قمة في الروعة


انا جمعت لك مالدي من افكار
واتمنى انها تعجبك
وعلى فكرة هي مش صعبة ولا مكلفة
هي ممكن تتعمل بمنتهى البساطة
بس راح تأخذ منك شوية وقت
بس اعتقد انه مش مشكلة الوقت لطالما
التمييز راح يكون من نصيبك

تحياتي

السلام عليكم ورحمة الله وبركاته

هلا حبيباتي الي ما قصروا معاي

والله تسلمون كل وحده قالت أفكار ولا أروع

وخاصة سيزاني شو ها الافكار يا عسل

يعني بكل شي ما شاء الله عليك ذويقة

والله خذت افكار كثير حلوة من عندك

وبحاول أطبقها

ووين الباقي اتمنى الكل يقولي ولو فكرة بسيطة وحلوة

مبروك الدوام والله بوفقك ويا الجميع.....


اهم شي الاضاءة لان الظلمه احس انها تجيب الاكتئاب وفوق هذا راح تلقين الطالبات نايمين


واختاري الالوان الفاتحه والفريحيه مثل ليموني او بنفسجي ودخلي فيه سماوي وجلدي الطاولات بلون الخشب وهذا متوفر في المكتبات وشكله روعه لاني مره شايفه وحده من قرايبي مجلده مكتبها بجلاد كأنه خشبي وماتصدقين شلون شكله روعه وبعدين راح يكون انظف من المفارش وأوفر

وسوي ركن حطي فيه العاب تعليميه او قصص تناسب الاطفال وحاولي تقعدين بينهم وتقصين هالقصص ودخلي اصوات تعبر عن القصه وهذي تلقينها موجوده في المحلات المتخصصه على ما اعتقد


وااااسفه على االاطاله وراح احط لج مواقع اتمنى انها تعجبج:smile:
http://go.3roos.com/C0hMDbtleno
http://go.3roos.com/QgUktZpiy53

هلا ملاكي
انتي هي صاحبة الذوق الرفيع
عزيزتي والحمد لله انه الافكار عجبتك
وان شاء الله بالتوفيق يا عسل

تحياتي

السلام عليكم ورحمة الله وبركاته

صلى الله عليه وسلم



[ALIGN=JUSTIFY] ما شاء الله عليك كثير متحمسة للعمل و باين عليك بتكوني مميزة في كل شي وراح يحبونك الطلبة النونوات.. الله يعطيك الصحة والعافية ويعينك على أيصال هذي الرسالة العظيمة.


انا فكرت اني أغير الستائر واشتري مفارش لكل مجموعة لانهم لازم يكونوا مجموعات والمجموعة بتكون 6 طالبات تقريبايعني قلت بشتري لكل مجموعه مفرش يمشي مع لون الستاير وقلت اشتري لكل مجموعة سلة مهملات عشان ما تصير الربكة كل ما تقوم طالبة تبري قلم الرصاص وتكون السلة نفس الشي ماخذه من ألوان الستاير والمفارش وناوية أعمل الخلفية الي باخر الصف بلون الستاير كمان وعلى الزوايا اعمل دانتيل أو أي شي ثاني بلون ثاني


[ALIGN=JUSTIFY] الستائر يا ريت تكون لونها غامق شوي يعني بنفسجي مثلاً بحيث إن ما تبين بقع الحبر او البقع الثانية فيها..وتخلين عليها رسومات و أشكال مثل فراشات، دوائر، أشكال هندسية، أرقام ووووو وهذي تلاقينها بهوم سنتر أو حتى محلات أدوات الخياطة أو تطلبها من الخياط نفسه اللي بيخيط الستائر. والبنات ما قصروا خلوا لك الصور .

المفارش من رأي أنك تخلي كل مجموعة لها مفرش يختلف لونه عن الثاني وهذا الشئ بيفيدك حتى في تعليم الأطفال الألوان.

وسلة المهملات طبعاً تناسب مع المفرش لكل مجموعة.. يعني كل مجموعة لها مفرش وسلة مهملات وباقي الأشياء بنفس اللون. عشان يسهل على الطلبة يميزون بين حاجيات بعض.

والخلفية اللي بأخر الصف طبعاً راح تكون تناسب مع كل قطعة أثاث.. وعلى الزوايا خلي حركات حلوة وتناسب الأطفال يعني ورود.. ألعاب .. فراشات .. أقلام لأن الدانتيل أحسه يناسب الكبار..

اطلبي من كل طالب يختار له نوع من الفواكة او الورود وتكون شعار له.. وسوي لهم ملصقات وليبلات يحملون هذاالشعار وبأحجام يخليها على الكراسات والأدوات بتاعة والخزانة اللي تخصة وحتى الكرسي اللي يجلس عليه..


خصصي ركن صغير او زاوية في الصف للراحة يعني كرسي كبير ومريح وقطعة سجادة صغيرة وملونة طبعاً تناسب الأشياء الثانية وفيه مكتبة صغيرة فيها كتب وقصص بسيطة وعلبة ألوان وكراسات ...


خصصي يوم في الاسبوع يوم ترفيهي للطلبة عن الملل والروتين واجمعي بين عدة مواد أقصد أنك مدرسة لغة انجليزية صح.. اطلبي من الطلبة يجيبوا بطاطس والوان ويقصوا البطاطس على شكل حرفهم بالانجليزي ويخلونها في الألوان ويطبوعها يعني جمعتي بين الانجليزي والرسم وقد ما تقدرين نوعي وغير ولا تخلي الطلبة يحسوا بالملل.. وراح ينتظروا حصتك بفارغ الصبر..


بالنسبة للكتمة والظلام ما في حل غير إنك تطلبي من المدرسة يوفروا ليك إضاءة إضافية.. والستائر خليها شفافة على أساس يوصل ضوء الشمس للصف ..

:up:

اتمنى أكون أفتدتك والله يساعدك.. وبالتوفيق.

السلام عليكم ورحمة الله وبركاته

هلا حبيباتي كيفكم

اول شي أسفة على التاخر بالرد لظروف خارجة عن ارادتي

وثاني شي احب أشكركم على افكاركم الرائعة وشكر خاص للاخت العنيدة لانها رسلت لي على الايميل أفكار أكثر من مذهلة الله يخليها لنا

وطبعا ا قصرتوا حبيباتي بلاتي ونور المدينة بافكاركم النيرة وأتمنى الي عندها أفكار أكثر تضيفها لنا