الدنيا اضيق من خرم ابرة في عيني ... ربنا يكرمكم ادخلوا و ادعولي

السلام عليكم ورحمة الله وبركاته

مش عرافة والله يابنات ابتدي منين ولا اقول ايه

انا مخطوبة من فترة لشخص مناسب لي كثيرا وكانت موافقتي عليه بعد رفضي لطابور طويل من العرسان وهو الحمد لله بيحبني جدا جدا جدا ... ودائما بيحاول يرضيني

المهم انا بقالي فترة في مشاكل لا حصر لها يمكن كل ساعة خناقة مع الاهل بسبب اختلافهم معه في بعض الامور ... وانا كنت بحاول اوفق وجهات النظر بينهم .... فاهلي كانوا يشوفون اني بقف في صفه ضدهم وهو في نفس الوقت بيشوف اني بقف في صفهم ضده وانا دايما اللي في النص

المهم المشاكل دي زادت وزادت وزادت لغاية ماوصلنا دلوقتي اني في انتظار قرار من اهلي بفسخ الخطوبة والقرار دة خلال يومين .... هو حاسس بالقرار دة وربنا اعلم بحاله دلوقتي وانا طبعا منهارة لان المشكلة اني عارفة اني سواء كملت معاه او سواء سبته فانا في الحالتين هبقى مضايقة ومخنوقة وفي كرب لاني محبش اكمل واهلي مش راضيين او مغصوبين وبيعملوا كدة عشان خاطري


انا مخنوقة جدا جدا ولا عارفة انام ولا عارفة اكل وصحتي اتدهورت في الفترة اللي فاتت وكل شوية بعيط عياط هستيري من كتر الخنقة وكل لما حد يشوفني ميصدقش نفسه من اللي وصله شكلي ... ساعات ادخل المنتدى اقول اسلي نفسي واشغل نفسي في قراية المواضيع وكتابة الردود ...
قلبي موجوع قوي قوي قوي ... ومخنوقة مووووووووووت وحاسة ان عليا ضغط يهد الجبال...

انا كتبت الموضوع دة عشان افضفض اولا وثانيا عشان اطلب منكم تدعولي
بالله عليكم ادعولي.... وادعولي كتير.. وادعوا ان ربنا يفك كربي وييسر لي امري ويفعل لي الخير
وان قلبي ميتكسرش ... وان ربنا يحلها من عنده