عذابي وسهر زوجي

وضع صعب .. بس ما أعتقد الخلافات الدائمة بتكون حل .. حاولي أختي تقعدين معاه وبهدوء تفهمينه انج تتتعبين لما تنتظرينه وايد .. وانج تحبين بيتج وتبين تحافظين عليه ..وقولي له بعد ان هالشي بيؤثر على نفسية عيالكم .. وان له حق يتأخر يوم أو يومين كترفيه عن نفسه بس لا يخلي يوم تأخيره بيوم زوارتج لأهلج عشان ما تتوترين .. وان شا الله يتفهم ويتقبل وجهة نظرج .. تمنياتي لج بحياة سعيدة وبعيدة عن كل زعل وتوتر
:smile:

ليش تتريينه في بيت أهلج ... أنتظريه في بيتج ... وحاولي تتفاهميين معاه على سبب التأخير .... وجوفيه شو إللي ناقصنه ... وحاولي تغيريين من اسلوبج معااااه ... وتغيريين نمط حياتج المعتاد ...

:down:


<<<<<<<<نفس الحاله

أنا أقول أصبري .. وحاولي تخترعين أساليب جديده للتفاهم ولتوصيل

المعلومات لزوجك.. طبعاً أساليب غير مباشرة ..

ولا تستعجلين النتائج..

مع دعواتي بالتوفيق


:yes: :yes: :yes: :yes: :yes: :bigsmile: :bigsmile: :bigsmile: :bigsmile:

مثل ماقالت الأخت سكون :

حاولي انك تتفاهمي معه بهدوء ، قوليله ان الأولاد يصيحون ويسألوا عنك في نص الليل .ولما مايلاقوك جنبهم يقعدون يصيحون أكثر ويخافوا . وقولي له ان لو لاسمح الله صار شيء في الليل لي أو للأولاد اشلون راح أتصرف .. أنا ماأعرف أسوق ولو صار شي وانت بعيد راح ياخذ وقت لتوصل ... وبعدين ماينفع الندم ... عشان جذي اطلع وقت ماتبي ولو كل يوم ، بس أهم شي لما يجي الليل حاول انك ترجع بسرعة ...

طبعاً قولي له هذا الكلام بكل هدوء ، ورومانسية ..


وحاولي مرة انك تنيمي الأولاد واتصلي فيه وقوليله أبيك ضروري لأن في مفاجأة محضرتها لك .. طبعاً انتي بتكوني في كامل زينتك ولبسك وعطرك (يعني من هالحركات اللي تخلي زوجك جذي:eek2: )

مرة بعد مرة راح يحب يرجع البيت ، ومايتأخر عليكي ، لأنه عارف في شي ينتظره في البيت ..:smile:

السلام عليكم ورحمة الله وبركاته

أختي طيب ليش تنتظريه في بيت أهلك ؟

ليش إنتي مش في بيتك...متزينة له و منيمة الأولاد...و تنتظريه بكل اللهفة ؟

إنتوا الحين عشرة 6 سنين مع بعض...و اكيد إنتي أدرى بزوجك منا...بس زوجك واضح إنه يحب التغيير...و الحياة الزوجية عموما محتاجة تغيير...في شيء جذبه بره البيت...و ما جذبه داخل البيت...فتشي عليه و غيريه...

و الله معاكي يا رب...

:up: كلام الاخوات صحيح :up: وانشاءالله تنحل كل مشاكلكم

قللي من روحاتك بيت اهلك وحاولي تلزمينه ان يكون معاك ماعدا يوم يكون مخصص له يسهر فيه على راحته

حاولي تعودينه ان البيت له احترام وله مواعيد واكو ثلاث وجبات لازم يحضرها معاكم

وخلك ذكيه وصبوره والله يكون في عونك

بسم الله الرحمن الرحيم

السلام عليكم ورحمة الله وبركاته

اختى ربنا يكون فى عونك و يصبرك و نصيحتى لك انك تغير معاملتك معاهوا يعنى ست سنوات و ما تغير اكيد فى شىء غلط فى البيت خلاه يطلع بره ..........
اسمعى كلام الاخوات و جربى طرقهم و ربنا معاك.....................

مشكورين على هذه الحلول والله في منها فادتني وبدا زوجي يتغير للاحسن بس مازال على تاخيره للان

الله يعينج اختي ... لا تعطينه وجه ...عاد هو شافج معصبه تلقينه استانس بعض الرياجيل يحبون يطفشون حريمهم ..لا تحرين قلبج و تكمتين الهم ... ديري بالج على نفسج وعيالج ..

والله هالرياجيل ما يتسنعون اففففففف منهم بس ..احس تعقدت من مشاكل المتزجات وانسدت نفسي عالزواج ...كله مشاكل ...عالاقل كتبوا موضوع امدحوا الزواج و الرجال ...

صرت جني راويه بالحريم :D2

انا مو متزوجه بس انا اشوف انه لكل بني ادم مدخل ونقطة ضعف وشي يحبه وتقدرين تكسبينه من خلاله ومو بس انك تتزينين له لا الحياة الزوجيه اعمق من ك>ا افهميه وقربي له وحسسيه انك مهتمه فيه وفاهمته وحاولي تحتوينه وتفهمينه وتكون صديقه له والحب والحنان اكيد بيخليه يتغير .........
والله يوفقك ويصلح زوجك....