أحلى حفلة عـرس....؟؟؟

الغاليه


فكرتج حلوه واااايد .. ويمكن تفيد ناس وايد


بس .. ما اقدر افيدج بشيء:( كان بودي صراحه

ههههههههههههه

ياحليلك ياأفنااااان والله ضحكتيني من جد عليك.....

ياعمري أجل ماشفتي زفة ولا شيء ، جالسة بالظلام...:)

بالنسبة للأطفال الصغار ......

أشوف والله مالهم مصلحة من حضور الأعراس .....

أعوضهم بطلعة لملاهي أو مطعم يختارونه أحسن لهم وأونس لهم بكثيررر من العرس

إلا إذا عرست خالتهم أو عمتهم ولا زم يحضرووون ، الشكوى لله نأخذهم .

الرومانسية , ديباج .....

أسعدني حضوركم ، وإن الموضوع عجبكم .....

هذا يكفيني خواتي....

عقبال مانفرح فيكم قريب,,

تسلمين اختي هموسه .. والله يبارك فيك

بنات انا افكر كثير بالاطفال لاني متأكده ان زواجي راح يكون فيه اطفال حتى لو لمحت للمعازيم في بطاقات الدعوه .. يمكن المعازيم مايجيبون اطفالهم بس القرايب اكيد بيحضرون اطفالهم .. انا كلمتهم قبل كذا بالموضوع وحرصتهم مايجيبونهم .. بناااااااااات وش اسوي ؟؟؟؟؟؟ الاطفال اذا حضروا الزواج يصير فوضى مره .. ساعدوني بليييييز كيف اقدر افهمهم :confused:

عروس 14 والله اني حاسة فيكِ :( لان امر في نفس المشكلة وانا وحده متعقدة من عيال الفرييييييييييج مررررررررررررة لانهم بصراحة وحوووووش واخاف اذا حظرو عرسي يدمرون لي القاعة !!!

لو يسون حديقة صغيرة جنب القاعة زين عشان نفتك منهم...:)

تسلمين همسة وانا صراححه أسعد

واتعرفين شو سويت رحت امس عند ربعي وخليتهم

ايقولولي فكره أحلي عرس شافوه وبقولكم وحده

كانت فكرة العرس السندباد اتعرفونه هذا الرسوم المتحركه

خلت العروس بنت اصغيره لابسه مال الجواري وفي ايدها

صندوق اصغير قديم داخله عصا مزينه وهذي البنت الصغيره

نزلت اول نحن عندنا بالصاله الافراح العروس تنزل من الدرج

وبعدين نزلوا بنتين لابسين لبس السندباد نفسه هذا الصراويل

المنتفخه والاعمامه وغيرها وكانوا شالين جرات متروسه ورد

والبنت الصغيره والبنتين طبعا نزلوا وراحوا وقفوا علي الكوشه

وكانت ربشت بنات وتصفيق

لما نزلت العروس حطوا اغنيه هاديه لما وصلت العروس

للكوشه طبعا الاضواء مطفيه الي ضوء خافق لانه علي الكوشه

امحطين اشموع اتجهت العروس الي البنت الاصغيره وخذت العصاه

وراحت اطفي الاشموع ، ولما راحت العروس تجلس البنتين الي

ما سكين الجره راحوا ايفرون عليها الورد ، وعاد ناهيك عن التوزيعات

وغيرها

اتمني اتكون الفكره اعجبتكم ...



بحفظ الرحمن ...


:) :) :)

تسلمين حبوبة على هالمشاركة الحلوة .....

شيء جديد علينا....

في إنتظار حفلات اخرى .....:)

انا عندي فكرة


ان العرووووس تدخل القااعة ....بعربة سيندريلا ......والحصان يكووون من خشب او بلا ستيك وان اللي يدخلون العروووووس اثنين من الخدم او خواتها ..يمسكون الحصان

.:)

السلام عليكم بنات..

بصراحه عجبني الموضوع وبما اني علىوشك الزواج بعد شهور حبيت أشارك وآخذ آراءكم بعد..

أحلى حركه شفتها هي في عرس كانوا حاطين شاشة العرض يراونا صور العروس من يوم كانت صغيره وصورها في المدرسه وصورها في الخطوبة والملجه.. ونحن مندمجين في الصور فجأة يت صورتها وهم يزفونها من حجرتها بالفيديو... كانت حركه وايد حلوه

وحركه ثانيه العروس كانت لابسه دراعه بيضا وايد فخمه بدل فستان العرس.. وفكره بعد لو كانت الكوشه على شكل خيمه..

الحين اطلب رايكم لاني عرسي بيكون عرس اثنين ويا بعض :( وانا وايد متخوفه واحس العرس بيختبص... إذا عندكم افكار لطريقة زف العروستين خبروني.. او اذا حضرتوا عرس ثنتين في نفس القاعه قولولي كيف كان الترتيب يزاكم الله خير..

وسلامتكم..

السلام عليكم خواتي

الصراحة موضوع حلو وايد وخلاني اسجل في المنتدى فارجو ان تقبلوني عضوه في هذا المنتدى الرائع

والعرس اللي حبيت اقولكم عنه كان روعه ، وهو عرس خوات راشد الماجد كان فضيع بكل معنى الكلمة ، العرس مرتب ما في يهال وعدد المعازيم قليل جدا شموع على كل الطاولات المسرح رائع بكل معنى الكلمة الوانه فضيعه واكثر شي كان الورد في كل مكان ولما قربوا الخوات يدخلون (على فكره ثلاث في ليلة واحده) انطفت الانوار وتشغلت الشموع وبدأ شريط راشد الماجد (اغنية مخصوصة حق خواته) كان كل شي فضيع والله يحفظهم كانت فساتينهم تجنن ولا الف ليلة وليله وبعدين الموسيقى هادئه والعرايش ما شاء الله عليهم كل وحده تقول الزود عندي

السلام عليكم
هلا اختي همسه
احب اقوللكم عن عرس اخو ربيعتي
كانن البطاقات لونهن عنابي ..والقاعه كانت كلها بيج والمفارش واللبس اللي على الكراسي كان كله من الون البيج والعنابي بس بصراحه روعه ...طبعا عن دخله العروس كانت روعه روعه
طبعا سمعنا اغنيه راشد الماجد احلى من البدر وكنا نشوف صوب الباب بس اللي دخل خوات العروس اربع لابسات ابيض على الجسم ولابسات على ويهن سلاسل من قمه الراس على الخشم ومن الخشم لين الاذن من ورا لونه فضي روووعه وماسكات باقات صغار نفس باقه العروس بس على اصغر ووراهن اربه يابانيات لابسات بيض وعنابي وماسكات شموع وظلن يمشن لين ما وصلن على الكوشه طبعا الكوشه بروحا رووووووووووووووووووووعه روووووووووووووووووووعه وبعد ما وصلت اغنيه راشد للنص اتفاجأنا ان كرسي العروس اتحرك وطلعت العروس يالسه عليه وبعدها قامت تمشي ولابسه نفس النقاب لين ما وصلت الي اول القاعه وبعدها فصخوا عنها اللي كان على ويها وعادوا الزفه من اول .
وطبعا يوم وصل المعرس دخلوا اربع رياييل كلهم لابسين بشوت ما عرفنا منو المعرس منهم بس اخر شي يوم وصل عرفنا منو المعرس بس بصراحه كان عرسهم رووووووووعه
سوري على التقصير يا خواتي العزيزات
اشوفكم على خير

مرحبا بنات كتكوته اتحييكم انا عضوه جديده واتمنى اكون عند حسن ظنكم:)

والله استفدت من افكاركم

مشكورة هموسة

عندي فكرة المحارة ان العروس تدخل بالمحارة وثنتين يدزونها لين توصل لي باب الكوشه وتنفتح المحارة وتطلع اعروس تمشي وهالمحارة موجوده بمكاتب الافراح
وفي جهاز اللهب زجهاز الثلج يعطي اكشن بالعرس
بس عموما انا احب الدخله التقليدية

السلام عليكم
شقول بس كانت حفلة فى منتهى الروعة والتنسيق كانت اختى العروس
ماكنت اهتم لهالمظاهر اللى انتو تتحجون فيها ابدا بس اللى كان يهمنى فرح اختى وراحة الناس
واللا شنو فايدة وصف المكان والزمان بلا حشمة الناس الموجودين وشنو فايدة وصف شكل العروس بلا اخلاقها وسترها واللا الرقص اللى مامنه فايدة
اقول طولت مو مساااامحة ارجو انى ما ازعجت احد كلكم اخوانى وخوات
:)

اقول مو تفهمونى غلط حبيت اوضح بس ان الشى اللى تتحجون عنه زين بس يبى لنا نضيف عليه جوانب ثانية علساس يصير كامل:) هذى اول مرة اشارك وياكم وانا جديدة وبصراحة الموضوع شدنى اشوى

مرحبا...اختي ليالي البنات يكتبون لأفادة غيرهم..في بنات يدورون عن افكار..و المنتدى واايد ساعد انه نتشارك الافكار خاصه اذا من بلاد مختلفه..يعني يمكن الفكره الي سوتا وحده في السعوديه ..ما اتكون صارت في عرس بالامارات و جي العروس استفادة فكره يديه..احنا هنيه حق نساعد مش عشان التباهي...
بالنسبه للاعراس...الافكار واايد بس اهم شي فكرة العرس ما اتكون مكرره و قديمه...
اخر عرس اذكره...كان بسيط وااايد و ما كانوا مكلفين عليه وايد بس كان مميز و مرتب..والله رحت اعراس ناس مخسرين فيها ملااااين بس مب مميز ولا اذكرها حتى بس هالعرس كان حلو.....
كانت الوان القاعه كلها برتقالي و احمر و حتى الورود...و المفارش الي على الطاوله كانت قماش هندي مطرز حلووو بنفس الالوان..و الكوشه كانت بعد بنفس الالوان بس الحلو فيها كانت خيوط ورد معلقه من فوق لين تحت على جدار الكوشه...هاي وردود الهنود الي مركبة في خيط...وااايد حلوه...و على اطراف ممر الكوشه كانت فوانيس لونها احمر و برتقالي معلقه بحدايد
و المطربه كانت لابسه نفس الوان الكوشه و العرس..هيه دخلت العروس حلوه....كان فستانها ابيض بس مدخله ورد جوري احمر فيه و مسكتها ورد جوري احمر...يوم وصلت فوق عالكوشه ..وقفت و واجه الناس بعدين اشتغلت نافورة ناريه كبيره (منوارات ناريه او مفقرعات)على اطراف الكوشه كانت وااايد حلوه... لا اتخافون العروس ما احترقت كانت بعيد عنها :D2
و سلامتكم

العرس بدون يهال ما يسوا أصلا هم الفرحه كلها

حرام تخلونهم بالبيت بتعقدون وبعدين لما يكبرون يحطوكم في دار العجزه
إحياء للمعاناة:D :cool: ;)

:shy:هلا بالاخت همسه او مشكوره على هاموضوع الحلو ولو انها يت متاخره:D2

بس حبي اخبركم بحركه سويتها ربيعتي او كانت نتاج تفكيري وتفكيرها مع بعض

الفكره كانت بليلة الحناء
القاعه كلها مزينه بمفارش ذهبيه مطرزه مطرزه بالون الاحمر بنقوش هنديه او على لطاوله عند كل صحن شمعه يعني على داير مدار الطاوله 10 شموع صغار.. والكوشه كانت عباره عم (مرجيحه) خشبيه مزينه بالورود الهنديه اللي على شكل سلاسل..
المهم كانت طلعتها على موسيقى فيلم ديفداس الهندي.. وكانت راكبه في هودج خشبي مزين بالورود الهنديه نفس اللي في فيلم ديفداس.. او عندها 5 اخوان كانو لابسين لبس هندي هم اللي كانو شايلين الهودج او وصلوها لحد الممر اللي عند مقابل الكوشه و نزلت تمشي لحد الكوشه... وكانو كل اهلها او اهل المعرس لا بسين لبس هندي ..

اما بالنسبه لليله العرس فكانت مفارش الطاولات بيضا مع اللون الوردي.. والكوشه كانها لالف ليله او ليله.. او طلعت العروس اللي كان فستانها فخم او طرحتها مثل اللثام يعني بس عيونها اللي طالعه.. او كانت راكبه في عربه يجرها خيل ابيض..او نزلت من العربه الى الكوشه او تمت متلثمه( طبعا الطرحه تور يعني بس شكل للثام من تحتها كل شي يبين)او بقت مثل ماهي لحد ما جا المعرس او فتح لها الطرحه او باسها على راسها...
وخواتها وخوات المعرس بدلو لبسهم للبس سندباد او كلهم تلثمو مثل العروس .. حركه حلوه

وبصراحه هذا العرس احلى عرس حضرته في حياتي

واتمنى انه الافكار عيبتكم

تسلم يدينك

:) مرحبا حبيبتي ...
أنا عضوة جديدة وبصراحة عيبني الموضوع وااااااايد، وبخبركم عن عرس إخت زوجي...

نحن بدو وأعراسنا مب في فنادق ولا من الشيء اللي ذكرتوه ، عشان جذيه قلت بذكر لكم هالعرس وانشالله بيعيبكم..

أول شيء دشن البنات العزب (( مو متزوجات)) عندها باركلها ...
الشيء الثاني دشن العيايز والعياذ بالله عاد كنت خايفة من تخريبهن لمكياجها، يعني من الظهر في دبي نجهز العروس وفي خمس دقايق الهجوم شرس على العروس وإذا قلنا بليز بعدو وسلموا بالإيد قالن:" لا والله بنتنا كيف نسري وما حبيناها بالخشم"...

أووووف تعبت ....




















تبون تعرفون...












شو تعطوني؟؟؟









الله أكبر عليكم... بقول خلاص...






أحلى شيء في العرس بكبره (( اليوله )) إاللي قام فيها اخوان العروس في وسط الصالة على أنغام المطرب ميحد حمد...



وعلى الفكرة الفستان كان يجنن والخيمة كانت روووووعة وفرقة العيالة كانت شو رهيبة...

بس والله يسلمكم وآسفين على الاطالة...:D