إللي بجووف موضوعي أدش .... يعني لاتحرجوني ...

مرحبا اختي حصة

انا من رأيي تخذيلها صينية من زجاج بقلاوة أو بتي فور ( بس ان شاء ما تكون سايرة الشام):D2:D2:D2


هذا اللي اقدر افيدج وان شاء الله الاخوات ما بيقصرون

ممكـــــــــــــن تشتريلها تحفــــــــــه للبيت ما دام اربيعتج متزوجه أو أنتى


شوفي شو اهيه تحب مثلا عطور مكياج ساعات اي شي ..



تحياتي
بنت ديره
:smile:

هلا أختي العزيزة .. حصــــه ..

الحمد لله على سلامة رفيقتك :shy:

و أنا من رأي الخاص بما إن صحبتك توها راجعة من السفر .. معناها معها

أشياء جديدة .. المقصود تحف - ملابس - عطور - مكياج .. يعني الأشياء

الي يشريها الواحد يوم يسافر ..

أنا أقول لو تجيبين مزهرية زجاج حلوة و غريبة و تكون شفافة و طويلة

و تروحين لمحل زهور و تقولين للي يشتغل في المحل يرتبلك بوكيه

ورد في الفازة .. و احرصي أن تحتوي الباقة على زرع البامبو .. لأنه يعيش

فترة طويلة و يبقى ذكرى منك لمدة طويلة .. :shy:

و هذا رأي .. مدري أحس الورد معبر لإستقبال شخص عزيز ..

أنا شخصياً ما أهدي الورد إلا لأقرب الناس لقلبي :o :shy:

تمنياتي لك بالتوفيق في إختيار الهدية المناسبة ..

اللي اشوفه ان المفروض يصير العكس .. اهي اللي لازم تييبلج هديه :D2

حبيبتي حصة مدام رفيجتج مسافرة سياحه و مافيها الا كل خير ( اقصد مو سفرة علاج الله يكافينا الشر ) ماعتقد ان لازم تعطينها هديه كافي انج تدخلين و معاج صينية حلو مثل ما قالت اختي تفاحة :smile:

مشكورااات خواتيي ... على ردودكم ...


تفاحة...

أنا أميه قالت لي أشل حقها صينية حلاوه ... فمادري احترت .... وإن شاء الله بجووف ...


Deira...

تسلميين على الرد ... وإن شاء الله بجوووف شو باخذ لها من الأشياء إللي تحبها ...:up:


Warm Breezes ...

تسلمييين الغاليه ... على الرد ... حتى أنا فكرت بباقة الورد ... يعني إذا شريت لها شي لازم باخذ ورد معاه ...


Miss.B ...

تسلمييين الغاليه على ردج .. هيه صح كلامج ... بس هذي ربيعتي غاليه عليه ... فلازم أشتريلها شي ...(a)




أنزين الحيين ... حبيت أسألكم ... إذا شتريت لها شي ... مب لازم أشتري لولدها شي بعد ...؟؟؟ ولا مب لازم ....


وأنتظر البقيه ...

هلا اختي حصه .......


انا عندي فكرة وان شاء الله تعيبج ممكن تقدمين لها الككاو مثلا نقول

باتشي مب في صينية في ترولي وممكن بعدين تستخدمه عشان تقدم

فيه شاي وقهوة وحلاوة للضيوف يعني تشترينه وتودينه عند باتشي

وهم يصفولج اياه من فوق بالككاو وفي اشكال حلوة للتروليات في

جاشنمال .......

السلام عليكم ورحمة الله وبركاته

بصراحة المفروض هي اللي تجيب لك الهدية...

لكن حلوة إنه الواحد ما يدخل بيتهم إيده فاضية...

ممكن تجيبي صينية حلاوة أو شوكولاته....

و الطفل...بالنسبة لي أحب دايما أدخل بلعبة هدية على الأطفال...الأطفال أحباب الله...و يحبوا اللي يهتم فيهم...:smile:

والله انا من راي مرموم ومعظم الاخوات،،،، يعني الغالية هيه توها يايه من السفر تحصلينها ما خلت شي ما خذته،،، وانتي اللهم سايره تزورينها عسب انها رادة،،، يعني مب انها هييج المناسبة اللي تتطلب شي معين شرا لو وحدة مربية او بتعرس،،، والله جان زين لو حد يعبرني يوم ارد من السفر وياخذ لي هدية :D2:D2 يعني احسن شي صينية حلاوة او بيتي فور وايد اوكي ومناسبه جدا لهاي الزيارة وخذي لعبة حج الصغيرون مثل ما قالت مرموم ،،، احسن شي تبين الصدق،،، يعني لا تتكلفين وايد لانها مناسبة عادية اللهم زيارة قصيرة عسب انها رادة من السفر،،، وان شاء الله تكون ايدها مب فاضية يوم تينها لانها هيه اللي يايه من السفر مب انتي،،، على العموم انتي وشورج وامج ما شاء الله عليها جيه :up:

البنات ماشاءالله ما قصرن وعطنج افكار حلوووه

وانا مع البنات اللي قالن تشلين لها صحن حلاوه من باتشي والا اطايب وحتى حلاوة فواله وايد حلوه وعندهم تشكيلات يديده جي:up:

والصغنوني خذيله لعبه على حسب عمره ونصيحه دامه ولد وعمره فوق السنتين خذيله سياره بيتخبل عليهااااااا:D2

وانا معاج في سالفة الورد .. احب يوم ازور حد او اهدي ربيعاتي المقربات لازم ويا الهديه ورررررد يكون للهديه قيييمه :)

ولو تشترين الحلاوه ويحطونها في علبه مثل العلب اللي في باتشي وتشيلينه لمحل الزهور وهم بينسقونه لج فبجذيه ما بتتعبين وانتي شاله ورد وحلاوه ولعبه الصغيرون :up:

وان شاءالله قدرت افيدج

ياريت تعدلين في عنوان الموضوع وتكتبين اللي يشوف

وين العربية يابنات خلاص

البنات بيفيدونك بالباقي

كاتب الرسالة الأصلية : مرموم

السلام عليكم ورحمة الله وبركاته

بصراحة المفروض هي اللي تجيب لك الهدية...

لكن حلوة إنه الواحد ما يدخل بيتهم إيده فاضية...

ممكن تجيبي صينية حلاوة أو شوكولاته....

و الطفل...بالنسبة لي أحب دايما أدخل بلعبة هدية على الأطفال...الأطفال أحباب الله...و يحبوا اللي يهتم فيهم...:smile:

عين العقل والله :cool2:

السلام عليكم ورحمة الله وبركاته

بصراحة أنا في رأيي إن الورد هو أروع هدية أقدمها أو تقدم لي ..

وللناس فيما يعشقون مذاهب .

شمعدان فضة :up:

صينية حلاوة

او باقة ورد

عروس دبي ...



تسلميين على الفكره ... عيبتني فكرتج ... وإن شاء الله بطبقها بس في زياره ثانيه ...

بس حبيت أسألج يعني اكييد بيكون الترولي فيه صفيين فوق وتحت .. يعني بيكون فوق الحلاوه .. شو الأفكار إللي اقدر احطها تحت يعني لو اشتريت شي كيف بقدر احطه تحت ...؟؟؟




مرموم


تسلمييين الغاليه على مشاركتج في الموضووع وعلى الفكره إللي طرحتيها ....:up:



أوركيـــــــــد

تسلميين فديتج على مشاركتج ... خلاص استقريت على صينيه الحلاوه وورد ..


أغصان


تسلمييين فديتج على افكارج الحلوه يا حلوه ... وخلاص قلت باخذ لها صينية حلاوه وورد... والياهل كمن شهر وبيكمل سنه... وبجووف شو باخذ له ...:smile:




عنابه


مشكوره على مروورج عزيزتي ... بس اي عربيه إللي تتكلميين عنها .... يعني انتي بدال ماتصلحيين لي دمرتيها زياده ... يعني بدال ماتكحلينها عميتيها ... كلمة يجووف كلمه عربيه (من كلام اهل الإمارات) ... إذا ماكانت كلمه عربيه عيل كيف البنات بيفهومنها ... وإذا قصدج بالشي الثاني ... انه وين اللغه العربيه .. في اللغه العربيه .. نقول ... إللي سوف ترى أو تنظر مب بــ شوووووف ... :smile:

بس على العمووم مشكوره على الإطراء الجميل ...:up:.




}{الـرقـيـقـة}{


تسلمييين على المرووور ...




دانة الروض


تسلميين الغاليه على المرووور وصدقتي في كلامج ... الورد واايد معبر :up:





susu_redrose

مشكوره حبيبتي على المروور ... :up:



lura

تسلميين الغاليه .. :up:


تسلموون حبيباتي على مرووركم الطيب ... وإن شاء الله بخذ بآرائكم ....:smile: