وين اتمكيج يوم عرسي!!

ارجو الاجابة يا بنات لأني بعد عندي حفلة خطبة و ما اعرف وين اتمكيج

- عندج صالون عروس الخليج (بوظبي) .

- وصالون لاروش (بوظبي) مكياجهم وااايد حلووو ربيعتي جربت عندهم يوم عرسها.

- وفي وحده إسمها فاطمة البلوشي (بالعين) تسوي مكياج وتساريح, لكن أسعارها غالية ممكن توصل الـ 4 - 5 ألاف, وممكن تيج للبيت.

- وسمعت عن وحده خبيرة تجميل إمارتيةإسمها منيرة شفت مكياجها بصراحة في مجلة جميلات 2004 واشوفه حلووووو المهم إنتي ممكن تجربين عندهم وتشوفين إللي يناسبج.

- وصالون حنان شقير (بالعين) صحيح مكياجها حلو بس بصراحة أنا حضرت 3أعراس هي مسويتلهم في منهم الحلووو ومنهم كان مكياجهم جدا بسيط يعني لو علاقتج فيها أوكي بتسويلج TOP , وهي مشكلتها لو مزحومة ما ترد حد وهذا الشي يخليها ما تلتزم بالمواعيد أحيانا بصراحة..المهم ما أنصحج فيها.

وبالنسبة لأرقام منيرة و فاطمة البلوشي أنا ممكن أطرشلج في الخاص لو تبين.

ولو لقيت مكان ثاني اوكــــــــــــي إن شاء الله بخبرج..

عندج هيفا صفر

اذا تبين الصراحه



انا تمكيجت عند مورا وعند دولا بس ابداع مثل ابداع

صالون عروس الخليج مااااااااااشفت ميك أب شغل عدل

عندج هيفاء صفر مكيجت وحده من اهلي اربيعتي تغير شكلها مووووول

ومواطنه تعرف ذوق الموطنات , وهي في الشارجه ..


وعندج بدريه السويدي بعد هذى في الخان ..


افضل تتمكيجين عند مواظنات لانهم يعرفون اذواق البنات ويشتغلون

بالضمير.


تحياتي
بنت ديره

السلام عليكم ورحمة الله وبركاته


انا بعد انصحج بـ هيفاء صفر ...

بصراااحه تغير الوحده معروفه بالشيء
ان العروس تصير وحده ثانيه ...
وهي على فــكره خطيرة ماشاء الله عليها في رسم العين
ماشاء الله عليها ..


وربي يوفقج ..وتطلعين احــلى عرووووس ..قولي آمين ...

اختج في الله

سوي بروفة عند بدرية السويدي و مورا وشوفي


منو بيضبطلج المكيب أكثر انا جربتهم وشغلهم مرتب وحلو

هيفاء صفر عجيب ..

بس الكريم الاساس ما تضبطه عدل ,,,

في وحدة من أهلي سوت عندها و طلعت روعة ،،،،

بس اللي خرب عليها الكريم الاساس كان وايد أبيض ،،،

بس أقول لج صالون مورا وايد روعة ,،،

و صالون بافان ,,, ( بس ما أعرف إذا للعرايس حلو و الا لا ),,,

شفت مكياج منيرة في المجلة ,,, وايد حلو ,,,

و على العموم انتي قرري من البروفات ,,,

علشان لا تحملين هم ،،،

انت عروس و المفروض ما تتضايجين وايد علشان ما يأثر على ويهج و الا جسمج ,,,


و مبروك مقدما ,,,


أختج

مشكورع الغاليه على ردج..بس المشكله كل اللي ذكرتيهم مب من دبي ..و اتا من دبي...عموما اذا يأست بيي صوبكم



هلا lura

انا سمعت غن هيفا صفر..بس مب كل حد يمدحها و يقولون مكياجها يناسب البيض اكثر و انا حنطيه ...


هلا رمز المحبه
ممكت تخبريني وين صالون عروس الخليج..و مورا انا مستحيل اتمكيج عندهم ما يعيبوني

اول مره اسمع عن بدريه السويدي..اذا عندج رقمها طرشيلي على الخاص


هلا المكابره ..

مشكوره الغاليه على ردج..ماشالله الكل يشحعني على هيفا صقر..و امين الله يسمع منج و اطلع احلى عروس..مشكوره حبيبتي على هالدعوه الحلوه..


هلا عروس دبي..

بدريه السويدي بسوي بروفه عندها بس مورا مستحيل...ما احب تعاملهم..و شغلهم مب مثل قبل


هلا اميره الشوق

مشكوره حبيبتي على ردح..لازم اسوي بروفات..و عن الضيح..ما يمر عليا يوم الا و انا متضايجه فيه..ما يدري شو بيستوي في بشرتي لين يوم العرس..الله يعين

حبيبتي ... عادي ...


أنا ربيعتي كانت حنطيه وماشاء الله طلعتها رووووعه

الاخوات ما قصروا ومبروك مقدما

انا عن نفسي سويت مكياجي عند مورا الي في دبي يوم عرسي

هلا اختي

انا بنت خالي ملجتها اتمكيجت عند
ميشكوبار وااااايد روعه يعني رسمة العين
تخبل والله مطلعتنها ملكت جمال ...

وربعتي من فتره يوم عرسها متمكيجه عند هيفا
هو حلو بس وايد حاطتلها ع عينها لين ما مخليتها صغييره

فما ادري هي سلفي وااايد شغلها يجنن

هيفاء صفر مكياجها روووووووووووووووووووعه انصحج اتروحين لها:smile:

مشكوره حبيبتي على ردج...و ماشالله شجعتوني اني امكيج عند هيفا..



هلا قلووووب

مشكوره الغاليه على ردج..


هلا حلوه حيل

لا تقولييلي مشكبار.زانا مره اتمكيجت عندها و ندمت...كريم الاساس اللي حطتي لي اياه غير عن لون بشرتي..رقبتي لون وويهي لون..و هيفا افكر اسيرلها ..

هلا 3eemeyah

انشالله افكر اسير عند هيفا وايد اللي شجعوني اتمكيج عندها

أنا تمكيجت عند صالون قنطار(دبي) حلو وناعم..

السلام عليكم ورحمة الله وبركاته
انا انصحج تسيرين عند بدريه السويدي
شغلها ما عليه كلام :up: :up: :up:
:up: :up: :up: :up: :up: :up: :up:

طبعا قبل العرس سوي بروفه وما عليج من الصور الي في المجلات لانها تكون صور فنيه :smile:

الصراحه مشكبار وااااااايد فنانة في رسم العين احس ما عليها كلام وخاصة في دمج الألوان .. حتى الروج حلو تحطه

يعني ألوانها حيوية وواضحه.. اما باجي الصالونات يحطون لون ميت ما يبرز العروس

بس مشكبار مو حلوة بودرة الأساس عندها هاللي يخرب عليها وايد تبيض ويبين الفرق في الجسم