الى اللقاء يا اجازتي واهلا يا مدااارس ......باقي اسبوع عالمدرسة شو معنوياتكم ؟؟

السلام عليكم ورحمة الله وبركاته اخباااركم يا حلوين ان شاء الله بخيير

يالله ندش في الموضوع على طول
اكيد كلكم تدروون انه الاسبوع الياي تبدا المداارس بكافة مراحلها ما عدا طبعا بعض المدارس الخاصة المهم
خلونا نقول باي باي للاجاازة وللسهر وللراحة وللكسل وللنوم والسفرو للاسطواانة المشهوورة (انا ملااانة احس بالملل ):D2
واهلا بالمدرسة وبالامتحانات والدراسة والجد والمثابرة والنشاط والواجبات والمخالفات عاد ما اوصيكم خالفوا كثر ما تقدروون >>>>>اامزح مب تصدقون:D2
الاجاازة مرت بسرررررررررعة ما اتصورها ما اصدق انه الاسبوع الياي في نفس هالوقت بالضبط ونفس هاليوم بكوون يالسة في الصف :pain:اكيد مب قاعدة ادرس اول يووم لازم نتعرف هذا يوم التعارف العالمي :D2

اذا
كيف معنوياتكم للمدرسة فرحاانين ولا متحمسين ولا ودكم لو تطول الاجازة وما تخلص اكيييد معظمكم ما يبى يرووح المدرسة ولا يبى تبدا الدرااسة ولا يشووف ويه المعلمة:smile:
بالنسبة لي انا داايما اول اسبووع اكوون وااايد متحمسة خااصة اني بنتقل لمرحلة يديدة (الثانوي:cool2:) ومدرسة يديدة ومواد يديدة ومعلماات اول مرة اشوفهن وبناات جدد:smile:بس للاسف هذا الشعور ما يطول واايد عندي يعني بس اول اسبووع وبعدين يتبخر وتبدا عاد الدرااسة والامتحانات :pain:

اذا خلونا نبدا عامنا الدرااسي اليديد بعقل مفكر وبنفسية حلوة وبابتساامة مشرقة وباراادة قوية انه نبذل كل جهدنا ليكون هذا العام عاام مليء بالجد والنشااط :smile:
اخواتي الطابات : احرصي على تكوني الافضل دائما في تفوقك واسلوبك مع معلمتك وزميلاتك الطابات وكوني داائما مستعدة لتلقي العلم وللعطاء ومساعدة زميلاتك في حالة حاجتهن لك

اخواتي المعلماات: ادخلى الصف وانتي مبتسمة دائما(اهم شي تكونيين مبتسمة انا الصراحة احس بالكتئاب اذا شفت المعلمة معصبة ومبوزة ومكشرة)
عاملي الطالبة كاخت لك حاولي فهمها واستيعابها ولا تصرخي في وجها ابدا
(عاد كله ولا الصرااخ :pain:)

انا بصرااحة واايد متفاائلة ومستانسة ان شاء الله تكونين انتو بعد بهالنفسية الحلوة :smile:

اتمنى اني ما اكون ثقلت عليكم بالموضوع بس حبيت اقول كل عام وانتو بخيير وان شاء الله يكون عام دراسي سعييد عالجمييع ان شاء الله سواء طالبات او معلماات و حتى اولياء الامور:smile:
تحياتي للجميع
اختكم بنفسجة العين:shy: