راح اموت من القهر مو قادره اخذ راحتى مع زوجى

ماقول غير الله يعينج........

وعليج بالصبر والدعاء ان الله يفرج همج

السموحه الغاليه مادري شقول لج بس كسرتي خاطري....

اول شيء هدي اعصابك

بعدين ...يوم خذي زوجك وطلعي معاه برا عشاء وقولي له يسكر الجوال

وتفاهمي معاه انك ما عندك مانع انك تقعدين مع اهله بس انه لازم يشوف له صرفه في الي قاعد يصير......

اقعدي معه وفهميه انك محتاجته زي ما اهله محتاجين له
وانه اخوه لازم يشيل المسئوليه شوي عنه ما يصيرررر
:eek2:

وبعدين ليش يعبي بنزين الان خلاص الي يطلع بالسياره هو الي يعبيها ماله داااعي انه يطلعه عشان يعبي بنزين .....

صدقيني لازم تتفاهمين معاه ما اعرف ليش حسيت بقهرك وانقهرت بقوووه اول ما قريت الي كاتبته...

وبعدين حبيبتي هونيها وتهون يعني الحمد لله انه امه مو مئذيتك ولا ابوه يعني مشكله ان شاء الله تنحل ولا تتوقعين انه بيتغير فجأة يعني شوي شوي عشان اهله لا يحسون عليه ويزعلون منه ومنك
الله يصبرك

كل اللي اقدر اقوله الله يكون بعووونك من جد

والله يصبرك

سافرو فترة مع بعض حتى لو اسبوع واحد بس المهم تكونو لوحدكم ....والله يوفقكم

أختي نجمة الكويت .................................. أحب اقول لك (( فصبر جميل والله المستعان)) ماأقدر أقول لك إلا الله يعوض صبرك خير,وإللي مبين إن زوجك رجل خلوق والأهم من هذا مطيع لوالده أي بر بوالده وهذا شيء جميل في هذه الأيام بعد الحكايات اللي نسمعها عن عقوق الوالدين ,فملخص كلامي إن ربنا إن شاء الله يعوضك خير على صبرك ويعوضك في أولادك ,ونصيحه أخيره ...لاتكوني أنتي وأهله عليه فيحتار الزوج يرضي اي الطرفين كوني له عونا وسندا وصدقيني ماراح إن شاء الله ينسىوقفتك معاه

السلام عليكم ورحمة الله وبركاته


شكرا خواتى وجزاكم الله خير انا راح اصبر لانه ماعندى غير الصبر وخاصه انى فاتحته اليوم بنفس الموضوع وقالى ما عندى حل شنو تبينى اسوى:down: وسواها هوشه لا وبعد وهو يتهاوش كملها وراح سهر بدار اخو وخلانى زعلانه وكشت فينى تدرون انا قاعده اكتب وانا ميته من الحرا بس شقول الله كريم وادعولى ان الله يصبرنى

السلام عليكم ورحمة الله وبركاته

حاسة بكل شيء تقوليه أختي...

مساوئ السكن في بيت عيلة كتير جدا...و الزوجة تكون أول المتضررين...

لو كلمتي زوجك و قال لك إيش أسوي...قولي له ممكن تسوي كتير...ممكن يقول لأهله...إنه بعد ما يرجع بالليل راح يقضي الوقت مع زوجته بس...و أي شيء ممكن يأجلوه للصبح...

ممكن يقول لهم يوم الخميس أو لاجمعة هذا بس لزوجتي...و إنتي تكوني مرتبة لهذا اليوم...تاخذيه بره حتى لو نمتوا في فندق...و اقفلي بيدك الموبايل من غير ما يحس...

قولي له هذا اتفاق بينكم...راح توافقي يعمل كل شيء لأهله ...ما عدا في أوقتك إنتي...و طبعا في الأوقات اللي هو فيها معاكي...ما تخليه يحس بالدنيا...و خلي السعادة تشع من عينيه...

و إذا قالوا لأ...قولوا لهم خلوا الولد الصغير هو اللي يقوم بشغل البيت في هذه الأوقات...و ما فيها شيء لو الأخ كلم أخوه في الموضوع...

أختي..هذه ضريبة بيت العيلة صدقيني..مالها حل إلا السياسة...

الله يكون في عونك يا رب...

لا تزعلين روحك عزيزتي وانتي محظوظة بزوجك لان زوجك بار جدا ومطيع لاهله ...

واتوقع انه من قبل لا تتزوجينه كان متعود على هالشئ ,,, فصعب يقتنع او يتغير بسهولة ,,,,,

لانه البكر لاهله والعائلة شايفة انه شئ طبيعي يقوم بهالدور ,,,,

معاك حق تتحسي من الموضوع بس ممكن زوجك يكلم أخوه الاصغر بأسلوب حلو ويخليهم يتقاسموا المهام يعني يحدد ان اخوه له مهمات محددة يقوم فيها و الله بيجزاك كل خير على صبرك ,,,

تحياتي

توتة

الله يعينج حبيبتي والله قهر انج ما تاخذين راحتج مع زوجج

بس الخوات ما قصروا ومالج الا الصبر وانج توقفين مع زوجج

وتتفاهمين معاه بالهداوة وتفهمينه انه تبين شوي من وقته لج

والله يوفقج ويهنيج مع زوجج

الله يعينج


وآنه رايي من راي الأخت غدا

والصبر مفتلح الفرج وما فيه شي يتغير فجأه حاولي معاه شوي شوي ومسكي أعصابج


والله يكون بعونج ويعوض صبرج خير

السلام عليكم ورحمة الله وبركاته


يسلمو خواتى على الردود

انا تفاهمت معاه بعد الزعله وقالى انا راح اتفاهم معاهم بس بالوقت المناسب بس والله مادرى صج ولا بس تهدئه اعصاب وخذيت بكلام الخوات طلعت معاه وقتله صك الجهاز ابى اخذ راحتى معاك:up:

الله يفرج عليكِ ويعوضك خير إن شاء الله

السلام عليكم ورحمة الله وبركاته

أختي...

و الله واضح إنه زوجك يحبك و يعزك...و مش عايز يزعلك...

لكن مسألة أهله شوية فوق طاقته...

لذلك بالهداوة معاه...لحد ما تقدري تضبطي أمور حياتك إن شاء الله...و الكل يكون مرتاح...

هلا اختي نجمة الكويت
اتصدقين انتي بعد وااااااايد عاجله ووايد حبيتج :o لان انا ما عندي الا اخو واحد وساكن مع امي بس الله يسامح زوجته وايد تشيشه على امي ومع الايام صارت العلاقه وايد مو شئ بينه وبين امي وهذا طبعا مو زين في حق امه الي ربته بس انتي الحمدلله عاقله وما تعصينه على اهله
فانشاء الله الله راح يعوضج خير وانشاءالله العمر جداكم طويل وبترتاحين معاه وتتهنين وعليج بالسياسه في التعامل
بالتوفيق انشاء الله :up:

حبيبتي نجمه الكويت انا عايشه نفس مشكلتج بس متفهمه الوضع وهو بعد مب مقصر معاي . حبيبتي هاذي نصيحه مني حسسيه انج عادي وحاب فيه هاذي الشيئ وساعديه عليه وانج تحبين اهله صدقيني بقدر فيج هاذي الشيى وبعوضج عن انشغال عنج. ولازم اتفرحين انه هو جذي مع اهله لانه الي ما في خير في اهله مافي خير حق احد وطمنينا عليج:up:

هلابك:smile:

الله يكون في عونك ... بس عن جد الطلبات إللي ذكرتيها اسطوانه غاز. بنزين و و و ... كلها مش ضروريه

الصراحه اهل زوجك ماعندهم ذوق كلش والمفروض زوجك يكون حازم ويقوي شخصيته شوي

ولايهمك ، ولاتاخذي على خاطرك ... ولاتزعلي نفسك ، ولاتقهري بعمرك ، لأنك ماراح تستفيدي من أي شيء ... إلا انك راح تنكدي على حالك وعلى زوجك ، وماراح تستانسي مع زوجك ...


شوفي حبيبتي : زوجك شكله رجال طيب وايد ، ويحبك ويعزك ، ومايبي يزعلك أبداً ، ولا يبي يخسرك ...

ياريت تعذريه وتستحمليه شوي ... يعني هو ايش يعمل في نفسه ؟؟ يقسم نفسه نصين ؟؟؟ عشان يرضيك ويرضي أهله ... هو عايش بين نارين ، نار يبي يرضيك ... ونار يبي يرضي أهله ..

معليش عزيزتي ... انتي لازم تشجعيه على مساعدة أهله .. لأن اللي مافيه خير في أهله .. مافيه خير لأي أحد ...

يعني انتي لازم تستانسي لأن زوجك قد المسئولية ، يعني بكره لو طلعتوا على بيت منفصل راح تقدري تعتمدي عليه في كل شيء ... ولو طلبتي منه أي شيء ماراح يقولك لأ ... لأنه تعود جذي في بيت أهله ، إن لو أي أحد طلب منه شيء مايقول لأ ...


حطي نفسك في مكانه .. لو انتي كنتي ساكنة مع زوجك في بيت أهلك ، وكنتوا بتطلعوا ... وفجأة طلب منك أبوك شيء أو أمك .أو انه صار أي موقف من المواقف اللي ذكرتيها . راح تقوليلهم لأ؟ .. راح يزعل زوجك؟



عزيزتي : خذي الموضوع بكل رحابة صدر .. أنا عارفة انك متضايقة ونفسك يكون زوجك لك و حدك ، وما يشارك أي أحد بزوجك ، وخصوصاً لما تكونوا منفردين مع بعض ... بس والله شكله زوجك مايقصر معاك ، وقاعد يعوضك ..

وحاولي انك مو دائماً تذكري هذا الموضوع أمامه .. ولاتبيني له إنك متضايقة من طلبات أهله ومن حركاتهم ... حتى ولو كنتي راح تموتي من القهر من حركاتهم(لاسمح الله :smile: ) حاولي انك تحافظي على أعصابك وهدوءك ، وماتقوليله ...
ترى الزوج مايحب الزوجة اللي تشكي من أهله .. راح يمل بعدين ... انتي شفتي أبسط جواب جاوبك : ماعندي حل ، شنو تبيني أسوي ؟؟ وقام طلع وترك ...


عشان جذي اكسبي زوجك . وكوني أذكى منه ومن أهله ..

نصيحة مني : ولو حبيتي أهله ، راح يحبك أكثر وأكثر وأكثر ...:smile:


صدقيني ..

:shy::shy:


والله يوفقكم ...

ممكن يقول لهم يوم الخميس أو لاجمعة هذا بس لزوجتي...و إنتي تكوني مرتبة لهذا اليوم...تاخذيه بره حتى لو نمتوا في فندق...و اقفلي بيدك الموبايل من غير ما يحس...

قولي له هذا اتفاق بينكم...راح توافقي يعمل كل شيء لأهله ...ما عدا في أوقتك إنتي...و طبعا في الأوقات اللي هو فيها معاكي...ما تخليه يحس بالدنيا...و خلي السعادة تشع من عينيه...

_______________________

هذا تعليق

فيه نوع من الغرابه يعني شو الخميس والجمعه للزوجه ... وكيف يطلب من الزوجه ان تقفل النقال وين حقوق الوالدين و الدين والأسلام والحرام والحلال اللي تنادون فيه

فالنفرض اثناء قفل النقال صار حادث او تعرض احد الوالدين او الأخوه لوسمح الله للوفاه .... هل بعد يوم الخميس او الجمعه للزوجه فقط والزوج نايم بالعسل لأنه الزوجه وحسب النصيحه خلته مايحس بالدنيا والسعاده تشع من عينه......
:eek2:
التناقض واضح وشي طبيعي راح تحذف المشاركه
لكن مش مهم:cool2:

السلام عليكم ورحمة الله وبركاته

لأ يا مذهلة البحرين مش راح تحذف المشاركة...

و راح أرد عليكي...

ما في تناقض و لا شيء...و وضع طبيعي جدا اللي يصير...

ليش ؟

لأنه له أخ في البيت كبير و يتحمل المسؤولية...

و اللي أريد أوصله هو إنه الأهل يحسوا إنه من حق ابنهم إنه يخرج مع زوجته و يروحوا و ييجوا...و الأخ الثاني ممكن يسد مكانه...

واللا هذا حرام ؟؟؟؟

و طلبنا منها يكون بطريقة حلوة و مرتبة...و الحمد لله البنت اتبعت نصيحتنا...و خرجت مع زوجها و انبسطت...و ما صارت مصيبة في البيت و لا حالة وفاة...