انا خايفة ..؟؟

وعليكم السلام ورحمة الله وبركاته
سمعي حبيبتي مارسي حياتج عادي طلعي ودخلي على راحتج اذا رب العالمين ارد بيكون حمل حتى اذا انتى ماتبين
بس نصيحه عيشي حياتج الحين وبعد سنه فكري فى الحمل
إن شاء الله تحملين بسرعه

كل شي بيدالله


المفروض اتكونين مؤمنة بهالشي

وفي نا س صار لهم ثلاث سنين مو ثلاث شهور بس حامدين ربهم

حبيبتي بجعه--------> على فكره حلو اسمج


اهم شئ تكون عندج ثقه في نفسج،، الحمال والربا شئ بيد رب العالمين وانتي بعدج توج عروسه،، يعني استمتعي بحياتج و هاي احلى الأيام في حياة اي عروسين،، انا فاهمه الضغط اللي يمارسونه الأهل من الطرفين بس انتي خلي تفكيرج فوق هاذا وتعلمي تسمعين منيه وتطلعين منيه بدون ما يأثر عليج،،،


انا مريت بنفسج تجربتج وللحين يالسه امر فيها،، انا صارلي سنه متزوجه بس اللي شوي راحمني ان زوجي مش موجود طول الوقت يعني سفرات ورحلات وايد (طبيعة شغله)،، فالبدايه ام زوجي كانت وايد تلح حتى انها كانت تحسبلي ايام الدوره وانا كنت هبله وعلى نياتي واقولها متى يتني مع الأيام تعلمت وصارت دورتي شئ شخصي ما حد يخصه فيه وصارت اتي واتخلص ولا حد يعرف...

اهم شئ تشغلين نفسج بأشياء ثانيه علشان تقللين التفكير فالموضوع،، يعني جربي ادخلي افكار وتجارب وشوفي البنات شو حاطين عن ليالي حلوه تسوينها لزوجك،، بكره لما ربي يرزقك بالذريه ما بتحصلين وقت تسوين شئ،،

جربي تطبخين اشياء جديده،،، اذا كنت يالسه فالبيت جربي ترتبين البيت وتسوين شغلات بايدج،،

اذا تداومين بيكون احسن لأن الفتره اللي بتيلسينها ويا اهله بتكون اقصر ،، جربي تقوين علاقاتج وياهم وويا ربعج واهلج

اهم شئ تملين وقت فراغج،، وما تخلين هالموضوع يأثر فيج...


ما تمنياتي لك بأن يرزقك الله بالذريه الصالحه عاجلا غير آجل لكي تقر بها عينك

ما عليج من حد ولا تحاتين

انتي بعدج الا من ثلاث شهوور ناس مرت عليهم سنين وناس روحوا ومايابوا عيال مارسي حياتج عادي واغلب اللي حملن كانوا يمارسون حياتهم عادي وعقب تفاجئوا بالحمل لكن هوه مب جدول انتي بتمشين عليه وبتحملين لا مب جيه وان يلستي بعد تفكرين وتشلين هم مب زين لج بعد

توكلي على الله وعيشي حياتج عادي واللي يسالوونج ؟ لاتعطين فرصه حد يسألج هذي خصوصيات

يعني الصراحه اللي يسالج عيب عليه شو مثلا السوال هاه حملتي ولا لا ؟؟ ولا ليش ماحملتي للحين ؟؟ الصراحه انا لو مكانج بطنش وبحط حدود عشان محد يتجرأ يسالني لا حملت بعد ثاني ولا ثالث شهر بخبر ها شي يخصني ومب زين الوحده من اول شهر تخبر تقول انا حامل الا حق امها ها سلكي وسلك اهلي جيه


:smile:

ياعمري ولاتحاتين توج والله ثلاث شهور فتره بسيطه والمفروض ماتزعلين وماتخافين وكلام عمتج عااااااااادي سوالف حموات شتسوين بعد..

مشكورين والله ..

كلامكم مثل العسل ..

بس المشكلة اني ما اداوم وزوجي دوامة شفتات يعني انا 24 ساعة يالسة فالبيت ويا امة ..

:o

والله أختي إنتي محظوظه إنه مر عليج 3 شهور وما حملتي وأهل ريلج يضايقونج بالأسأله،،،،، أنا صار لي 33 يوم من تزوجت وريلي حاشرني ليش ما حملت للحين :D2 :D2 شر البلية ما يضحك ،،،،

والله اختي ما اعرف شو اقلج ..

لكن ما اقول الا الله يرزقنا ان شاء الله ..

ويصبر كل مستعيل .. احنا نعرس وهم يستعيلون ..

وفلنهاية التعب كله علينا :clap:

عادي اختي استانسي في اول الايام لاحقة على الحمل والعيال واصبري صبرنا مو شهر ولا ثلاث اكثر

وغيرنا صبر سنين وبعدين حمل

وبعدين تو الناس عليج توج 3 شهور

حبيبتي خلي ايامج حلوة واستانسي وافرحي واطلعي في هالايام خليها احلى الايام ترى بعدين يوم بتحملي ان شاء الله بتكوني تعبانة وما تسوي الي تقدري تسويه الحين

تحيه وبعد.....

كلنا في الهوا سوا ..... الله يرزق الجميع يارب عاجلا غير اجلا....

لا تبدين تفكرين من الحين انا صار لي سنه وزياده من تزوجت ولا حملت والحمدالله على كل حال.....

يعني ما تدرين الوحده متى تحمل شيلي من بالك الموضوع وان شاء الله تحملين

هلا اختي قلوووووووب

انا مب مستعيلة بس الي عندي مستعيلين ويحنون والله مللوني امة يدتة اهلي كلهم


bent^cute

اذا انا مابا افكر والله غصب بيخلوني افكر .. لدرجه انهم خلوني احط في بالي اني مابييب عيال مووول ( بعيد الشر عني وعنكم )

:eek2:

والله حبيبتي هذا الشي ما تقدري تمنعية اللي هوه حشريت الأهل يعني حطيت هذي الفكرة براسك ولا ما حطيتيها بعدهم بيضلو يسألو ومن يملو منك بيتمو يسألو بينهم وبين بعضهم ليش فلانه ما حملت وليش وليش؟؟؟؟

هذا هو واقعنا وصدقيني صعب وكثير صعب انك تمنعي هذا الواقع بس في شي هو انك تتعودي عليه وتتقبلي أسئلتهم هو هذا الحل .


وأنا مع كلام الأخوات وخاصة الأخت كاتو:up:

وأدعي ربك أنك تتخلصي من اسئلتهم وتحملي بسرعة.

بجعه :

أقولك شي ...

































اللي يسألك مرة ثانية عن موضوع حملك ...(حتى حماتك )



قوليله : تو الناس .. وأنا وزوجي مانفكر الحين في انجاب طفل ..
واللي يجي من الله احنا راضيين فيه ..
سواء حملت أو تم تأجيل الحمل ..
ولما نقرر : بنقولكم ، وببشركم في حملي ..




وخلاص ... :pain:


وصدقيني جذي بتكونين وقفتيهم عند حدهم ، وماراح يسألوك مرة ثانية ، وبتكوني ارتحتي من وجع الراس وكثرة الأسئلة ..

(لأن الأهل وايد يتدخلون ) بس هذا شيء طبيعي ..

سويت فحص اليوم مع ان الدورة بتيني تاريخ 7/9 يعني عقب 8 ايام .. قالتلي الدكتوره ما فيج شي المبايض والرحم كل شي اوكي .. قالتلي اتريي الين عقب اذا مايتج العاده يعني حامل الحين ما يبين ..:o

واذا يتج العاده تعالي انتي وزوجج سوو تحالييل ..


ادعولي احمل هالشهر .. ان شاء الله ماتيني العاده :o

توكلي على الله وخلي عنج حنه العيايز وأزعاجاتهم..

ترى كثر التفكير يمنع الحمل... وهذا الكلام عند دكاتره..:cool2:

حرام عليج والله خوفتيني ,, لاني وايد افكر احاول اشغل عمري عن التفكير لكن والله ما اقدر لان الي عرسوا في نفس الاسبوع الي انا عرست فية حملوا والكل يعايرني ويقلي انتي بعدج ما حملتي ..


أنا مابي من الدنيا لا جاه ولا راس مال..

أبي طفل لا ضاقت به الدنيا قال يمه..



:sad: :sad: :sad:

:mad2: :mad2: :mad2:

:cry: :cry: :cry: :cry:

لا حول ولا قوة الا بالله!!!!!!!!!!!


يعني اذا ما عرسنا قالو ليش ما عرستي!!!!!

واذا عرسنا وما حملنا على طول قالو ليش ما حملتي!!!!

واذا حملنا ويبنا البيبي وقلنا بناخذ راحة قالو ليش وقفتي .. وليش ما تخاوينه!!!!

واذا خاويناه قالو وي وي وي شفيها هذه جنها ارنبة ما مداها ربت وراحت حملت على طول!!!!




المهم..

انا معرسة من شهرين ونص .. وريلي دوامه في البحر .. يعني اسبوعين في الشهر مب عندي .. وبسبب ظروف بيت الزوجية وظروف شغلي فانا بعدني في بيت ابوي في امارة ثانية غير امارة ريلي .. واشوفه بس في الويك اند يوم يكون في اجازة ..... يعني بالعربي انا اشوف ريلي اربع مرات في الشهر!!!


بس عاد يا أختي انتي حالج والله أهون من حالي.

انا ما حد سأل عن حملي لا من أهلي ولا من أهله .. اللهم الا اخته الكبيرة.

لكن القهر عاد زميلاتي في الدوام .. هن اللي يسالن ويترين الدورة بعد :eek2:

وما ادري ليش كل هالفضول والإلحاح .. مع ان منهن معرسات والمفروض يعرفن ان زيادة التفكير في هالسالفة تأثر نفسياً على الوحدة وممكن يتأخر حملها لهالسبب!!!


حسبي الله ونعم الوكيل!

حبيبتي(bj3a)
ادعي لك من كل قلبي الله يرزقك هذا الشهر ويرزق وياك الاخوات
والله ذكرتيني بأختي صار لها سنة ونصف ومن اتيها الدورة اصيح وتبكي
اتقول انا عااااااااادي مب مستعجلة بس اهل زوجي ذبحوني وخلوني احاااااتي وايد على الرغم انه هي وزوجها ما فيهم الا العافية بس الله كاتب لهم ما اصير اللحين
الله يرزكم جميعا والله حبيبتي انا اللحين ما باقي لي شي واولد وخايفة من المسؤلية وقلة النوووووووووم ودايما اقول لزوجي انا استعجلت ما أستانست وايد بزواج بدون اعيال :D2
بس الحمد للله
والله الله يرزقكم جميعا ونفلرح وياكم
يا رب
يا رب

[ ]اختي العزيزة
ترا احلى الايام هي الايام الأولى صدقيني ما ترجع حلاوتها ابدا

استمتعي بحياتك انتي وزوجك
واللي يسالك قولي لهم ان الله ما كتب وانكم ما تفكروا تنجبوا الحين

انا وزوجي خططنا ان بعد 6 أشهر احمل والحمد لله

تخطيطنا مشى في السليم بتوفيق من الله وحملت بعد مضي 7 أشهر مع العلم ان اهله بداوا يسألوا وانا كنت اقولهم اياها مع ضحكة مرسومة على وجهي ان انا وزوجي نريد نستمتع بحياتنا لاحقين على الحمل والتعب وتربية طفل وخااصة ان كنا ساكنين عند اهله
لكن
الحمد لله مرت الشهور وانا انتظر ولادتي والحين قاعدين نستعد للإنتقال لشقة ونستقل بحياتنا

خلي كل شي طبيعي والله سبحانه بيقدر الأمور اللي تكون بصالحكم

والله يوفقك وتحملي علشان تسكتي عمتك والي يتكلم عليك [/FONT]