ام زوجي ذبحتنيييييييييييييي

السلام عليكم ورحمة الله وبركاته
هلا حبيبتي الله يكون في عونج بس جوفي لا تكدرين خاطرج خصوصا انكم بتعيشون عندها على طول ومو لازم تستشيرينها في كل صغيره وكبيره ويكفي انج تتفقين مع زوجج ان هذه حريه شخصيه ولاتزعل اذا ما راعيت امك في هالناحيه وتفهمينه ان هو اهم شئ عندج وحتى لو هي ناجرت وما عجبها عادي طنشيها ولا تردين عليها وحاولي تقللين من الجلسه معها واذا رحتي تزورين اهلج روحي للصالون من غير ما تدري هي وصبغي وقصي ولا عليج ترى لازم ترضين زوجج وتتعدلين له وتراعينه هو مو هي
هذا رايي والله معاج

:D2

الله يساعدج ...بس باين انها معتبرتج مثل بنتها وتبيج تمشين على رايهااا
واذا ماسمعتي كلامها بتزعل بعد..

شوفي سايريها على قد ماتقدرين بس حاولي اذا بغيتي تقصين شعرج ولاتصبغينه خلي السالفه مفاجئه للكل يعني بلافضايح :cool2:

واذا احد لامج او انتقدج قوليلهم ريلي حن علي الا اقصه واصبغه وماحبيت اكسرها بخاطره بعدها ماحد يجرا ءيقولج شي:up:

تسلمون حبيباتي على الردود اللي تثلج الصدر صراحه,,

انا هذا اللي اسوي والله .. دايما اسايرها و اقولها انشالله ,,بس اللي ذابحني لسانها وانا وحده حساسه بسرعه ابكي حتى اني مرة من كثر ما تضايقت رحت تكرمون الحمام وقعدت ابكي و انا تحت الدش :o: حتى محد يحس فيني

والله يا بنات لو تسمون مشاكلي بتملون مني و تروحون

انا توني متزوجه صايرلي كم شهر ,, ابوي شرط سكن مستقل وفعلا رحنا لشقه بس زوجي كسر خاطري يرد الدوام ما يحصل لقمه وشغل البيت ودشاديشه وحلته كلها يبيله تفرغ وانا ارد من الجامعه هلكانه , قلت بيني و بين نفسي ما ابي اثقل على زوجي بمصاريف خدم من اولها و خلوني اريحه و اسكن مع اهله ,,, والله انه طار من الفرحه.. بس انا بصراحه توقعت اني اسكن فوق لانه يعتبر مستقل و في 3 غرف و صاله و حمام كبير يعزك الله و مطبخ ,, بس انا انصدمت يوم شفت خالتي مزهبتلنا الملحق تحت داخ الصاله وهي عباره عن غرفتين و حمام وباب الممر مفتوح على صاله قعدتهم:confused::confused::confused::confused:
انا سكت و ما قلت شي لنه اخوانه العزاب مو راضين يتنازلون و ينزلون تحت مع ان هم شخصين بس..
وخالتي الله يهديها دايما تخلي باب ممري مفتوح على الاخر ( يعني مافي خصوصيه كلش) و تخيلوا ان باب تكرمون الحمام مقابل باب الممر المشرع. زانا اذا بطلع من غرفه بروح للثانه لازم امشي في هذا الممر والزبده ان ما بقى احد في البيت ما شافني حتى السايق و العمال :down::down:
تعبت يا جماعه قلبي يعورني و انا اكتب

والمصيييييييبه

ان البيت راح يبيعونه اخر هالسنه


وراح نسكن في بيت حماي الجديد وخالتي معاني

والمشكله....

ان حماي المحترم مسويلنا شقه في الدور الثالث بس شوفو ...

ما فيها مطبخ

و مسويلنا حمام واحد بس

وطبعا زوجي قالي مستحيل اطلع من الشقه هذه لأن السكن ببلاش احسن من الايجار و ننطر لما يطلع لنا بيت :confused::confused::confused:

يا جماعه ترا الي \كرتوه شي بسيط شوفوني انا المشكله ان هم يغارون مني يعني يروحون زيارات و لا يقولون لي ويركبون القصور فيني عشان بناتها هم الاحسن بس لاني على نياتي دايما الاقي وحدة من اهلي بتروح واروح و الاقيهم بس شوفوا شيكون موقفهم انا جدا هاديه ولا اشتكي مع ان هم عندهم هواية تفتيش في اغراضي من اشيائي الخاصة الى الامور التافهه ا\ا شافو شي عجبهم قالو لاعبه في فلوسه بس يخيب ضنهم لما يعرفون انها هادية من الوالد او من اخوي الكبير
ا\ا ابي اروح مطعم يقولون واشفيه اكل البيت
طبعا ا\ا ابي اسافر لازم ناخ\ اخته المصون وا\ا ما جات طلبت طلابات تعجيزيه نتم ندور عليها
لشده هدوئي ام زوجي تقول ما صدق للحين ساكته من اقول شي قالت ان شالله تعرفون ليش لان زوجي عارف امه وتصرفاتها و ما يقدر يقولها شي وهو يقدر صبري عليها وحاطني فوق راسه لان يسمع من الجيران عني
بس تعرفون الحين صار لي سنتين اعتقد بدينا نتكيف على بعض خاصه ان ولي العهد بيوصل بعد شهرين
وصدقوني صبروا لان مهما كان هاي امه واخته وهو يعرفهم زين يعني ا\ا تحملتي هله يحطك فوق راسه

والله يا بنات انا الحين متضايقه وقاعده ابكي

ساعدوني

السلام عليكم ورحمة الله وبركاته

والله حبيبتي قلبي عورني عليكي

فعلا وضعك كثير يضايق

بس تدرين احس ان حماتك كثير تعاملك زي بنتها خاصة لما تقولك ان لبستك شافوها حفيداتها .... يعني اعتبرتك قريبة منها مثلهم

وشوفي الامهات حتى نفس حماتك يعني مستحيل راح تتقبل الالوان الجديدة من المكياج والصبغات والقصات الجديدة بس اذا هي مثل ما تقولين عنها ممكن كثير تكسبينها لصفك يعني قوليلها خالتي ما شاء الله عليك كثير اشوفك ذويقة وتفهمين بالموضة واحس ذوقك نفس ذوقي بناتي وحلو

راح تستانس انها لسى ذويقة وشبابية وراح تماشيك بكل الي ودك فيه

يعني ممكن حتى تاخذينها الصالون وتوريها القصات الجديدة واذا عارضتك قوليلها غريبة خالتي كيف ما عجبوكي وهي الموضة الحين والكل يمدح بها القصة .... واذا اصرت انك تقصي قصة قديمة او ما تقصين قوليلها خالتي هذا قصة قديييييييمة مستحيل احد يسويها الحين

وحتى انك تخلي روحك تتصفحين مجلة واول ما تشوفين اي مكياج خاطرك تسوينه وخايفة لا هي ما يعجبها وريها وقوليلها شوفي خالتي ها المكياج موضة الحين يعني خليها تتقبل انه لك ذوق بروحك وتحبين تلبسين وتتمكيجين حسب ذوقك وما فيها شي لو عارضتيها بأدب يعني لو اصرت عليك تلبسين شي قوليلها خالتي أكيد نفسي لبس الي يعجبك بس أنا أحب ألبس هذي أكثر

يعني لا تظغطين على روحك أبدا ..... شغلي مكر النساء وخلاص

وبعدين انتي عوديهم انك تصكين باب الممر على طول

واذا قالتلك شي قوليلها خالتي دايما اطلع من الحمام للغرفة او العكس والكل يشوفني وأنا ما احب ان احد يشوفني وانا كذا يعني انتي على طول صكي الباب وهم بعدين راح يتاقلموا مع وضع انك وحده غريبة بالبيت يعني انتي مو اختهم عشان يشوفونك بكل الوضعيات ..... بس ها الشي المفروض زوجك هو الي يتدخل فيه .... يعني كل ها الامور المفروض تكوني مصارحة زوجك فيها عشان يقدر هو يتكلم اذا صارت اي مشكلة

يعني خلي شخصيتك قوية بس طبعا بذوق وأدب

وبعدين حاولي فيه انكم تتطلعوا بشقة بروحكم مره ثانية وحاولي تأقلمي روحك مع كونك ببيت بروحك

يعني ممكن ترتبي أوقاتك للتنظيف وغسل ملابسه وحتى انكم تجيبوا الخدامات الي يجوون بالساعات .... يعني فكرة انكم ترجعون بشقة بروحكم كثير أحسن بدل ها المشاكل والضيقة حتى لو وصل الموضوع ان امك او والدك يتكلم مع زوجك وخاصة انه قادر انه يوفر لك مسكن بروحك دام انه وفره بأول فترة زواجكم

السلام عليكم ورحمة الله وبركاته

أختي العزيزة...

في مواقف لازم الواحد يكون حازم فيها..

لأنه بهذه الطريقة الحياة راح تكون صعبة جدا...

و الحزم مش معناه الخناق و الصوت العالي...بالعكس..المرأة الذكية تعرف كيف تجيب اللي هي عايزاه...

يعني كيف تمنعك تقصي شعرك ؟ و ليش لازم تقولي لها كل كبيرة و صغيرة في حياتك ؟ هذه حياتكم المستقلة...

لو قالت لك ما تقصي شعرك..زقولي لها زوجي يحب التغيير و لازم أسعده...و الصبغة فعلا مضرة يا خالتي...لكن أنا راح أصبغ خصل بس...و راح تشوفي كيف شكلي راح يكون حلو بعدها...

و بهذه الطريقة...

ممكن كمان تشركيها معاكي...و تقولي لها تعالي معايا نجيب فستان جديد...أو اي شيء...

المهم يكون الموضوع فيه شد و جذب...مش علطول إنتي مغلوبة على أمرك !!

انا مش قصدي أعمل مشاكل بينك و بين حماتك...لكن لما الواحد يضع حدود في البداية...بيرتاح كتير كتير بعدين...و بتلاقي الناس تعودت على طريقته...

لكن لما يكون من البداية الموضوع مش مضبوط...و متعب...راح يظل بنفس المنظر علطول...

و دايما خلي علاقتك بيها و ببناتها حلوة...طالما ناويين تسكنوا معاهم علطول...

الله يوفقك يا رب...و بكرة لما يجيكي عيال إن شاء الله راح يتغير الحال...

ما ادري احس لصغر سنك اهي تتعامل معاك هيك....؟؟؟؟؟؟؟

بس شكلها الحرمه كشيخة وعندها إلمام بكل الأمور وتبي تساعدك و الواضح انك وايد حساسه وتنظرين للأمور بمنظار ضيق.....:smile:

بالعكس سايريها وحاولي تصادقينها .. اما عن مسأله الفستان والله شي حلو تبيج تفصلين فستان جديد وهاذه ما يزعل بالعكس ألا حلو
:cool2:

والله يا خواتي ما قصرتوا والله يشهد , انا من غيركم شنو كنت بسوي

حبيبتي احنا اخوات لو ما ساعدنا بعض راح نساعد مين الله يوفقك ويهدي بالك

السلام عليكم ورحمة الله وبركاته

الله يكون بعونك ويلهمك الصبر .........

حاولي تتعاملين مع ام زوجك مثل ما تتعاملين مع امك اوما تحبين من

زوجات اخوانك وتعاملهم معها وان شاء تلاقين برك هذا بعدين فى اولادك

ونتيجة الصبر عظيمة .........والبر اسلاف .....والدنيا سلف ودين

والام في كثير من الاوقات ممكن تزعل وتبدي رأيها وتصر عليه وما لنا

وما لنا الا السمع والطاعة ........

ومن ناحية تدخلها في قص شعرك او تلوينه فإذا كان زوجك راغب فيه

حاولي تقنعينها بالتى هى احسن ......واعيني زوجك على بر أمه يسخره

الله لك ...

ومن كلامك احس انها ام طيبة تبي لك الاحسن والافضل بنظرها طبعا

ولازم تقدر ين هذا....مع تمنياتي لك بالسعادة والرضا