ساعدوني بنات.. ما أعرف وين أولد!!

ب

بنت الخير

عروس جديدة

21-08-2004 | 12:27 PM

السلام عليكم ورحمة الله وبركاته

بنات أبغي أسألكم عن الدكتورة ليلى سوداح اللي في جميرا 3 و الدكتورة غادة في عيادة ميدلينك في جميرا.. حد عنده فكرة عن توليدهم و خياطتهم و أسعارهم؟ سمعت انهم يولدون في الأمريكي..
و سمعت انه الدكتورة ليلى تولد بدون خياطة حتى حق البكر.. هذا الشئ ما يسبب توسيع المنطقة ؟؟ :o

الله يخليكم ردوا علي لأني في الثامن وللحين ما قررت وين بولد ان شاء الله... ووايد خايفة من الجراحة و الخياطة وفي نفس الوقت أخاف إذا ما سويت خياطة ما أرد نفس قبل ...

:o:o

ل

لولــي

عروس رائعة

21-08-2004 | 12:44 PM

والله أول مره أسمع عنهم ...

أتمنى من الأخوات يفيدونج ....

ا

الصديج الوفي

عروس مشاركة

21-08-2004 | 02:13 PM

وعليكم السلام ورحمة الله وبركاته

هلا فيج اختي الغالية

وان شاء الله تقومين بالسلامه

عزيزتي عن الدكاترة الي سالتي عنهن ما عندي فكرة بس حبيت اخبرج عن الدكتورة نهله هي واااايد ممتازة حتى يوم اتربين ما اتحسين بالويع مول خاصة عند طلوع الراس ..وبغيت اخبرج انه الخياطة ما تخوف بل بالعكس هي اتساعدج وااااايد ويا ما حريم يسيرن المستشفى عشان يسولهن خياطة لتضيق المكان خاصة بعد الولادة بثلاث اشهر طبعا من الداخل والخارج :o
ودامنج في دبي ليش ما اتسيرين مستشفى الوصل واااااااايد زيييييين

هذا رايي واتمنى اني اكون افدتج
والله يسهل عليج

لاتنسين قراءة الادعية الخاصة لتسهيل الولادة هذا بعد التكلان على الله
:up:

ف

فوانيس

مشرفة سابقة

21-08-2004 | 05:12 PM

هلا فيج حبيبتي

الدكتورة ليلى ممتازة بس اسعارها غالية

و البكرية لازم تحتاج تحتاج خياطة:up:

و لا تخافين من الخياطة بالعكس امر طبيعي

بالتوفيق ان شاء الله:up:

D

DarkStar

عروس ذهبية

22-08-2004 | 06:07 AM

حبيبتي (بنت الخير)
ما عندي فكرة عن هذي الدكتورة:down:
بس حبيت ادعي لك انك تولدي وتقومي بسلامة
والله يسهل عليك:up: