ابي حل سريع منكم جزاكم الله خير

مرحباا أختي مرايم

أعرف ان الرياييل يكونون عصبيين في القرارات الي يتخذونها بخصوص شغلهم ولا يحبون الزوجة تدخل اواي حرمة بالاحرى ويعتقدون ان ما تفهم في هذي المواضيع

وصدقيني اتخاذ قرار في موضوع الشغل اي هو مصدر الرزق الاسرة يكون صعب عاادة عشان جي دوم يكون عصبي وقلق قبل ما يتخذ اي خطوة

بس انتي لا تتركينه حاولي تدخلين له باكثر من مدخل عشان تقدرين تتوصلين انتي وهو لحل يناسبكم حتى لو تطرين ترمسين احد من اخوانه الريااييل يرمسة بشكل غير مباشر وبدون ما يعرف انج انتي الي طرشته له

وخاصة ان في الوقت الحاضر مو من السهل حد يحصل وظيفة وقوليلة يقدم على وظايف ثانية ومتى ما قبلوه في وظيفة مناسبة يترك العمل في المدرسة ينتقل للوظيفة الجدية احسن ما يخسر وظيفةالتدريس وعقب ما يحصل

اتمنى ان اكون سااعدتج على قد ما اقدر

جزاك الله الف خير اختي دمعة قلب ومشكورة على مرورك بس اختي انا جربت معاه كل الطرق يقول انه يبي يكمل دراسته وانا قلتله ليش ما تشتغل وتكمل دراستك اهو مو راضي يقتنع بكلامي ويصرخ ةبوجهي ما ادري ليش رافض مني اي نصيحة مع انه ما كان جذي وما اقدر اقول لاي احد من اهلة لانه محلفني اني ما اقول لاحد واليوم رحتله وشفته مهموم كثير حاولت اخفف عنه قلتله ليش ما تشكيلي قالي انا مو متعود اشكي لاحد يقول انه من صغره واهو يحبس الالم بداخلة ما يشكي لاحد لانه والدته متوفيه واهو صغير
اختي احنا متزوجين صارلنا تقريبا سبع اشهر واحس انه حيل بعيد عني مو راضي يفتح لي قلبه كم مرة اقوله افتح قلبك لي بس مو راضي اختي انا حيل محتارة ما ادري شسوي فيه اهو مايحب يسمع نصيحة من اي احد حتى مني انا ما دري كيف اتعامل معه صاير حيل عصبي ياريت تساعدوني اخواتي قبل لا يخسر وظيفته وبكون شاكرة لكم من قلبي
اختكم

خلي يقدم طلب نقل

مشكورة اختي "ساكن القمر"
وياريت نلقى احد ينقله واناا اقترحت عليه ولقينه واسطة قويه بس ما قدرنا نسوي شي اختي انت من اهل الكويت وعارفة انها صعبة لان المدرسه يقطونها بنفس المنطقة بس المدرس اي مكان يقطونه تخيلي انه بيتنا بسلوى والمدرسة اللي اهو فيها بالجهراء ومسكين يقوم من الساعة خمس الفجر ودايما يغيب ومرات يتاخر على المدرسة والمشكلة انه رافض يكلمني ما يبي يسمع مني اي شي يقول اذا مو عاجبك روحي بيت اهلك وانا مااقدر اخليه بالحالة هذي مادري ليش رافض مني اي نصيحة وساعت من القهر ابجي واقول ليش اهو رافض مني اي نصيخة اكيد اهو يكرهني .
اعتقد اني ماراح القى حل حق هالرجال غير اني انطم واسكت واخليه يتصرف بروحه مثل ما اهو طلب مني
وجزاك الله خير
اختك

السلام عليكم ورحمة الله وبركاته

أختي ما تقلقي...

هذا يكون شيء عادي في أول الزواج...لأنكم لسه ما وصلتوا للتفاهم المطلوب بينكم...

الحل هو إنك إنتي تقومي بهذه الخطوة قبله...يعني إنتي تفتحي له قلبك...قولي له يا زوجي العزيز نفسي أستشيؤك في موضوع...و قولي له أي مشكلة تواجهك...و خذي رأيه و ناقشيه...و قولي له لو كنت إنت مكاني شو تعمل...

يعني حسسيه إنك تحبي تسمعي رأيه و تمشي عليه...راح تلاقيه تلقائيا هو ييجي كمان و يقول لك رأيه...

قولي له مواقف حصلت معاكي و كيف اتصرفتي فيها...و قولي له لو كنت مكاني هل ستفعل مثلي...يعني الواحدة بشطارتها تقدر تستدرج زوجها...و إنتي أدرى واحدة مننا بزوجك...

و طمنينا عليكي أختي...

(u)هلا بك(u)

انصحك ما تتدخلين ولا تعطينه اراشادات ولا غيرها

الرجال اكره ماعنده ان احد مهما تكون صلة القربي يعطونه حلول

الرجل يحب ينفرد بنفسه ويحل مشاكله برويه

اخذيها نصيحه من اخت لا تضايقينه ولا تعصبينه خليه يفكر بروحه

وإذا احتاج لك صدقيني راح يجيك من نفسه

عزيزتـــــي أنا رأيي من رأي اختي مرموم .. .. .. لأن هذا شريك حياتج وما ينفع تهملينه نهائياً ولا تفاتحينه بالموضوع ذاته. أنا من رأي تصبرين عليه يومين وبعدين سوي اللي قالت لج عليه الأخت مرموم، وبعدي لازم اتحسسينه بنوع من الأمان والحنان بنفس الوقت لأن الرجل مثل الطفل أحياناً يدور الحضن اللي يحتويه ويحتوي آلامه وأحزانه.. .. .. ولا تنسين خلج أقرب له من أي شخص آخر، ونصيحتي لج أكثروا الإستغفار إنتي وزوجج.

أتمنى أكون أفدتــج

أم خـــــــــالد

مشكورين خواتي على مروركم وعلى مساعدكتم وانا راح اسوي اللي قلتولي عليهاواحاول افتحله قلبي عشان اتقرب منه اكثر
جزاكم الف خير