بنات الحقو اكتشفت تمليس ررررررهيب

فديتج شو تتريين -- يالله قولي الطريقه كيف وشو حطيتي عشان استوى جيه

يالله نحن فالانتظار :shy:

نترياج اختي فتوووووووووون تقولي لنا السر


:smile:

:eek2: :eek2: :eek2:

اختي اريد الطريقه لو سمحتي........

السلام عليكم ورحمة الله وبركاته
مرحبا
اختى فتوووون قصدك بالتمليس فرد الشعر ؟؟؟؟؟؟؟؟
اذا كان كدا فيه كلام تانى:eek2:
ننتظر ردك

دمتم بخير
اوتار

يلا نبدا علشان ما اتعب قلوبكم

رحت الصالون اللي قالت عنه الفلبينيه وكل اللي يشتغلون هناك فلبينيات اول شي تشوف شعري وسالتني اذا كنت حطيت عليه تمليس او صبغه وكم المده وانا ما كنت صابغه شعري صار لي سنين والتمليس ما قد جربته في حياتي قالت لي بيضبط معاج التمليس علشان انتي مو مسويه تمليس من قبل ولا صابغته صارلج مده وبدت معاي التمليس ما لهم تمليس من الفلبين وهو عباره عن ماده مثل الماي قسمت شعري وقامت تصب عليه هاذي الماده وتحط عليه بلسم والجزء الثاني بعد نفس الشي لما خلصت شعري كامل ودتني عند المغسله وقامت تغسل جزء جزء وتحط عليه ماده ثانيه ولما خلصت حطت عليه صبغه من نفس الشركه مال التمليس قالت هذي الصبغه مو عاديه هذي علشان تعطي لمعه للشعر ويبين انه صحي لان معضم مواد التمليس تخلي الشعر باهت وبعد ما حطت الصبغه حطت على شعري جهاز فيه مثل اليتات الحمراء وقربته من شعري ويطلع حراره عاليه وخلتني عليه تقريبا نص ساعه وبعدين غسلتي شعري ونشفته با السشوار وطلع ينن بنات مثل ما قلت لكم كل واحد يتحمل المسؤليه يمكن انا شعري يتحمل ويمكن غيري لا صح ولا لا انا قلت لكم علشان ابري ذمتي علشان محد يلومني عقب انا تجربتي الحمد لله نجحت وحبيت اخبركم عليها وبعدين التمليس محد يفكر فيه الا اللي شعره مطلع عينه مثل حالاتي

وان شاء الله اكون فدتكم يا خواتي ونسيت اقولكم انه شعري ما طاح منه ولا شعره والله انا علشان جيه مخترشه وايد والتمليس يقعد في شعرج ستة شهور هذا على كلامها واي استفسار انا حاضره.

الله يعطيكى العافيه اختى فتووون
بس ماقلتي لنا قصدك فرد الشعر ؟؟؟؟

اي حبيبتي التمليس يعني فرد الشعر

ممكن الغاليه تقولينا اسم الصالون ؟؟؟

وبكم سويتيه ؟!! :o

الله يسلمج اسم الصالون سندره في مدينة زايد في ابوظبي وانا سويت التمليس 200 وللعلم شعري قصير.

زين شنو اسم هالتمليس

اسمه سالوفين

تسلمين الغاليه تسلمين وما تقصرين الغالية:smile:

اختي بعد ما تغسلين الشعر لازم تسوين استشور ولا عادي ما يحتاج لان معظم انواع التمليس لازم تستشورين الشعر بعد ما تغسلينه:smile::smile:

مشكورة اختي فتووون افدتينا وانشاءالله بندور عليه في المحلات

الأخت العزيزة فتوووووووووون
تسلمين يا الغالية :
:clap::clap::clap::clap::clap::clap:clap::clap:

زين زين طريقة جديدة

انا لو بسويها بس المشكلة شعري ما يتحمل هاي المواد

انا اذا بسوي شي حدي بس الريلاكس او حمام الزيت لانه يناسب شعري

و التمليس حق الشعر الخفيف مب زين لاني انا مرة وحدة سويت تمليس بس :confused: بس :confused: بس حرق شعري و خربه و تقربيا اخذ له ثلاث سنوات لين ما رد من اول و صار زين و الله لين الحين متندمه اني سويت تمليس و مرة سرت الصالون و قالت لي راعية الصالون ان شعري محتاج ريلاكس عسب يريح شعري شوي و يخليه احسن انا كنت متخوفه من التجربة بس اسمي وناسة يوم شفت شعري صاير حلو مرتب..

كان خباااااااال شعري الكل تم يمدحني و يقول لي الحمدلله اعتدل شعرج..

تصدقون كنت استحي افج شيلتي جدام حد في الفترة اللي اخترب فيها شعري..

خليني اخبركم عن شعري بعد ما غسلته علشان ما اشل ذنب احد سمعوا يا خواتي الغاليات غسلت شعري وحطيت عليه حمام زيت مثل ما قالت لي راعية الصالون وخليته ينشف بروحه وصراحه نفش شوي بس يعني مو مثل اول ابد وشكله مرتب وسويت سشوار اي كلام يعني ما قسمت شعري وسشورت خصله خصله مثل قبل ولا حرقته با السشوار علشان يطلع مرتب بس مررت السشوار عليه ما اخذ مني حتى عشر دقايق وطلع روووووووووعه والله بنات انا وايد مستانسه منه بس نصيحه انكم ما تشتروه وتسونه في البيت لانه وايد صعب وياخذ وقت يعني يباله حد يعرف هو شو قاعد يسوي مو تعال وحط وخلاص ونصيحه ثانيه ان اللي شعرها مو متعبنها وايد ما يحتاج اتسويله هذا التمليس يعني اللي شعرها قفه مثل حالاتي ممكن تسويه والله انا مرتاحه انه لا رطوبه ولا شي يخرب شعري الحين وينقزه مثل قبل يعني ما يهزك ريح يامركب هوانا ومشكورررررررررين على الردود وان شاء الله اكون فدت الجميع واي استفسار انا في الخدمه.

حبيبتي فتوووووون
أنا اتصلت بالصالون الي قلتي عليها وقالتلي فيه سالوفين وفي طريقة تانية اسمها ريباندينج وسألتها شو الفرقة قالت ان الاول بس يستغرق ساعتين وسعره زي ما قلتلي بس عبارة عن كريم وياخذ وقت يعني ممكن من 6 الى 8 ساعات ويكلف حوالي 1000 درهم
شو رايك وأريد أعرف شو الفرق من حيث نعومة الشعر ومظهره؟؟

والله حياتي انا ما اعرف عن التمليس الثاني ابد ولا هي قالت لي عنه انا رحت بتوصيه من ها الفلبينيه اللي تشتغل عندنا ولما وصلت كانت هي مخبرتها عني يعني ما عطتني خيارات على طول بدت لي في التمليس اللي قلت لكم عنه وان شاء الله اكون فدتج عزيزتي.