Ooسـفـرة الـعـجـمOo

مبروك عالخطوبة مقدمم :smile: .. انا اول مرة اسمع عن سفرة العجم ..انشالله الخوات يفيدونك ..

اناشفته في شريط لحفل عقد قران

اعتقد يحطون فواكة
منظرة
شمع
حلويات مشكلة
واعتقد مزهرية فيها ورود
انواع من الخبز المصنوعة في البيت
واعتقد عسل
لانه المعرس ياكل عسل للعروس والعروس تاكل العسل للمعرس

هذا اللي اذكره

السلام عليكم ورحمة الله وبركاته
مثل ما قالت الاخت fiower77
,وفيها حلويات مغلفه بطريقه حلوه
وفيها حناء لتوزيع مغلف ايضا
الفواكه تكون من الانواع النادره
بيض املون
وحركات وايد
اهم شئ تكون الاعراض مغلفه باشكال حلوه
السفره تنحط على الارض وتكون عباره عن محموعه من السلال وفيها الاشياء اليى قلتها من قبل(اذا كان عقد قرآن ) تكون مع السفره قرأن وكلها تكون موضوعه بطريقه حلوه ومرتبه


ان شاء الله بحط لكم مجموعه من الصور لسفره العجم

تحياتى لكم

ام النور

بنات اشكر ردودكم الطيبة

وما قصرتوا ولا تأخرتوا عليا .. عساني ما انحرم منكم ولا من تعاونكم الطيب

عزيزتي ام النور اتمنى القى عندك الصور .. عن جد محتاجة اشوف صور

وانا بكرة راح ازور وحدة تقول ان اجارها بـ 40 دينار
ووحدة تحضر سفرات لمستوى عالي بتأجرها 60 دينار

ولا ندري شو السالفة ؟؟!! مع انه اغراضها ممكن الواحد يسويها بالبيت .. بس عروستنا حابة كل شيئ جاهز.

وسمعت فيها ماء ورد رش .. وفيها اكياس ملح عن الحسد .. وفيها قفص صغير عصافير وحوض سمك بيه سمكة وحدة .. والشمعدان ولشموع ويعني شغلات حلوة.

شتقولون يا بنات

بالذات اهل البحرين

وينكم..

الشيخة

تم نقل الموضوع الى ركن استفسارات العروس
المكان المخصص له

عزيزتي الغالية
اول شي الف الف اف مبروك الخطوبة
وعقبال الفرحة الكبيرة يارب
انا ما عندي فكرة عن السفرة العجم
بس ان شاء الله البنات يفيدوكي

تحياتي

مرحبا الغالية...

انا عندي صور في الكمبيوتر للسفرة بس مو عارفه كيف أحطها ...
بحاول ..:smile:

شوفي ردي يا الشيخه

على هذا الرابط

http://www.3roos.com/forums/showthread.php?s=&postid=589167#post589167

خواتي العزيزات اشكر مروركم وتفضلكم بالمشاركة

وحبيت منكم انزال بعض الصور عندي بموضوعي هذا .. وحابة افكار جديدة.

ونداء لأهل البحرين حابة منكم تعاون .. اتمنى:smile:

وخصوصاً الناس إلي تأجر والافكار إذا تعرفون خبروني.:up:

تحياتي للجميع

اختكم الشبخة

اختي KiM مشكورة على التعليق

ولكنني حين قرأت بعض الاشياء ولم افهمها .. ربما كانت الصور توضح لي اكثر.. ومع الاسف الصور لم تظهر ولم اشاهدها :down: :down: :down:

للاسف

اشكر تعاونكٍ :smile:

اختك
الشيخة

السلام عليكم ورحمة الله وبركاته

الشيخة راح اقول لك عن طريقة سفرة العجم

راح تجلس العروس على طرف السفرة اللي يكون اقصر من الطرف الثاني وجنبها زوجها ..

بس قبل لا يدخل الغرفة .. راح تكون مغطية ب""المشمر الاخضر"" مال الزواجات .. والطرف الثاني حاطته على المراية ... والمراية تكون طويلة ومجابلتها ... وبينه اوبين المراية القرآن الكريم يكون جدامها والزوج راح يرفع الغطاء اللي عليها ويبوس راسها ..


بعدين لازم تشترون نوع اسمه "القند" واهوه سكر ايراني عمود كبيير ويكونون اثنين .. يوضع غطاء اخضر علىا لمعرسين وتقوم واحده من اهل العروس وواحده من اهل المعرس بدق هذا العمودان فوق راسي المعرسين لنثر السكر وذلك لابعاد الحسد ...


ومن ثم يطعم العريس العروس العس لوذلك باصبعه الاصغر "الخنصر" وكذلك العروس ...


أما عن طريقة سفرة العجم فيو عليها مالذ وطاب من الحلويات المنوعة والملونة والفواكه والاكثار من الشموع الجميلة والشمعدانات ...

والماء ورد ..

والبخور ...

و الحلويات تلف بطرق جميلة وتحتوي حلويات للاطفال بها هدايا و حلويات للكبار ....

توزع في نهاية الحفل ....

ولا تنسي العصير ..

ومن خلف العروس والمعرس يجب وضع خلفية خضراء من قماش اخضر للاعراس ..

اتمنى اكون افدتج

في أمان الله
:shy:

هلا اختي الشيخة...

اذا كنتي تسألي عن سفر اني اعرف وحده اتسوي واتاجر الا سوت لي في سفرت بس شغلها روعة ....
وفي وحده ثانية بس اتاجر بدون ما تسوي ليش

اذا تبي رقمهم قولي لي وان شاء الله ادزه ليش....


سلام :z_bye:

اشكر كل البنات الي انضموا الينا

وهلا ببنات البحرين .. كنت انطركم محد اعلم فيكم عن هذه السفرة .. واكرر انه الصور مهمة جداً خصوصاً ان الغير لم يراها .. وانا حصلت على بعض الصور من منتدى .. وسأحوال ارفاقة قريباً ..

للبنات الي ودهم يشوفون .. مع ان الصور الي املكها ليست واضحة تماماً

على العموم قليلو ولا عدموا

تحياتي

:smile: الشيخة

وعليكم السلام ورحمة الله وبركاته


هذه صور حصلتها ف موضوع جديم..













ممكن تاخذين افكار منها..


* * * * *

وفيها اكياس ملح عن الحسد

لنثر السكر وذلك لابعاد الحسد ...

خواتي بارك الله فيكن.. احذروا.. ترى هذه بدعة... تؤدي الى الشرك والعياذ بالله.. طرق الوقاية من الحسد معروفة.. والواحد يحصن نفسه بقراءة القران والادعية الشرعية..



* * ألف مبروك الخطوبة.. عسى أيامكم كلها أفراح


مع تقديري واحترامي

العنيــــــدة™

بسمه تعالى

مشكورة اختي العنيــــــدة™ على المشاركة الطيبة

لكن للأسف كنت حابة السفرة إلي باللون الاخضر .. زهوتها إسلامية بحته.

اتمنى الاقي عندكم صور منها.

وشكر كل الخوات على التعاون الطيب في هذا الموضوع

بس همتكـــــــــــــــــــــــــــم .. ترى ما باقي علينا شيئ

:s2

الشيخة :smile:

البنات ما شاء الله عليهن ما قصروا

الله يعطيكم الف عافيه
مادري ليه مااتطلع الصور

الله يعطيكم الف عافيه
مادري ليه مااتطلع الصور انا محتاجتهم

انا الحين اشتغل على سفره وحده من قرايبنا بس للحين ماجهزت لان فيها تفصيل خشب و غيره لاني ماحب الطريقه التقليديه اللي تجي السفره قماش و عالارض
مادري اذا اهي تبي تأجرها بعد ملكتها بس اذا حابه اسالك اياها مافي مشكله