كيف تتصرفين لو..........؟

اول شي بقول لهم بطريقه غير مباشره اني انا ما احب هذا الشي ...يعني مثلا مابين انا جالسه معاهم بطرح عليهم موضوع عن الاشياء الى نكرها او نحبها ...و بهذي الطريقه بذكر لهم اني انا ما احب ان احد يتعبذ باغراضي من جدامي او من وراي ... و اكيد هم بيفهمون كلامي و يستحون على وجيهم و بيبطلون هذي الحركات..

لكن اذا وجهم لوح و ما همهم كلامي ...بتطر ان يوم اشوف احد منهم يفتش باغراضي اني اقول لهم اني ما احب هذا الشي ...:mad:

و اذا ما نفع معاهم الكلام ما في غير اني اكون اكثر حرصا على اغراضي و بقفل باب الغرفه من بعدي ...و بقفل الادراج ...و ما بستقبل احد بالغرفه ما راح اعطيهم فرصه ان يفتحون اغراضي :eek:


:)

بجيبلهم الموضوع على شكل مزحه...او حتى ابين لهم اني تضايقت...عاد اذا وجهم لوح بسكر غرفتي بالمفتاح.....

انا مع البنات في كلامهم

واحمد الله اني في بلد

بعيدة عن اهل زوجي واهلي :D

انا من ناحيتي ما احب المشاكل



والصراحة بخليهم على راحتهم


واعتبرهم مثل خواتي




واذا عندي شي يخصني وما احب احد ان يشوفه بخشه




واخليهم يدخلون الغرفة وينسون فيها مثل ما يبغون




وما اقدر اتحكم فيهم اكثر من جذي



واذا مصخوها



بقولهم باسلوب حلو ان انا ما احب احد يدخل غرفتي في غيابي




والاحسن اني اقفل الغرفة متى ما اطلع منها

انا صراحه عكس لورا انا عصبيه جدا
طبعا يعتمد على اعمارهم اذا اهم بنات في 9 او 10 سنوات راح اكلمهم بهدوء واعلمهم ان هذا الشى غلط

اما لو كبار .... اخخخخخخ يا ويلهم ويا سواد ليلهم راح القنهم درس عمرهم ما ينسونه
ادخل غرفهم والعب فيها وحده بوحده والبادي اظلم


اه ودي اذبحهم

باعاملهم بنفس الطريقه اللي يعاملوني فيها

يعني مثل ما هم يدخلون الغرفه و يتعبثون باغراضي

انا باسوي نفس الشي

و اكيد هالشي ما بيعيبهم ..و اذ شفتهم مصخوها و ما استحوا باقفل الغرفه

جزاكم الله خير على هذه الردود الطيبة...

يالله نبدأ الجزء الثاني...
كيف تتصرفين لو عرفتِ أن عمتك (والدة زوجكِ) لا تحبك ودائما تسعى الى ايذائك وتسبب لك مشاكل دون سبب يذكر..فكيف تتصرفين معها..؟

انا صراحه احط لها سم في الاكل ......... وافتك منها و استريح
اقولج الحقيقه ..... صراحه ما اعطيها وجه وهي بعدين راح تتعب ما احسسها اني مهتمه من كلامها

شي اكيد و ماكد ان الحماه تحب كنتها


من المستحيلات هذا الشي و نادر وجوده



و اهم شي و الي راح احرص عليه ان احاول بكل جدي ان زوجي ما يتاثر باي شي تقوله امه عني ...و احاول افهمه ان هذا الشي طبيعي و ان هي الغلطانه لكن ما اطلع نفسي بريئه بالمره و لا احاول اني احرضه ...لان اذا حرضته هو بحس اني انا افتري على امه ....و اكيد هو بينحاز الى امه في هذي الحاله




احاول اني ما ارد عليها ابدا .....و اني اعاملها بالطيب جدام الكل ....لان اذا عاملتها بالطيب مستحيل احد يصدق اني اسوي اي شي من الى عمتي تقوله عني



و الشي الثاني راح احاول على قد امكاني اني اقنع زوجي بان نسكن بروحنا ....



:)

والدة الزوج في حسبة الام وكيف كنتي بتتعاملي مع امك... لو عرفت ان ام زوجى ما تحبنى... بتوددلها اكثر.. يعني بهاديها دايما والهدايا تفتح القلوب وتحبب الناس ببعض ومن ثم دائما بشوارها في اشياء وايد وبشاركها في كل شي عشان تحس انها هي مهمه عندي اني مثل بنتها وبعدين دوم بصبح عليها الصبح حتي قبل ما اروح على الشغل وبحبها على راسها وهذا بكبرنى عندها.. اذا هذا ما فاد... معناته استقل في بيت منفرد وبعدين بتكون شوفتي لها فقط في مناسبات واوقات قليلة...

باحاول اتقرب منها قد ما اقدر

يعني احاول ايلس معاها و اتكلم معاها..اطبخلها اكل تحبه

اشتريلها هدايا..اقول لها كلام حلو..اساعدها اذا احتاجت مساعده
يعني احسسها اني احبها مثل امي..و بهالطريقه و شويه شويه ...

بتتغير معاملتها لي,,و اكيد بتحس بالذنب و يتعاملني عدل

و اكيد اذا انا عاملت ام زوجي عدل ...زوجي بيحبني اكثر..و لا انتو شو رايكم

هذا الكلام انشاء الله باطبقه على نفسي مستقبلا يوم باتزوج بس انتو ادعولي

بصراحه...انا بحاول معاها.....
باشتريلها هدايا...اتصل فيها اتطمن عليها..اجاملها و اكون لبقة معاها....احسسها بأهميتها...استشيرها و اشاركها في بعض الأمور....
المهم اذا ما فاد....

بيكون هالشي لصالحي...
لأن زوجي بيحط في باله ليش امي تتصرف بهالطريقة مع زوجتي رغم انها طيبة معاها؟؟؟؟فالنتيجه اني بكبر في عينه....

و النتيجه بعد ان الأم...بتستحي من المعامله الطيبة....

بس قبل كل هذا .....بتكون علاقتي فيها حذره شوي...و سطحية نوعا ما....
والباب اللي يجي منه الريح...سده و استريح