ريلي خرب شعري وندمانة ........

اختي مب زين تصبغين شعرج مرتين ورا بعض هذا يخرب شعرج
انتظري شوي وبعدين
المشكلة لون اسود صعبة تصبغين فوقه صبغة ثانية
انصحج تسألين كم صالون وبعدين اتخذي القرار:shy:

السموحة انا من بوظبي ماقدر أفيدج ..

وانا ما جربت سحب اللون بس سمعت انه يضر الشعر ويجعده ..

لون شعرج كان حلو صراحة مادري ليش ريلج طلب هالطلب الغريب ..!!

عالعموم حاولي تصبرين عليه فترة لأنج توج صابغة ..

ويمكن ينسحب اللون ولا يروح وما تضطرين تسوين سحب ..

وفيه شي يفتح لون الشعر اسمه sun in يبيعونه في الجمعيات ..

بس مادري بيفيدج ولا لا .. لانج صابغة أسود ..

:smile:

أشكركم على الرد..........بس والله اني ندمانه اشد الندم وكنت محافظة على لون شعري وكل مرة اهتم فيه والكل يمدحه

بس الحين خرابة............وخايفة اسوي سحب لون

الرياييل ما يعجبهم العجب و لا الصيام في رجب خلي شعر مثل ما هو لا تسوين سحب أخاف يضر شعرك زياده هذا راي

وانتي الصاجة الرياييل وايد شايفين حالهم يتحرون نفسهم بيزوجون ولازم يتحكمون حتى بأتفه الاشياء وانا ريلي اعوذ بالله منه

بس المشكلة اذا ماسويت الي يباه يضايق مني ومايحب يكلمني

بس الله يعين الجميع

السلام عليكم ورحمة الله وبركاته

اختي يمكن ما اعجبه اللون لان اللون الاسود بداية صبغه يكون غامج وكرية ...

بس مع الايام يفتح ويصير احلى انا جفته على وحده من صديقاتي وكانت جذي ... حتى كنت اقول لها بداية الايام صابغه شعرج باليس جواتي؟؟!!
:D2

بس وللعلم الصبغة السودة حرام ... :smile:

انطري مده بعدين صبغي شعرج ترى سحب اللون بيعدم شعرج وبيكسرررررررررررررررررررررره ....

في أمان الله
:shy:

ثانكس دمع الليل فديت روحج انا

من فترة كنت ناوية اصبغ شعري اسود لانه كثير حابة اللون الاسود و خصوصا اللي فيه لمعة لكن اكثر من صالون ما نصحوني فيه لعدة اسباب لاني حنطية و راح يغمقني بزيادة ( طبعا مش ناقصني ) و ثانيا بعد كل حمام او غسيل شعر راح ينزل اللون و ثالثا صعب انه اغير اللون مرة ثانية الا اذا عملت سحب للون و هذا بيضر الشعر كثير و خصوصا انت لسه صابغة شعرك جديد كان المفروض اللي صبغت لك شعرك تنبهك لهذه المعلومة ، على كل حال انا بنصحك انك تستني شوي على شعرك قبل ما تغيري اللون ....بإمكانك تعملي خصل على شعرك خصل خمري او خصل فاتحة بصير كثير حلو بس استشيري صديقاتك و معارفك يمكن ينصحونك شو اللون اللي بيلبقلك اكثر
و لا تزعلي ولا يهمك ..و ان شاء الله تلاقي حل على القريب

ثااااااااااانكس jude
تسلمين على مرورج ومشاركتج معانا


:smile:

السلام عليكم ورحمة الله اختى خرزة ديرى بالج تسوين سحب لون راح يتساقط شعرج بشكل رهيب بعيد الشر سوى الطريقة اللى راح اقولج عليها استخدمى يوميا زيوت على شعرج وغسلى شعرج بشامبو عشان الزيت والشامبو يسحبون الصبغة شوى شوى من شعرج وبالمرة تغذين شعرج بالزيت وكل 20 يوم تحطين صبغة كولستون العصار لون اشقر غامق على شعرج وبعد فترة راج تلاحظين ان اللون الاسود راح وصار لون شعرج بنى فاتح روحى وصبغية مرة ثانية اللون اللى تبين وانا انصحج مرة ثانية لا تفكلرين تسوين سحب لون والراى لج فالاخير:smile:

لا والف لا لاتسحبي للون اختي
والله بيعدم الشعر ويخليه متقصف
انصحك خصليه بللون يفتح اللون الاسود عند كوافيره ويكون اللون لايق عليك
صبغة سن ان الي قالت عليه الاخت انا جربتها ونفعت معاي لاني شعري اساسا مو اسود وفتحت لونه
اما صديقتي جربتها ومانفعت معاها ماكانها حاطه شي لان لون شعرها غامق
ارجو اني افدتك
نصيحة لاتخربي شعرك ارضي زوجك صح بس لاتلعبي بشعرك مصيره يقتنع

السلام عليكم ورحمة الله و بركاته
يا اختي كلام الأخوات صحيح سحب اللون من الشعر يعني مصيبة .. فلا تقدمين على هذا الأمر

ثانيا نصيحة اتركي الأمر بها الطريقة و اللون من حاله راح يبدأ يخف شوي شوي

بعدين استغليها فرصة لتقوية شعرك بالزيوت و الحناء
يعني انا شعري كان أسود بس باهت و رحت بعد صبغته أسود :o

بعدين ما عجبني
فقمت ادهن فيه كل يوم او كل يومين و لما اغسله بدأ يخف اللون شوي و بعدها كل شهر في وقت لادورة احط خلطة مع الحناء و اقعد من اربع لست ساعات فيه و بعد ثلاث شهور
شعري طول ولونه حلو و الحمد لله على فضله و احسانه لا تقصف ولا غيره
الحناء فادت شعري وايد

و قلت عسى ان تكرهوا شيئا و هو خيرا لكم
انا كرهت الصبغة بس و الله خلتني اهتم بكشتي و ارعيها و الحد لله رب العالمين


نصيحة أخيرة أكثيري من قول : اللهم جملني في عيني زوجي ..و أعفه بي عن حرامك واجعلني قرة عين له.

و صدقيني راح يحبج بأي شكل انتِ فيه..

الله يجمع بينكم على طاعته و يرزقكم السعادة في الدنيا و الأخرة

قولي آمين:up:

كلام الخوات وايد مهم وانشاءالله بيقتنع زوجك باللون الجديد

بصرااااااااااااحة اول شي استانست منه اهتمامكم ونصيحتكم الغالية

ثانيا حبيت اشكركم من كل قلبي على ردودكم الطيبة

وانشاء الله ببدأ اشتغل فشعري وادهنه قد مااقدر عشان يزول اللون


بس ودي اسال الصبغة السودا للشعر هي نفس الصبغات الباقية اذا نصبغ اتزول عقب من الشعر والا لااااااااااا

يعني خاطري اعرف الصبغة السودا تثبت عالشعر للابد والا تزول مع السباحة والشامبو



ابي اعرف

السلام عليكم ورحمة الله وبركاته

اختي لا تسوين سحب لون او اي شيء ..

عليج بدهن شعرج يوميا بزيت هندي "اي نوع .دابر.تاتا.نارجيل "المهم يكون هندي ..

وتحطين من فالليل لين الصبح ..واغسلي بشامبو شامبو هيد اند شولدرز وهكذا ..

ولا تنسين حمام زيت وااايد مفيد " لان اللون الاسود يخشن الشعر "..








ملاحظـــــة :::::::
وانتبهي بارك الله فيج ..ان الصبغ باللون الاسود ما يجوز وحرام ..

لأن النبي صلى الله عليه وسلم قال ‏:‏ ‏(‏ غيروا هذا الشيب وجنبوه السواد ‏)‏ ‏.‏
فالنهى أن يغير بالسواد بقول ‏:‏ ‏(‏ جنبوه السواد ‏)‏ ‏.‏
فالواجب على المؤمن أن يتجنب صبغة بالسواد
لما فيه من النهي عنه والوعيد على فعله ولأن الذي يصبغه بالسواد كأنما يعارض سنة الله عز وجل في خلقه

السلام عليكم ورحمة الله وبركاته
أختي خرزة زرقة :up:
.. ابقدم لك نصيحه من بعد ما صبغتي اللون الاسود صعب انك تصبغين شعرك على طول يعني بالتدريج وعندي لك الحل وهذي الطريقه مجربه بس ادعولي قريبتي صبغت اللون الاسود وتحسفت المهم قدرت ترجع للونه وصار شعرها بني
لكم الطريقه وهي سهله ..تحطين ملعقتين بابونج بكوب ماء واذا بغيتي تزيدي الكميه المهم تخلينه يغلى على النار وبعد ما يبرد حطي عليه علبة بايروكسيد وهي مثبت اللون وبعدها حطيه في البخاخ ورشيه على شعرك وخليه فتره طويله تركته يوم على شعرها وعادي لتعرض للشمس
وان شاءالله قدرت افيدكم

ثانكس على النصيحة وصج انه حرام بس شو اللي خلاني اصبغ والله كاهه نفسي

بس توووووووووووووبه اصبغ اسود

الاخوات ما قصروا ما عندي زيادة بس اتمنى انج تسمعين كلامهم ولا اي صالون راح ينفعج اذا اخترب شعرج بعدين
بتندمين على الي صار ومع الايام بيكون شعرج تمام واللون بيتغير وبيصير زين
نصيحة تاج المرأة شعرها لا تكسرين هالتاج وتخليه بدل ما هو ناعم وجميل يكون مجعد ومنكوش :D2:D2

تحياتي لك

اخخخخخخخخخخ يااختي
ييتي على العوق
انا بقولج قصتي مع الشعر الاسود وانتي احكمي
ايامها الله يسلمج كان مسلسل الحج متولي وكنت معجبة بلون شعر سمية الخشاب الاسود الفاحم وانا اصلا شعري لونه الطبيعي شوي فاتح
المهم رحت وصبغته اسود والصالون ماقالولي ان الاسود لون مايروج الا اذا طول الشعر وقصيتيه
المهم طلع اللون لاباس فيه وعيبني بس بعد 6 شهور كان عرس اخوي رحت الصالون فانصدمت يوم قالولي ان الاسود هو الوحيد الي يشكل طبقة على الشعرة واراح يطلع اللون اليديد الا بعد سحب الاول
المهم انا وايد كنت ملانة من اللون وكنت ابا اغيره.. بس الله لايراويج شو سحب اللون!!! تميت في الصالون من 10 الصبح حتى 5 العصر !! حطت ساحب الللون على راسي على 5 مراحل وكل مرحلة خذت جزء من الراس ( ماادري شو المادة الي استخدمتها بس اعتقد نوع من الاكسجين) وفي السادسة حطت اللون البني الي اباه!! المهم انا كنت شايفة شعري من جدام اتحسبة حلو لكن اليوم الي عقبه عرس اخوي كان في دبي رحنا ((صالون منى)) عشان نسوي مكياج ونسوي شعرنا،، يوم منى شافت شعري قالت لي انتي ان شاالله بدك تحضري العرس هيك؟؟ قلت ليش شو فيه؟؟ يوم راتني بالمنظرة الا كل جزء من راسي بدرجة لون !!!!
فالمهم بغيت اصيح فقالت لي ولا يهمك راح نصلحة يابت مادة طبيعية مثل الزيت بس ريحته مب حلوة شوي وحطتها على الشعر فخفف اللون وايد واطراف الشعر صارت بيضا حتى بنات اخوي تموا يضحكون ويقولون امريكية،، تبهدل شعري والله احترق بس هذا كان الحل الوحيد وبعدين صبغت لي عليه لون كاكاوي غامج،، وتمكيجت ورحت العرس،، بس بعدها الله لايراويج شو صار بشعري وقف نموه قام مايطول وتقطع بس قصيته وسنتين الحين وانا ادهنه بزيت جوز الهند والثوم بس تخيلي لو ماكنت خربته قصيته ش طوله كان بيكون اليوم؟؟
اسفة حبيبتي طولت عليج بس هذا عشان تعرفين شو يسوي اللون الاسود انا دوم اصبغ كل الالوان يطلع حلو ومايخرب الشعر مع العناية الا الاسود وسحب اللون!!! لااااااااااااااااااا والف لا :down: يعني اذا بتسحبين اللون لازم تكونين عارفة امن شعرج بيخترب ولازم ينقص
الله يعينج وخبرينا شو يصير معاج