ابغي اشتري ساعه

هلا اختي

في وايد ماركات او الكل عندهم ساعات فضيه و ذهبيه

تقدرين تروحين مجوهرات الفران و تشوفين التشكيله الي عندهم

او احمد صديقي و عندهم ماركات ثانيه

روحي الستي سنتر و المحلين موجودين مقابل بعض


و اذا كنت في بوظبي عندهم .. الفردان المسعود و المناره و محمد رسول خوري


هذيل وكلاء كل الماركات في بلادنا

عزيزتي الغالية
اول شي الف مبروك
وعقبال الجميع
بالنسبة للساعات الذهبية
في الموضوع التالي تلقي يعض منها
وهي ماركات معروفة ومشهورة

كل ما تحتاجينة من ذهب

تحياتي

انا اشتريت ساعة لعرسي من مجوهرات المنارة شارع المكتوم

مشكوره حبيبتي على ردج..

و انشالله بمر السيتي و بشوف هالمحلين...

مشكوره مره ثانيه

السلام عليكم ورحمة الله وبركاته

مشكوره الغالية...

شفت الساعات و عيبوني...بس ماركاتهم مب واضحة...عموما مشكوره الغاليه و ما قصرتي

ممكن تخبريني شو ماركة الساعه اللي خذيتها و بكم ؟؟

مب عارفه شو اخذ ...محتاره

شوبارد وكانت ب 11 بس


هم سولنا خصم خاص لأنا نعرفهم

عزيزتي مبارك مقدما ( بارك الله لكِ وبارك عليك وجمع بينكما في خير )
منذ أيام قليلة اشتريت هدية ساعة ذهبية رائعة جدا وفخمة وفيها ألماس وكانت بسعر خيالي
220 خفضها إلى 160 دينار ، والساعة ماركة دلما وسيرها عريض لو تشوفينها تعطينها قيمة أكثر من فخامتها .
وفقكِ الله .

مشكوره عزيزتي على ردج..

و ماشالله سعرها وايد زين..بسيرمجواهرات المناره..و بشوف الشوبارد

مشكوره الغاليه على ردج..و بشوف ماركة دلما

هلا عزيزتي ...

أولا ألف مبروك ...

شوفي ساعة إجنر اليديده وايد حلوه وراقيه

بس خذي اللي فيها ألماس من داخل وبرع

واااااايد حلوه وتي قيمتها ويا 4500 أو 5000


شوفيها في باريس غالري


وبالبركه حبيبتي:shy:

مرحبا

شوفى حبيبتى احلى من الشوبارد ما فى والموديلات متنوعة


وبعد اوميغا روعة شانيل اروع

هلا والله


عندج ماركه شانيل رووعه واول ماركه تسوي ساعه من السيراميك وروعه والصراحه تستاهل قيمتها عشرين الف وانشالله بشتريها عما قريب



يريت عاد الصوره تطلع ...طبعا اللي لونها ابيض اغرب واحلى





مادري انا من رايي تاخذين ساعه فيها الابيض والذهبي لانج بتشترينها غاليه يعني في المستقبل ماتلتزمين تكون راكبه ويا كل شي

وتلقين شوبارد انواع واشكال سيري عند محل صديقي واطالعي يمكن يعيبج شي



:smile:

واذا تبين ساعات حق استعمال


انا قبل ثلاث اشتريت ساعه ريموند ويل ومحلهم في السيتي سنتر وكانوا مسوين خصم اشتريت الساعه على 6000 والحين يووم سرت لقيت الساعه على 11000 فرق الصراحه السعر وكنت محظوظه اني اشتريتها الصراحه حلوه حق استعمال وفيها الابيض والذهبي وشكلها وايد قريب من الكونكورد وبعد ساعه شوبارد قبل سنه ونص تقريبا هي لونها وردي من داخل والجلد وردي على 15000 اشتريتها ومن داخل نجوم وهلال الماس يتحركن وخالتي سوت نفسها على صنقل ابيض ومن داخل بعد نجوم وهلال الصراحه وايد حلوه وتقدرين على حسب الطلب اييبولج اياها من بازل في سويسرا الصراحه فنانه ومميزه والحين ناويه اشتري الشانيل اللي باللون الابي

اهم شي اني عطيتج فكره

واذا تبين ساعات حق استعمال


انا قبل ثلاث اشتريت ساعه ريموند ويل ومحلهم في السيتي سنتر وكانوا مسوين خصم اشتريت الساعه على 6000 والحين يووم سرت لقيت الساعه على 11000 فرق الصراحه السعر وكنت محظوظه اني اشتريتها الصراحه حلوه حق استعمال وفيها الابيض والذهبي وشكلها وايد قريب من الكونكورد وبعد ساعه شوبارد قبل سنه ونص تقريبا هي لونها وردي من داخل والجلد وردي على 15000 اشتريتها ومن داخل نجوم وهلال الماس يتحركن وخالتي سوت نفسها على صنقل ابيض ومن داخل بعد نجوم وهلال الصراحه وايد حلوه وتقدرين على حسب الطلب اييبولج اياها من بازل في سويسرا ا وتقريبا دفعت سبعه وعشرين الف عليها الصراحه فنانه ومميزه والحين ناويه اشتري الشانيل اللي باللون الابيض ان شاء الله

اهم شي اني عطيتج فكره وساعدج

مشكوره حبيبتي وايد و ما قصرتي..

انا اتصلت في باريس غاليري..قالولي..انه توها واصله ...و فيه عندهم ذهبي و فضي..

مشكوره حبيبتي وايد وايد و يزاج الله الف خير

مشكورع حبيبتي على مشاركتج

و انشالله انا ناويه اشوف شوبارد..و شانيل

مشكوره حبيبتي وايد وايد..

و مشكوره على الصور

السوع وايد عيبوني...

و انشالله باسمع كلامج و باخذ ساعه فيها فضي و ذهبي..عشان ما اتقيد ...

الصور ماطلعت عندي حسافه