الحذر في التعامل مع الليزك والليزر

[poet font="Simplified Arabic,4,black,normal,normal" bkcolor="transparent" bkimage="backgrounds/5.gif" border="none,4,burlywood" type=0 line=200% align=center use=ex length=0 char="" num="0,black" filter=""]
السلام عليكم ورحمة الله وبركاته
مشكورة على النصائح واتمنى الكل يستفيد
وربي يعطيكِ العافية ويزيدكِ من علمه
نترقب المزيد من المشاركات
تحياتي
ام عدووووووووول
[/poet]

أختي العزيزة أم عدول..

أشكرك على ردك الطيب أختي..


في أمان الله

هلا والله

انا البس النظارات وتعبانه من العدسات والنظارات ومرات تسبب لي احباط ومشالله خالتي كانت نفسي وسوت الليزر من 6 سنوات للحين نظرها اوكي الصراحه لو مفعولها يبطل بعد كم سنه انا في خاطري اسويها عشان ارتاح شاسوي بعد تعبت من النظارات والعدسات بس المهم عندي ارتاح لو كم سنه من النظارات والعدسات

شكرا اختي على النصيحه انا ماكنت ادري ان مفعولها يكون لمده قصيره
:smile:

أختي فطيم..

أشكرج على الرد..إختي مفعول الليزك والليزر ممكن تبقى سنوات كثيرة

يعني مش مدة معينة...لكن في وقت من الأوقات راح يخف مفعولها..

ماأقصد إن المدة راح تكون بسيطة:smile:

وصراحة أنا أتمنى أعمل هالعملية لكن أريد أقتنع وأطمن أكثر...ماريد

أندم يوم من الأيام..

في أمان الله

اشكرك اختي الغالية أميرة البجع

على مشاركتك القيمة وجزاك الله كل خير

تسلم ايديك والله يعطيك العافية

تحيتي لك

السلام عليكم ورحمة الله وبركاته

هلا فيج اختي ,,

الصراحه انا بعد في خاطري اسوي العمليه بس خايفه كثير,,

عموما اختي انا طبيعي راح استخير ربي في هذا الامر,, لان العمليه مو سهله يا تنجح يا ...... :(

و ادا عملتها ان شاء الله بسوي عين وحده فقط.... و بعد فتره العين الثانيه .

انا خالي عملها من 11 سنه و ما شاء الله كل شئ تمام :)

و بالنسبه للاطباء فكلامك صحيح و هالموضوع كان محيرني كثير لين سمعت بالتلفزيون .. يقال اذا الجميع عمل العمليه فاكيد "مستوصفات العيون" و شركات "النظارات" بتكون خسائرهم كبيره!!

تحياتي

أختي alina

أشكرك أختي على ردك الطيب..

تسلمين الغالية..



أختي أم نورة

أشكرك على ردك للموضوع...ويارب نسمع الأخبار اللي إطمنا أكثر

بخصوص عملية الليزك..



في أمان الله خواتي..

السلام عليكم ورحمة الله وبركاته


اختي اميرة البجع بالنسبه لي انا سويت الليزك من سنه ونصف والحمد لله النظر ممتاز

وبعدين خلينا نتهنى بالنظر الطبيعي كم سنه وانشاء الله ربي يكتبها طول العمر

ولكي تحياتي

الغالية انا اشوف انه السالفة تستاهل تبين الصدق لاني عانيت سنين طويلة من النظارات والعدسات والله يعلم كم كنت احس بعمري قبيحة بالنظارات لدرجة انه عيني كنت احس بها بتحول من النظارات وفعلا استوي فيها حول بسيط،،، غير عن العلامات الحمرا على الانف كانت وايد تضايجني،،، واخس شي الصداع اللي يني من النظارات،،، كان لا يطاق،،،،والعدسات اخس واخسين وكل ما اشلها من عيني اشل الطبقة السطحية للعين وياها وكانت عيني وايد تعاني من هاي السالفة وتحمر وحالتها حالة،،،،

الصراحة توكلت على ربي وسويتها احينه من اربع سنوات تقريبا والحمدلله ما شاء الله اني مرتاحة لاقصى درجة ما تتصورون وإذا الله لا يقول ورد نظري بعد برد اسويها مرة ثانية ولا اني ارد للنظارات والعدسات اللي كانت مسببتلي ازمة نفسيه الصراحة،،، صدق احس عمري احلى بمليون مرة عن قبل،،، واقول في خاطري انا كيف كنت عايشة،،،، زيادة علي جيه اني سويتها عشان كانت في نيتي اتنقب لانه تخيلو الشكل وحدة متنقبة بنظارة،،، الصراحة شكلها يضحك وانا والحمدلله صليت استخارة قبلها عشان جيه الله وفقني لانه نيتي كانت النقاب إذا الله وفقني،،، والغالية العلم اتطور احينه ومب منيه والدرب الدكاترة بيجازفون بعينج،،، وانا لين احينه ما سمعت انه حد انعمى من العملية او تضرر منها إلا بالعكس،،،،كفاية انها تاخذ بس 10 دقايق،،، ونتيجتها ممتازة،،، وسمعت وايدين اللي سووها وارتاحوا ونظرهم لين احينه تمام،،، وإذا عن الدكاتره وانهم ما يسون العملية برايهم الغالية مب شرط يسوون يمكن مرتاحين بالنظارة وما عندهم خلاف ويبون يودون بيزاتهم :D2:D2:D2 انا اشوف انج تسوينها وترتاحين احسن لج بدال ها الوسواس،،،، لانه لو العملية لهاي الدرجة خطيرة جان ما احد سواها،،،، صلي استخارة إذا مترددة وهي اللي بتحدد لج وبتطمأنين عجبها،،، على فكرة بنات،،، طبيعة الناس دايما يخوفونج من العمليات إذا فكرتي تسوينها وعفانا الله دوم همهم يحبطون الواحد لو انه العملية ما يبالها شي عيل ناس يسوون عمليات جراحية في العين وتصح عينهم،،، هاي إلا ليزك وما ينخاف منها عشان جيه الواحد احسن له يستخير اول شي وعجبها اللي الله رايدنه بيستوي،،،،

أختي أم خزامى

تسلمين على الرد إختي

ويارب تتهنين بنظرج على طول..آمين :smile:



أختي أم هلول

تسلمين على ردج الغالية..



أختي أوركيد:smile:

أشكرج أختي على ردج الطيب...وبالفعل الإستخارة أهم شي...عشان

نقطع الشك باليقين....والله يهنيج بنظرج على طول يارب..


في أمان الله أخواتي

انا كمان 24 ساعه مشادات مع اهلي لانهم متخوفين منها جدا ان يكون لها اثار عكسيه بعدين خاصه انه واحده قريبتي كانت في امريكان ومانصحها الدكتور بيها بس لييييييييييييييييييييييه وانا خلاص حاتجوز وعايزه اعملها لان النظاره تخنننننننننننننننننننننننننننننننننق فاحد يشورني

السلام عليكم ورحمة الله وبركاته

أختي بياض الثلج،كتبت هذا الموضوع سابقا ولكن الان عرفت أمور أخرى

حول الليزك،بالنسبة للمضار فليس هناك مضار بإذن الله،ولكن قد يصاب البعض

ببعض التأثيرات الجانبية كأن تدمع العين فجأة مثلا،ومن هذه الأمور..بالنسبة لي

لا أزال محتارة بشأن الليزك،فصديقتي قامت بها وتشعر براحة وسعادة الآن

أسأل الله أن يهنيها بنظرها اللهم آمين،أما بالنسبة لي فأنا أتمنى أن أرى بوضوح

بدون النظارة والعدسات،ولكن لا أزال في مرحلة الحيرة بشأن الليزك..

في الوقت الحالي أختي إستخدمي العدسات،إن كانوا الأهل لا يشجعونك على الليزك،

وحتى إن كنتي ستتزوجين فالعدسات مناسبة جدا،لذلك إشتري العدسات اليومية

إن كنتي لاتريدين العناية بتنظيف العدسات السنوية،فالعدسات اليومية عملية وهي

تستخدم ليوم وايد فقط ومن بعد ذلك تُرمى،بالنسبة لي فأستخدم العدسات اليومية

بين فترة وفترة فقط،ومعتمدة على النظارة في أغلب الوقت،أما الآن إستبدلت العدسات

اليومية بالعدسات السنوية وهي عملية كذلك..

كذلك هناك أنواع أخرى كالعدسات الأسبوعية والشهرية،لم أستخدمها ولكن أعتقد بأنها مميزة..



وفقك الله أختي لما يحب ويرضى..

في أمان الله

الله يوفق اليميع

انا اعرف كل الي سووها ما اشتكوا من اي اضرار بالعكس متشقشقين من الوناسه ومفتكين من النظارات والعدسات

اشكرك اختي الغالية أميرة البجع

على مشاركتك القيمة وجزاك الله كل خير

تسلم ايديك والله يعطيك العافية

الله يعطيكم العافيه لاني ناويه اسويهاوالحمد الله شجعتوني

بسم الله الرحمن الرحيم

بنات انا صارلي 6 شهور مسويه عملية الليزك عند دكتور فعيادة فدبي بس الحمدلله النتايج كانت مذهلة وانا اعرف وحدة مسوية ليزر مب ليزك صارلها 15 سنة والحمدلله بعد ماصالرلها شي مع اني سمعت ان الليزر نتايجه مب شرات نتايج الليزك يعني الليزر يمكن يرد النظر بعد فتره...

اهم شي ان الوحده تتاكد من اللي ناويه تسوي عنده العملية حتى لو تطلبين انج اتشوفين ملفات المرضى اللي سوو عنده العملية عشان تتاكدين وهذا من حقج الواحد كم عين عنده عسب يفرط فيهن

وغير هذا الدكتور اذا كان مضمون بيقولج اذا تنفعلج العملية ولا لأ لان في بنات يستخدمون العدسات من زمان ويكون في نفس الجروح

فالعين وماتكون مرئية بس الدكتور يوم يفحص العين يقدر يعرف اذا العين متأذية من العدسات ولا لأ واذا متضرره بشكل كبير بيقولج انه

مايقدر يسويلج العملية طبعا هذا على حسب ضمير كل دكتور لانه في دكاتره يخاطرون ويسوون العميلة حتى لو كانت العين متضرره

هنية احتمال ان العملية ماتنجح.... يعني لازم تسالين عن نسبة الضرر في العين من العدسات

ونصيييييييييييييييييييييييييييييحه مهممممممممممممممممممممه

حاولو كد ماتقدرون انكم ماتستعملون العدسات وااااااااااااايد يعني استعملوها فالمناسبات بس مثل الحفلات والاعراس ولبسو النظارات

باقي الوقت حتى اول شي يسال عنه الدكتور المريضة فأول زياره لها اذا كانت تلبس عدسات ولا لأ لانه يعرف انها مضره للعين

خاصة حق الوحده اللي مايكون عندها وقت تنضف عدساتها شرات رببيعتيه الحين قالولها ماينفع تسوين عملية ليزك لانه القرنيه عندها

متضرره وايد من العدسات والحل انه يسوولها عملية زرع قرنيه وهذي عملية صعبة وايد ودقيقه..

وآخر شي ادري اني طولت عليكم

الليزك افضل من الليزر ومتطور اكثر وفي اجهزة جديده لعملية الليزك

واذا في اي استفسار انا جااااااااااهزة

والسمووووووووووووووووووووحه

جزاج الله خير على هالمعلومه

وبعد الواحد يستخير قبل مايسويها

وكم سنه اهون من حط العدسات والنظارات كل يوم على الاقل راحة نفسية

ميره البجع مرررررسي على ردك بس هما كان العدسات مش عمليه عالعموم انا ان شاء الله اعملها الاسبوع الجاي بس يابنات دعواتكم لي ان الهمليه تتم على خير لي ولاي حد حيعملها وان شاء الله لمااعملها ابشركم بككككل خير

مشكورين على النصائح
بس فعلا النظر بعد سنين يمكن اكثر من عشرين سنة يرجع يخف النظر احسه انه شيء طبيعي لان الواحد يكبر فنظره مو معقوله ايتم 6/6 صح والكل يالس ايسوي ليزك وما عليها كلام
والله اعلم