بناااااااااات قطر لاطنشوني

للاسف اختي ودي اساعدك بس اول مرة اسمع بالمحل
بعدين ما اعرف وين يبيعون هالاشياء
بس وحدة قالتلي انها كانت في مجمع لاند مارك وهي في السوق جاتها سودانية وطلعت لها بودرة للتضيق بعد ما شافت عندها بيبي صغير ب 20 ريال
صراحة المرة شرت من عندها البودرة بس يوم رجعت البيت خافت تستخدمه
ياريت لو حد ممكن يفيدك اكثر مني

مشكوره على الرد واتمنى حد يرد علي

آسفه حبوبه ...أول مره اسمع عنه منج ألحين ... لكن ممكن اتقولين لي معلومات أكثر عنه إذا ممكن علشان موعد ولادتي قرب ...

اشكرج اختي على طرح هالموضوع
واللي كنت بانزله بشكل استفسار ....

انا سمعت عن وحده كويتيه تبيع أعشاب تنظف بعد الولادة وتمنع الإمساك .. السعر تقريبا( 1000 ريال )
بس حبيت أحد يعرف عنها شي .. وممكن يفيدنا ...

ونبي أعشاب للتضييق .. الله يجزاكم خير

اختي امممممم هذا يقول اهو دكتور وخبير في الاعشاب

وله كتب في المكتبات وكل يوم اعلاناته في جريده الشرق

لاكن ماجربته لاني باقيلي ايام واولدولي جربه يقول لي كل ولادتي

استعمل الماء والملح فقط والحمدالله بس هل مره حبيت اجرب شئ

ثاني

ختي روعه

شوفي أنا بولادتي الأولى استعملت خلطه عبارة عن ( مر + زعتر + ملح )
توفوحينهم في الماء حتى تذوب المره .. وبعدين تعبينهم في ترمس
ولما تبين تغتسلين - كرمتي والسامعين - تصبين شوي من المحلول مع ماء دافي .. وهذي الوصفه زينه للجراحه جربيها ماراح تندمين ..
لأن المر للجراحة ، والزعتر والملح للتطهير ...

وعندك الملحه موجودة عند العطارين توضع في المهبل لتنظيف الرحم والجراحة الداخليه بعد هذي واااايد زينه ...

أنا اللي أبي أعرفه منكم علاج الإمساك وعلاج لتضييق المهبل بعد الولاده ..

:clap: مشكوره وانشاء الله باستخدم الوصفه

اما الامساك ماله حل غير تحاميل من الصيدليه وفي حملي هذا عطتني الدكتوره شراب للامساك بستعمله بعد الولاده

اما للتضيق ففي واحد في السوق القديم عنده اعشاب للتبخير

يقول انها زينه

السلاام عليكم...انا الصراحه عندي ولدين ولله الحمد وكل ماولد تجيني المساده وتمسدني 3 ايام صج تعطيني تحاميل عزكم الله للتضيق والتنظيف بس ولاعمري استخدمتها:) اخاف من اشكالها تروع وبعدين ترا كثره هلااشياء تسبب عقم الله يعافينا وياكم .. انا ماستعمل الا الملح ويا الماي الحار كغسول والمره .. مره بلااسبوع فقط ولاغير ذلك والحمد لله رب العالمين لااشكو من اي مشاكل ..

الملحه وايد زينه للتنظيف بعد الولاده وفي نهاية كل دورة .... والمثلوثه بعد استخدمها بعد ما تخلص الدورة بيومين وفي نص الشهر وهذي للتضييق وللتعطير ....
وبعد ما بديت استخدمهم الحمد لله انتهيت من مشكله الالتهابات والافرازات نهائيا ....