من تستطيع الرد علي بسرعه ؟؟؟؟؟؟؟

السلام عليكم ورحمة الله وبركاته

ما عليه اسمحي لي ما عندي خلفية

ومن موضوعج نستفيد


العتب

السلام عليكم ورحمة الله وبركاته


حبيبتى الف سلامه عليكى

بالنسبه لتحليل الهرمونات بيتسوى على حسب الطبيب

فيه اطباء بيحبوها بوقت معين على حسب احتياجه لكل حاله

لكن عموما لكل وقت من الشهر نسبه معينه للهرمون

يوجد نسبه معينه لكل هرمون اذا كان التحليل قبل الدوره مثلا

او اذا كان بعد الدوره

يعنى اللى الطبيب بيطلبه

لكن عموما ممكن تحليل الهرمونات يتسوى باى وقت ويقارن بالنسبه اللى

المفروض يكون عليها بها الوقت

يعنى فيه هرمون ينقاس باول الشهر

ونفس الهرمون ينقاس بنصف الشهر

على حسب حالة المريضه وشو بتتطلب

متهيالى بالنسبه لحالتك يمكن عمله باى وقت بالشهر ماتفرق وتراجع النتيجه بالنتيجه المثاليه الموجوده

اختك

حبيبه

اللي اعرفوا اختي"ام سلمه 12"

ان فحص الهرمونات خاصة "هرمون الحليب "ماله وقت محدد

لان هذه الهرمونات سواء قبل اوبعد او اثناء الدورة بنفس النسبة في الدم

فما راح ياثر الوقت في ذلك.....والله اعلم


الله يرزقك بالذرية الصالحة..

مرحبا اختي ..

ليش صبرتي كل هالمدة وما سويتي تحاليل ؟؟ :eek2:

المفروض عقب أول سنة تبدين ..

عشان اذا فيه شي لا سمح الله تلحقين تعالجينه خلال هالوقت ..

المهم اللي صار صار ..

وبخبرج شو سوت اختي ..

لأنج ما تعرفين العيب من الهرمونات ولا غير جيه ..

عشان جيه لازم تروحين المستشفى ..

وتاخذين موعد عند دكتورة أمراض النساء ..

واذا تبين عيادة خاصة يكون أحسن وأسرع ..

بس لازم تكون عيادة انتي واثقة في الدكتورة ..

عن تطلع فيج ألف عيب عشان تلهف فلوسج ..

المهم ..

اختي يوم خذت موعد قالت للدكتورة انها ما حملت ..

فقامت تسألها أسئلة الدكتورة .. عنها وعن ريلها ..

وعقب خذت عنها عينتين من الدم ..

على فكرة اختي يوم سايرة ما كان فيها الدورة ..

وعطتها موعد حق عينة دم في اليوم 21 من الدورة ..

وعطتها موعد تصوير بعد الدورة بكم يوم ..

وعطتها علبة عشان تفحص السائل حق ريلها ..

وقالتلها النتايج هاي كلها عقب شهرين ..

فأنصحج تسوين نفس الشي ..

عشان تعرفين السبب بالضبط وتعالجينه بأسرع وقت ..

والله يرزقج ان شاء الله الذرية الصالحة ..

ويرزق كل راغب آآآآآآآآآآميييييييييييييييييين .. :smile:

هلا اختي

أنا لما كنت ناوية عالحمل الدكتورة طلبت مني أراجعها ثاني يوم بالدورة عشان تسويلي تحاليل الهرمون.. بس اشمعنى ثاني يوم دورة؟؟ ما سألت:eek2:

على فكرة خذوا عنها عينة من الرحم بعد .. :smile: