إزاله الشعر بالليزر

اهلين اختي ..


لو انتي من السعوديه كان افدتش ..

بس اكيد بنات الاماارات ماايقصرو ..

تحياتي ..:smile:

السلام عليكم ورحمة الله وبركاته
:smile::smile:
عزيزتي عوشى

أنا سمعت إن إزالة الشعر بالليزر له أضرار جانبية مش الحين بعدين في المستقبل
ربنا خلق الشعر اللي في الجلد علشان يطلع وفيه حكمة إلاهية

(a) طيب شيليه بأي شئ آخر بالحلاوة مثلا
حاولي تبتعدي عن الكيماويات والليزر



:up:نصيحة أخت لأختها
ماعلى الرسول إلا البلاغ
قال رسول الله صلىالله عليه وسلم:
(لايؤمن أحدكم حتى يحب لأخيه مايحب لنفسه)
حبيت أعطيك رأيي وإنتي حرة
زهرة الآيريس

اختي عوشي

انتي نفس حالتي .. انا بعد من الامارات ومن العين بالتحديد

وحابه اعرف اكثر عن الليزر .. اضراره وكم المده اللي بتخلص فيها من الشعر للأبد

والمكان المضمون اللي يسوي الليزر بذمه وضمير ويخاف ربه

والسعر لكل جلسه ، ومثلا الويه كم جلسه يحتاج؟

يعني ياليت اي وحده ازالت شعرها بالليزر ومن الامارات تخبرنا كل التفاصيل الممله :smile:

والسمووووحه منكن

طيب افيديني يا ابتسام العمر عن الليزر فالسعودية لو تكرمتي
تحياتي:smile:

شكرا لكك البنات الي دخلوا والي ردوا على موضوعي

للأسف بعدني مصره على اني اسوي ليزر لانه الأفضل لحالتي

المهم الي تعرف لا تقصر معاي لانني محتاجه اسويه في اقرب فرصه

الليزر رووعة:up:

بياض و نعومه:smile:

وايد أماكن بدبي يسوين ليزر

مثلا عند الدكتورة سعاد اخصائية امراض جلدية-دبي-

كأول مره..أفضل تسوين عند دكتورة:up:

هلا عروس فوانيس

والله فرحت وايد على ردك حبيبتي

ممكن تكتبي لي اسم عيادتها علشان اتصل فيها،،، علشان اعرف مكانها وكيف ممكن اوصل لها

وتسلمين يا الغاليه ،، ما تعرفين كيف بتفيديني

عوشي

الموضوع:up:

هلا وغلا فيكن:shy:

انا مسويه ليزر عند مركز سزفت لايت.... الضراحه نفعني:up:
اليه كامل500 درهم لا وبعد عشر أيام يردون يسولج مجاناً:cool2:

و بعد يمدحون الدكتوره ( فاطمه مدني )...تاخذ600 أول مره و بالأستمرار عندها يعني الجلسه الثانيه تقلل من السعر.....


و الدكتور المعروف (علي النميري ) بس ما أعرف السعر السموحه أتصلو و بيخبرونكم...


و الدكتوره (سعاد لطفي )... بعد يمدحونه:smile:

ان شاء الله أني وفيت في رمستيه و السموووووحه يا عرب:cool2:

:smile::smile::smile:


مركز سوفت لايت .... الوجه كامل 500 درهم

السلام عليكم و رحمة الله و بركاته
حتى أنا فكرت أسوي ليزر لوجهي بس التكلفة مرة غالية
يعني منطقة بحدود 5 سم * 5 سم تكلف 4 آلاف ريال تقريباً و هذا لثلاثة جلسات بس !!
أنا سألت في مستشفى سليمان فقيه بس لو وحدة تعرف مكان مضمون و شغلهم ما منه مشاكل بعد الليزر زي الحروق أو التهاب المسام و سعره مناسب يا ريت تقول لنا .
على فكرة .. جربت مرة في المستشفى الألماني عند دكتورة فلبينية كانت عندهم و الكل يمدحها و يقول ممتازة و في الآخر حرقت لي جزء من الجلد بس الحمدلله ربنا ستر ما كان حرق شديد .
عشان كذا أسأل عن عنوان أحد جربتوا عنده و انبسطتوا من النتيجة .

و سلامتكم ..

تحياتي ..

هلا وغلا حبيبتي Banotat_Dubai

فديتج الغاليه ممكن تكتبين لنا اسماء العيادات للدكاتره الي ذكرتيهم لانني فعلا محتاجه اسوي ليزر

وممكن اعرف وين هم ,,,,,,, اعتقد انك من دبي وهذي العيادات في دبي بعد،، خبريني جريب حبيبتي لاني اريد ابدأ عن جريب

وتسلمين لغاليج

و الله انا اقول لوانتي من السعودية لكان افتدك بس للاسف ...

بس انا صديقتي سوت ليزر مو في الخليج راحت لبنان سوت مشان اضمن تدروا وش صار فيها... اهم سووا لها ست جلسات ....



بعد ما راحت الجلسة السادسة احترق جلدها و صار كلو محروق و فيه نقاط حمر و قام حرقها و قامت تتعالج من الحروق ... و كان خاطري اعمل لي بالليزر بس هالحين مستحيل اهم شي بشرتي ما فيني حيل اصير كلي حروق...:pain:

هلا حبيبتي

آسفه على التأخير:o


مثل ما قالت أختي بنوتة دبي

سعاد لطفي أو فاطمة مدني

عياداتهم بدبي و ممتازين جدا

بالتوفيق حبيبتي:up:

هلا عوشي بطرش لج رقم وحدة متخصصة في الليزر اختي تعاملت


وياها وهي شاطرة وايد هي اجنبية وما بتعانين من اي مشاكل من


احمرار وحرق .......الخ وتسوي بضمير وانا عطيت الرقم لبنات وايد


في المنتدى واستفادوا :smile:

أختي العزيزة عوشي. أنا من الشارجة واسوي ليزر في دبي بديت تقريبا من 5 شهور انا ابغي اعرف اذا كنتي تبغين تتعاملين مع الليزر القوي او السوفت انا عن نفسي كنت اعاني من الشعر وايد في وجهي والحمد الله بديت مع السوفت ليزر واستفدت وايد الحمدالله وجدا خفيف على البشرة الي اسيرلها في جمعية النهضة في دبي مقابل مستشفى دبي الجديد واذا بغيتي رقمها ترانا حاظرين. واسمحيلي على الاطاله.

هلا حبيبتي فوانيس

اريد اعرف اسم العيادات علشان اطلبها من البداله

وتسلمين

حبيبتي عروس دبي

تسلمين يا الغاليه وانا انتظر الرساله

عروس عروس دبي

انتظر الرساله واسم المكان

عيادة د سعاد لطفي

عيادة د فاطمة مدني

و كلهن إخصائيات أمراض جلدية