استفيدوا من نصائحي خلال الحمل والولاده ؟؟؟

1. أكثري من تناول الفواكه والخضروات في وجباتك وبينها وخلي وجباتك اتصير 5 بدل 3.
2. شبعي روحج من النوم وعلى طول أخذي قيلولة لان بعدين راح تتحسرين على النوم بس لاتصيرين كسوله .
3. اذا كنتي اتعانين من ترجيع الاكل خلي على طول معاكي في الشنطه أكياس نايلون وخليها بكل درج في كل أنحاء البيت للطوارئ .
4. أخذي لك ثياب مفتوحه من الامام عشان الرضاعه وجهزيها قبل الولاده .
5. اذا كنتي اتعانين من الارق فحلك الوحيد حمام دافئ قبل النوم والقراءة وكوب حليب دافئ كفيل ان يجلب لك النعاس.
6. في موسوعه جدا استفدت منها فيها كل الاجوبه والمعلومات اللي تبينها اسمها موسوعة للأباء والامهات من كتب الفراشة وهي مختصة بأمور الحمل حتى تربية الطفل لسن المراهقة وفي مجلة أسمها الام والطفل جدا ممتعة ومفيدة تصدر شهريا .
7. لا تخافين من الجماع مع زوجك فما يسبب أي خطر للجنين الا اذا كان في ألم شديد أو نزيف فلابد من استشارة الطبيب وفي الاشهر الاخير لابد من اتخاذ وضعيات ما تسبب الضغط على البطن .
8. جهزي ثيابك وأغراضك وأغراض البيبي ونقليها لبيت أهلك أستعداد لفترة الاربعين وخليهم يرتبون لك مكان تنامين فيه بروحك .
9. لازم اتخبرين مسوؤلك بالعمل أو الدراسه عشان يراعون لظروف حملك ويعطونك إجازه للوضع .
10. راح تتقلب حالتك النفسيه ومزاجك فلازم يتفهم زوجك واللي حولك هالشئ ويراعونك وهذا بسبب تغير هرموناتك .
11. لا ترهقين نفسك بأعمال البيت ولا تخجلين من طلب المساعده من خواتك أو اذا أحد قريب منك عنده خدامه تأخذينها ولو مره في الاسبوع تنظفلك .
12. حافظي على مواعيدك لعيادة الحوامل وخلي علاقتك حميمه مع الدكتورة والقابله وكل الموجودين وهاذي فرصه حلوه تتعرفين على سيدات حوامل وتتبادلون خبراتكم وأحاسيسكم .
13. لما تصيدك ألام في رجلك رفعيها على وساده وانتي راقده أو خليها في ماء دافئ فيه ملح واذا عانيتي من ألام الظهر لا تشيلين أشياء ثقيلة و على طول سندي ظهرك وعلى العموم التدليك ينفع واااااايد في كلا الحالتين .
14. تجنبي الامساك بأكل الخبز الاسمر والفواكه والخضروات لان الامساك ممكن يسبب لك مشكلة البواسير .
15. هاذي فرصة حلوه انك تزورين الصالون وتحصلين على مساج يريح أعصابك وجسمك .
16. خذي لك حمالات صدر قويه ومريحه وقطنية وراح يكبر صدرك ويطلع منه مادة اللباء وهاذي الماده اللي يشرب منها الطفل خلال 3 أيام بعد الولاده وعليج انج تدلكين صدرك والحلمات بزيت الزيتون وعلى طول تغسلينه بماء دافئ مبتعده عن المواد الكيماويه .
17. اذا كنتي تبين اتعرفين جنس المولود لا تسوين أشعه فوق صوتيه قبل لا تدخلين شهرك السادس لان ما راح ايعرفون قبل ما يبين عندهم عدل بس من الممكن انك تسوين في 2 و 4 عشان تتطمنين على الجنين .
18. لا تكثرين من أكل السكريات لان ممكن يظهر لك سكر الحمل وهذا خطير عليك وعلى البيبي .
19. على طول شربي ماء وسوائل عشان ما يصيدك جفاف .
20. دائما ثقفي نفسك عن أمور الاطفال وتربيتهم وكيفية العناية بهم ولا تعتمدين على امج في هالسالفه اعتمدي على روحج .
21. لا تخلين في بالك تخيلات وتوقعات حول طفلك خياليه انه بيكون طفل جميل وهادئ لان ممكن ايكون العكس وعلى العموم كل الاطفال بأول الاشهر يتعبون امهاتهم وما ينامون وكلا يصيحون .
22. في فترة الحمل تكثر الاحلام والكوابيس يعني ممكن تحلمين ان الطفل مريض او انج أجهضتين لا سمح الله يعني ما لها معنى ابدا وما لها تفسير الا انج تشعرين بالقلق وهالشئ يظهر بأحلامك .
23. ضعي ميزانيه لكل مستلزمات الطفل وأغراضه وكم تحتاين من النقود وأتصرفي ضمن الميزانيه المتفق عليها بينج وبين زوجك .
24. لازم تتفقين مع زوجك على المكان الي بتخلين فيه الطفل بعد ما تروحين الدوام أو لدراستك يعني عند امك او عند امه او الحضانه ولازم اتخبرون طبعا الطرف الثاني وتتفقون معاه .
25. اذا كان مثلا أحد من القريبين منج بيعطيج ثياب مستعمله لكن بحاله جيده لا تقولين بأخذ ثياب جديده مو محتاجتها بالعكس خذي لج ثياب جديده لكن هاذي الثياب خليها للنوم للبيت لان ممكن ايعاني طفلك من الاسهال والتقيؤ وعلى طول يبغي له تبديل فبتحتاجين لثياب واااااااايد .
26. لازم راح ايصيدك كثرة التبول وراح اتملين من كثر ما تدخلين الحمام وأنتوا بكرامه لذلك لما تبغين تطلعين من البيت تروحين أي مكان لازم اتفرغين المثانه لانج بتتفاجأين برغبتك الشديده للتبول خصوصا اذا كنتي بالسياره .
27. من اتدخلين الشهر التاسع على طول شيلي شيرة لشعر جسمك لان ممكن أتفاجأك الولاده بأي يوم بدون سابق إنذار ولا تنسين أظافرك مو تخلينهم طوال مثلي انه شمخت روحي لما جاني الطلق من الالم .
28. علمي زوجك على بعض أعمال البيت الصغيرة ولازم اتخلينه يساعدك خصوصا اذا ما كان عندك شغاله .
29. خططي لبعد الولاده لاي صالون بتروحين عشان اتسوين لك تنظيف للبشره وحمامات لجسمك واتشيلين شيره واتقصين واتصبغين شعرك ودوري لك على نادي راضي زين عشان اتسوين تمرينات لبطنك وطبعا هالشئ بعد الاربعين .
30. اتفقي مع زوجك على أسم الطفل سواء بنت او ولد وحبذا لو يكون مقبول وعند الكل وطبعا خير الاسماء ما عبد وحمد .
31. أستغلي هاذي الفرصه عشان تحصلين على الدلال والتدليع من قبل زوجك على طول خليه ايدلعك لان هاذي فرصتك الوحيده وطبعا لا تنسين دلع الوالده والوالد وخواتج وصديقاتك .
32. أعقدي صداقات مع سيدات حوامل وتعرفي عليهم من الانترنت او من جامعتك او من عائلتك .

:smile::smile::smile::smile:

مرموم ........

يا هلا بالغاليه الله يسلمك انه واااااااايد فرحانه انك تذكرتوني انتي ونورة لاني كنت قاطعتكم بس شسوي الحمل والدراسه والتعب خلوني بدون مزاج وبعدين صار ما عندي انترنت ؟؟؟
الحمد لله باقي لي بس التدريب العملي الفصل الجاي وأتخرج من الجامعه الله يعيني ؟؟لا الحمد لله ولدت في نص الاجازه ؟؟
الله يخليك ويعطيك الذريه الصالحه ...

بنت كيوت ....

ان شاء الله يرزق الجميع الذريه الصالحه ويسهل عليكم والله كريم شكرا على مرورك ....

عذراء القلب .....

خلي هالسالفه على امك وهي بتساعدك أو زوجك ؟؟؟ شكرا على مرورك

نوره ......

الحمد لله انج استفدتي ولو القليل وانه كنت بصراحه منزله الموضوع عشانج يا أم ......... مادري عاد شسمه هالحلو ؟؟؟:smile:
والحمد لله انه وصل لقلبج (u):shy:
وبصراحه هاذي أشياء أكثرها كنت أقرأها من المجلات والكتب يعني مو خرابيط من عندي :cool2:
اتصدقين اني طول فترة الحمل ما كنت أحط لي لا عطر لا كريم لا لوشن أبدا ما أطيق الروائح حتى الزيوت والصابون المعط تلوع جبذي منهم بس كنت على طول أسوي لي تدليك بزيت الزيتون وخصوصا للبطن والصدر لانهم في حالة توسع وهالشئ يمنع التشققات ؟؟؟

:D2:D2:D2:D2:D2
مستعجله شكلك على الدبه :D2 مادري كل وحده وطبيعة جسمها يعني انه ما طلعت لي إلا بالشهر الرابع وما بينت اني حامل الا لما دخلت الشهر السادس والكل كان مستغرب من دبتي الصغيره وحتى لما وصلت للشهر التاسع القابله قالت لي بتولدين شكلج ابسرعه لان بطنج صغير ومافي مكان للياهل فيه :eek2:

الله يقومج بالسلامه ونسمع عنج الاخبار الحلوه ان شاء الله والله كريم ورحيم (u)

دارك ستار .......

ليش يا أختي تفاولين على روحج تفائلي بالخير تجديه حتى احنا كنا نخاف من كل شئ بس الله هونها علينا والحمد لله ....
ما قلت لكم كل الحوامل يستخفون على أغراض البيبي ويبون من أول شهر يشرون :D2:D2:D2:D2




اذا تبون بقول لكم اشلون يجيك الطلق و شسوين ومتى اتعرفين ان موعد الولاده قرب ومتى اتروحين للمستشفى ؟؟؟؟؟؟؟

بس اذا حسيت ان في ناس اتابعني ؟؟؟؟ مو اهدر واكلم روحي :eek2: يعني أشوية تفاعل ؟؟؟؟

لان كل شئ اعرفه قلته لكم واذا في شئ زياده بضيفه لكم ....


ها أنتظر ردودكم ؟؟؟:cool2::cool2::cool2::cool2:

السلام عليكم ورحمة الله وبركاته

طبعا كملي يا أيوت...

إحنا كلنا معك...قلبا و قالبا :cool2:

:clap::clap::clap:
:clap::clap:
:clap:

كملي حبيبتي ايوت:shy:(u):up:

>>>بدت تنسى هالسوالف:pain:

مشكورين مرموم وفوانيس على التشجيع والمتابعه ..........:smile:

بس وييييييييييييييييييييييين بقية البنات ؟؟؟؟؟؟؟؟؟

:eek2::eek2::eek2::eek2::eek2::eek2::eek2::eek2:

اكاااااني اكاااااااااني

موجوده اهني

لايفوتج خليت ريلي يقرا معاي مبعد لانه كله يبي يتثقف ويعرف شنو الزين والمب زين لي

استانست وايد يوم قلتي انج كاتبة الموضوع لي قعدت افوشر على ريلي اقوله شووووف اشلون بنات المنتدى يحبوني :cool2:

مشكوووووورة يالغالية ماشالله عليج نصايحج درر :up:

بس بقولج مشكلتي هاليومين

كله لاااااايعه جبدي ودي اكل يوعااااااانه بس ماقدر لوعة الجبد ذابحتني قالو لي اللومي جربته زادت الحالة علي واللبن بعد

الحين توني قاريه في موضوع ان الخس زين

بجرب باكله

والله بموووووووت من اليوع ودي اكل بس ماقدر :confused:

يالله بانتظار باااااااقي النصايح والله يعينج على اسئلتي :D2

يا هلا بنورة ..........:smile:

زين ما تسوين خليه يثقف أشويه عشان يعرف يهتم فيج اصدقين ان زوجي من كثر ما يقرأ وياي عن الحمل والولاده صار اهو الي ينبهني هذا زين وهذا مو زين وحتى صديقه زوجته حامل يتفلسف عليه بعد ؟؟:cool2:
يسوي روحه أبو العريف يعرف كل شئ ؟؟؟:D2

أكيد احنا انحبك ونعزك بعد >>>> خليه يغار ؟؟؟خخخخ:cool2:

اذا على اللوعه فهي المشكلة الكبرى عندي ذبحتني ذبحه ؟؟؟

إذا قعدتي من الصبح وأنتي بسريرك أكلي بسكوت مالح أو سوي لج توست بالشوايه وخليه جنبك أكليه عالريج ؟؟؟

بصراحه انه اللوعه عندي وراثه لان امي وكل خالاتي جذي ؟؟؟

الله لا يبليج لا عطر لا بخور لا صابون أي شئ فيه ريحه تلوع جبذي منه ؟؟؟:eek2:

بس لا تخافين ترى بس في الشهور الاولى بس بعدين راح اتخف عنج من الشهر الرابع ؟؟
أنتي أكلي أي شئ تشتهينه وتحبينه ولا تغصبين على روحج بالاكل ؟؟؟ وتجنبي الاكل اللي فيه دسم ودهون ومايونيز والوجبات السريعه ؟؟؟
وتغلبي على الجوع بالفواااااااااااااااااااااااااااااكه والاكل الخفيف هذا الحل الوحيد ؟؟؟
الله يساعدج ويهون عليج ؟؟(u)
وحاضره لاي سؤال ؟؟؟:shy:

آيه عليج فديتج

مشكوووووورة

يالله يالله كملي احنا طامعين في نصايحج الباقيه :D2

على فكرة خذت لي موسوعة الفراشة اللي قلتي عنها بس مو الى المراهقه لا خاصة بالحمل والولادة الى 3 سنين من عمر الطفل

تهبللللللللل انصح جميع البنات فيها

وعن اللوعة ماتلوع جبدي من الروايج لا بس كله كأني بازوع وماقدر اكل شي كلش ويااااااريتني ارجع عشان ارتاح بس لووووووعة تحوم بجبدي

يالله بانتظار باقي نصايحك :up:

كملي يا ايوت كلنا معاج .. وصرنا احنا نغار من اهتمامج بنورة مب ريلها بعد.. اكيد بيفغصج :D2

:clap: هلا حبيبتي أيوته شخبارج أنه متابعه كل كلامج ونصايحج ويا ريت تتابعين لاني أبي أعرف عن الطلق والولادة بالتفصيل الممل يعني حتى لو تحسين أت هالمعلومة الي بتقولينها معروفة من الكل وعادية بعد قوليها ولا تبخلين علينا فيها....
:down: لأني البارحه رحت المستشفى لطوارىء الحمل والولادة لأني أحس بألم ومغص وأعراض تسمم وكنت خايفة فرحت وسولي تحاليل وتلفزيون وسولي تخطيط وقالو ليان فيني أعراض طلق خفيف وانا كنت أحس بوجع بالظهر زيادة شوي بس مطنشة لان توني بالشهر الثامن بدايته
ولما سولي تخطيط كان جنبي وحدة توها تطلق وقاعده تون المسكينه وأنا أصيح عليها :confused: واصيح على نفسي لأني بتعرض لهالشي بعد فترة بسيطة ولما خلصت التخطيط وطلعت بره الظاهر زاد عليها الالم وقامت تصرخ وانا بره واقفه وكان ناس بره حريم ورجال والممرضة تقول للرجال اطلعو بره واهما مطنشين كل واحد ينطر زوجته وخايف عليها وبعدين كل وحده تصرخ من صوب وأنه خلاص بمووووووووت وقمت أصيح :confused: وزوجي كان مو موجود لأن راح يجيب النتايج من المختبر وانه خلاص أتألم من ظهري واصيح والي هناك يطالعوني مستغربين ووحده منهم قالت لي أنتي أول مره تحملين قلت لها ايه قالت شلون مخلينج توقفين هني طلعي بره أحسن :pain:
وبعدين زوجي وصل وتاكدنا من التايج وكل شي تمام ورجعت البيت بس للحين قاعه أفكر في السالفه....الله يستر
أسفة اذا طولت عليكم

يا حياتي ام هشام

الله يقومك بالسلامه يا رب...

وكملي حبيبتي ايوت نحن بانتظار نصائحك

السلام عليكم ورحمة الله وبركاته

:clap::clap::clap::clap::clap:

جزاج الله ألف خير على النصايح المفيده

مشكووووووووووووووره إختي .

:clap::clap::clap::clap::clap:

:shy: عــــســــل

السلام عليكم ورحمة الله وبركاته

مسامحه يا بنات ما رديت عليكم وتأخرت لان ولدي مسكين مريض جاينه زكام ولا يفوتكم بكره راح أطهره يعني حالتي حاله وياه لا ليلي ليل ولا نهاري نهار ؟؟؟؟؟؟؟؟

:confused::confused::confused::confused::confused::confused::confused:

ايوت


مشكوره غلى النصايح حبيبتي ............

ان شاء الله بلتزم بنصايحج والله يقومني ويقوم الجميع بالسلامه

السلام عليكم ورحمة الله وبركاته

انه رجعت لكم من جديد ؟؟؟؟؟؟

سامحوني على التأخير بس شسوي بعدين بتربون وبتشوفون اشلون اليهال يتعبون ؟؟؟؟بس بعد حلوين ونموت فيهم (u)(a)

نوره .........

:smile: اشلونج ويا الحمل ؟؟؟؟ ان شاء الله بخير ؟؟؟

على فكره الموسوعه الي اخذتيها مثل مالتي بس انه مثل ما قلت لج للمراهقه واتكون امتن واكبر ؟؟؟ سعرها 11 دينار ومالتج كأن ب8 دينار ؟؟؟
صح ؟؟
تأخذين مجلة الام والطفل ترى هاذي بعد واااايد مفيده وحلوه لحد الحين انه أقرأ فيهم وأخذها أول بأول .
عن اللوعه ترى هالشئ عادي وبتتعودين عليه وللأسف انه ما في شئ نفعني بس حاولي اتغيرين مزاجك وحالتك النفسيه طلعي تمشي زوري الناس غيري جو هالشئ وااااايد راح ايساعدج ؟؟؟

أتمنى لج التوفي من كل قلبي ؟؟؟(u) وخلي البنات ايارون بعد ؟؟؟:D2

عذراء القلب ....

:smile::smile: افا عليج الحامل لازم ايدلعونها ويدللونها وهاذي نوره عروسة ركن الحمل والولاده ....

أم هشام .........

يا هلا فيج ؟؟؟؟ شخبارك ويا الحمل ؟؟؟ توه الناس عليج بعدك بالشهر الثامن صبري على عمرك اشوي ؟؟:cool2:
ترى هاذي ألالام عاديه تبدأ حتى قبل من الشهر السابع اتكون وجع في أسفل البطن والظهر وهاذي اتكون تقلصات خفيفه في عنق الرحم وايسمونها الطلق الكاذب يعني ما اتكون لها أي فعاليه في توسع عنق الرحم ولا يصاحبها أي علامات من علامات الولاده ؟؟؟

واهي اتكون مثل الالام اللي تجيك عند الدوره الشهريه ؟؟؟؟ ومثل المغص بالبطن ؟؟؟؟

بس انتي الله يهديك شلي وقفش عند الغرفه تبين اتعقدين روحج علبكير ؟؟؟ :cool2:
بس صدقيني كل ما خافت الوحده كل ما صعبت على روحها الولاده خليها على رب العالمين وخلي أيمانك بالله قوي ؟؟؟:up:

بنت كيوت .......

عسل ..........

أم اروني ........

العفو يا عزيزاتي ان شاء الله بكمل لكم الموضوع بأقرب فرصه خلكم وياي ؟؟:cool2::cool2:

بس ان شاء الله اتكونون استفدتوا صج ؟؟؟:o:shy:

غبت يا ايوت وغابت نصايحج .. الله لنا.. خلها يا محمود شوي تنفعنا :smile:

مرحباااااااا الغالية

مشكورة واايد على هذا الموضوع الرائع

بس كيف تقدر الحامل تشيل الشعر في المناطق الحساسة؟؟؟؟؟

معقول ما يكون في الم او تعب

ايووووووووت مشكوورة و يعطيك العافيه
بصراحة انت كذا:up:

نصائحك غااااايه في الروعه

كممممممملي الله يخليك احنا ننتظرك على احر من جمر
ومشكووووووووووووووره مره ثانيه






وبالنسبة لاختي الفردوس
احس ان انسب طريقة تشيل فيها الحامل شعر المنطقة الحساسه
هو الكريم المزيل ولا لا يابنات توافقوني الراي؟؟؟؟؟؟؟؟؟؟؟؟

اشكرك عزيزتي على الموضوع الرائع
وياريت تكملي معانا للاخر وتقوليلنا خلال فترة الاربعين اش سويتي واش اكلتي ومتى ربطتي بطنك بمشد او بالشماغ
واش الاشياء اللي استخدمتيها لتودي الكرش وسواد البطن
وتسلمي حبيبتي