خبيرة التجميل تقول لكم اطلبوا اللي تبونه وهي حاضرة ... للاستشارة

يعطيج العافيه اختي والله انه موضوع يه في وقته

اذا ما عليج امر ,, انا بشرتي دهنيه ويوم احط ميك اب واسير لمناسبه يغدي ويجي امدهن :eek2: ؟؟ ياريت تعطيني اسم كريم احط قبل الميك اب

مع التحيه
توته

:eek2:اشكرج اختي اشجان على هالمبادرة الحلوة

وانا بدا بسؤال

بشرتي حنطية اللون يعني لا اقدر اقول سمره ولا اقدر اقول بيضة :o

استخدم كريم اساس ماركة استي لودر وبودرة ماركة كلينك لكن احس انه لونه يميل للوردي ويغمقني كثير :confused:

واستعملت كريم اساس من بودي شوب وحسيته فاتح جدا :confused:

ما اقدر اثق بخبيرات التجميل اللي يكونون فلي محلات التجميل لانهم في الدرجة الاولى يبون يبيعون بضاعتهم بغض النظر اذا كان هاالشي مناسبني والا لا :eek2:

من فضلج ساعدني في تحديد احسن كريم اساس يناسبني مع العلم ان بشرتي دهنية جدا وتحت عيني هالات سوده ما يغطيها كريم الاساس او البودره

واسفه على الاطالة

هلا والله


انا لون بشرتي مب موحد هل يوم احط كريم اساس احط في المناطق الاغمق كريم اساس مختلف عن الاماكن الفاتحه او استخدم مستحضر واحد للوجه كامل ؟؟


وشكرا

هلا اختي توته الحلوة



ولا يهمج حبيبتي باعطيج طريقة كريم الاساس ( مات ) يعني الطافي اللي ما يخلي الوجه مدهن .... اوكي
اول شي تحطين الكونسيلر السائل على العين كاملة ....
ثم تحطين كريم الاساس الطافي مثلا فور ايفر تقولين لهم ابي كريم اساس سائل مات ... وتوزعينه على كامل وجهج بس بالاسفنجة المشطوفه اللي عند ماك و فور ايفر ....
بعدين تحطين البودرة الحرة وانصحج بكريسان ديور ... تحطينها بالسفنجة المدورة الكبيرة اللي عند فور ايفر .... ثم تزيلين الباقي بالفرشاة او من الجهة الثانية من الاسفنجة ...
بعدين تتمكيجين كامل بس بدون روج او ماسكارا ....
بعدين اتحطين البودرة المضغوطة من ماك بس بدون ماي على كامل وجهج ...
بعدين تحطين الروج والماسكرا ..... ترى هذي طريقة يحطها خبير التجميل حق نجوى كرم وامل حجازي والله اني لما احطها يطلع وجهي يجنن وبشرتي بيبي وخملية مثلهم بالضبط .....

لا تنسين تقولين لي النتيجة بعد ما تجربينها ....

ترى شرحت لج بالتفصيل الممل علشان تفهمين الطريقة عدل اوكي ....
واي استفسار انا حاضرة

اسرار حبيبتي ....

اولا انتي لازم تستخدمين كونسيلر وكريم سائل وبودرة حرة وبودرة مضغوطة واذا تبين تعرفين الطريق شوفي ردي على التوته الحلوة وبتعرفين بس الحين انا باحدد لج كل شي وشو ماركتة ورقمه اوكي علشان يناسب بشرتج ...
اولا الكونسيلر .... من ميك اب فور ايفر السائل علة شكل معصارة رقم 2
ثانيا الكريم الاساس .... السائل من ميك اب فور ايفر واسمه
soft modeling film - fond de teint fluide
ثالثا البودرة الحرة من كريستان ديور رقم 2
ثالثا البودرة المضغوطة من ماك ورقمها nw20
....ز اوكي بلغيني بالنتيجة .....

هلا فطيم - 19

اذا تبين تستخدمين منتج واحد لتوحيد البشرة استخدمي من ماركة BN الامريكية الدرجة الوسط ....
هذي تحطينها بالماي على كامل وجهج ثم تتمكيجين ثم تحطين البودرة المضغوطة على كامل وجهج بدون ماي .... وشوفي النتيجة ...

اما اذا حبيتي تحطين كونسيلر فانظري للردود السابقة ....ز ويا هلا فيج ..... وانا انتظر ردج .... اوكي ....

تسلمين اختي اشجان الحلوة ان شالله بجربها وبدعليج
:smile:

اختي اشجان الحلوة سؤال ؟؟؟

شو الفرق بين البودره الحره والبودره المضغوطه؟ :o:o

توته الحلوة البودرة الحرة ( lose bowder ) هي بودرة منثورة مثل بودرة الجسم تستخدم بالفرشاة او الاسفنجة الكبيرة والتي تشبه اسفنجة بودرة الجسم اما المضغوطة فهي البودرة التي تاتي في علب مربعة او دائرية وتستخدم بالاسفنجة وممكن بالماي او بدون ماي ..... وضحت الصورة ولا تحبين اوضح اكثر .....

شكرا على مبادرتك اللطيفة

اشجان الحلوة
افكر بسؤال و اكتب بعدين

:clap::clap::clap:

مشكووورة اختي اشجان الحلوة :clap: .. اذا في شي ابا اسأل عنه بتلقيني في ويهج :D2 ...

مشكوووووووووره اختي اشجان الحلوة والله تعبتج وياي

suzi وفوشيه انا في انتظار اسالتكم

توته الحلوة مافي تعب انا في الخدمة ......

هلا حبيبتي اشجان الحلوة :smile: .. اسمحيلي لاني ماحطيت موضوعي هنيه لاني كنت حاطه هالموضوع قبل لا اتحطين موضوعج على ما اظن او اني ماشفت موضوعج ... هذا سؤالي : انا ماخذة فاونديشن مال ماك .. وانا بشرتيه دهنيه جافه .. وخذته على هذا الاساس هو سائل لانه يسوي طبقه خفيفة على البشرة مب كثيفة مثل الكريمي .. بس المشكله انه مايظبط يوم احطه :down: ... كأنه مبقع :s2

لما احط قلم الكحل الاسود بعد فترة يسيح

يا ريت تعطيني طريقة بحيث ما يسيح و يبقى على شكله اطول فترة ممكنة


و شكرا لك مقدما

:shy::shy::shy:

و شكرا على معلوماتك القيمة

:clap::clap::clap:

هلا فوشية ...... اولا لازم تشترين الاسفنجة الاسطوانية المشطوفة ( شكلها طويل ) من ماك وسعرها 15 ريال ..... او من فور ايفر احسن لانها اطرى وانعم ..... بعدين تحطينه بهذي الطريقة .....

تضعين قليل من الكريم دخل اليد اليسرى ثم بالصبع الايمن تضعينه على شكل نقاط على كامل وجهج ..... بدون ما توزعينه بيدج ......

بعدين تمسحينه بالاسفنجة من جهة الانف الى الاذن يعني من داخل الوجهة الى خارجة .... وبعد ما تحسين انج وزعتيه على كامل وجهج تردين بالاسفنجة على الوجه بطريقة التربيت يعني تضغطين بالخفيف على وجهج كامل ........ وخلاص بعدين يكون الوجه على استعداد انج تحطين البودرة الحرة عليه .....

هلا suzi ..........

اذا تبين الكحل يكون اسود سواد الليل وما يسيح ... انصحج ان يكون عندج هذي الثلاث ادوات ...
1- ولاعة 2 - قلم كحل ماك ( ووتر بروف ) ضد الماي 3- اي لاينر اسود مثل اليزابيث هيلين او جي كازانوفا ... 4- فرشاة ضعيفه

الطريقة تقربين النار من المحدد شوي ( لثواني بس ) وبعد ما يلين تمسحين على يدج بس خط علشان يبرد وبعدين تحطينه داخل
عيونج ( رايحة ورادة ) بعدين تحطينداخل الخط اللي كونتيه من الكحل القلم خط خفيف من الايلاينر طبعا يكون على طرف الرموش مش داخل العين .... وبعدين بالفرشاة وهي نظيفة وناشفة تمسحين على الخط اللي كونتيه بالخفيف ......

ملاحظة اذا تبينه اسود ودخاني من تحت تحطين في الفرشاة شدو ماك الاسود بدون ماي وتمسحين على الكحل بالخفيف .....

وتحياتي ......

شكرا اشجان الحلوة على الطريقة السهلة و اللي مبينة انه نتائجها رائعة
راح اجربها باقرب وقت

:clap::clap::clap: