باركوا لي وساعدوني!!!!!

أول شي ألف مليون مبروك على المولوده وربي يجعلها تتربا بعزكم...

وثاني شي الماي مع الملح كثير زين للخياطه وما يعور نهائي..

أما البطن فلفيها زين بعد الولاده وسوي تمارين بعد الاربعين..

:smile:

شكرا يا عمري على الرد
بس أنا ما أقدر على لفه لأني أحتر بسرعة والجو مو طبيعي نار ..
والملح أكيد ما يقرص ؟؟

هلا حبيبتي..

انا بعد مربيه ما صار لي الا 24 يوم.. وامي تقولي لا تشربين ماي الا وانتي منسدحه يعني لا واقفه ولا قاعده.. بس عن الماي البارد ما قالو لي..

اما عن بطني.. فبصراحه شكله فضيع بس انا مستمره بربطه بشيله بيضا وارص عمري رص ولا افكه الا وقت النوم.. وامي تسخن لي (حصاه) وتلفها واحطها على بطني نص ساعه مرتين في اليوم صحيح انها تخليني احر وايد بس عشان يرجع بطني مثل اول اتحمل اي شي..والحين احس انه بطني نزل وايد..

اما عن الملح .. صحيح انه يقرص شوي بس وايد زين استخدميه لانه ما يسوي التهابات

تحياتي

الدرقاء

السلام عليكم ورحمة الله وبركاته


اولا الف مبرووووووووووووك

:smile:

وتتربى بعزك ان شاء الله

ثانيا>> بالنسبه للملح هذا يعتبر غسول مطهر لمكان الخياطه

ثالثا لانزال البطن>>>>اهم شئ>>>

الرضاعه الطبيعيه اهم خطوه لانزال البطن وارجاع حجم الرحم الطبيعي

عملية المص من الثدى نفسها تحفز افراز هرمون الاوكسيتوسين الذى

يساعد على تقلص الرحم

عمل تدليك للبطن

الرياضه الخفيفه والمشى ولكن بعدما ينتهى نزول دم النفاس


هذا بجانب نصايح البنات المجربه

اما بالنسبه للماء البارد ماسمعت عنه شئ


اختك

حبيبه

السلام عليكم ورحمة الله وبركاته

ألف ألف ألف مبروك...

فرحت لك جدا أختي أم العرسان...

تتربى في عزكم يا رب و الله يكتب لها السعادة دايما...:smile:

السلام عليكم ورحمة الله وبركاته

الف الف الف مبروك لك اختي ام العرسان

والحمدلله على سلامتك

شكرا لكم
aldrqa , حبيبة , مرموم , بنت المملكة ..

والله يبارك فيكم ..

عن الملح إذا المسألة تطهير الجرح فأنا أستخدم مطهر وصفته لي الطبيبة ..

وإذا عن البطن ( المشكلة الكبرى ) فصراحة ما ربطت والرضاعة الطبيعية للأسف ما أرضع .. بس معقولة ما فيه تمرين معين أقدر أسويه عشان أرجع بطني ؟؟؟
والماء البارد محيرني للحين مع إن ما يبرد علي إلا هو ..

يا أم العرسان

علشان يرجع بطنش طبيعي سوي تمارين شد البطن من الأربعين أي بعد اسبوعين من الولاده و النتيجه :up:

بالنسبه الى شرب الماء البارد مو زين الى الوالده في فتره النفاس لأنه يخلي الكرش مكانه :pain:

و عليش باسوائل علشان ترضعين طبيعي:up: و ليش ما ترضعين؟؟؟؟أذا كان بسبب قلة الأدرار فالفرصه قدامش و انتين توش والده من قريب :up:


و أما بالنسبه الى الماء و الملح فهو يساعد على شفاء الجرح بسرعه و هو مطهر مثل السافلون:up:

حبيت بس ابارك لج يا ام العرسان

تتربى القمر في عزكم ان شاء الله

الصراحة اسمحي لي ماعرف اجاوبك على ولا سؤال لاني مامريت هالتجربة

ان شاء الله مستقبلا نستفيد من خبراتك :shy:

شكرا لك نجمة الرضا على المعلومات المهمة ..الله يعطيك العافية ..

نـــــــــــــــــــورة حبيبتي يكفي علي مرورك يا عمري .. شكرا حبيبتي والله يبارك فيك ..

ومن عندها معلومات أخرى لا تبخل علينا ...

ألف ألف مبروك يا أم العرسان:shy:

و الحمدلله على سلامتج:smile:

البنات ما قصروا:o


(a)(u):up:

شكرا لك أختي فوااااااانيس

ويكفيني مرورك يالغالية ..

الف مبروك والحمدلله على سلامتك السلامه اهم شي


اما عن الماء البارد فسمعت انه مو زين للنفاس اذا امتنعتي عنه اول الفترة بتتعودين بدونه باقي الايام


اما عن البطن انا ما ربطت بطني مع انه طالع لأن سمعت ان الشد يرهل البطن وندخل بمشكله تانيه

انتي الحين فترة نفاس اهتمي باكلك علشان ماتخربين اما البطن عادي توك والده فهو بيروح بالتدريج بعد النفاس وبيرجع مع التمارين

انتبهي على نفسك

تحياتي

هلا أم قيس شكرا لك حبيبتي ..


نجمة الرضا .. بغيت أسألك ..

كيف توني في أول الطريق أنا لي 27 يوم والدة هل ممكن بعد هالمدة كلها أقدر أرضع ؟؟؟؟

كاتب الرسالة الأصلية : مرموم

السلام عليكم ورحمة الله وبركاته

ألف ألف ألف مبروك...

فرحت لك جدا أختي أم العرسان...

تتربى في عزكم يا رب و الله يكتب لها السعادة دايما...:smile:

أذا كان فيش حليب و لو بنسبه بسيطه جدا بحيث تعصرين الثدي و يطلع منه ولو نقطه واحده هني تقدرين تخلين الطفل يمص لأنه عمليه المص تحفز أدرار الحليب و كذلك عمليه الشفط :up:

و الطفل في أول أيامه ما يحتاج الى كميه كبيره جدا من الحليب و بأمكانك انك ترضعين من الثدي الأيمن لمده خمس دقائق و من الثدي الأيسر كذلك خمس دقائق و هذه رضعه واحده ... و في المره الثانيه تبدأين بالثدي الأيسر و من ثم الأيمن:up:

و مع الرضاعه عليش بالسوائل و بخاصه الماء و الحليب و العصائر الطبيعيه

و ايضا هناك خلطات طبيعيه تاخدينها من الحواج مثل شرب مغلي الحلبه ثلاث أكواب يوميا أو تاخدين ثلاث ملاعق صغيره من كل من اليانسون و الكراويا و الشمر(السنوت) و تضعينهم في كوب من ماء مغلي و تغطينه لمده 15 دقيقه ثم تشربينه بعد كل وجبه:up:


و مع الأصرار و القناعه سيدر الحليب بأذن الله :up:

ملوحظه : أعرف ناس ما شاء الله عليهم بعد الولاده ما فيهم حليب و بالمره و لا حتى نقطه و مع الأصرار طلع فيهم حليب و صاروا يرضعون ما شاء الله عليهم:shy:

البنوته اختي ام العرسان
جعلها الله قرة عين لك ولوالدها

انا ماجربت الحمل ولا الولاده الله يرزقنا ويرزق كل محرومه كان افدتك اكثر بس اعرف بعض المعلومات وهي انك تربطين بطنك مثل الاندونسيات ولاتفكينه الا عند النوم والاكل ماهو مثلنا تجلس تاكل كل الموجود وتشتكي من الكرش بعد ماتطلع من النفاس الاكل تاكل محدود

وهم يشربون خلال هالفترة كركم ( ملعقه صغيرة في كوب وتضاف لها ماء مغلي ) تقول انه ينظف الرحم من الدم اكرمك الله وكمان يشد البطن والصدر والله اعلم بس انا كنت وقتها بنوته ومادخلت معها بالتفاصيل وكانت تستخدمه حتى في الدورة الشهريه

ومن جهة ثانيه تنتظر شهر وتعمل التمارين الخاصة بشد البطن عبر الاجهزه المعروفه
وكمان تشرب شاي مر معه عصرة ليمونه عالريق الظاهر والله لوتشوفيها ماتقولين عندها ثلاثه ماشاء الله

:clap::clap::clap::clap::clap::clap::clap:
:clap::clap::clap::clap::clap:
:clap::clap::clap:

خوش نصايح والله ... مشكورين بنات :) واختي ام العرسان ألف الف الف الف مبروك و تتربى بعزج و عز ابوها انشالله .. الله يباركلكم فيها ..