بنات ساعدوني...مهري راح

ما عندي خبره اكيد البنات بيفيدونج ويفيدوني معاج:up:

مشكورة اختي على ردج و ما قصرتي..

اتمنى حد يفيدني..لاني تعبانه نفسيا و مب عارفة شو اسوي:confused:

:shy:معقوله بثلاثين الف ما سويتي غير هالكمن شيء

غريبه والله في ناس جهازهم كله 30000 وتكفيهم بعد:pain:

اسفه اختي رومانسيه على طولة اللساني بس والله غمضتيني لان للحين انتي في بداية اجهازك و باقيلج وااايد اشياء وين السوع والشنط و الفساتين


بس انا من تجربتي بنصحج نصيحه قلتها حق اكثر من عروس و صدجيني ما ندموا لانهم طبقوها.

اللحين انتي باقيلج 40000 صدجيني راح تكفيج
فالبدايه شيلي منهم 10000 واحسبي ان اللي باقيلج بس 30000.
هاي ال 10000 راح تنفعج قبل العرس بكمن يوم لما تطلع للوحده اشياء ماكانت حاسبه حسابها وكماليات واشياء صغيره و اللي منه.
واذا زاد من هالفلوس شيء فانتي مب خسرانه هاي البيزات الزياده راح تنفعج وقت السفر واذا ماسافرتي في طلعاتج بعد العرس لانه في بدايت زواجك يمكن تستحين تطلبين فلوس من زوجك.


اللحين صار عندج 30000درهم اول شي شيلي منهم فلوس الفستان والصالون (مكياج و تسريحه و حنه) أو اي شيء تبع الصالون المهم تكونين عارفه كم بتحتاجين للصالون . و في حال احتجتي زياده بتكون عندج ال10000 إللي شلتيها قبل وتجدرين تاخذين منها.

اللحين بنفرض انه بقى من افلوسك 20000 شيلي منهم 15000للذهب والباقي اشتري فيه البدل والكماليات .
تقدرين تحطين 2000للمكياج .
1000 للعطور .
واعتقد500تكفي وزياده للنعول.


اعرف انج راح تجولين وين 5000 بتكفي حق هاي الاشياء كلها بس صدقيني اذا كنتي لابسه طقم عليه الجيمه ولبسج بسيط فالذهب راح يطغى ويغطي والذهب يبين في عيون الناس اكثر وانتي لما يخلص العرس ماراح تندمين على فلوسج وتجولين وين راحت الفلوس.
و طبعا كل ما زدتي في فلوس الذهب كل ما كان احسن حتى لو قصرتي اشوي في اشياء ثانيه.
ولاتنسين تشترين لج مع الذهب حتى لو ساعه وحده بس تكون حلوه ومن ماركه معروفه.

اتمنى لج التوفيق :up:

وارجو اكون افدتج

مره ثانيه سوري على طولت لساني فالبدايه:o

مشكوره حبيبتي على ردج,,,

و الله كلامج ريحني..لاني وايد متضايجة و مب عارفه شو اسوي ..و انشالله باطبق كل اللي قلتيه..

و الله حليله ريلي دوم ينصحني و يقولي ما العب في البيزات ..بس انا ما سمعت الكلام.

اختي بغيت اخذ رايج...كم بدلة لازم اشتري..و كم فستان..ربيعاني قالولي اني لازم اسوي لي كم فستان لاني عروس..بس مب عارفة وين اسويهم..

و كم نعال اخذ و كم شنطة....

تدرين بعد محتاجه اسوي جلسات ليزر ..هذا بروحه بيكلفني 6000 ....!!

مشكوره الغاليه و ما قصرتي و يزاج الله الف خير

40000 الف درهم ما بيكفيج أنتي تتكلمين جــــــد سوري يعني انتى راح

تشترين المحلات كلها :eek2: :eek2:

وأذا خذى كل شئ راح تملين منه عقب لان السوق كل يوم ينزلون شي

يديد وبعدين علي الحمال والرباء بيتغير جسمج اتشري بس لا تكثرين

خلي البيرات لعقب الرباء بتحتاينهم ..

حطـــي طروف واكتنبي عليهم الي تباينه مع الاسعار وشي بتعرفين

مهرج وين انصرف ..


تحياتي
بنت ديره
:smile:

مشكوره اختي و ما قصرتي

تدرين انا كنت حاطه في بالي انا ما باصرف طل البيزات و ما باشتري وايد بس يوم اسير السوق ما افكر و اخذ كل اللي يعيبني ..و الحين وايد ندمانه مب عارف شو اسوي..

بس انشالله اتلاحق على عمري و اخلص اغراضي و يزيد شي منهم

مرحبا اختي انا انصحج انج تبدين في الاشياء المهمه اهمها الذهب وعلى الاقل 3 فساتين حق العزايم وعقب البدل والجلاليب بس لاتكثرين من البدل لانه كل اسبوع اشياء يديده تظهر وعن النعول الله يكرمج خذي الالوان الاساسيه مثل الاسود والبيج ونفي الشي الشنط وطبعا بيزات الميك اب والشعر من الحينه احجزي وادفعيهم من الحين عشان تفتكين ولاتنسين بعد انه الحينه في تخفيضات بيساعدج هالشي

مشكوره الغاليه و ما قصرتي..

انا خذت بنصيحة 3roosahو..و طبقت كلامها و انشالله يكفوني البيزات

و مثل ما قلتي بابتدي بالاشيا المهمه

يزاج الله الف خير اختي

أنا كل مهري طاااااااااااااااااااااااااااااااااااااااار أووووووووووف بس والله السبب أني سلفت ناس و ناس يعني يمكن 30000 درهم بس سلفات :D2:D2:D2 بس أقول أحسن عشان ما أصرفهم و أخريهم في إلي يسوى و إلي ما يسوى

انتي مسلفه ناس..يعني انشالله بيردون لج..يالله الحمدلله ..الوحده كم مره بتعرس ..

مشكوره الغاليه على مشاركتج

كاتب الرسالة الأصلية : أم أشواق
مرحبا اختي انا انصحج انج تبدين في الاشياء المهمه اهمها الذهب وعلى الاقل 3 فساتين حق العزايم وعقب البدل والجلاليب بس لاتكثرين من البدل لانه كل اسبوع اشياء يديده تظهر وعن النعول الله يكرمج خذي الالوان الاساسيه مثل الاسود والبيج ونفي الشي الشنط وطبعا بيزات الميك اب والشعر من الحينه احجزي وادفعيهم من الحين عشان تفتكين ولاتنسين بعد انه الحينه في تخفيضات بيساعدج هالشي

____________________________________________________

كلام الاخت ام اشواق عين العدل

ردا على اسئلتج:
...كم بدلة لازم اشتري؟ اعتقد 7-8 يكفي، ومن رأي تشاورين امج و خواتج.. و انا من ناحيتي انصحك انك تستغلين فترة التنزيلات حاليا.

كم فستان ،وين اسويهم؟؟ مثل ما شارة عليج الاخت ام اشواق 3 بيكون كفايه بس انت خلي واحد منهم شويه فخم للصباحيه وممكن تلبسينه بعدين في العزايم. والاثنين الباقيات خليهم بسيطات لانهم بينفعونج في زياراتج بعد العرس. وبعدين انت ماشاء الله فصلت مغربيتين فخمات فماله داعي تحاتين الفساتين وايد و بتقدرين تكتفين بفستانين بس اذا الميزانيه ما تسمح لان المغربيات بيكفنج.

و كم نعال اخذ؟ هذا يعتمد على ميزانيتج و نوعية النعل اللي حاطه في بالج تاخذينهم ،، في البدايه وقبل كل شي خذيلك نعال حلو ومناسب لفستان الصباحيه ، وبعدين خذيلك واحد حلو وانيق بس شرط يكون مسطح وينلبس مع كل الالوان لانج بتحتاجينه فالسفر او الطلعات عشان ترتاحين فالمشي وتتهنين فالطلعه. اما اذا زادة عندج فلوس فانا من رتئي تاخذين لو نعالين بس يكونون من الالوان الاساسيه واحسن لو يكونون طقم مع الشنط او انج انت تركبينهم مع شنط من نفس اللون.

كم شنطة؟
4-5 يكفي مادام انج بتاخذين شي حلو و يطقم مع النعل , وانا من رائي تأخذين وحده مع فستان الصباحيه والباقي لج الشور فيهم. (لا تنسين تستغلين فترة التنزيلات حاليا و في شهر واحد....وانتبهي (لا تاخذين شي وايد منتشر)

جلسات ليزر ..هذا بروحه بيكلفني 6000 ....!!..........ما عليه حبيبتي انشاء الله تكلف 100000 لا يهمج مادام انج حطيتيها في شي صح وماراح تندمين عليه بعدين لانج بتكونين مرتاحه. على فكره تقدرين تخصمين فلوس الجلسات من ال10000 اللي شلتيهم على جنب.

وهالله هالله في فلوسج مب كل يوم بتنحط في ايدج هالكثر بيزات، وحرام راعي انه زوجك تعب وايد لين ما يمع هاي الفلوس. وانت بمجرد ما تخلص حفلت العرس بتتندمين لانج صرفتي الفلوس على اشياء تافهه.فاحسن تنصرف للأولويات.

صدقوني يا عرايس كل شيء يتعوض اللبس والعطور والمكياج لكن بما ان عندج هاي الفلوس فالاولى تشترين لج ذهب لان مب كل يوم بيقدر زوجك ياخذلج ذهب ، وحتى لو بغى بابيقدر ياخذلج بكميات كبيره مثل اللحين مادام فلوس المهر في ايدج....

وبعدين لما الناس وخاصة اهل زوجك يشوفون عليج ذهب فهم بيقولون ان هاي والله اشترة لها ذهب ومحد بيقدر يقول انج لعبتي فالفلوس وهاي مب ميه او الف هاي "70000"

على فكره اكتفي باللي خذتيه من ملابس داخلية و قمصان نوم
وطقمين عبايات مع شيل...4 شيل اعتقد كفايه و انت راح تلبسين واحد من هاي الاطقم"العبايات مع شيلهم" فالصباحيه... فانا اشوف انه الاولى انج تفصلينلج لو شيلتين بس ايكونون لون اسود لانهم بينفعونج مع كل الملابس هذا اذا ما كان عنج اصلا..

اتمنى لكم كلكم التوفيق

"و اتق الله لافي كل شيء."

هلا عزيزتي انا كان مهري 100 ألف ولعبت فيهم كلهم وخلصت الفلوس


على الثياب والنعول والفساتين وكنت اشتري بهستيريه كأن الثياب بتخلص


من السوق :D2 وبعد العرس حملت وما قدرت ألبس اللبس وبعدين فترة


الرضاعة زاد وزني وما قدرت البس الثياب والحين بعد 9 شهور من ربيت


رد جسمي بس للأسف راحت موضة الثياب ........فخلاصة الموضوع


انج لا تكودين الثياب لأنج في شهر العسل بتشترين ويوم بترجعين بعد


بتشترين ....

وعن سعر الليزر وايد مبالغ فيه انا سويت ويهي وظهري وبطني تشقير


بالليزر فما انصحج تسوين جسمج كله لأن الشعر بيرجع يطلع .........


وفستان العرس اجريه احسن لأني سويت فستان ب 30 ألف وما قدرت


ااجره لأني طويلة وضعيفة ......


والله يوفقج

الله يعينج يالغالية انا مهري مثلج بس مالعبت فيهم لان الثياب موضتها دايما تغير والحين شريت قمصان نوم وبدل وجواتي(اللي يعزج ويعز السامعين )وذهب وبقى لي بس العبايات والمكياج والعطور وكل هاي ب20 الف :cool2:

تدرين شلون اول شي زوجي قال لا تلعبين بالفلوس ومثل ما قالت بنت دبي ان بعد الزواج بيتغير عليج اشياء كثيرة ويمكن ما تلبسين معظم اللي شريتيه

حيث اني شريت 5 بدل للطلعات وخذت لي البناطيل الالوان الرئيسية (اسود بني بيج كحلي) يعني اقدراغير في القمصان بس:cool2: لانه كل يوم يجي شي جديد وانتي بتسافرين شهر العسل بيكون في خاطرج تشترين واللي عندهم بيكون احلى وارقى بعد :D2وقمصان النوم كنت من زمان كل ما اشوف شي حلو في سفراتي كنت اشتريه(حق هاليوم:shy:) والجواتي (الله يكرمج خذت الالوان الاساسية اسود وبني وبيج مع شنطهم والفساتين بس بفصل فستان واحد لاني ان شاء الله مسافرة مع ريلي لانه بيدرس في الخارج فتقدرين تفصلين 3-4 واطقم الذهب بس خذت لي 5 اطقم وناعمين

وقبل ما تروحين السوق اكتبي في ورقة شو تبين بالضبط والعدد يعني مثلا قميص بني + تنورةبنية او بيج وتقيدي بالمكتوب دايما

وبالتوفيق مقدما:up:

مشكوره اختي و ما قصرتي..

و الله و الله نصايحج وايد فادتني..سويت مثل ما قلتيلي حطيت ميزانيه 2000 حق المكياج..اشتريت فيهم مكياج ..و الحمدلله زاد بعد...و حتى الذهب حطيت نفس الميزانيه اللي قلتيلي عليها وزاد بعد..


مب عارفه كيف اشكرج..كلامج وايد ريحني ووايد فادني...يزاج الله الف خير و الله يعطيج على قد نيتج..و الله انج طيبه تستاهلين كل خير..

و انتي انشالله اول المعزومات على عرسي...

الله يوفقج و يعطيج على قد نيتج..

تدرين انا اول ما استلمت مهري..سويت مثلج..بس الحمدلله تلاحقت على عمري..

كل ربيعاتي اللي عرسوا تموا ينصحوني ما العب في البيزات..و الحمدلله ماشيه عدل ..و اتمنى يزيد شي من الفلوس.....

و فستان العرس...انشالله باجر..كل اللي سوا فستان ندموا..و نصحوني ما افصل لا ن خساره بيزات على الفاضي....


و الليزو انا ابغي اسوي شواربي و "باطي" و ايدي...تدرين هالاماكن دوم ظاهره ...


الله كريم...و مشكوره الغاليه على ردج

الله يوفقكن يارب ويسهل عليكن ان شاء الله

و الله ريلج معاه حق...

انا ريلي حليله وايد تم ينصحني بس انا ما سمعت الكلام..

بس الحمدلله تلاحقت على عمري...

و مسويه ميزانيه وماشيه عليها و يا رب تنجح...ويزيد شي من بيزاتي...


مشكوره و الله يوفقج

رومانسيه


الله يوفقج يارب ويوفق الجميع ...

مشكوره الغاليه ..

و آمين الله يسمع منج