هذا هو الحل الأخير باذن الله

السلام عليكم ورحمه الله وبركاته

شخباركم صبايا طمنوني عليكم ان شالله كلكم تمام

طيب كويس جداً..

انا حطيت هذا الموضوع في هذا القسم لأني ادري ان الأغلبيه من رواده يتمنون ان اليوم اللي الله يرزقهم فيه بطفل يكون هواليوم ولا باجر
طبعا انا وحده منكم مع ان عندي طفله واحس ان حالي احسن من غيري بس هم بعد هالسلفه معوره قلبي واتمنى ان الله يرزقني ويرزقكم بالذريه الصالحه اللي راح يتفاخر فيها رسول الله يوم القيامه على سائر الأمم..

ابي اقول لكم شي اكيد كلنا اول ماتجينا الدوره اول يوم فيها نغتم ونتكدر ونكدر خاطر اللي حوالينا وعلى ماتخلص ويقرب يومها هم نقعد على اعصابنا ونتمنى انها تتاخر يوم ولايومين علشان نبني امال قصيره وهكذا في كل شهر على اعصابنا دائماً

تعتعقدون ان هالشغله جابت فايده؟؟

بالنسبه لي صارت الأيام تطير وتجري وانا ماني ماخذه بالي من هالشي
صرت اعصب واتنرفز ومالي خلق اللعب من بنتي الزغيره واي كلمه من زوجي تعفس مزاجي وتكدرني كل هذا يصير لي وقت العلاج

يعني لاتهنيت بعمري ولا اهتميت بعايلتي الزغيره

انا توني مكتشفه هالشي ومن هذا الشهر عاهدت نفسي اني انسى فكره الحمل (ان صار شي فحياه الله وان ماصار فهذي حكمه من رب العالمين واحنا بشر ومانعلم الغيب ولاندري شالحكمه من التاخير)

ورب ضرة نافعه .....

نصيحتي لكم ولنفسي اول شي لاتخلون هالسالفه تعفس عليكم حياتكم وتطير عليكم احلى سنين العمر والله بتندمون صدقوني

لازم الكل يشغل حاله باي شي ..وظيفه دراسه اياني وايكم وقعدة الحريم اللي مامنها الا وجع الراس وتذكيرج بهالموضوع

انا عن نفسي سجلت بدوره وابتعلم لغه اجنبيه جديده علي وراح اقضي على وقت الفراغ اللي عندي

وان شالله انسى هالموضوع وانشغل والتفت لبنتي وزوجي


لاسيما ان كل الدكاتره اللي اكشفوا علي قالوا اني سليمه ميه بالميه واحتمال ان القلق والتفكير بهالموضوع هو اللي ماخر الحمل لأن اكوا هرمون يفرز في الجسم ويسبب مناعه اذا زاد القلق

ياريت اسمع رايكم في هالحل لأتتاخرون علي

ودعواتكم لي ولكل محتاج