اتصوروا الوقاحة

إختي بنت السعودية :)



هلااااا وغلااااا .. الله يعينج .. فعلاً الموقف كااان مرة مب زين .. وللأسف أصابع الاتهام تشير للبنت اللي كانت معاج .. كيف إنها تهربت منج وسارت من دون ما تعطيج الشيلة أو تصلي



ويمكن بعد إنها تكون بريئة بس شخصيتها ضعيفة وما تعرف تواجه تشذي مواقف فارتبكت وخافت تشكين فيها فانسحبت .. مع إن هذا الاحتمال ضئيل



والحمدلله إنتي الربحانة لكن اللي سرقت لازم تعيد حساباتها بدال الألف مرة مليوووووووون



ومثل ما قلتي المشكلة مب في الموبايل .. الموبايل يتعوض .. لكن كيف ممكن لإنسان ومسلم بعد إنه يقدم على هذا العمل الشديد الحرمة ..



محد يقدر يجاوب الاّ اللي سرق الموبايل .. مع إنه يندر وجود عذر يبيح هالفعل و بهذي الطريقة



تعرفين في فئة من الناس يكون عندهم مرض نفسي يدفعهم للسرقة..حتى لو هم متوفر لهم كل شيئ ومرتاحين مادياً لكنهم يسرقون غصباً عنهم .. مدمنين على السرقة.. وهم أنفسهم ما يعرفون ليش يسرقون .. وهذي الفئة بحاجة للعلاج .. لأنهم ضحايا لمرضهم



لما كنت بالثانوي كان عندنا بنت الله يستر عليها ويشفيها تعاني من هالمرض


ومرة بالثانوية أيام الامتحانات النهائية.. طبعاً ممنوع انشيل أغراضنا لقاعة الامتحان .. طلعت من الامتحان وما حصلت عباتي .. فاتصلت بالبيت وطلبت وهم جايين ياخذوني يجيبولي وحدة



وفي الجامعة عندنا نسمع قصص سرقة كثيرة وخاصة عند بنات السكن ..


وأخوي الصغير مرة أخذ موبايل أخوي اللي الأكبر وسار يلعب كووورة ورجع البيت والموبايل مسروق



ممكن بعض الناس يعانون من مرض نفسي و يمكن بعضهم يسرقون لأسباب ثانية أو يستمتعون بالسرقة ..



بس الأكيد إن النفووووس تغيرت وإن كثير من الناس .. هممم ما أعرف شو أقول عنهم .. الله يستر علينا وعليهم



و الله يشفي من يسرق بسبب مرض ويهديه ويهدي من يسرق للسرقة نفسها ..ترى الدنيا كلها بللي فيها ما تستاهل الواحد يغضب ربه سبحانه وتعالى



الله يعطيج العااافية على هالموضوع .. انتي مب بس كتبتي عن موقف تعرضتي له و لكن تكلمتي عن مشكلة بدأت تصير ظاهرة وتستحق النقاش ..



إن شاء الله لي عودة لهذا الموضوع


بااااااااااااااااااااااااااي أحين (f)

هلا والله يا احلى بنوته سعوديه :)

ترى هالمواقف تصير وااااااااااااايد و في المساجد بعد للاسف بس شنو بيدنا نسوي ؟؟ انا احس انهم ناس ما يهمهم شي ولا حتى يخافون الله استغفرالله .. :( او مثل ما قالت اختي جمر الآهات يمكن عندهم مرض نفسي يدفعهم للسرقة والله اعلم !

الله يسامحهم و يهديهم يارب

مشكورين خواتي

فعلا جراة وعدم استحياء

ماادري وش اقول صار الواحد بغابه

الا حلال فيك


وياليتها مو سرقت الجوال بس ...

الا ياليتها سرقت كل أغراضك.







والله سالفه ... انتوا يالبنات عليكم حركات نص كم ... الوحده لا طلعت جوال تقول انها جابت راس غليس.

تطالع في الناس بنص عين ... تتكلم وايد ... ولا تسمع الا الهمس ... ليش مدري.

تروزون وجيهكم على العالم بطريقه غريبه.


الا حلال فيك ....

ياعل ينسرق الجوال الجديد ....

:p

الله يعينك
بس انتي متأكدة انه هي الي سرقت جوالك؟؟ يمكن أحد ثاني وانتي ظنيتي فيها

وترى ياكثر مواقف السرقه
وصار لي موقف
الوالد اشترى لي ساعه حلوة وغاليهوهي غاليه على نفسي لانها من الوالد
وزارونا ناس الله يهديهم معروفين ان يدهم خفيفه ((( ماعرفنا انهم كذا الا بعد كذا سرقه من البيت )) وبعدها بكم يوم ادور على الساعه مالقيتها وماشكيت فيهم الى ان قالتلي قريبتي انها شافت ساعه بمواصفات ساعتي بيد وحده فيهم والساعه باينه انها صغيرة عليها لانها على مقاسي بالضبط
انا استغرب عندهم وقاحه وقوة اعصاب غريبه واذا واجهتيهم انكروا وعملولك فضيحه
كأن انتي الي سارقه منهم

والله يعوضك خير في الدنيا والآخرة

الله يهديهم ويهدي الجميع
والسلام خير ختام

السلام عليكم ورحمة الله وبركاته


مشكور اخي كاااااسر على مواساتك الرائعة لي

ياشيخ هونت علي المسالة مرة

الله يكثر من امثالك

لا اكون قاتله واحد من اهلك وانا مدري

مشكور على الرد


اختي بلقيس مشكورة حبيبتي

بس انا متاكدة انه هي لانه مافي غيرنا بالقسم

والله قهر..انا حاسه فيج.....

انا صار نفس الموقف ايام الجامعه...كانوا يسرقون البوك..ويخلون لي شوي..؟؟؟كسرت خاطرهم....


اللي ضحكني مرة صديقتي وهي تصلي..خلت شنطتها جنبها ..اثناء الصلاه...سجدت..وقعدت من السجود...مالقت شنطتها؟؟؟؟
لاحول ولا قوة الا بالله؟؟؟؟ما يصدقون؟؟؟