نصحتها ويا ليتني ما نصحتها

a

amoraaaa

عروس متألقة

30-07-2004 | 01:46 AM

السلام عليكم ورحمة الله وبركاته

أخواني وأخواتي االأعزاء يا ليت تصحوني ايش أسوي من إسبوع وحده من صاحباتي ودها تسوي شي حلو وفكره جديده لزوجها عاد أنا في نفس اليوم كنت قد قرأت في المنتدي أن الوحده تكتب رساله حلوه وتحطها في جيب زوجها لما ينام علشان لما يروح الدوام يتفاجأة بالكلمات الحلوه الصادره من زوجته. المهم صاحبتي سوتها وكتبت الكلمات الحب والمشاعر اللى في قلبها كلها وعطرتها بعطرهاوحطتهافي الجيب وتوقعت أنه لما يصبح ويلاقيها راح يكلمها او يرسل لها لو رساله على الجوال يعبر فيها عن مشاعره هذا الحكي من إسبوع وليما لايوم ما رد عليها ولا بكلمة وهي ساكته وما قالت له شي وقالت لي أنها صادت عليه حركات ومغازلات مع بنات حتى لما إتزوجوا وجابت العيال وكم مرره تواجه ويتأسف وألحين إهي ساكته وتقول أكيد هو مش عارف الرساله من مين يعني للحين الرجال على حركاته ومغامراته .

طبعا المصيبه أني أنا اللي قلت لها تسوي هذي الحركة وطبعا ما عندي رد أنا أحاول أهديها وأقول يمكن ما قرأ الرساله ويمكن طاحت منه وما إنتبه وهي تقول لا أنا حطيتها في المحفظه يعني لازم ينتبه المهم أنا الحين أيش أتصرف معاهاوإيش فكرتكم عن الزوج وتصرفه هذا .

د

دلال محمد

عروس جديدة

30-07-2004 | 02:03 AM

مرحــــــــــــــــــــبا اختي اموووووره

:pain: انا احس انه افضل حل التلميح >يعني اياك اعني واسمعي
ياجاره< يعني تلمح انه المفروض اللي يوصله رسالة حلوة او كلمة
حلوة يرد:o مايطنش

ف

فاتنة العرب

عروس برونزية

30-07-2004 | 02:37 AM

بصراحه انا اخاف اقول و ازيد المشكله مشكلتين :o

الله يعينها و يسهلها امورها يا رب

ا

الرشيقه

عروس برونزية

30-07-2004 | 02:29 PM

زميلتك غلطانه لانها المفروض تكتب في نهاية الرساله كلمه تدل عليها

مثل زوجتك الـ...... او اي كلمه حلوه تدل عليها وبعدين تنتظر الرد

واذا مافيه ردت فعل ممكن تتأكد من وصول الرساله له وتسأله عنها

واذا كان مايبي يرد بكيفه

( مافيه شيء بالغصب)

ممكن تواصل الحركات الحلوه وماتهتم من ردة فعله

اهم شيء انها تكون راعية حركات ولو في نظر نفسها واذا بيبادلها المشاعر خير وبركه

واما مسألة انها تقول هو الى الحين وهو على حركاته الاولى !!

مافيه دليل نهائياً على الشي هذا

بالعكس اذا كان مايعرف منهي صاحبة الرساله وكتم الموضوع فهذا يدل على عقلانيته لانه مايبي يسبب مشاكل بينه وبين زوجته

مثلاً اي واحد عاقل وبيلقى في ايده رساله حلوه ومايدري عن مصدرها

مستحيل يقول لزوجته وخصوصاً اذا كان يحبها لانو راح يضيق صدرها ويعكر مزاجها

خصوصاً اذا كان مومتعود منها على هالحركات.

يعني اذا زوجها ماقالها شيء عن الرساله مو معناه انوه باقي على سوابقه لااااااا بالعكس

واحتمال ثاني انوه لسى ماقراها لانها حطتها في المحفظه واعتقد انوه مكان مو مناسب ابداً

ومن رايي انها تسأله عن الرساله بكل برائه علشان يعرف ان الكلمات الحلوه اللي في الرساله جايه من زوجته مو من مصدر ثاني

ومثل مابدت الموضوع برساله حلوه تختمه بكلمات حلوه وماتخرب على نفسها

ترى الشيطان قوي وخصوصاً بين الزوجين

اتمنى اكون افدتك لك ارق تحيه من الرشيقه

[FLASH=http://q8castle.com/upload/vb/rshq.swf]WIDTH=500 HEIGHT=200[/FLASH]

م

مرموم

نائبة المشرفة العامة

31-07-2004 | 07:51 AM

السلام عليكم ورحمة الله وبركاته

الله يهديكي و يهدي صديقتك أختي...

يعني الحين تعبت نفسها و كتبت رسالة طويلة عريضة...و ما كتبت من مين ؟؟؟؟؟

كان ممكن تقول في نهاية الرسالة : زوجتك المحبّة مثلا...و تنتهي القضية...

لو تحب...خليها تعمل له نفس الحركة مرة ثانية....بس ما تنسى توقعها باسمها...و تقول له أي كلام حلو...و كيف إنها كان نفسها تسمع رأيه في الرسالة الأولى...

و أشكر أخت الرشيقة على ردها...و أؤيدها في كلامها...

ا

ام ربى

عروس مبدعة

31-07-2004 | 08:28 AM

انا مع عزيزتي"مرموم"

م

مذهلة البحرين

عروس فضية

31-07-2004 | 08:40 AM

تحاول وتحاول وتحاول مره اخرى واخرى

والله يكون في عونها

أ

أم أنوار

مشرفة سابقة

01-08-2004 | 10:59 AM

:clap::clap:
انا هو هذا الرد يا أخت مرموم اللي كنت ناويه أكتبه للأخت.

تكتب له رساله حب ثانية وتسأله عن رايه برسالتها الأولى وتختمها بزوجتك المحبة أو المخلصة.

ح

حورا

عروس برونزية

01-08-2004 | 11:34 AM

وأنا مع مرموم..:up::up::up::up::up:

ن

نسمة الحياة

مشرفة سابقة

01-08-2004 | 11:53 AM

أمورة :

لاتخافي عزيزتي ... انشالله مافي أي مشكلة بين صديقتك وزوجها ...

أنا مع الاخوات في نصيحتهم ... انها ترجع تكتب له رسالة ثانية .. وتقول فيه كلام حلو ومن ضمن الكلام :
تقول : حتى لو مارديت عليَ في الرسالة الأولى راح أضل أحبك ..
يعني من هالحركات (r) (r) (r) (r) (r)
:cool2::cool2::cool2:

وهذا راح يدل على انها بعثت له أول مرة رسالة ، وهو مارد عليها ...

وطبعاً في النهاية ماتنسى تكتب اسمها ...