ابي افهم بس انا ولا كلكم يالمتزوجاات والمخطوبات خصوصا

+

+*+نجود+*+

عروس نشيطة

29-07-2004 | 05:39 AM

السلام عليكم ورحمة الله وبركاته
كيف حالكم؟؟
انشالله بخير؟؟

ابي اعرف شي الحين من المتزوجاات والمخطوبااات خصوووصا
انا صار لي يمكن سنه وشووي يعني بالرمضاان بيصير سنتين انشالله مخطووبه مملكه على خطيبي
المهم
داااااااااااااااااااااااااااااااااايم نتخااانق وبعد انا اعااانده مثلا واصااارخ عليه هو ينقهر ويعصب ويعااندي
ومره عصببت عليه مرره وهو سااكت لمى كلم اختي قال والله اني خفت اول مره اشوفها كذااا:D2:D2
المهم رسل بعدين لي رسااله قال اني اكرهك اهئ اهئ وانه بيتركني ولا يبي يشووف رقمي ابد قلت انا بطقاااااااااااااااااااااااق:D2
والله احس اننا بزرااان للمعلوميه هو عمره 18 وانا 17 والله والزوااااااج بعدين لمى يخلص جااامعه ويكبر شووي
المهم الساالفه ذي قديمه بس حبيت اذكرها لكم
المهم انه من بكراا اتصل علي وقالي اسف واحبك واموت فيك ووووالخ
ونبرت صووته مره حزينه كاانت
المهم اننا دااايم كذاا خناااق وبكرا او اليوم بليل نتراااضا واحيانا نتخانق لانه طلع ماقالي او العكس
او عشاان مادق علي او العكس
يعني اشياااء تاافه والله
والي ابي افهمه بس انااا كذاا داايم خنااق معه مو داايم داايم بس نتخااانق مع اني احبببببببه موووت وهو بعد يحبني اكثر يمكن
بس انا عصبييييييه بزياااده وحاولت اهدي من عصبيتي ماقدرت :confused:
واذا عصب يقولي كلام يرفع الضغط ابي افهم من قلبه ولا بس كلاااااام؟ّ؟ّ؟ّ؟
وانتم مثلي ولالا؟؟؟
وكيف اقدر اسعده وكيف بعد اذا هو معصب ومثلا انا الي قمت اتكلم بهدوء وارسل له رساايل حب وووالخ كذاا يصير ماعندي كراامه؟؟لان اذا رسلت كذا هو يهداء شوي شوي لين يغير اسلووبه

استناكم لاتطنشوون
اختكم
نجود:shy:

م

مرموم

نائبة المشرفة العامة

29-07-2004 | 07:41 AM

السلام عليكم ورحمة الله وبركاته

أختي نجــود...

يحصل بين المخطوبين مناوشات و زعل و رضى...بس مش بالطريقة المبالغ فيها اللي ذكرتيها...

بس بصراحة لما ذكرتي لي عمركم !!!! 18 و 17 سنة....يعني لسه صغـــــــــــــــــــــــــــــار....و أكيد راح يصير بينكم هذه الأشياء...

المشكلة إنه الزواج قدامه فترة...و الواحد خايف خلال هذه الفترة تملّوا من هذه التصرفات و تملّوا من بعض...

و في نفس الوقت إنتوا صغار على الزواج...و واضح إنكم لسه مش مقدرين الحياة الزوجية و مسؤولياتها و همومها...

الله يكمّل لكم على خير يا رب...

k

kholoud_sa

عروس ماسية

29-07-2004 | 10:05 AM

بعدين الزواج ومملكين الان ؟؟

صعبه ياختي هالحاله

يعني قدامك على ماتتزوجين 5 سنين

اتمنى معد تكلمينه لين تتزوجون لان كثرة الاتصال بتخرب العلاقه

ن

نسمة الحياة

مشرفة سابقة

29-07-2004 | 11:15 AM

شوفي حبيبتي :

في شي لازم تعرفيه ... وهو :

كل ماتأخرت وطولت فترة الخطوبة .... تكثر المشاكل بين المخطوبين ...

خذيها قاعدة في بالك ...

وانشالله بعد الزواج راح تزول المشاكل أو انها تقل ....

ولا تنسي : ان عمركم متقارب ... خلينا نقول : في بداية حياتكم .. وأكيد كل واحد عنده خبرة قليلة في مسألة الحياة الزوجية ، وكيفية التعامل مع بعض ...
ولأنك شايفه وحاسة انه مو أكبر منك بوايد ، عشان جذي تتمادين عليه بالصراخ ...
فلو انه أكبر منك ب4 سنين أو أكثر : راح تحسي بأنه أكبر منك وأعقل ولديه خبرة في الحياة العملية وووو .... يعني راح تحترميه أكثر لكبر سنه ، وهو راح يفرض احترامه عليكي ..

ونصيحة مني يانجود :
الاحترام أهم شيء في الحياة الزوجية ... لازم تحترمي زوجك ، ولازم زوجك يحترمك ..
وإلا كل واحد راح يفقد كرامته ...
يعني حاولي انك تضبطي أعصابك عند الخناق ... عشان هو مايتمادى عليكي ... لأنك لو صرختي وتطاولتي بالكلام ، راح يتمادى هو بعد بالكلام والصراخ ..
يعني حبيبتي : المرأة هي اللي تقدر تضبط أعصابها أكثر من الرجل .. حاولي مرة مرتين حتى عشر ... انك تضبطي أعصابك ..
ومافي داعي للغيرة اللي مالها معنى ...
لأني لاحظت من كتابتك : انكم تتخانقون لو طلع وما قالك .. أو انه مااتصل. حاولي عزيزتي انك تمَشي الأمور وتاخذيها بروح رياضية ...:cool2:

هذا رأيي الشخصي ...

بس عندي سؤال :
هل انتو ماخذين بعض عن حب ؟؟؟

أ

أنا وأنت

عروس رائعة

29-07-2004 | 11:48 AM

:up::up::up:

أنا مع أختي مرموم في كلامها ..

ا

الفارسيه

عروس متألقة

29-07-2004 | 11:55 AM

تجولين عمرج 17 وبرمضان تكملين سنتين يعني كان عمرج 15 ونص يوم ملكتي :rolleyes:

والله صغيرررررررررررره توج وماشفتي شي من هالدنيا

ماعلينا دامنج تحبينه وتمت الملكه فأنت عيل مره ولازم تحكمين عقلج
ترى 17 في هالزمن تعتبرين صغيره وباللفه :D2 بس الله يرحم زمان اول البنت 9 سنين شايله بيتها شيل

المهم انا اتوقعج بالفعل عاقله ورزينه وهالامور لازم تدبرينها مع خطيبج عدل
يعني هو يشد وانت رخي
يوم يعصب ابتسمي
وبطلي عناد وعصبيه ولا تتنرفزين على الفاضي صدجيني الرجال يطفش
وانا افضل دامنه لسه بينكم سنين زواج ليش ماتخلين الاتصال معه بحدود وبين فترات بعيده
يعني خلي يزوركم بالشهر مره والاتصال كل اربع خمس ايام يتصل مره يسلم ويتكلم لمده 10 دقايق لا اكثر
صدجيني قلة الكلام واللقاء تبعد المشاكل بينكم وربج كريم ليه تزوجتي وبكذا تكونين ملهوفه عليه ويكون ملهوف عليج وبأوقات اللقاء والاتصال مايكون في عتب وملام بالعكس بتكونون تبون تعدي هالدقايق السريعه بكلام حلو ولطيف :smile:

وخلي لقاءه معاج يكون بجلسه عائليه ولو حابه تجلسون لحالكم يكون نفس الشي لمجرد ربع ساعه لا اكثر

الله يسعدك

ن

نجمة الفجر

عروس رائعة

29-07-2004 | 01:24 PM

ماشاءالله تبارك الرحمن 17 ومخطوبة:confused::rolleyes:

ياحسرتي انا:D2

الله يوفقك عزيزتي..والله ما احسدك ولاشي..بالعكس اتمنى لك الخير والله يهديك ويكبر عقلك ويريح بالك بعد

<--دعوة خالتك:D2

بس اذا انتوا كذا شايطين دايما قللوا من الكلام

الله يعينكم والله:pain::pain:

ا

الزاهية

عروس نشيطة

30-07-2004 | 03:18 AM

حاولي تتفقي معاه انكم ما تتكلموا غير مرتين بالاسبوع حتى ما تملوا من بعض وبعدين حتى تكون فيه مواضيع كثيره عشان تتكلموا فيها يمكن الصراخ والعناد لان ما عندكم موضوع خاصه اذا كانت الاتصالات يوميا اقصد يعني من اليوم لين بكره ما فيه موضوع جديد ف عشان كذا مره او مرتين ف الاسبوع بيكون فيه مواضيع كثيره غير الصراخ والخناقات وبعدين اذا ما عودتي نفسك من الحين تحترميه ف ما بتقدرين بعدين سوي معاهه اتفاقيه اهم ما فيها الاحتراااااااااااااااااااااااام على الاقل عشان اولادكم بعدين .

ا

ام ميرال

عروس متألقة

30-07-2004 | 09:17 PM

الله يهدي سركم
حاولي تقللي من عصبيتك شوي

حاولي تتصرفي بحكمه اكثر وتذكري دائما انك صرتي امرأه متزوجه ومسؤوله عن تصرفاتك

حتى لو زوجك صغير لاتخلين المشاكل بينكم تكثر

ومثل ماقالت احدى الاخوات قللي المكالمات بينكم حتى مايكثر الاحتكاك والمشاحنات وبالتالي تكثر المشاكل والخناقات خصوصا ان الزواج لسا

والله يوفقك يابنتي

:smile:

م

مذهلة البحرين

عروس فضية

31-07-2004 | 12:03 PM

ويه يا احليلكم:D2

ف

فجر البحرين

عروس مشاركة

31-07-2004 | 04:29 PM

عادي تصير هذي الأشياء بين المخطوبين

والحمد لله أنه يحبش ويرد يتصل لج يراضيج وهذا بحد ذاته يريحج حبيبتي ولازم تحافظي عليه وتخففي أشوي من عصبيتش الزايده ترى لرجال ما يحبوا المرة النكديه

أتمنى لكم التوفيق في حياتكم

ح

حنين العشاق

عروس مبدعة

05-08-2004 | 01:19 AM

حبيبتى نجود انت بعدك صغيره
على الزواج وبما انك ممكله فخلاص
صرتين مرأه... مسؤله عن زوج وتحاسبين على
تصرفاتك
عزيزتي الحياه الزوجيه حبل والطرف الاول الزوجه
والثانى زوج
فأذا شد الزوج والزوجه شدت الحبل ينقطع
واذا الزوج شد والزوجه ارخت ماتأثر الحبل
وحطي ببالك فى الزواج مافي كراامه يعنى كررامتى ماتسمح لى
انى اسكت لما زوجي يصرخ عليي
مهما كان صدق انه صغير خطيبك بس بعد عنده خبره
بالحياه ولو انها قليله
فكلما صرخ انتين ابتسمين ولا تحاولين اتعاندين
لان عنادك ماله فايده الا خراب بيتك
ومثل ماقالوا البنات حاولي تقللينمن
زياراتك ومكالماتك علشان تقل مشاكلكم
ولازم يكون فيه احترام اذا ماكان عندكم احترام
تتوقعين اولادك بيحترمونكم
وفى النهايه احب انى ادعي لك
بالسعاده والهناء .... وربي يبعد الزعل
عن كل المحبين